تجمع ورغى حوامل مصر لشهر شوال 1430 يارب اولد بقى

جميييييل ايم حلو اوي هوا و إياد

DodyCat;10363444:
انا بفكر أعمل السرير الخشب بس لو لقيته هيتكلف أكتر من 1000 هشترى اللى هو قطن ده مش عارفه أوصفه

عارفاه.. اللى قوايمه معدن او الوميتال.
بس انا عايزة اعرف انهى واحد فيهم افضل الخشب ولا المعدن؟

DodyCat;10363448:
ايه رأيكو فى أسم زياد؟

اسم جميل قوى (y)

dandona we bas;10363415:
1600 ليه يعني كتير اوي

مبالغ فيهم فعلاً .. بس تحفة والله حاجات تخطف الواحد

DodyCat;10363448:
ايه رأيكو فى أسم زياد؟

وانا كمان بحبه اوي واسم ابن اخويا، وابن صاحبتي وكانت عايزة تسمي تاني بيبي ليها اياد بس جوزها رخم وقالها انتي اللي اخترتي الاولاني وانا اللي هاسمي ده قام مسميه احمد او محمد نسيت.

صباح الخير يا حوامل اخباركم واخبار البيبهات ايه؟

ازيك يا جميل عاملة ايه؟

أعصابى تعباه وقلقانه على يوميز ربنا يسهلها يا رب

قصة كبيرة;10363529:
ازيك يا جميل عاملة ايه؟

الحمد لله يا قمر كويسه وانتى عامله ايه والبيبى كويس الحمدلله ولا مدوخ مامته ههههههههه

DodyCat;10363535:
أعصابى تعباه وقلقانه على يوميز ربنا يسهلها يا رب

ربنا يقومها بالسلامه ياااااااااااااااااارب

ازيك يا ماليبو عاملة ايه

كويسة يا جميل الحمد لله

بنات هو عادى لو اخدنا سكر دايت sugar match أثناء الحمل؟

يارب تقومي بسلامه يا يميم ياااااااااااااارب

ماتخافيش يا دودى روقى وهدى نفسك
ان شاء الله ربنا يقومهالنا بالسلامة هى والنونة

قصة كبيرة;10363550:
كويسة يا جميل الحمد لله

بنات هو عادى لو اخدنا سكر دايت sugar match أثناء الحمل؟

لأ طبعا
انا رميته أول ما حملت

dandona we bas;10363546:
ازيك يا ماليبو عاملة ايه

ازيك يا دندون عامله ايه كنت عايزه اسألك انا مسافره المغرب اسبوع فى شغل ومش عارفه فى المطار بيحاسبوا على الوزن ازاى والحاجات دى ممكن تقوليلى باعتبارك مسافره

بيبو ماتفكريش فى الدايت دلوقتى خالص أستنى بعد الولاده بس حاولى ماتزيديش زياده غير مرغوب فيها
يعنى هيجيلك أيام هتلاقى نفسك مفتوحه للأكل كلى أكل مفيد واللى نفسك فيه وماتلوميش نفسك
وهايجيلك ايام نفسك تتسد فيها أستغليها وماتكليش غير فاكهه وخضار هتلاقى الدنيا متوازنه

الموضوع ده مهم
http://forums.3roos.com/t152259.html

هو ينفع أنزلكو فيديو مهم هنا؟

الوزن بيبقي بيتراوح بين 20 و30 و35 ده بنسبه للسعوديه معرفش بقي المغرب ايه نظامها

DodyCat;10363572:
بيبو ماتفكريش فى الدايت دلوقتى خالص أستنى بعد الولاده بس حاولى ماتزيديش زياده غير مرغوب فيها
يعنى هيجيلك أيام هتلاقى نفسك مفتوحه للأكل كلى أكل مفيد واللى نفسك فيه وماتلوميش نفسك
وهايجيلك ايام نفسك تتسد فيها أستغليها وماتكليش غير فاكهه وخضار هتلاقى الدنيا متوازنه

مش بفكر فى دايت ولا حاجة. بس انا بفكر اخده عشان السكر عندى بدأ يعلى. عشان احافظ على مستوى السكر بس مش اكتر. لان ادلكتورة اسهل حاجة بالنسبالها تقولى خدى الحاجة من سكر وهى كاتبالى 3 كوبايات كركديه فى اليوم عشان الضغط وطبعا الكركديه مستحيل من غير سكر:confused:

miobello;10363566:
ازيك يا دندون عامله ايه كنت عايزه اسألك انا مسافره المغرب اسبوع فى شغل ومش عارفه فى المطار بيحاسبوا على الوزن ازاى والحاجات دى ممكن تقوليلى باعتبارك مسافره

بصى يا قمر انتى ليكى وزن محدد حسب شركة الطيران اللى انتى مسافرة عليها وحسب الدرجة.. فى مصر للطيران عندك 25 كيلو - 30 كيلو .. هم هيقولولك.
انتى قبل ماتسافرى حاولى ماتاخديش حاجات كتير واوزنى الشنطة قبل ماتسافرى عشان لو عملتى شوبنج هناك تبقى فى الحدود المسموحة.
اوقات بيعدوا اوزان تقيلة واوقات لأ حسب المزاج .
الكيلو الزيادة عليه فلوس طبعا وفى مطارات مابتتسامحش فى الموضوع ده.
وبيبقى ليكى شنطة هاندباج تاخديها معاكى فى الطيارة بتحطى فيها الحاجة اللى انتى خايفة عليها دهب او ميكب ودى مش بيبقى لها وزن محدد وليكى جاكت او بالطو تاخديه معاكى برضه. بصى كل حاجة بتبقى مكتوبة على التذكرة.
وتروحى وترجعى بالسلامة ان شاء الله

قصة كبيرة;10363215:
مى ياريت تقوليلى انتى جهزتى حاجات لولى منين لو من محلات فى المهندسين او المنيل ..

روحت امبارح لفلى عنده حاجات وهم بس في حاجات كتير اسعارها مبالغ فيها بصراحة.
بس قلبى اتخطف على الحاجة بجد

سورييييي سوري سوري سوري والله

كنت بنيم اللولي لأنه صاحي من الفجر:confused:

بصي يا ستي الحاجات الكبيرة (السرير والعربية والكلام ده ) كان جوزي جايبها من بلاد الكفار اللي على الشمال (أمريكا يعني) الهدوم والبانيوو والكلام ده كله كان من لفلي

بصي هو حاجة لفلي ممكن تحسيها أغلى سنة بس فعلا بيبان على شكلها انها أنضف وبتعيش ... أنا السالوبيتات اللي عبدالله كان بيلبسها أول 4 شهور زي ما هما بجد والشايات بتاعة بيبي كلب زي ما هما شكلهم متغيرش نهائي

أنا عبدالله حاجته جبتها من لفلي المعادي بس الأسعار مش بتفرق بين الفروع ... لما عبدالله كبر شوية بقيت ألقط له من المنيل بقى تي شيرتات وشورتات بس الصراحة جودتهم أقل ... بس مش مأساة أوي لأنك حتى لو التي شيرت حلو بعد كتر اللبس في البيت مش هتبقي عايزة تشيليه لبيبي تاني ... بس حاجة الخروج بتتشال لأنها تستاهل ... فيه في ميدان الباشا المحل اللي اسمه أبو حنفي بتاع هدوم البيت ده ... جنبه محلين عندهم حاجات لطيفة والمحل اللي في وشه برضه ظريف بس مفيش في المنيل حاجة فظيعة ... واحدة صاحبتي بقى نصحتني بمحلات بواقي التصدير ... بس مش عارفة تلاقي عندهم لبس للي لسة مولودين ولا لأ ... المفروض أنزل علشان أجيب لعبدالله هدوم للشتا