افضل جنسية للخدم؟؟

الخدم وما ادراك ما الخدم :( موضوع ذو شجون
بس للاسف صاروا شر لابد منه:badly: واصابعك مو مثل بعض :-# هي بالاساس مسالة حظ:-#
انا كانت عندي فلبينيه مسلمه من مندناوو كلمه روعه شويه عليها يصراحه نظيفه وسريعة بديهه والشغل تمام والاهم من كل شئ عيالي تحبهم وتخاف عليهم كانهم عيالها:cool:
بقيت عندي ماشاء الله تسع سنوات بس للاسف سافرت :'(
ومنها ما ترقعت جربت بعدها كذا واحده بس هيهات احصل مثلها سواء فلبينينه او جنسيات ثانيه:mad:

انا والله معاناه منهم .. كنت اجيب سيرلانكيات زمان بس مايدخلون المبطخ لاني اتقرف منهم
والحين اجيب اندونيسيات انواع قلة الادب والمشاكل والسحر وحب الجنس
لكن هم الوحيدات اللي يفهمن الشغل بسرعه وخاصة للمراه العامله

إختي
ليش القلق و التردد؟؟

صلي ركعتين إستخارة و توكلي على الله

و إذا عن التجارب ترى في منها الجيدة و السيئة
و الخدم بشر
مو أجهزة أو ماركات
ياما ناس توفقو بجنسيات معينة الكل يذم فيهم
بس لأن المقاييس البشرية تختلف من شخص لي شخص لأن النفسيات و البيئات تختلف
و أهداف كل خدامة تختلف عن الثانية
بعضهم إييون و هم محتاجات وشريفات و بعضهم إييون يبون يلعبون عشان الربح السريع

تبين تجربتي؟

انا جربت أييب فلبينيات مرتين
أول مرة يات لي وحده عندها نص درزن عيال و كل يوم تصيح لدرجة قامت تبوس ريولي عشان أرجعها ديرتها لأنها مب قادرة على فرقا عيالها... و رجعتها بعد صبر دام أسبوعين فقط
ثاني مرة و من نفس المكتب يبت بعد فلبينية مشتغلة في دبي و الكويت ... الله لا يراويج من وقاحتها و رافعة خشمها تقولين إحنه نشتغل عندها مو إهيه يايه تشتغل عندنا و كانت مب عدلة وعندها بوي فريند روسي و تلفونات و أرقام و بلاوي و كانت تبي تطلع إجازة ... و أنا في الليل ماكنت أنام كله صياح و نياح و خوف لأنها كانت فعلا كرمج الله (.....) أستغفر الله.... ورجعتها بعد بعد أسبوعين و نمت ليلتها نومة من الراحة النفسية
تميت جم شهر بدون خدامة و طبعا من قبل قصتي مع الفلبينيات كنت باطلب هندية بس الله ما أراد و لله الحمد...

عقب قلت ما بادخل بيتي فلبينيات وطلبت سيلانية يازعم مشتغلة في الأردن.. يات بسلامة قدرها و على بالي أحين قمة النظافة و الرقي و كان الحلم كابوساً طبعاً ، كانت قمة الوصاخة و البرود و الغباء و يدها خفيفة في البوق و من النوع اللي ينكر وريحتها الله يعزكم ريحة فضلات البشر "سوري لوعت جبدكم"، هلمرة تخلصت منها بس ما سفرتها عطيتها أم زوجي بعد ما سنعتها بس بعد ما كنت مقتنعة فيها لأن بنتي مرضت مرضات قوية تحت يدها...

التجربة الأخيرة و أتمنى تطول معاي
رجعت للفلبينية
لأن السيلانية لاعت جبدي منها و كانت تتعمد تحرق أعصابي
صج تعبت في البداية مع الفلبينية لأن وايد كانت واثقة من نفسها وسوت لي سوالف مع موبايلها الكحيان بس عموما شغلها نظيف و تسوي أي شي أقوله لها وماتعاندني و صبرت عليها و كسرت خشمها بس قدرت في النهاية أسيطر عليها نوعاً ما...

من خلال تجاربي مع الخدم سواء في بيتي أو في بيت أهلي إن مافي خذامة تيي كلش على مزاجج لأن مثل ما قلت لج هذيله بشر و شي يغطي عن شي...

نصيحتي:
إخذي فلبينية لأنها أنظف و أرتب و أذكى بس شرطي عليها في المكتب قبل ما تاخذينها و إذا وافقت إستلميها و إذا ما وافقت قولي حق راعي المكتب إنج مو مسئولة عن أي مشكلة راح تستحدثه الخدامة في المستقبل "إذا قالج لازم تاخذينها"، أهم الشروط إنها تحترم عاداتنا و دينا بالمقابل إنتي بتحترمين دينها و الموبايل ممنوع لأن وراه مشاكل و بلاوي و البديل إنج تشترين لها بطاقة بودينار شهريا كحل وسط وموبايلها يكون عندج ويوم ما بتسافر تعطينها إياه، و شرطي عليها إنها تلبس اللبس إللي إنتي تعطينها،و مافي إجازات و ما تسمحين بالعلاقات لأن العلاقات تهدد حياتها... و غيره من الأشيه بس أنا قلت لج الأشياء المهمة...
راتبهم للي عندها خبرة من 70 و رايح
و إللي يايه أول مرة 65 ورايح

نصيحة لا تاخذين إلا من مكتب لأن لو صادتج أي مشكلة معاها تقدرين ترجعينها على طول و القانون معاج بينما لو خذتي من إللي إييبون بروحهم فمشاكل وبوقات و ماتقدرين ترجعينها لأن ماعليها ضمان فماتسوى و على قولة القايل "الرخيص يخيص"

سامحيني طولت عليج بس حبيت أنقل لج تجربتي و أنا ما خطيت ولا خطوة إلا و انا مستخيرة لينما الله وفقني ماشاء الله تبارك الله و لله الحمد

نست أقول لج لا تجربين عند الأندنوسيات
من رايي إتمين بدون خدامة و لا تدخلين الشر في بيتج...

و أي سؤال أنا حاضرة لج