كل ما يتعلق بمنتجات افون الجزء الخامس

بنات معلش ابعتولي اللينك بتاع الكتالوج اللي شغال دلوقتي

و مي ميرسي اوي لتعبك معانا وهبص كويس عالبروشور تاني كدة واسالك على كل اللي انا عايزاه بس ماتزهقيش مني يا قمر

مي مسعد;10577304:
العفو ياتوتي...بس مش مظبوط على أدي بقا :o
أنا مش عارفة الفرق لأني جربت البامب أب بس وكانت حلوة جدا والبلامب أوت صحابي جربوها قالوا جميلة برضه وتقريبا الفرق ممكن يكون واحدة للطول وواحدة للكثافة والله أعلم :)

طيب تمام انا ممكن اجبها انا عاجبنى اوى البامب اب اهو اجربها

شوفتوا الصور عاملة ايه وفيه كمان لانجيرى وشنط مش بينزلوا اليه هنا كده مش عارفة

مي مسعد;10577317:
حاجات تحفففففففففة ياتوتي :wink: بس انتي كده جبتيلنا احباط
والصراحة معتقدش الحاجات دي تنزل مصر خاااااااااااااااالص:(
ماسكارا كلرترند الشفافة نزلت مرة أو مرتين بس هنا وملحقتش أجيبها بس عاوزاها جدا
وأقلام الكحل حلوة أنا جبت قبل كده الأسود والأخضر

هههه ربناا ما يجيب احباط بس بجد منتجات مصر عايزة تطوير رهيب
والله طيب كويس ان الماسكرا نزلت جايز تنزل تانى
الكحل متعديش وفيه انواع ياما اوى عن اللى بيزل لينا

ميااده2006;10576491:
مرسي اوى على الكتالوج يامى
وايه الصور الفظيعه دى يارب ينزلولنا حاجات من الحاجات الحلوه دى

هما بينزلوا من البرفانات ونزلوا الفرشاة الصغيرة اللى على مشتريات محددة ويارب ينزلوا الباقى
على فكرة جلر بوند نازل منها نوع تانى كمان وكمان كريستات لاكروا الحريمى نازل منها لون اصفر برضه بره احنا عندنا الحمراءة بس

مي مسعد;10577427:
بنات عاوزة أسألكم على شوية حاجات ف البروشور اللي شغال لأني بفكر أعمل أوردر تاني
سكين كليرنيج منظف ذو رغوة وفيرة ب29.5 ف الفلايرز...حد جربه وحلو ولا ايه بالنسبة للبشرة الدهنية؟؟؟
وأيديال شاد قلم اخفاء العيوب ب27 حلو وتغطيته حلوة للهالات ولا ايه؟؟ والميديام بالنسبة للقمحاويات مناسب؟؟
والمانيكير نيل وير برو ب27 حلو ؟؟ والبمبي الفاتح هوا الروز كوارتز؟؟؟
وحد أخد فرشاة كابوكي الهدية على منتجات الميك أب اللي ب89؟؟ وحلوة؟؟؟
وبرفان سيجنشر الرجالي حلو ؟؟؟
ياريت تجاوبوني بسرعة عشان أعمل بكره أوردر

سكين الغسول انا افتكر دندونة قبل ما تتجوز كانت جابته
اما باقى الحاجات الفرشاة لو حتجيبى معاها حجاجات محتاجها هاتيها معاهم مع انها صغيرة اوى
المانكير سارة جابت منه ومش عجبها
سينجتشر رجالى حلو بس فيه احلى منها فى ايفون

فراولة و توت;10577696:
الحاجات هاى نزلت عندنا فى الإمارات جربت منهم الروج الذهب كلمة روووعة قليلة عليه اعتقد هو اغلى واحد من الأنواع إلى نزلو بس يستاهل ترطيب وريحة حلوة والأحلى انه بيلمع من غير جلوس بس للسهرات بس مينفعش للصبح وان شاء الله ناوية اجيب باقى الألوان لما يكون عليهم عرض

المبرد عادى ما عجبنى

الفراشى حلوة وناعمة

المسكرا ما جربتهم بس الشفافة نزلة جديد هاد الشهر

البراية حلوة لأن فيها للأقلام الكبيرة وفتحة للأقلام الصغير ة

الحلقان صغيرة جدا زى إلى تجيبيهم من الصيدلية الطبية يعنى بمعنى اخر ناعمين

اقلام الكحل حلوة صاحبتى جابت منهم على كلامها

والسلسة شيك وناعمة بس ما جبتها لأنها كانت خالصة
وبس

طيب تمام ميرسى لتجربتك ويابختكم ههههههههه
الروج الدهب نازل عندنا الشهر الجاى شجعتنى اجيب منه

أنوش;10577949:
الحمدلله جمعت اوردر باكتر من 120 جنية ههههههههه فرجت من ربنا
بوكرا او بعده هاروح ان شاءالله اعمل عضوية واجيب الحجات
بس قولولي بنات اليكس الحجات موجودة ولا في حجات نقصت
وكمان البروشور ابتدا من اول الشهر وهينتهي امته ان شاءالله

مبروك مقدما ياقمرو لو كنت عملت اوردر كنت اخدت حاجتك معايا ووفرت عليمكى التعب بس النصيب
المهم هو المفروض البروشور الحالى من 1/11 لحد 30/11 بسس بقولك عشان سمعت كلام انه اخره يوم 27 والجديد حيبدا يوم 29 نوغمبر فياريت تتاكد وتبلغينا الكلام ده صح ولالا من المنسقة

amatalrahman237;10578051:
بنات معلش ابعتولي اللينك بتاع الكتالوج اللي شغال دلوقتي

و مي ميرسي اوي لتعبك معانا وهبص كويس عالبروشور تاني كدة واسالك على كل اللي انا عايزاه بس ماتزهقيش مني يا قمر

البروشور الحالى صفحة 17و18 الفلاير والبروشور نفسه صفحة 20 و21

بنات فيه تحفيز للشهور التلاتة الجاية ودى الهدايا بتاخدها لما تعملى فى الشهر الثالث اوردر ب 200 جنيه مدفوع وده صورته حصرى ليكم وبس متنسوش التقييمات

سوا روج حلوة ؟ وهادية ولا قوية وشبه ايه كده ؟

كمان دولتشى اورا حلوة ولا ايه نظامها

المانيكير اللى فى ايفون حلو ولا لأ اصله نازل الشهر الجاى تقريبا من صورة البروشور انا مش متاكدة بس انا نفسى اجربه

اصلى مش بلاقى عندنا الناس اللى بتبيعه بيبقى معفن اوى تحسى انه دهان بويه مش مانيكير

يا توتي يا جاااااااااااامد
وميرسي كمان على الحصريات يا جميل ... بس انا ليه مش جالي الفلاير ده جبتيه منين ده؟؟؟
وبعدين اللي انا شايفاه مش ده كريم الوش اللي ريحته وحشة ؟؟؟ هههههه واضح انهم مش عارفين يتخلصو منه !!!!

اسكتوووووووووا على الزفت الكريم بتاع الوش اللى جالى المرة اللى فاتت ريحتة زفت زفت زفت

ولا حتى نافع احطه فى رجلى حتى حاجة كده معفنة اوى

انا جربته مرة فعلا على وشى والحمد لله لقيت ماما بتقولى فجاة وشك ماله ملتهب كده ليه زى مااكون محروقة هههههههههه وفجاة قلبت معايا لشبه جرب

وشكلى كده هارميه بس مستخسره العلبة فيه

ايه رايكوا فى الشعر دا ههههههههههه

ARIGOLA;10579158:
سوا روج حلوة ؟ وهادية ولا قوية وشبه ايه كده ؟

كمان دولتشى اورا حلوة ولا ايه نظامها

سوا روج حلوة و دولتشى اورا احلى بس مش عارف مين شبه ايه؟؟!!! :wink:

طيب انا هاجيبهم على ضمانتك وربنا ييسر

متشكرة لردك اوى بس هما هاديين ولا جامدين ؟

ARIGOLA;10579467:
اسكتوووووووووا على الزفت الكريم بتاع الوش اللى جالى المرة اللى فاتت ريحتة زفت زفت زفت

ولا حتى نافع احطه فى رجلى حتى حاجة كده معفنة اوى

انا جربته مرة فعلا على وشى والحمد لله لقيت ماما بتقولى فجاة وشك ماله ملتهب كده ليه زى مااكون محروقة هههههههههه وفجاة قلبت معايا لشبه جرب

وشكلى كده هارميه بس مستخسره العلبة فيه

ايه رايكوا فى الشعر دا ههههههههههه

ههههههههههههههههههههههههههههههههههههههه والله ضحكتينى تقريبا شكله هو الكريم بس مغيرين شكله
هههههههههههكتهم الارف حتى هدياهم منيله عارفه انا عمرى مخدت هديه من الشركه دى غير علبه ايشدو صغيره كده ولونها منيل خالص

يا جماعة من باب العلم بالشيء عايزين نطمن ان السيرم الازرق وصل ونزل في مصر ؟؟؟ ممكن حد يسألنا عليه اذا كان موجود بالشركة وللا لا؟؟؟

يا قمرات عايزة ماسكارا تكثف الرموش تنصحوني بايه؟؟
حتى لو حاجة مش نازل عليها عرض دلوقتي استناها لما تنزل بسعر اقل عشان اجيبها
ايه احسن حاجة ؟؟؟

amatalrahman237;10578051:
بنات معلش ابعتولي اللينك بتاع الكتالوج اللي شغال دلوقتي

و مي ميرسي اوي لتعبك معانا وهبص كويس عالبروشور تاني كدة واسالك على كل اللي انا عايزاه بس ماتزهقيش مني يا قمر

إسألي أنا تحت أمرك ياقمر ومش هزهق خالص بالعكس أنا هكون مبسوطة
سلسيل على فكرة فعلا المنسقة قالتلي ان سوريال خلصت

الحب هو الحياة;10578722:
بنات فيه تحفيز للشهور التلاتة الجاية ودى الهدايا بتاخدها لما تعملى فى الشهر الثالث اوردر ب 200 جنيه مدفوع وده صورته حصرى ليكم وبس متنسوش التقييمات

انت ياتوتي طبعا جامدة دايما:wink: لكن التحفيز مش جامد:)
ومش عارفة أقيمك
على فكرة دا الكريم الهدية اللي جالي الشهر اللي فات ومكنتش طايقاه أصلا يقوموا يجيبوه ف تحفيز:confused:

مي مسعد;10580100:
إسألي أنا تحت أمرك ياقمر ومش هزهق خالص بالعكس أنا هكون مبسوطة
سلسيل على فكرة فعلا المنسقة قالتلي ان سوريال خلصت

ميرسي لردك يا ميوش
يعني مفيش امكانية انها تنزل تاني الشهرده ؟؟؟

ARIGOLA;10579158:
سوا روج حلوة ؟ وهادية ولا قوية وشبه ايه كده ؟

كمان دولتشى اورا حلوة ولا ايه نظامها

دولتشي اورا حلوة جدا

ARIGOLA;10579210:
المانيكير اللى فى ايفون حلو ولا لأ اصله نازل الشهر الجاى تقريبا من صورة البروشور انا مش متاكدة بس انا نفسى اجربه

اصلى مش بلاقى عندنا الناس اللى بتبيعه بيبقى معفن اوى تحسى انه دهان بويه مش مانيكير

اه ياقمر نازل بتاع كلرترند بنص التمن ب12.5 بروشور والألوان بينك وكافيه وموف وسيموني