loveway;10388434:
ههههههههههههه انا كمان اللي في بطني كان شغال رفس فيا اانهارده وانا ساعات نايميه بصحي علي شلوط
انتي الدكتور قالك ايه ياهدي
قاللى كله تمام الحمد لله و البنت راسها تحت و رجلها فووووق و قالى استنى اسبوع و ابدا المشى :)
و قاللى انه بيولد طبيعى ب 8000 و اقيصرى ب 12000
عروسة نعومة;10388439:
أن أن آن اعترفتي بلسانك يا سوسة و كنتي هاتخليني أدعي عليه و الله .. معلش كل واحد اكيد ليه عيوب و ليه برضه نقطة ضعف ماتشوفي بيجي بايه و تدخليله منه و فعلا زي ماهدى قالت ما تعيطيش قدام البنت و ماتتخانقيش قدامها
ربنا يهديهولك و يصرف عنكو اي شر أو حسد
و ده فعلا هوا الدكتور ده اللي عيادته قصاد مستشفى هليوبليس بس انا قلت القيصري ب7 مش الطبيعي و و كنت سمعت على دكتورة كويسة اسمها أميمة ادريس بتاخد 10 فقلت ده كويس ماعرفش الكويسين بيغلو و لا فيه ناس تانية أرخص و كويسة
انا الجديد اللى رحتله ربنا يباركله (y) (y)
البرج اليسر;10388442:
بصي بصراحة النهاردة انا الي غلطانة شوية اصل هو جه وكان عايزني احضره الاكل فالي ان هو عايز ياكل قولتله الاكل في المطبخ انا عليا اطبخ بس يعني مش هغرف فطلع اخلاقه عليا شوية قالي طيب حمري بس الفراخ والله كنت ناوية اقوم بس قولت ادلع شوية جه فوق دماغي قولتله يعني انت مخلتنيش ارحو للدكتور وانا تعبانة عايزني دلوقتي احضرلك الغداء والله كان هزار لاقته قفش وراح قالي مني مش عايز حاجة
والله صعب عليا فقولت افتح معاه موضوع تاني عشان نشيل التوتر قولتله احنا امتي هنسافر عشان هو كان موعدني نسافر اول 10 قالي مش عارف وبعدين طيب احنا هنسافر ليه قولتله عشان انتي وعدتني لا انا اسف انا مش عايز اسافر برغم اني مستنية السفرية ديه من قبل رمضان:confused:
انتى اللى غلطانة من غير زعل
عمر ما جوزك هيكون واحد على عشرة من عصبية جوزى
بس انا مهما عمل فيا يييجى يلاقى حاجته جاهزة و الحمام جاهز و الاكل و كل واجباتى معمولة على اكمل وجه
دى حاجة و دى حاجة
يعنى انتى تحبى مثلا لو انتى غلطتى و زعلتيه ميروحش الشغل و يقولك انا تعبان و اتصرفوا و اصرفوا على البيت انتوا
كل واحد عليه مسؤوليات وواجبات بيعملها بغض النظر عن اى حاجة
مش معنى انى ازعل من جوزى انى طبخش او مغسلش واقول عشان احسسه بقيمتى
انتى لو عملتى العكس هو هيحس بتانيب الضير اكتر هيقول ده انا مزعلها و هى برغم كل ده عاملة اللى عيها و زيادة حتى لو مقالهاش قدامك هيقولها بينه وبين نفسه و هيشيهالك جدااااااااااااااااااااااا