شاركوني هواجسي...

موضوع حلو لي عودة مرة ثانية ان شاء الله(y)

حبيبتي انا بعد كنت مجرد ما افكررر اخاااف واقول لا بعد كم سنة
بس الحين ولدي صار عمره 2 حسيييته يمل يحتاج لاخ او اخت يلعب معاه
فان شاء الله ناوية احمل ادعووولي.. فعادي لا توسوسي فكري تجيبي اخ او اخت لودك وولدك ما شاء الله كبير 3 سنوات يالله شدي حيلك :)

مرحبا

بصراحة جذبني الموضوع

انا بنتي توها ثلاثة شهور
وكل ماتذكر العذاب اللي عشته اخاااااااااف
رغم اني اكيد ابي لها اخ لو اخت تونسها وتونسنا

خلوني اقولكم قصتي وانتوا احكموا لي الحق من الخوف ولا لا؟

انا ولدت بنتي قاصر
سبعة شهور و4 ايام

الي تعبني في الولادة الطلق بس هذا كوم واللي شفته بعد الولادة كوم
يعني انا عندي الولادة والطلق كان ارحم من اللي سووا فيني المستشفى حسبي الله عليهم والله ياخذ لي حقي منهم .. طولت عليكم سامحوني بس حبيت اطلع اللي فقلبي

المهم

بعد ولادتي ماعطوني بنتي لانها صغيرة بس نظرة من البعيد وهيه تصيح وخذوها مباشرة للحاضنة
وجا وقت الرعب الأعظم.. الخياااااااط اللي للحين احس بألمه :confused:
اسمع اللي ولدتني تقول لي " انا ماشقيتش انشقيتين بروحش؟!!!!"
ياعجب الله انشقيت بروحي يعني شنو؟؟!!!!!!
تقول لي لا تخافين بخيطش بس غرزتين وخلاص
سلمت امري للباري وقلت يالله سترك
سمعتها بلحظة تقول " الدم مو راضي يوقف!!! ولا ادري من ويطلع!!!! "
قالت هالجملة للي وياها ومتوقعة اني مو وياهم ع الخط من تعب الولادة
تفكر ما عندي حواس وياها .. فز قلبي يوم سمعتها وقلت سترك يارب

وبعد الجملة المرعبة قالت الجملة اللي اقوى رعب من الثانية
تقول: " مو راضي يوقف الدم بسده وخلاص!!!!!!!! "

وا ويلاه راحت علي:confused:

سدت المكان بالخياط وقالت لي يالله خلاص
" ارتاحت المرة لأنها افتكت من المهمة اللي عليها " لان ماعليها بالمصايب اللي بعده
طبعا مو على ظهررها:( ضمير صاااااحي

وانا اللي كنت متوقعة ان مايشقوني وبتخلص من الخياط لان طبعا بنتي حجمها صغيييير
وزنها كان كيلو و 700 فهل تحتاج المعاناة اللي عشتها ويوم انها قالت لي بخيطش قلت لها ليش الخياط وبنتي هذ حجمها ووزنها !! قالت لي جملة الرعب " انا ماشقيتش انشقيتين بروحش؟!!!!" يااااااالله:confused:

طولت سامحوني بس من القهر اللي فيني :ss:

المهم بعدها ودوني داخل الغرفة المجاورة وولحين مانزلوني الجناح
قعدت مع زوجي ويعبر لي عن فرحته بجية الحلوة اللي تنسيني كل شي بضحكة وحدة الله يحفظها :)

ويوم راح عني كنت ابي ارتاح بس تكرمون احتجت الحمام " الله يعزكم" وجت الممرضة
وساعدتني على المشي ودخول الحمام المهم اول مرة ماحسيت بشي وثاني مرة
دخلت حسيت بإنتفااخ مثل الكرة .. وقلت بنفسي هذا شنو !! طبيعي ولا لا
ومباشرة قلت للممرضة في انتفااخ عادي ولا لا .. قالت الحين بنادي الدكتورة تفحص
وجت الدكتورة قالت بفحص ونطقت بالكلمة اللي طيحت قلبي برجولي!!
تقول لي هذا ورم .. اقولها شنوووووووو اي ورم شسااالفة

تقول لازم ادخل يدي وافحص قلت لها اوكي شدراني بالألم شلون
تخيلوا خياااااااااااااط وتدخل يدها كلهاااااااااااااااااااااااا :confused: آآآآآآآآآآآآآه والف آآآآآآآآه
وياليت كانت مرة وحدة كانت بين الفترة والفترة تجي تعطني جرعة هالعذاب
فوق العشر مرات تخيلوا والله انه اكبببببببببر من الم الولادة(w)

كل لحظة وانا اصرخ من الام ومن يهدأ الألم تجي تفحص وقالت لي ما بتنزلين الجناح الحين
لازم تظلين تحت الملاحظة ست ساعات وبعدين تنزلين لانه في انتفاخ بحجم اللوزة واكبر بشوي لازم نحط ثلج ونشوف اذا خف الانتفاخ مافي خوف واذا ماخف لازم فتح الجرح وخياط من جد وجديد!!!!!!! :confused:صبرك يارب .. واستسلمت للأمر الواقع
خف الانتفاخ شوي ونزلوني الجناح لكني كنت احس بانتفاخ صدق كان اصغر بس كان يألم
يعني الانتفاخ ماراح كله وظليت ع الثلج ورخصوني بعد ثلاثة ايام
وكنت بين عذاب المستشفى روحة وجية لبنتي علشان الرضاعة لانها ظلت بالحاضنة
وبعد اسبوع كنت احس الالم يزيد ورحت الطوارى بعد مارضعت بنتي لانه بمثل المشفى
وفصحتني الدكتورة ورجعت لي الم الفحص اللي خلتني اصرخ صرخة دوت المكات وسمعت الكل وعطتني الطامة الكبرى .. لازم ترقدين عندنا وفتح وخياط من جديد .. ليش .. لأن الخيااااااااااااط غلط :confused: مابعبر عن شعوري اتوقع حاسين بإحساسي

يالله .. قلت لها يعني شنو؟؟ اول مرة اسمع بخياط غلط
تقول لازم قلت لها ولو ماسويتها تقول بصيدش مالا يحمد عقباه
ورم ورم يعني يشيلون الرحم كامل وغير المشاكل اللي بتصيدش اول!!

الأمر لله ولا حول ولا قوة الا بالله العلي العظيم :confused: انا لله وانا اليه لراجعون

ورقدوني وتميت انتظر وطول انتظاري وزوجي ويايي وانا كل دقيقة اغير رايي
وزوجي يقنعني يقول لي توكلي على الله وهو خانقته العبرة
وجا الوقت دخلوني غرفة العمليات بعد كول انتظار
وانا احس ان مدخليني قبري.. قلبي ينبض بسرعة اتوقع كانوا يسمعونه ينبض !!
وعطوني البنج الكامل اللي خقت منه وتوقعت اني ما اصحى منه
لان ماصار عندي ثقة بناس ما عندها ضمير ولا احساس بالمرة
غمضت عيني وفتحت بألم مو طبيعي اللي هو الم الخياط
وكان ثقيييييييييييل وضحكت ضحكة الم تصرخ من داخلي
لاني ولدت مرة ثانية بس بدون بيبي بجنبي
بنتي بالحاضنة والحين بدون بيبي ... آآآآآآآه يا قهر

نسيت اقولكم ان اول ماقالوا بيودوني العملية قالوا ان بيودون بنتي مستشفى ثاني
لانه حالتها استقرت ومحتاجين مكانها لازم تنتقل مستشفى ثاني

آآآآآآآآآه شنو هذا وين الاحساس يعني بعد عذاب طلعة من المستشفى وروحة وجية لبنتي في مستشفى ثااااااني !!! حاولنا ولا فادت المحاولة !!

وبعد العملية تميت عندهم بس اول يوم انحرمت من شوفة بنتي وثاني يوم طلعت ورحت لها
وقتلتني السيااارة من الالم ويوم رجعت فحصوني وقالوا ان اوكي

تتوقعون انتهت المعاناة بعد العملية .. لاااااااا للحين مستمرة

لاني اكتشفت ان الخياط من غرزتين اول مرة الى خياط من داخل وبرة بعد العملية
ولا بعد الخياط على جنب واحد بس .. مادري شلون صايرة هذي؟؟

والحين المشكلة اللي اعانيها ألم مو طبيعي اثناء الجماع:confused:
احس بمسمار بداخلي والله يخوف وانا ميتة من الخوف اني اعيد التجربة

تتوقعون ناسين ابر بداخلي .. هههههههههههههه مو بعيدة والله العظيم
:confused::D



كل هذا على بنت وزنها كليوا و 700 لو كانت كاملة شبيصير!!!

الله ياخذ حقي منهم :confused:

مو كل حي بداخله احساس حي!!

تعب صمتي