تجمع ورغى حوامل مصر لشهر شوال 1430 يارب اولد بقى

الإمساك:-

الامساك أحد الأعراض الشهيرة التى تصيب عدد كبير من الحوامل خلال الحمل حيث يعانين من الم فى المعدة مع شعور بعدم الراحة وبطء فى حركة الأمعاء أثناء الاخراج .

يحدث الامساك أثناء الحمل نتيجة لبضعة عوامل قد يكون من السهل تفادى الكثير منها بسهولة ، مثل عدم تناول كمية كافية من المواد التى تحتوى على الألياف كالفواكه والخضروات والطازجه ، ومنها ايضا عدم الحرص على شرب كمية كبيرة من السوائل وقلة النشاط البدنى والحركى..وكل هذه العوامل يمكن التعامل معها والعمل على تجنبها.

وهناك عدد من الأسباب الأخرى التى تحدث نتيجة للتغيرات التى يمر بها جسد الحامل كارتفاع نسبة بعض الهرمونات التى تؤدى الى ارتخاء عضلات الأمعاء ، ايضا فالزيادة المستمرة فى حجم الرحم تؤدى الى الضغط على الأمعاء مما يؤدى الى بطئ فى حركة الطعام .

ومما ينبغى الاشارة اليه ايضا أن بعض أقراص الفيتامينات والمعادن التى تحتوى على الحديد قد تؤدى الى الامساك ويمكن اجتناب ذلك بزيادة كمية السوائل أو بالتحول الى نوع آخر من الأقراص بعد استشارة الطبيب.

هناك العديد من الخطوات التى يمكن القيام بها لتجنب حدوث الامساك قبل حدوثه أو علاجه .ولحسن الحظ ان معظمها خطوات بسيطة و لا تتطلب الا بعض الوعى والنظام .

احرصى على تناول كميات كبيرة من المياه والسوائل يوميا.

تناولى كمية كافية من المواد التى تحتوى على الألياف كالخضروات والفواكه واحرصى أن تكون دائما على مائدتك ( التغذية الصحية أثناء الحمل ) .

حاولى ممارسة قدر بسيط من التمرينات الرياضية البسيطة لمدة من 20 الى 30 دقيقه مرتين أو أكثر اسبوعيا.

يمكنك استخدام بعض الأدوية الموجودة فى الصيدلية والتى تعمل على تسهيل حركة فضلات الطعام والحد من الامساك ولكن ينبغى اخبار الطبيب أو الصيدلى بالحمل لاختيار النوع المناسب .

الحموضة:-

من أشهر الأعراض التى تعانى منها معظم النساء خلال فترة الحمل الشعور بالحموضة أو حسب وصفهن احساس بالحرقان فى وسط الصدر.ويعتبر هذا الشعور طبيعيا أثناء الحمل ومن الأعراض التى تزول فورا بعد الولادة وعودة الجسم إلى وضعه الطبيعى.

يعمل الصمام الموجود بين المرئ والمعدة على منع رجوع الطعام والحامض المعدى إلى المرئ . وأى خلل أو ضعف فى عمل هذا الصمام يؤدى إلى الاحساس بالحرقان نتيجة رجوع الحامض المعدى.
أثناء الحمل ترتفع نسبة هرمون البروجستيرون ويؤدى ذلك إلى ضعف فى هذا الصمام مما يؤدى إلى الشعور بالحموضة.كما أن زيادة حجم الرحم يؤدى للضغط على المعدة مما يساعد ايضا على رجوع الحامض إلى المرئ.

ما الخطوات التى يمكن اتباعها للوقاية من الشعور بالحموضة أثناء الحمل:-

يمكن اتباع بعض الخطوات البسيطة والغير مكلفة لتجنب الاصابه بالحموضة مثل:
1- تناول ععد أكبر من الوجبات الصغيرة – 5 أو 6 وجبات –خلال اليوم بدلا من تناول 3 وجبات كبيرة.
2- تجنب النوم بعد الاكل مباشرة ولكن يجب الانتظار لساعة على الأقل بعد الأكل.
3- تجنب الوجبات الحارة وتلك التى تحتوى على نسبة عالية من الدهون.

كيف يمكنك التعامل مع الحموضة عند الشعور بها:-

بعض الخطوات السهلة التى يمكنك اتباعها لتخفيف حدة هذا الشعور :
1- تناول الزبادى أو كوب من اللبن.
2- اضافة ملعقة من العسل الى كوب دافئ من اللبن.
3- يجب استشارة الطبيب أو الصيدلى قبل تناول أى دواء من أدوية الحموضة المتوفرة فى الصيدليات.

كما سبق ؛ فانه من المتوقع أن يزول هذا الشعور تلقائيا بعد الولادة نتيجة لعودة البروجستيرون الى مستواه الطبيعى ورجوع الجسم الى وضعه الطبيعى قبل الحمل.

ازيكم ياقمرات اخباركم ايه انتوا ونوناهاتكم

مباااااااااااااااااااارك ليميم يارب تكون بهير هى والنونو وموكة وترجعلنا بألف سلامة يارب

اخباركم ايه طمنونى عليكم كلكم ؟

ازيك يا ساسو يا قمر يارب تكونى بخير

وتشرفى هنا بصفه رسميه

ازيك يا ساسو يارب تكونى بخير

حد يعرف لزم بطاقه الزوج تكون عائليه عشان نسجل البيبى لما يتولد ان شاء الله

crazy ananas;10371097:
ازيك يا ساسو يارب تكونى بخير

حد يعرف لزم بطاقه الزوج تكون عائليه عشان نسجل البيبى لما يتولد ان شاء الله

ازيك يا انوسه اخبار انناسه ايه

شدى حيلك يا بطل


مش فاكره با لظبط بس اعتقد البطاقه العاديه اللى هى الرقم القومى العادى

الحمد لله يا فراشه انتى عمله ايه انتى وريم

اصل انا وجوزى مغيرناش البطاقه بعد ماتجوزنا لحد دلوقتى

crazy ananas;10371120:
الحمد لله يا فراشه انتى عمله ايه انتى وريم

اصل انا وجوزى مغيرناش البطاقه بعد ماتجوزنا لحد دلوقتى

ان شاء الله مش هايبقى فى مشكله انتى بقالك كام يوم فى التاسع

crazy ananas;10371120:
الحمد لله يا فراشه انتى عمله ايه انتى وريم

اصل انا وجوزى مغيرناش البطاقه بعد ماتجوزنا لحد دلوقتى

عادي ياقمر انا كمان بطاقتي وجوزي متغيرتش ..المهم البطاقه بس بتاعتك وبتاعته هتحتاجي الورق الباقي لما تيجوا تعملوا شهادة الميلاد ان شاء الله

crazy ananas;10371120:
الحمد لله يا فراشه انتى عمله ايه انتى وريم

اصل انا وجوزى مغيرناش البطاقه بعد ماتجوزنا لحد دلوقتى

واحنا كمان مغيرنهاش :D:D:D

طيب لازم ناخد البيبي علشان يشوفها ولا عادي

CuTie KaTkOoTa;10369566:
:D:D حلوة مستبدة دي ده انا غلبانة خالص، بس المشكلة انه كان بيقولي علي موضوع السفر ده الصبح قبل ما يروح الشغل وكمان وهو هناك ، وانا رديت عليه بكل تلقائية قلتله وماله روح يا حبيبي، وكل كلامي كان بصورة باين جدا انها هزار وتريقة، الطفل الصغير هايفهم كده، وعمالة اضحك واناقشه في الموضوع وكده، يقوم يرجع من الشغل الاقيه ما صدق واتفق مع صحابه وكلم السمسار عشان ياخدوا شقة وكده فانا اتصدمت انه عمل نفسه اني كنت بكلمه جد وانا عارفة كويس اوي انه فاهم اني ده هزار عشان هو مش اول مرة يعرف طريقة ردودي وريأكشناتي، بس المهم فضل يسألني طيب انتي مش عايزاني اروح يعني، وانا اقوله جوابي بس عن طريق المناقشة ومش عايزة اقول لا في وشه، بس عمالة اعيط ومتضايقة وبقوله اسباب كتيرة، المهم وهو عمال يسأل تاني، فقلتله بص بقي متسألنيش تاني واعمل اللي انت شايفه، وانت عارف دماغي ومالوش لزمة السؤال، بس يعني وكملنا شوية في المناقشة واشتدت اكتر واكتر وانا هارية نفسي عياط بس مش قدامه ، كل ما يطلع بره الاوضة انا اعيط عياط هيستيري، ولما يجي امسك نفسي ويبقي علي خفيف بس طبعا شكلي ملحوظ جدااااااااا، وفي الاخر نزل بردو، فاتقهرت اوي اوي، بس ما علينا بالحوار ده بقي انا مش عايزة افتكر انا عايزة انسي، ده انا والله جيت انام لما سيبتكم اول مرة مرة وقلت فرصة ان تعب العياط هدني وكنت مصدعة اوي وهنام بدري وهنام للصبح واعوض اللي بعمله بقالي كام يوم، لقيت نفسي ساعتين بالظبط وقلقت علي عياطي، دموعي نازلة وانا نايمة ومش قادرة انام لوحدي، وعمالة افتكر انه سابني مفلوقة من العياط ومشي بردو، بس قعدت للفجر ونمت تاني بعد عذاب وقمت من شوية دلوقتي.

أما بقي علي موضوع اني مش بستريح في بيت ماما، فليكي حق تستغربي وبشدة :D:D
عشان انتي متعرفنيش من قريب فمتعرفيش اسلوب بابايا عامل ازاي، انا اصلا ما صدقت اني اتجوزت وبقي ليا بيتي المستقل واخلص من المناقشات والتحكمات والخلافات اللي كل شوية بنا في الحوارات، ودهي حاجة كل قرايبي وصحابي وحتي اهل جوزي عرفنها بس طبعا كلنا بناخدها بهزار، لما يعني بابا يكون شاددلي اعصابي شوية او بتناقش معاه مناقشة حامية واتضايقت، فبنقعد بعدها نضحك ونهزر لما ابقي معاهم عشان يخرجوني من المود ويفوقوني، ولعلمك انا عشان ساكنة قصادهم طبعا دي حاجة نعمة وحاجة كويسة جدا وكله بيحسدني عليها، بس اللي اكتشفته بعد الجواز انها مش نعمة كبيرة، يعني ليها مزايا وعيوب، وبقيت دلوقتي نفسي اعزل بأقصي سرعة ممكنة انا وجوزي كمان، عشان بابا مازال ساعات كتيرة اوي بيبقي عايز يتحكم في تصرفاتنا ويقعد يتدخل في اسلوب معيشتنا وكده، ويعترض وحاجات ، فجوزي اصلا طبعا بيتخنق بس مش بيبين وبيمسك نفسه وبيتابع الامور عادي، وانا اللي باخد الشحنات كلها علي دماغي اكتر، لأن بابا بيمسك ودني انا يهريها وجوزي في الشغل، سواء مش عاجبه تصرف ليا انا او جوزي، وياريتها بتبقي تصرفات بمعني حاجة وحشة لا، انا بابايا له تفكير كده مختلف عن كل الناس في اصغر الحاجات ، وبيتغاظ اوي لما يلاقي حد مش متفق معاه او مش بينفذ اتجاه تفكيره اللي هو شايفه من وجهة نظره هو وبس صح، المهم انا دوشتك يابنتي معلش :D:D بس زي ما تقولي كده ماسورة وفتحت بقي.

انتى لذووووذة قوووووووووووى و طيوبة جدا

بس انا عايزة انصحك نصيحة متحسسيش جوزك انك متحكمة فيه و انك بتضايقى لما يخرج مع صحابه او بيرفه عن نفسه شوية ... عشان الرجالة بتتخنق من كدة قووووووووووووووووووى

انا جوزى بيقوللى اكتر حاجة مرتاح معاكى فيها انى حاسس انى لسه عازب و متجوزتش و مجبتش واحدة تعكنن حياتى و تقيد حريتى بجد سيبيه يتفسح وهو بعد شوية هيفضل انه يقعد معاكى عن انه يخرج مع صحابه اكيييييييييييد :D

أم سيد;10370008:
...؟!

دانا مافهمتش الموضوع خالص ياوليه ..

؟؟؟؟؟؟؟؟؟؟؟؟؟؟؟؟؟؟

كوباية مايه;10370529:
يا بناااااااااااااات انا النت عندى زى الزفت ومش عارفه ابعتلكم من الصبح

انا كلمت يميم بس مامتها اللى ردت وبتقولى انها تمام الحمدلله والنونه بخير الحمدلله بس لسه ميعرفوش هتطلع امتى من المستشفى عشان الدكتور لسه محددش

بس اهم حاجه انها تمام الحمدلله وانا ان شاء الله يومين وهكلمها تانى تكون روحت البيت عشان اكلم يميم بقى واطمن منها اكتر واشوفها سميت النونه ايه ان شاء الله


يارب المره دى بقى توصلكم دى عاشر مره ببعت فيها

الحمد لله و الشكر لله

crazy ananas;10370657:
ايه رايكم فى اسم جنه

نور احلى منه :D

crazy ananas;10370744:
حد هنا اشترك فى الجروب اللى عالفيس توك

اناااااااااااااااااااا :D

هيلوووووووووووووووووز
حد هنا

يارب ييميم تيجى بالسلامه

هدى انتى هنا؟

نفسي مرا اجى الاقى حد هنا

انا هنا ازيك يا مى ...؟؟؟؟

أجمل ايام العمر;10371304:
انتى لذووووذة قوووووووووووى و طيوبة جدا

بس انا عايزة انصحك نصيحة متحسسيش جوزك انك متحكمة فيه و انك بتضايقى لما يخرج مع صحابه او بيرفه عن نفسه شوية ... عشان الرجالة بتتخنق من كدة قووووووووووووووووووى

انا جوزى بيقوللى اكتر حاجة مرتاح معاكى فيها انى حاسس انى لسه عازب و متجوزتش و مجبتش واحدة تعكنن حياتى و تقيد حريتى بجد سيبيه يتفسح وهو بعد شوية هيفضل انه يقعد معاكى عن انه يخرج مع صحابه اكيييييييييييد :D

ربنا يخليكي يا هدهد :D:D انا عارفة اللي انتي بتقوليه ده، ومش معترضة عليه بس هو يلعبها صح وانا بالعكس عمري ما هتضايق، المشكلة اني مش بيظبطها، وبيجي علي حسابي انا، حتي كنت بكلم حماتي دلوقتي فقعدت تسألني مالي وكده، المهم حكتلها الفكرة نفسها وتكرارها وكده، هي نفسها زعلانة منه جدا ومش موافقاه، انا مش بمنع انه يخرج، بس ميجيش يفاجأني بالخروجة دي مرة واحدة انا مثلا هلبس عشان نازل لا كده ماينفعش، مفروض يفكر بردو فيا انا هعمل ايه في البيت، يقرر من بدري ويقولي وممكنانزل انا كمان مع اصحابي ونروح بالليل سوا، كده يعني، ملقيش كل خروجاته بعد نص الليل مع انه عنده الفرصة انها تبقي بدري شوية عشان يراعيني انا كمان، يعني نقط كده صغيرة بتوه عنه وبتكرر فهي دي اللي بتضايقني لكن مش فكرة الخروج نفسها، ومن ناحية انه بيحب يقعد معايا او لا او نخرج سوا، فاحنا بالعكس مع بعض بطريقة غبية، من قبل التجهيزات واحنا عالطول سوا في اي مشوار او فسحة، وبقي يحي قاعدة البيت اوي كمان، حتي عيلته كلهم من زمان وهما عارفين انه مادام مش بيظهر في التجمعات بتاعة العيلة او دايما بره او مشغول يبقي مع ايمان :D:D

دلوقتي بكلمه بقوله انتي هاتيجي امتي، كنت فكراه هايقولي اخر اليوم، وانا كنت فاكرة كده اصلا عشان اللي فهمته ان فيه حدمن صحابه عنده شغل بكرة، فقلت خلاص هانت والفترة قربت تخلص معاني قاعدة هطق من الصبح من الزهق والجنان، لقيته بيقولي علي الفجر كده ، فتنحت واتصدمت، وحتي صحابي بيعرضوا عليا نخرج وانا بصراحة تعبانة ومش ليا اي نفس او مزاج اخرج، وحتي مامته زعلانة منه عشان كانت عايزانا نروحلهم.

الحمدلله يا دودى وحشتينى اوى
اخبارك واخبار البنوته ايه
انتى قررتى لولى ولا نبيله؟

اناناسه اسم الاكونت ايه ياقمر

حمدللة علي سلامتك يايميم وسلامة بنوتك ياحبيبتي ربنا يفرحك بيها يااااااااااااااارب ويارب تطمنينا عليكي اول ماتطلعي من المستشفي

ياجماعه ياررريت اللى باعته طلب اضافه على جروب بنات عروس تبعتلى ع الخاص تقولى اسمها ايه ع الفيس توك لان عندى طلبات كتتير ومعرفش اصحابها

وحمد الله على سلامه يميم وعقبال كل الحوامل يارب:)