شلون تنظمين يومج

هلااااااااااااااااااا بسومه

يلا شاركينا يومياتش

اكيد منستفيد منش في ظل الضغط الي عندش

هلا بالنشيطات اني خلصت ترتيب ملابسي بالكبت وشلت الملابس الي مااستخدمها خاصة بعد ماتغير جسمي من الحمل والولادة كلش ماكو امل ارجع البس الملابس ماقبل الحمل ؟ ههه
هذا انجازي لليوم

عندي مشكلة

شقتي صغيرة ولما اطبخ تنتشر ريحة الطباخ فيها وتثبت وماكو تهوية عندنا بالصالة مسكرة واخاف على ولدي لو فتحت نافدة الغرفه مع ان نافذة المطبخ افتحها والشفاط اشغله واخاف استخدم بخور اومعطر لان ولدي صغير اخاف يتحسس من قوة العطر
شقتي على طول ريحتها غير مستحبة لهالسبب ريحة القلي والسمك والبصل والطبخ

ابغي صابون ملابس قووووي لأقمصة زوجي دايم جنب الكلر اسود ومايروح ؟؟؟ ينفع للاثنين نصحوووني

وصابون لولدي ينظف ملابسه استخدمت له قالب مبشور بس ريحته مو شيء خايسة

مسز عادل باينة النظافه ماشاء الله شوقتني انظف الميكروويف تبعنا هههه


كويتية بجامتك حلوووة هههه اقصد ترتيبك حلو

يعطيكم العافية


موووضوع يجنن

السلام
انا اليوم زرت اهل امي وباجر بقعد بالبيت استعد للدوام ليوم الاحد هههههههههه
وبانتظار صور ترتيبكم

مرحبا الأم الحنون

ما شاء الله انجاز مع وجود البيبي و ان شاء الله الفال لباقي الشقه هههه

عن الريحه سكري كل الأبواب و انتي تطبخين علشان ما تنتشر الريحه وممكن تفتحين الدريشه و تهوين الغرفه و تبخرينها وولدش في غرفه ثانيه بعدين تنقلينه من الغرفه الي هو فيها و تسوين نفس الشي

وعموما إذا مو حابه تستخدمين البخور عندش طرق تعطير حلوة هوي الغرفه و انتوا بغرفه ثانيه و بعدين بدلي مكانكم وسوي مثل الشي وبعد ما تتهوى الشقه ممكن تستخدمين معطر جو في نوعيات تقضي على الروائح الغير مستحبه مثل آوست و غيره

وممكن تستخدمين فواحه و الأحلى انش تحطين زيت الفواحه على كيس المكنسه وبعدها تكنسين و يتعطر بيتش بالكامل و اني اسوي هالطريقه وعند جد روعه



بالنسبه للملابس عندي منظف يزيل البقع و ILSHJ كانت سائله عن شي للبقع و هو يزيل السواد من على الكلر

هو من هاي الماركه




وشكله يشبه هذا




المشكله اني مو في البيت كان صورته ان شاء الله مره ثانيه واني اخدته من انصار غاليري

وعن ملابس البيبي كنت اغسلهم بنفس صابونه بس بروحهم و مرتاحه على الطريقه عادي ما ادري ليش نخصص صابون غير ما حسيت ان بشرة طفلي اتأذت

مسوزة انا استخدم فينش
شرايكم فيه

ولا مره استخدمت فانيش الرش بس استخدمت الحبيبات وما حسيتها مفيده

بس اختي معتمده عليه و عاجبنها

الأم الحنون لما كانت بنتي في عمر ولدش كنت استخدم حق ملابسها صابونة جونسون مال استحمام للبيبي حق إزالة البقع بس من كبرت شوي صرت استخدم لها نفس الصابون إلي نستخدمه حق ملابسنا بس كنت أفصل ثيابها عن ثيابنا أو من صار عمرها سنة وأربعة اشهر فكرت أنه ما له داعي إني افصل ملابسها وأسوي حقي ألف شغلة في كلتا الحالتين الغسالة بتغسلهم فصرت أغسل ملابسها مع ملابسنا بس مال لطلعة أغسلهم على إيدي علشان ما يتبهدلونا

ام نور

اني ظليت اغسلهم بروحهم لعمر السنه و بعدين قمت اخلطهم

للحين طبعا ماكملت شغل << اصلا مايكمل الشغل كلش
البارحة غسلت اخر غسلة ونشرتها ومن التعب نمت

ومن قعدت من الصبح سويت الريوق وتريقت مع الحلوين وشغلت الغسالة وتوني مخلصة ،، ورتبت الاسرة

والحين قاعدة اشرب شاهي خخخخ عشان اروح اكمل تنظيفاتي وابدي مراجعة للحلوين

مسوز :083:
حبيبة وغاليه خيه الله يعطيش العافيه انشالله على الكرف وكسر خاطري الفرن يوم اتفتقينه لكن يستاهل بعد طول كرف تسبوحه محترمه:022:
خيو بسألش ليش من اتخلصين من الطباخ ما اتمشينه يتراوى لي بيطلع اسهل اليش وبالنسبه للثياب اعينش الله على الماي
والله يساعدش على حسون وما عليه شر:0100:


زعفرانه
مبروك التقفيض وترتيب الثياب اكره شغله خصوصا القطع الصغيره اتملل في تنشيرها وتصفيطها

ام نور وعلي
الله يعينش خيو على قعدت الصبح ما اجي الليل الا الجارج امخلص

كويتيه
الله يوسع عليش خيه
حماتي مثلش بس غرفتين وحمام وبين الغرفتين ممر عريض سوته صاله
مثل ما قالت مسوز استخدمي البوكسات بتريحش وبخفف عليش
اني بعد من حجم مطبخي ثلاجتي في الحجره الثانيه
خيو اشتري ليش فرن كهربائي اللي في بيت ابوي ماركة شارب جنه
داخل اطبخين فيه وفوق طباخ عادي

استخدمت فانش البخاخ فاشل ما عجبني ما يزيل بقع الموز امس رميت فانيلتين والجايات غير هذا واني استخدم مريله لوقت الاكل بس ما فادت ويه علوي
بخصوص غسالهم العادي استخدم الصابون المبشور بس ما عجبتني ريحته الحين الصابون المعجون اللي ابيعونه في رامز ريحة في الغسال حلوه


الام الحنون
اذا ما عندش فواحه وزيوتها تقدرين تغيرين لشي بسيط حطي ماي وفيه لوكس سائل يطبخ على النار بتغير لش من ريحة المكان شوي اني بعد صالتي ما فيها تهويه صدق ما اطبخ بس احسها كل امكتمه بطلي الدريشه شوي الصبح او الظهر مالت المطبخ لان المكان يحتاج شوي تهويه حتى لو ما في روايح الطباخ لازم اجددين هوا الشقه لصحة بنتش

مرحبا بنات

ilshj

خيو حتى لو ينمسح لازم نسبحه من وقت للثاني خخخخ

لأن الزجاجه الي في باب الفرن تدخل فيها الدهون حتى لو مسحتينها ما تطير لأن هي داخله من تحت و لما فكيتها نظفت تحتها و صار الفرن يلمع و بحط الحين الصورة

مثل الثلاجه مرات تمسحينها بس لا بد من حمام مغربي خخخخخخخ


بالنسبه للبقع جربي المنظف الي قلت عنه وبعد الحين بصوره لأن رجعت الشقه و حاولي وقت الأكل تبدلين البدله الي عليه

شوفي اني كنت اخصص ثياب للصبح وما بعد الغدى الي فيهم بقعه او شي علشان وقت الأكل لو توسخوا ما عليهم اسف و العصر اسبحه و البسه بدله محترمه

و حاولي البقعه تنغسل في نفس الوقت حتى ما تلتصق وسمعت ناس يقولون الصابون القطع يروح البقع ولا ادري

انتظري الصور

كويتيه
الله يوسع عليش خيه
حماتي مثلش بس غرفتين وحمام وبين الغرفتين ممر عريض سوته صاله
مثل ما قالت مسوز استخدمي البوكسات بتريحش وبخفف عليش
اني بعد من حجم مطبخي ثلاجتي في الحجره الثانيه
خيو اشتري ليش فرن كهربائي اللي في بيت ابوي ماركة شارب جنه
داخل اطبخين فيه وفوق طباخ عادي

تسلمين حبيبتي انا حتى ممر ما عندي ال صغير وحاطة فيه كبت للاحذيه

تخيلو بنات اني شارية شكثر اغراض من ايكيا ودايسو وللحين ما رتبت غرفتي كلها ههههههههههه
قلت على الاسبوع الجاي باخذ خدامة امي واخليها تساعدني

عدنا بالصور

هاي صورة باب الفرن ما صورته كامل

و شوفوا شلون الزجاجه الي عليه مو هي المخططه هي الي تحت وفوقها وحده ثانيه سادة و بينهم يتخشش الزيوت





و هاي صورة المنظف حسيته اوكي حتى الرمان يطيره




و هاي صور زيوت الفواحات الي عندي كلهم من بودي شوب أخذتهم بالتخفيضات و الأسود هالمره اخدته و للحين عليه تخفيض ب 750 فلس فقط و الأزرق من دايسو على فراوله ب 600 فلس بس مو حلاة بودي شوب





كويتيه توني شفت ردش و اني انزل الموضوع انتي شقتش بالضبط مثل اختي و في الممر الصغير الي بره حاطه الثلاجه اذا يكفي ليها حطيها بره و طلعي كبيت الجواتي بره الشقه

الله يعطيش العافيه بسومه

تعب صح؟؟؟

متى السفر إن شاء الله؟؟؟

الله يعافيش خيووو
تعب والف تعب << الله المعين يوم انام مااحس لجسمي احس الحين براحة لان نمت والحمد لله رب العالمين على نعمة النوووووووووووم

اي سفر ؟؟؟؟؟ظ

السلام
انا ماسويت شي بالويك اند كنت معزومة خلال هال3 ايام

هلا كويتيه يا ريت تراوينا صور الأغراض الي شريتينهم

بسومه تقولين جهزتين أغراض أولادش لأسبوع في بيت أبوش قلت يمكن بتروحين المدينه مثل ما قلتين !!!!!

اليوم بنات متحيره شسوي

ملل احس لازم اسوي جدول بأسرع فرصه بس اني اذا فضيت ابي اريح شوي و انسى سالفته