تجمع ورغى حوامل مصر لشهر شوال 1430 يارب اولد بقى

kato;10465461:


مها عندك محلات كتير فى المشاية قدام نادى جزيرة الورد وبعدها بشوية بس بصراحة مش فاكرة اسمهم هما تلاقيهم اكسسوارات ومكياج وبرفانات اوريجنال

yomizo;10465535:
ضرب فيروس إنفلونزا الخنازير بشدة اليوم المدارس المصرية مما ترتب عليه إغلاق مدرسة الميردى ديو مع تزايد إحتمالات تعليق الدراسة بجميع المدارس


--------------

اصلا كل اللى اعرفهم ولادهم عندهم انفلونزا عاديه من المدرسه اول اسبوع حتى بنتى

yomizo;10465547:
قررت وزارة الصحة بالتنسيق مع وزارة التربية والتعليم، تعليق الدراسة لمدة أسبوعين تبدأ من غد، الخميس، وحتى يوم 28 أكتوبر الجارى بمدرسة "المير دي ديو" الفرنسية بالقاهرة بعد ظهور ثلاثة حالات مصابة بمرض أنفلونزا الخنازير اليوم بخلاف حالة أمس لتكون بذلك أول مدرسة يتم إغلاقها منذ بداية العام الدراسى.

من ناحية أخرى يواصل الدكتور يسرى الجمل وزير التربية والتعليم، صباح غد، الخميس، جولاته المفاجئة على عدد من المدارس، للتأكد من تطبيقها الإجراءات الوقائية لحماية الطلاب من مرض أنفلونزا الخنازير، وأكد مصدر بوزارة التربية والتعليم، أن الجمل لن يعلن عن مكان الزيارة إلا فى الساعات الأولى من صباح غد، حتى لا تخفى المدارس، التى سيزورها، السلبيات الواقعة بها.

ويسعى الجمل، من جولته المفاجئة، إلى التحقق وجود أطباء وزائرات صحيات بكل مدرسة، ونظافة دورات المياه بالمدارس وتوافر مياه وصرف صحى ومطهرات بها، والتأكد من عدم تجاوز كثافة الفصل 40 طالباً.

كان الوزير قد بدأ جولاته المفاجئة قبل أسبوع بزيارة 3 مدارس بمحافظة القاهرة، اكتشف خلالها سوء حالة الحمامات بالمدارس وانقطاع المياه عنها، بجانب وجود نقص فى أعداد الأطباء والزائرات الصحيات بها، كما زار الجمل مدرسة فجأة أثناء جولته الميدانية، أول أمس، بعدد من مدارس محافظة الفيوم.

yomizo;10465562:
اه بتروح مدرسه يابوسي :)
هما يومين راحتهم والتالت قعدت في البيت بانفلونزا جميله
والرابع واالخامس والدكتور قال ماتنزلش الا يوم الاحد

kato;10465566:
ممكن يا مها تكون شايفاكى وانتى جايبة الحاجة عشان كدة بتقول لا ماما
خليها جمبها مثلا اول ما تقوم من النوم تلاقيها جمبها من غير ماتشوفك وانتى بتديهلها او بتحطيها وقوليلها النونو جابتلك دية بس انتى كنتى نايمة حاطتها جمبك وكدة وهى هتصدق الاطفال بيصدقوا اى حاجة

sara84;10465485:
مش النفاس ده هو نزول الدم

ماما قالتلي ان النفاس بيقعد 12 يوم لغايه 40 يوم وكل واحده وطبيعتها
وقالتلي كمان ان الولاده القيصري الدكتور بينضف الدم اللي جوه فبتكون الفتره قليله جدا

om_tota;10465514:
بس انا حاسة انها صغير ومش هتعرف تغسل كمان هتعك وهتبل نفسها والشتا داخل وعلية العوض

ولا اجرأ واللى يحصل يحصل

أمةالله;10462730:
لأ عملت المنزلي ... بس أصلي مش حاسة بحاجة خالص ومش عايزة افضل أوهم في نفسي على الموضوع ده وفي الآخر اكتئب زي الشهر اللي فات

هقول لزوجي واعمل التحليل وأنا مروحة وإن شاء الله يوافق





سمسمة ... مش حابة أقومك على خطيبك بس هو أصلا ملوش كلام عليكي طول ما انتي في بيت باباكي ... أنا أيام كتب الكتاب كنت بعلم زوجي أنا فين ... بس بستأذن أهلي والكلام ده قاله الشيخ وجدي غنيم قبل كده كذا مرة وقال للرجالة صراحة عايز تمشي كلامك عليها خدها بيتك واصرف عليها وبعدين اتأمر زي ما انت عايز ... بس طبعا انتي المفروض تسايسيه بما انه مش عارف الموضوع ده لوحده علشان ميزعلش وقولي له دي صلة رحم وإن المفروض الواحد يحس بالناس ويقف جنبهم علشان ربنا يوقف له ولاد الحلال اللي يحسوا بيه ... أنا الصراحة من ساعة ما ولدت وأنا اخوات زوجي ووالدته ما شاء الله عليهم عمرهم ما بيتأخروا عني في أي مساعدة ومن قبل الولادة والله ... وربنا يعلم أنا الناس دي بفضل أدعي لهم أد ايه واستنى اليوم اللي واحدة فيهم تتجوز أو تتخطب علشان أوريهم بالفعل مش بالكلام بس أنا شايلة الجميل ده إزاي جوايا ... ادعي له ربنا يهديه وقولي له إنك معلش لسة مش متعوده على الوضع الجديد (كتب الكتاب) وزي البطيخة وافقتي :wink: قبل ما تقولي له ومعلش وعديها ودي صلة رحم وبلاش تكسفني قدام أخويا ونعمل مشكلة من مفيش وكلمتين من دول هيزعل شوية ويهدى إن شاء الله ... بس الصراحة أنا أصلا مش فاهمة هو مش موافق ليه الموضوع ده فيه ثواب كبير موت ليكي والصراحة كبرتي في عيني موت بموافقتك على الوقوف جنب مرات أخوكي



معلش الطبع غلاب لكيت كتير .... ربنا ييسر لك الخير ويهدي لك زوجك يا رب وتقوم مرات أخوكي هي والبيبي بألف سلامة