تجمع ورغى حوامل مصر لشهر شوال 1430 يارب اولد بقى

سلامتك انتي كمان يا كتكوته يا جميل

ايه ده هنقضيها سلامات ولا ايه ههههههههههههههه

:D:D:D:D:D مش عارفة دي فرة ودخلت فينا كلنا ولا ايه :D:D:D

سلامتك يا إيمي انتي و دموع و دودي مالكو بس الف سلامة عليكو

هى الشطة غلط على النونو انا كل أكلى بقى بالشطة اليومين دول

شفتو المنتدى بقينا نقدر نغير الواجهة بتعته خالص انا عملاها الواجهة البينك شكلها حلو اوي اوي و رقيقة كده و حلوة

دودي يبقي ورم ايدك ممكن يكون من الشطه زي الاملاح كده

بقولكو يا بنات هوا لازم عشان يحصل حمل انام على ظهري كل لما يحصل جماع و لا عادي

وصايا للمرأة الحامل :-
1-الحالة النفسية مهمة جدا حيث يجب السيطرة علي انفاعلات الأمتماما
2-قراءة القرآن الكريم أثناء الحمل تجعل الطفل بعد الولادة يحب سماع القرآن وعنده قدرة كبيرة علي الحفظ
3-يجب شرب اليانسون والكراوية والنعناع وأكل الفاكهة
4-يجب تجنب الإفراط في العصائر لأنها تجعل الطفل عصبي
5-أكل التمر يجعل الطفل حليم وهادئ الطباع ويمنع الضيق والأرق
6- عدم تعرض الأم للمبيدات الحشرية أو معطرات الجو أو البرفانات ويمكن ان تستبدلالبرفانات بالزيوت العطرية مثل دهن العود أو المسك
7- ممنوع التدخين وشرب الخمر
8- الرياضة في مرحلة الحمل
قبل الحمل :- تمارين لتقوية عضلات أسفل البطن
أثناء الحمل :- تمارين بسيطة جدا مثل تمرين العجلة وهو جلوس المرأة علي كرسي وعمل عجلة برجليها
9- دهان البطن بزيت اللوز مع زيت الذرة أو دهان البطن بزيت دوار الشمس مع زيت الذرة وذلك في الأماكن التي تتمدد حتي لا تترك أي آثار في البطن بعد الولادة
10- اذا ظهرت آثار تمدد البطن أثناء الحمل بعد الولادة تدهن البطن بلسان البحر مع
الخل 3 مرات في اليوم
وصايا للمرأة الحامل في الشهر السادس :-
1-في مرحلة تكوين عظام الطفل يجب أكل الحبوب الكاملة واللبن الرايب
2-أهم شيء للحامل في الشهر السادس هو لبن السرسوب ( وهو لبن البقرة بعد ولادتها لأنه يحتوي علي أفضل المضادات الحيوية في العالم ) وهو اليوم الأول للبقرة بعد الولادة وأيضا يعتبر من الأغذية الواقية من السرطان وممكن ان يستخدم في التخلص من فيرس الكبد الوبائي ( وأقوي لبن سرسوب هو لبن سرسوب الإبل ) ويجعل الطفل يولد ومناعته قوية جدا . 3 كوب منه في اليوم تعمل علي رفع جهاز المناعة للأم الحامل

3-يجب علي الأم الحامل في الشهر السادس التركيز علي اللبن الرايب
( رايب طبيعي ) فهو يعمل علي تنزيل الكولسترول وتقليل الحموضة .
آلام الظهر للحامل في الشهر السادس :-
تمرين( القطة ) أي أيدي وأرجل المرأة علي الأرض ويتم رفع الوسط هذاالتمرين يقوي الظهر ويقوي عضلات البطن ويجعل البيبي يأخذ أوضاعه الطبيعية . 10دقائق الصبح والظهر وبالليل .
تسهيل الولادة :-
هناك مشروبات مساعدة علي الولادة الطبيعية :-
قبل الولادة بثلاثة أيام :
1- شرب القرفة
2- الزنجبيل
3- أكل الأناناس .
تحنيك المولود:-
أول ما يولد المولود يمضغ التمر جيدا ويحنك به المولود وهذا يفيد في عدم إصابة المولود بالصفراء ويزيد من مناعته .
نقص الحديد :-
ملحوظة هامة :-
لا تأخذ حبوب الحديد مع أي من منتجات الألبان إلا بعد 3 ساعات لأن الكالسيوم يمنع امتصاص الحديد .
1-لزيادة نسبة الحديد ( عصير البنجر مع عصير العنب ) .
2-العنب الأحمر +البنجر +الرومان +الفراولة يعصر ويشرب .
أغذية الذكاء :-
العسل ، التمر ،الزبيب ،اللوز ، العنب ، الجوز (عين الجمل ) جميع المكسرات (بشرط أن تكون نيئة )تنقع من الليل حتي الصباح في ماء

بصوا النصايح دي من دكتور عادل بعد العال يا قمرات اللي تعجبها تقيمني يلا لحسن اجي اضربكم واحدة واحدة

DodyCat;10391234:
هى الشطة غلط على النونو انا كل أكلى بقى بالشطة اليومين دول

اللي اعرفه دايما ان الشطة غلط علي الحامل واللي بترضع طبعا كمان، هي والاملاح الزيادة يعني المخللات الكتيرة وكده.

dandona we bas;10391237:
شفتو المنتدى بقينا نقدر نغير الواجهة بتعته خالص انا عملاها الواجهة البينك شكلها حلو اوي اوي و رقيقة كده و حلوة

بس الخاصية دي موجودة من زمان يا دودو، انتي قفلتي ليه يا بنتي، هو المدير قفشك ولا ايه، ولا عندك ضغط شغل.

لقد اهتم الإسلام بالطفل قبل أن يولد وقال الرسول الكريم: "تزوجوا الودود الولود"
وقال أيضا: "تخيروا لنطفكم فان العرق دساس"
فالأم القويه تنجب طفلا قويا والام الضعيفه تنجب طفلا ضعيفا فلابد من الاهتمام بالغذاء عند التفكير بالحمل أو قبل الحمل بشهر
وهناك برنامج غذائي لتلافي الأمراض الوراثيه للنساء والرجال على حد سواء
وعلى كلا الزوجين الابتعاد عن الاكلات المصنعه والمعلبه لأنها تحتوي على مواد حافظه التي تؤثر في جسم الانسان وبالتالي ينتقل تاثيرها على المولود
الابتعاد عن منتجات الألبان المستورده فهي تحتوي على هرمونات ومواد حافظه ومضادات حيويه وهي ايضا تؤثر بالسلب على الجنين.
والابتعاد عن المنتجات المعدله وراثيا.
الاهتمام بالمأكولات البحريه فهي مهمه جدا للرجال والنساء على حد سواء خاصة البوري والتونه والماكرل وانواع اخرى كثيره حيث تحتوي على الاوميجا ثري الذي يعدل العيوب الوراثيه ويؤخر من ظهور الامراض الوراثيه.
الطبخ بالسمن البلدي وليس بزيت فالسمن يحتوي على نفس السعرات الحراريه في الزيت لكنه صلب يتجمد ويتفكك بالحراره في حين الزيت اذا تفكك بالحراره يتحول جزء منه الى سموم فمن الافضل استخدام الزيت بدون تعريضه للحراره فقد اوصى الرسول باكل الزيت والدهان به.

بالنسبه للنساء عند حدوث الحمل يجب عليها الاستمتاع بفترة الحمل ولا تتعرض لضغوط نفسيه او لشد عصبي فهذا يؤثر على الجنين ويجعله عصبي
فالام العصبيه نجد اولادها عصبيين والام الهادئه اولادها هادئين
وعلى الزوج ان يتعامل مع زوجته بلطف وحنان كما اوصى الله في كتابه العزيز (وجعل بينكم مودة ورحمه )
وعلى الام الحامل ان تقرأ القرآن كثيرا وتستمع اليه كثيرا فالجنين حين يستمع الى القران في بطن امه تكون القدره على حفظ القرآن لديه عاليه
الافراط في تناول العصائر اثناء الحمل يجعل الطفل عصبي وحاد المزاج لان شرب العصير بعد الاكل يحدث تخمرا في الطعام داخل المعده ويزيد الحموضه.
فعليها بشرب اليانسون والكراويه والنعناع فهي تهدئ الاعصاب واكل الفاكهه كما هي.
واذا كنت تريد طفلا حليما فعلى الام ان تاكل التمر طوال فترة الحمل فهو يمنع الضيق والاكتئاب والارق ويقوي الدم ويرفع المناعه وهو ملك الاغذيه على الاطلاق للزوج وللزوجه.
الخان والخمور ومعطرات الجو والمبيدات الحشريه يجب الابتعاد عنها لان لها اضرار على الام والطفل حتى البارفانات فهي تحتوي على الكحول وتدخل مع الدم للجنين
وعلى الام تبديل الروائح الصناعيه بروائح طبيعيه مثل المسك والعنبر والزيوت العطريه
وقال الرسول صلى الله عليه وسلم اطيب الطيب المسك
زيت الزنجبيل مع زيت القرنفل يزيل رائحة العرق وايضا زيت الينسون يجعل رائحة الجسم جميله جدا

[COLOR=blue]أهمية الرياضه قبل واثناء وبعد الحمل [/COLOR]
على المرأة ان تقوم بعمل تمرينات رياضيه لتقوية عضلات اسفل البطن وهي تمرينات بسيطه تستطيع عملها وهي جالسه حيث تقوم بتمارين العجله او رفع الرجلين وانزالهما بدون حزق مع كتم النفس وهذا يساعد على شد عضلات اسفل البطن ويجعل قوام المرأه جميل سواء مع وجود حمل او لا .
لتجنب حدوث تشققات للجلد اثناء الحمل يمكن دهان البطن والفخذين بزيت اللوز مع زيت دوار الشمس او زيت الذره مع زيت دوار الشمس
فشد عضلات البطن يريح الجنين أكثر ويجنب ترهلات البطن بعد الولاده

و الله انا اول مرة اخد بالي من الخاصية دي اللي في المنتدى

dandona we bas;10391257:
بقولكو يا بنات هوا لازم عشان يحصل حمل انام على ظهري كل لما يحصل جماع و لا عادي

لو الواحدة عايزة فعلا ومستعجلة يبقي مفروض اه عشان السائل يدخل جوا ومش يطلع كله بره ويروح هدررررررررررر:D:D:D:D:D، بس طبعا سواء كده او كده فربنا هو اللي بيأذن، يعني اكيد فيه ناس مش بتعمل كده وحصل معاها حمل.

انا كل ما اجي اقيمك علي فكرة من فترة مش بينفع مش عارفةلغاية امتي يعني :mad: منتدي غريب.

dandona we bas;10391257:
بقولكو يا بنات هوا لازم عشان يحصل حمل انام على ظهري كل لما يحصل جماع و لا عادي

أه حاولى تنامى على ضهرك بعد الجماع لمده أقلها نص ساعه ومش تاخدى شاور دايركت استنى شوية بردو

DodyCat;10391312:
أه حاولى تنامى على ضهرك بعد الجماع لمده أقلها نص ساعه ومش تاخدى شاور دايركت استنى شوية بردو

انا كنت يادوبك بستني عشر دقايق بالكتير، وفعلا بلاش تشطيف عالطول.

ازيكم ياحلوين
ازيك يادودي ودوندون وكتكوته
ميرسي يادوندونه ع المعلومات المفيده دي
عقبال منفيدك في الحمل ان شاء الله وكل شويه تسألينا وتقولي انا دايخة وعايزه ارجع وتعبانه :D:D

ان شاء الله يا سيمو يا قمراية

انتو فين يا عيال

الشات الصبح مبقاش زي الاول
دلوقتي الرغي بيكون بليل وطبعا انا بنام بدري :D
وبسبس ورشا معرفش ليه مبقوش يجوا زي الاول