تجمع ورغى حوامل مصر لشهر شوال 1430 يارب اولد بقى

قطة اخر الليل;10459413:
قصه كبيره ربنا يبارك فيكي يارب ده نوركم جميعا ربنا يتمملنا كلنا علي كل خير ويجعلهم ذريه صالحه باره بابويها اللهم امين عارفه يا دندونه انا حماتي زعلت وكبرت الحكايه هههههههه وقالتي من اولها عاوزة تربطي الواد ههههه وفضلت تقومه عليه سبحان الله قالها يا امي ما احنا 8 اخوات ومعرفتيش تربطي والدي

وانا سبحان الله عزوجل والله عندي تكيس وكنت قبل الجواز مموته نفسي من الهم والخوف اني مخلفش سبحان الله
بس وانا اول يوم رمضان فضلت اد عي ربي يرزقني بطفل والحمد الله ربي استجاب سبحانه وتعالي والله يا بنات والله كان الدكتور بيقولي لازم علاج كتير لاني كمان ملايانه سبحانه تعالي حقيقي بجد بجد كمان الاستغفار ده حكايه بجد والله مش هتندموا بجد استغفروا ربنا كتييييييييييييييييييير وهتشوفوا النتيجه وتقول البت مروه قالت دمتم بود معلش رغيت كتير
سؤال ايه ابتدي اجهز من ا متي وماما في قطر ممكن اخليها تجبلي ايه

أيوه انا فاكرة انك قولتى انك خايفه مش تقدرى تخلفى سبحان الله لا حول ولا قوة ألا بالله
أحنا قولنالك ساعتها ربنا كبير وفعلا قدرة ربنا فوق كل شىء

بصى يا ستى الغثيان والقئ لما بيحصل بيحصل عشان هرمون الحمل HCG بيبتدى يعلى فى الجسم والجسم مستغربه ومش متحمله .. عادة الغثيان والقئ مش بيحصلوا الا على الشهر التانى او نصه ..
لو انتى حامل دلوقتى وانتى جالك غثيان وقئ يبقى اكيد الهرمون عندك عالى وبالتالى اكيد ان شاء الله هيبان فى التحليل
اللى بيخلى الناس تستنى اسبوع او عشر ايام عشان تعمل تحليل هو انهم بيستنوا الهرمون يعلى شوية عشان يبان فى البول

بصراحه انا سيباها علي الله علي الله مش باخده بس مش قاصده والله بس انا تقريبا مفيش حاجه بتقعد في بطني وبجد عذاااااااااااب فمش باخده بس هحاول اوا ظب عليه ربنا معايه المشكله اني لوحدي ونفسيتي صعبه والواد جوزي ولا هو هنا منفضلي تماما وبجد ببقي عاوزه اجيب الواد الوحش ولا البنت البنت دي من شعرها او ما اشوفها من كتر التعب والغيظ ههههههههههههه شكلي هبقي ام مفتريه وهقعد علي العيال ابططهم هههه ربنا يستر

ان شاء الله تبقى حامل وماتبقيش واخدة برد فى بطنك :d

صباح الخير يا عيال أدعولى المغض زاد عليا أمبارح وجوزى ودانى للدكتورة الساعه 2 باليل
لقيت توتو راسه لتحت تنحتلى وقالتلى المغص طبعا من كده وأدتنى لبوس بروفينيد
وقالتلى أريح وبلاش المجهود الجامد عشان مايحصلش لا قدر الله ولاده مبكرة
وانا لسه فاضلى 5 أيام على الشهر السابع

معلش يا قطة الأمومة مش بالساهل

ازيك يا دودى عاملة ايه
كتكوتة ايه الاخبار؟

دودي ازيك يا قمر اخبارك ايه اتمني تكون كل امورك علي ما يرام باذن الله
الحمد الله ربنا سبحانه وتعالي قادر مقتدر سبحانه انا فعلا كنت خايفه اوي بس الحمد الله علي كل حال واديني اهو هتجنن من الرزل ولا الرزله اللي في بطني مجنني وعلطووووووووووووووول جعانه وشويه وارجع حاجه تغيظ بجد ههههههههه

سلامتك يا دودى
خير ان شاء الله
طب اخدتى اجازة من الشغل ولا بتروحى؟

دودي الف سلامه عليكي لازم ترتاحي كويس جدا وخدي بالك من نفسك طبعا وربنا يسرلك الامور ويكون ولاده طبيعيه وتكوني باحسن حال

قصة كبيرة;10459595:
سلامتك يا دودى
خير ان شاء الله
طب اخدتى اجازة من الشغل ولا بتروحى؟

عندى ريليز النهارده:confused: :confused: هخلصه وأمشى
بس مش هقدر أخد أجازة عندنا حالة طوارىء ومش طايقين نفسهم :ss:

انتو عارفين يا بنات الشهر اللى حملت فيه كنت عامله متابعه تبويض وكانت ولا زالت مشكلتى العظمى انى مش مستقره مع جوزى يعنى احنا خلاص على 26 /10 الجاى حانكون كملنا سنه بس فعليا مش قعدنا مع بعض غير 4 شهور الا شويه ايام بس كنت ميته من القلق وعايزه اعمل اى حاجه اى تحليل اى علاج لانى شفت كذا واحده اتجوزت بعدى وماشاء الله حامل وكل ما حد يشوفنى ها مفيش حاجه فى السكه؟؟ وشويه نصايح بقى من ارفعى رجليكى وحطى حاجه تحت ضهرك ....واليوم ال16 و14 وكل واحده مزنوقه فى كلمتين تقولهوملى ...وانا اقولهم حاضر ...حاضر ..بس لما اشوفه.........ههههههه وهو كان نازل اجازه شهر وعملت متابعه تبويض واخدت حقن احطياطى علشان تخرج البويضه من الحويصله بتاعتها
بس اتخانقنا اليومين دول اللى الدكتوره كانت محدداهم للجماع وكل واحد خد على كرامته انه يصالح التانى
فكنت طبعا متاكده ان مستحيل يحصل حمل وسبحان الله حصل الشهر ده

قطة اخر الليل;10459619:
دودي الف سلامه عليكي لازم ترتاحي كويس جدا وخدي بالك من نفسك طبعا وربنا يسرلك الامور ويكون ولاده طبيعيه وتكوني باحسن حال

ربنا يخليكى يا حبيبتى يا رب ويهون عليكى ايام الوحم
المشكلة انى لسه مش دخلت السابع أصلا ربنا يستر

عاصفة الايام;10459632:
انتو عارفين يا بنات الشهر اللى حملت فيه كنت عامله متابعه تبويض وكانت ولا زالت مشكلتى العظمى انى مش مستقره مع جوزى يعنى احنا خلاص على 26 /10 الجاى حانكون كملنا سنه بس فعليا مش قعدنا مع بعض غير 4 شهور الا شويه ايام بس كنت ميته من القلق وعايزه اعمل اى حاجه اى تحليل اى علاج لانى شفت كذا واحده اتجوزت بعدى وماشاء الله حامل وكل ما حد يشوفنى ها مفيش حاجه فى السكه؟؟ وشويه نصايح بقى من ارفعى رجليكى وحطى حاجه تحت ضهرك ....واليوم ال16 و14 وكل واحده مزنوقه فى كلمتين تقولهوملى ...وانا اقولهم حاضر ...حاضر ..بس لما اشوفه.........ههههههه وهو كان نازل اجازه شهر وعملت متابعه تبويض واخدت حقن احطياطى علشان تخرج البويضه من الحويصله بتاعتها
بس اتخانقنا اليومين دول اللى الدكتوره كانت محدداهم للجماع وكل واحد خد على كرامته انه يصالح التانى
فكنت طبعا متاكده ان مستحيل يحصل حمل وسبحان الله حصل الشهر ده

ربنا لما يريد الحمد لله يا قمر ربنا يتم حملك على خير

ربنا معاكى يا دودى ربنا يستر ان شاء الله

ازيمكم ياممهات عاملين ايه باركولى اخيرا انضميت للفيس بوك يلا بقا كله يضفنى انا اسمى bosy has

الف سلامة عليكي يا دودي يا قمر خدي بالك من نفسك اوي

انا زدت فى الشهر اللى فات 3 كيلو والدكتورة قالتلى مش عايزاكى تزيدى الشهر ده وخفى الحلويات أعاااااااااااااااا

مبروك يا هند على الفيس بوك

دودى الف سلامه يا جميل وخلى باللك على نفسك قوى قوى علشان بعد الشر الولاده المبكره دى فعلا حاجه متعبه للام والبيبى فبجد خليكى حريصه جدا

hend1979;10459686:
ازيمكم ياممهات عاملين ايه باركولى اخيرا انضميت للفيس بوك يلا بقا كله يضفنى انا اسمى bosy has

بنات انتم عاملين جروب على الفيس بوك ؟؟................طيب ما تضمونى معاكم