.
.
.
هذه تجربتي الثانية بعد ان خلاص استغنيت عن الصبغات الكيماوية
واللي تأثر فيها شعري كثير
شعري الابيض صار يلق من الحمار هههههه ..
كنت صابغة شعري شهر اغسطس بلوك احمر كأول تجربة لي ..
والنتيجة كانت مبهرة وكثير اعجبت فيها .. ولله الحمد
وهنا رابط التجربة الاولى ..
http://forums.3roos.com/t478659.html
.
.
.
نجي الحين لتجربتي الثانية اللي سويتها للعيد ..
لوك جديد عليي كليا ..
ولا عمري جربت اسوي لون كستنائي ..
هذه المرة ..
قلت خليني اغير واشوف كيف بيطلع شكلي ..
اذا ما حلو عادي ترا الشيلة موجودة موجودة ..
تغطي المستور ..
وعاد [BLINK][COLOR=red]ابو عبدالله [/BLINK]الله يساعدوه ع اللون الجديد ههههههههههه [/COLOR]
المهم انا كثير استفدت من موقع عروس
وهنا مواضيع كثير رائعة تفيدكم في الاهتمام بشعركم ..
لون كستنائي سويته قبل العيد بيومين
ترا العيد عندنا بالسلطنة كان يوم الاثنين
مو مثل باقي الدول يوم الاحد <<< لازم نتميز نحن :tongue:
المقادير ..
حنا عماني << انتاجي عماني من شجرة الحنا لبيتنا ع طول .. امي طحتنه وفرمته وصلحته لي وطرشته بعدها .. وكان بذي الطريقة ..
طبعا انتوا بأمكانكم انتم تستخدمون الحنا اللي موجود بالسوق
بس لاني عمانية فدايما نشجع الانتاج العماني .. :D
(y)
لا تنسون الخل .. انا سويت فنجان
بصراحة الخل له مميزات رائع جدا والله العظيم يا بنات والله عليي شاهد ان بسبب الخل شعري رائع جدا ..بخبركم سالفة شعري في نهاية الموضوع علشان الكل يستفيد...
راح نحتاج ليمونة ..
عشبة زهرة البابونج ..هذا اللي بيخلي شعرك كستنائي
نخلطهم كلهم مع بعض ..الا الليمونة .. ونخلي ع جنب لمدة 3 ساعات كاملة
بعدها نضع عليه ليمونة ونمرره عى شعرنا ..
انا استخدمي الفرشاة في مساعدتي ..
وعملت جزء من شعري هاي لايت ..
يعني الجذلة او العرف او القصة اللي قدام عملتها دارك او اغمق اكثر من باقي الشعر ..
ولفيها بالالمونيوم .. وبعدها غطيها بحافظة الشعر ..
خليته ع شعري لمدة 6 ساعات او اكثر ع حسب راحتك ..
غسلته بعدها شامبو lorel الوردي ..
ونشفته دهنته بكريم بالمرز
وبعدها الحمدلله رب العالمين طلع شعري لونه رائع جدا وجديد عليي
لا تنسون ان شعري كان لونه احمر شوي بسبب اللوك الاول او الصبغة الاولى ...
فاعطي شعري بهاء وجمال اخذا
كان بين اللون الكستانئي الفاتح والغامق والحمار الرهيب ..
تقريبا لون شعري صار مثل هذا ...
كان خاطري ارويكم صورة شعري الحقيقي بس لاسف الشديد ممنوع اني احط صور الخاصة
هالمرة ما رحت الصالون ولا شيء ..
لان ما كان عندي وقت اصلا ووقت الدلع ولى وراح
غسلته ثاني يوم وزالت كل بقايا الحنا..
وبدون استشوار ..
كان شعري رائع جدا كأنه مستشور
.
.
.
.... ملاحظة ....
في الاول ...
لما اغسل شعري ..
بعد ما ينشف ينكش .. ينفش ..كأن احد صاعقني وبقوة بعد :confused:
حتى اني اتعب نفسيا .. وع طول ادهن بزيت الزيتون ..
بس ذي المرة لااا ولله الحمد وما شالله ولا حول ولا قوة الا بالله
صاااااااار ناعم لوحده بدون استشوار ولا هم يحزنون
والسبب الخل . انا قريت ان الخل له فايدة كبيرة في طراوة الشعر
وهذا اللي خلي شعري سايح وحلو مثل شعر الهنديات << الحين الهنديات مثل في بهاء شعورهن :ss:
هذه كان تجربتي الرائعة والرهيبة واللي اتمنى اني افدت الكل فيها
بما فيها نفسي واهل بيتي (عمتي وحميتي وزوجات حماايي)
.
.
.
والاهم من كذا ان ابو عبدالله كان مستانس كثير ..
عجبوا الشكل الجديد لزوجته
واشتري لي هدية رائع ...
هدية العيد .. :D
والله يرزقنا واياكم الخير يا رب .. ونكون من اولياء الله الصالحين
