عاصفة الايام;10487011:
بصى يا ستى انا كان عندى هرمون ال TSH هو اللى عالى كان 120 وهو المفروض من 0.3 الى 5 وباقى الهرمونات كانت متظبطه التى 3 والتى 4 بس كنت عايزاه ينزل بسرعه فالدكتور بتاع الغدد كتبلى على 100 وبعدين لما قلتله مستعجله علشان اجازه جوزى وكده القصه اللى انتم عارفينها دى كتبلى كمان 50 بقيت اخد 150 يوميا حللت من كام يوم والحمد لله كانت النسبه 2.1 بس الدكتوره بتاعه النسا قالتلى خدى لمده اسبوع 100 وبعد اسبوع تانى 50 واسبوع تالت بطلى وبعدين حللى قلت لدكتور الغدد قالى لا اوعى تبطلى ممكن يعمل سقط كملى لاخر الحمل ؟؟؟
بصى يا ستى بما انى خبره 7 سنين فى موضوع الغده دا اقدر اقولك ان دكتور الغددد غلطااااااااااان دكتور النسا صح هو عايز يسحب منك الهرمون براحه عشان تمشى طبيعى والدكتور بتاع الغدد بيستسهل وعايزك تستمرى وخلاص
بصى يا بنتى انتى الغده عندك وبتفرز هرموناتها عادى وبتاخدى 150 جم كتير جداااااااا دانا اللى شيلاها كلها ومعنديش افراز لهرموناتها تماما تقريبا باخد 50 بس والدكتور قالى تابعى معايا لو تعبتى هنقلل الجرعه للنص يعنى 25 جم بس
فا الدكتور بتاع النسا صح وبعدين دا ملهوش اى علاقه بالاجهاض تماما لان مدام انتى حامل يبقى المشكله الوحيده اللى ممكن تواجهيها انك لو اخدتى جرعه عاليه ممكن تعدى للبيبى من خلال المشيمه وتأثر على غدته يعنى دكتور النسا اللى صح هو بيحافظ على البيبى
وعلى فكره معلومه بقى: انتى مش هتحسى بأى اعراض لو وقفتى الدوا نهااااااائى غير بعد 3 شهور من تركك للدوا