ها تكملة بعد الملكة بيوم راح اتطلق

لا حول ولا قوة إلا بالله
اختي استفتي قلبك وان أفتوك.. إنتي الأدري
موفقة ياربي

الغالية بين الرجل وزوجتة وايد اشياء تصير منها سؤ فهم منها شكوك وظنون ... منها كلام وجارح ومنها حركات بايخة ونزاع ماله معنى

وإذا خذتي بخاطرج من الحين عاد خذي دفتر وسجلي يا الغالية ... والله ما تخلصين بس طولي بالج وهدي نفسج وتفاهمي معاه من الحين هو دامه حسن بالخطأ ترى الله قال خير الخطائين التوابين

عزيزتي .. ماشاءا الله اختي ام سلامه كفت ووفت... ورأيها صح .. مئه بالمئه واضيف لكي نقطه ..

اسمعيني اختي هو لم يرجع لكي الا عندما شعر بقوتك.. وعرف انكي لن تذلي نفسك عشان الزواج.. فقط لاجل .. انه قال انه يريد ان يطلقك...

وايضا انصدم من رد فعلك ,, صدقيني راجع نفسه ...

انتي اخبرتي اهلك ... واخبريه انا اخبرت اهلي.. بموقفك ... وزعلك ... وان كنت تريديني ان ارضى .. تروح بيت اهلي وتعتذر لهم... مايصير ارجع لك وهم شايلين بخاطرهم منك ...

شغله ثانيه اختي ... صلاه الاستخاره هي بما تعني من تيسير الامور وليس تعقيدها ... يعني لو تعقدت الامور ولم تتسهل معناه ان الزواج فيه شيء وانه لايصلح..

وان تيسرت الامور ... تشوفين كل شي يمشي في مجراه الطبيعي وتكونين عايشه الارتياح ... شغله ثالثه لا تحطين عقد..

بما معنى لو تبين الانفصال ... لا تقولين انا عمري 28 واهلي ما ينشد بهم الظهر ومادري ايش .. وهو ما يتعوض وهو مادري ايش .. يا اختي خذوهم فقراء يغنيهم الله ...


يوم تبين تقررين عنه .. لازم تحطين حسابات اكبر من جذي وجدام وايد .. وتحسبين الف حساب.. الزوج او خل نقول الخطيب ممكن اعذره باخطاء كثيره ... حتى لو كان عنده علاقات سابقه معلقه ... لكن لو حطيت نفسي مكانج ... دام هذا اوله ... ينعاف تاليه .. ,والله العالم ليش يبي يرجع ...

ويوم افكر اني اسامحه .. لازم يراضي اهلي اول ويحط لهم حساب ,, وافهمه وين غلطه .. عشان يوم يتزوجني يعرف ان لي ظهر .. وابدا ما ابين له ان اخواني ما ينشد فيهم الظهر او غيره... وابين له ان اهلي هم اول شي بحياتي..

ومثل ما قالت اختي ام سلامه .. يوم ينفذ شروطج .. تطولين فتره الخطوبه .... خليها سنه ... صدقيني بتقدرين تكتشفين كل شي .... لو بيخش شخصيته شهر ما بيقدر يخشها سنه.. مرده بيطلع على حقيقته..

والقرار لج اختي ولا تتسرعين .. قولي له احتاج فتره بيني وبين نفسي وبرجع لك بالموضوع ... وناقشي اهلج وخصوصا والدتك... ولا تنسين مثل ما اهان ابوج يرد اعتبارج ويستسمح ...

ام جنى

حبيبتي تقولين عمرك 28
وان اهلك لاموك في الموضوع الأول وان الكل يتشمت فيك
و ان الرجال جا واعتذر .. ويمكن انحرج قدام اهله عشان جذي قال لج حجي يجرح
حبيبتي الرجال لما يعصب يقط كلام ما يستوعبه الا عقب كم ساعه
تلاقينه يعتذر .. انتي اكسبيه ..
و اذا انفصلتي عنه راح يزيد الكلام عليج ..

وانتي شوفي الأنسب لج حبيبتي

أستمرى فى الأستخارة بس واضح انه حس بغلطة وانتى لو فتح الموضوع تانى قوليلو انت فهمت غلط
وماتسمحيلوش يجيب سيرة أهلك أبدا بالسوء
دى عين حسود بعد الملكه صابتك أقرى سورة البقرة حصل معايا نفس الموقف تانى يوم شبكتى بردو جوزى معجبهوش استقبال والدى لأهله
وقالى كلام جارح بس أعتذر بعدها والأيام بتنسى واتجوزنا دلوقتى فى اول الجواز مكانش طايق اهلى بس بعد كده بالدعا سبحان الله بقى كويس لأنى قولتله زى ماهتعامل أهلى هعامل أهلك
ومش بسكت على الغلط فى أهلى

بصراحة كلمته قويييييية لك

خطيبك باين عليه غامض

اممممم

يبغى لك دراسة الانماط ادرسيها عشان تعرفي تتعاملي معاه

اللي تبين لي انه جنوبي بس غربي شرقي الله اعلم(f)

استمري على الاستخارة والدعاء والله يقدر لك اللي فيه الخير..

الله يكتب لي و لك الخير

عزيزتي لاتتربطي بانسان الا اذا كنتي مقتنعه فيه مو لان انتي كبيره وللعلم انتي مو كبيره عمرج مناسب للزواج

اختي انا اشوف ان خطيبك فعلا غلطان بس مهما كان في النهايه هو انسان وماهو معصوم من الخطأ ويمكن ظروف السفر والتعب مثل ماقالج خلته يعصب ويمكن ان سبب له احراج موقف والدج الي ادري انه غير متعمد

عزيزتي مثل هالمشاكل تصادف يوميا اي اثنين متزوجين وبعدها ترجع الامور طبيعيه ولو كل ثنين تهاوشوا انفصلوا كان مافي حد متزوج الحين خخخخخخخخخخ


عزيزتي انا ماقولج اخذيه او لاتاخذينه انا اقولج فكري عدل في الموضوع ترى مشكله الانفصال اكثر من مره حتى لو كان مالج يد فيه بس الناس ماترحم

تمنياتي لج بالتوفيق

حبيبتي الله يكون في عونك
انتي استخيري مرة واثنين وعشرة ... ابدا لاتخلي في بالك انك كبرتي والكلام هذا وتقرري على هدا الاساس لانك ماتدرين وين الخير ووين الشر يعني يمكن خير لك انك ماتكملين معاه واكيد انتي عارفة هالشيء بس ابغى اقلك انه لاتحطي في بالك انك كبرتي وممكن تعنسي والكلام الفاضي هذا

لو في امكانية انه يجيك البيت وتجلسي وتتفاهمي معاه يكون افضل لانك بتحسين انك مرتاحة له او مش مرتاحة من خلال كلامك معاه

وبالاخير القرار لك وحدك لانها حياتك انتي لا تخلي الظروف والناس تضغط عليكي

وبالتوفيق
دعواتك

أختي الحبيبه
الله يكون بعونج ويوفقج
حبيبتي ماحد يقدر يلومج لان هذا قضاء الله وقدره
ولا يهمج كلام الناس والشماته اللي يقولونها
استخيري واذا ارتحتي من ناحيته توكلي ع الله
واذا مارتحتي لا تغصبين نفسج لانج بتعيشين معاه طول عمرج
واذا ماسخره الله لج لا تقولين بعنس هذا قضاء وقدر الله
ريلج ان كان مسوي جذي انتي بنفسج راح تلومينه ومدام انه مسوي معاج جذي
عشان الضيافه الله العالم شنو بيسوي معاج بباجي الايام اذا تزوجتيه
اختي الحبيبه
لا تصرين نفسج عليه
لا تغصبين نفسج فيه
لا تقولين عشان حجي الناس
دعي الايام تفعل ماتشاء وطب نفساً اذا حكم القضاء
حاولي تفكرين بالموضوع بنفسج
وماحد راح يحل مشاكلج غير ربج لا تتوكلين غير على ربج
وامج فهميها انه موب منج عشان انها تلومج
وقولي لها هذا قضاء ربج عشان توقف معاج
وواصيج بالاستغفار وصلاة الليل
موفقه ياختي

الله يوفقك حبيبتي

خلاص سامحيه بس حطي حدوود اذا تكلم عن اهلك

قوليله لا تغلط على اهلي و تحترمهم وتقدرهم

و اذا على العادات ان شالله نقدر نتفق مع بعض ونشوف شنو اللي يناسبنا

يعني عطي اهلك هيبه

و لاتخلينه يغلط عليهم مرة وحده بالمستقبل

والله يسخره لج حبيبتي

طمنينا عنك اختي .. شو اخر الاخبار؟

ربي يكتب لك الصالح :)

ما ادري اش اقولك اختي الفاضلة بس اشوف اولا انك تستخيرين و تشوفين نفسك هل انت ملاتاحة ن ان عاد لك و لا لا و انا اشوف انك لازم تعذريه على الكلام اللي قاله في حق اهلك بس انا اعتبر انو هل الكلام في حالة غضب قالوا لاو يحبك و ما يبي انك تظهرين قدام اهله ما تعرفين في الاصول فارى انك تعطينه فرصة ثانية و ربنا يوفقك

كيفكم مشكورين للردود وانا مستمرة بالاستخارة الحين كل شوي يدق ويقول يبغا يعتذر لاهلي وجاب لهم هدايا واول مرة بعدفترة يقول انه ندم عل الي سواه وقال مابي اهلك يكرهوني

إذا ما تحسين بالامان معاه ابدا لا ترجعين له

لانج بتكونين في رعب مستمر

ان شاء الله يكون حس بغلطته فعلا و اكيد ان شاريج دام ان قال يبي يعتذر لاهلج ... و ان شاء الله اللي فيه الخير الله يسويه و ربي يوفقكم و يسر اموركم