كل أم رضعت طفلها طبيعي ،،، حياااااااهااا...

مرحبا يا حلوين

انا عندي 3 ما شاء الله

محمد (البكر) كنت ادرس فكنت اضطر اخليه 9 ساعات ..رضعته 8 شهور بمساعدت الصناعي ... بعدها قام يعضني وما كان يشرب بس يلعب ..يعني فطم عمرة على كيفه من دون استأذات.. بعدها بشهر على طول حملت ... فديته حمودي كان عمرة 9 شهور

مريم يوم يبتها حلفت وانا فالمستشفى اني ما اعطيها صناعي .. والحمدلله رضعتها سنه و8 شهور ... والحمدلله العزيمه والاصرار كانت تزيد الحليب عندي ..

وعلياء الي عمرها الحين شهرين الحمدلله ترضع طبيعي مع ان حليبي قليل بس بعد اشجع عمري واقنعها ان لا في حليب .. ان شاء الله اقدر ارضعها سنتين ...

بالنسبة للادرار الحليب انا الرهش والطحينيه مو ما فادني لكن الي نفعني عصير الموز ... صح يسوي غازات بس يزيد عندي الحليب

مشكورة اختي First H.W على طرح الموضوع القيم
بنتي عمرها 3 اشهر وارضعها طبيعي وصناعي لأن اروح عنها الشغل
بس ياريت احد يقول لي عن علاج للتشققات اللي دابحتني
جربت كريم افالون وكريم ثاني من الصيدلية ولا فادوا وياي

حبيبتي أستعمل عسل الأصلي أنا عني صارمعي وشفيت بالعسل

موضوع شيق و يشجع وايد على الرضاعه الطبيعيه .. شكرا لصاحبة الموضوع على هالطرح الطيب


انا عندي و لدين محمد البكر رضعته طبيعي دخلتله الصناعي كان عمره تقريبن 4 او 3 شهور لانه دخل علينا رمضان فظطريت ارضعه صناعي .. بس بعدين وقفته عنه بعد رمضان .. رضاعة سنه و 10 شهور تقريبنا

و لدي الثاني رضعته سنه و 8 شهر اعتقد .. بس هوه ما كان يرضعو ايد نفس محمد .. كان يشبع بسرعه


احس انه الطفل كل ما رضع اكثر يدر الحليب اكثر .. و الله اعلم


الحين انا حامل و ان شاء الله ناويه ارضع هالبيبي سنتين .. و بحاول ما ادخل حليب صناعي هالمره

ادعولي الله يسهل لي الولاده ويعيني على تربيت عيالي ..



وشكرا ثاني مره لصاحبة الموضوع

سلام عن نفسي ولدي الحين في الشهر السادس في البدايه لغايه 4 شهور كنت اعطيه صناعي بس الليل والضهر اعطيه طبيعي لان هاي بكري وما كنت اعرف وكان عندي شي ممل ومقرف بس بعدين ع

على طول عطيته طبيعي لاني تعودت وحبيت الشي واحس صارت بينا علاقه قويه وحنان واما عن نفسي لما اكل يصير فيني حليب ولما ما اكل ما يصير فاضطر اعطيه يعني يمكن اعطيه رضعه صناعي باليوم وطبعا اكله اعطيه سيريلاك وجبه باليوم ويحبها وايد وببتدي اسوي له اكل طبيعي وادعو له بالعافيه والله يجعله من الصالحين
تحياتي ،،

مرحبا

شوووكرن اول شي ع الموضوع الرائع

والله يثبتكم يارب ع الشي الزييين

اانا عندي ولدي سااالم فديته مارضعته وايد يمكن اسبوع شي جذيه لانه بكري وماااكنت اعرف اتصرف في ذاك الوقت والحمدلله كبر وصار عمره الحين سنة و9 شهوووور الله يبارك فيه يارررب

والحين الله رزقني بولدي سلطان عمره شهر واسبوع الحمدلله ارضعه طبيعي بس احسه ما يكفيه لانه ابد مايرقد رقدة متواصله لا ليل ولا نهار فبديت اليوم اعطيه صناعي رضعة وحدة بس فاليوم فديته والله حسيته ارتاح ورقد شوي ... كان كله يتعب ويصاررخ ... وان شاء الله مااعطيه اكثر من رضعة وحدة فاليوم .. والحمدلله انا اساعده بالماي والتمر وشاي الاعشاب والماي والعسل والله يعطيه الصحه والعافية

والاكل الصراحه اكثر من الشوربات والعصاير والحليب والماي وفترة الاربعين اكثر من الحلبة لانها مدرة للحليب بس اففففففف ياريحتها تلوع بالجبد

والسلطاااااااات لا تنسونها بس مااحس اني ملتزمه ببرنامج غذائي الللي فخاطري باااكله ... ونصحوني بعصير البابايااا يقولون انه مدررر للحليب

واحسه اصراحه وزني بدا يطلع فوووق احم احم خخخخخخ بس بصبر لين 3 شهور وبعدين ببدا اساعد ولدي بالعصير والبسكوووت وان شاء الله اكون افدكم ولو بالقليل

الله يحفظ لكم اطفالكم ويعينكم على تربيتهم

بس حبيت انبه اختي "غناة روحي" ان العسل ما ينعطى للأطفال أقل من سنه واحده

بامانه متعه كبيره

وايد افرح لما اشوف بنتي ترضع مني واحاول جاهده انى ما احرمها منه اشرب الحليب يوميا صبح ومساء بس حفاظا على كميه الحليب

المشكله الى اواجها الحين انها تعظني:confused::confused: وبعد تتعمد لما تشوفي اصرخ


الله يعيني بس لغايه ما تكمل سنتين وما ناويه اوف لغايه ما تكمل ان شالله

انا رضعت بنتي 3 شهور اللي لاحظته كثرت تحجر الصدر وتقشرات وجروح عالحلمه ولاحظت ان ساعات يتكتل الحليب

أم وصال;10350935:
حبيبتي أستعمل عسل الأصلي أنا عني صارمعي وشفيت بالعسل

مشكورة اختي ام وصال على النصيحة
بجربها وان شاء الله تفيد وياي

السلام عليكم , الرضاعة الطبيعية نعمة للأم قبل الطفل. وسأذكر مميزاتها وعن خبرة لثلاثة أطفال طبيعي واثنان صناعي:

*مناعة طبيعية عن الحمل (اذا كان الإعتماد على الطبيعي فقط ) يعني صج رضاعة .
*تحمي الطفل من الغازات و الأمراض حتى سن 6شهور واذا راعيتيه عدل حتى سنة وانت مرتاحة من مراجعات المستوصف
*الطفل نموه طبيعي يعني مو متين (كأنه عيال البقر ) وأنتم بكرامة يعني شكله طبيعي
*اذاكان عندك اماكن تركز دهون (اجناب و.......) عند جد وتجربة تخف كثيرا لأن من هذه الأماكن يتكون الحليب
*اقتصادي لاحليب ولا خلص مو في هذه الجمعية ولالالالالالالا
*في الليل فيعز النوم اذا قعد الطفل ما تضطرين تقومين تسوين حليب , جاهز و معقم ودرجة حرارته ممتازة وهذا بالطبع بعد 6أشهر تضعينة على صدرك وخلاص

والحليب يزيد ليس بكثرة الأكل و انما بشرب السوائل وزيادة فترات ارضاع الطفل
في طبعا منغصات ولكن المرأة الشاطرة تقدر ان تتلافها بشوية تنظيم للوقت

بصراحه الرضاعه الطبيعيه متعبه شوي بس صدقوني طفل سليم جدا وبدون امراض وعوار راس

انا جربت الرضاعه الصناعيه لآول بنت عندي بس لقيت فرق مره كبير لما رضعت طبيعي لولدي

شاكره للموضوع الحلو واتمنى كل ام ترضع طفلها طبيعي افضل

انا بنتي عمرها 3 اشهر كل ماارضعها ترضع طبيعي شوي عقب تقعد تلحس وتعض وتمص ماعرف شاسوي ارجو انكم تساعدوني =(

اولا اشكر صاحبة الموضوع لانه موضوع اكثر من مهم ةيشغل حيز من تفكير اغلب الامهات وانا اولهم

بنتي الكبيره الله يحفظها ارشعتها طبيعي لاسابيع قليله فقط والسبب انها كانت تبي ترضع صناعي لانها تعودت عليه بالمستشفى كانو يعطونها صناعي وحاولت اع\يها طبيعي رفضت لان الصناعي اسهلها والحين ماشاء الله عمرها سنه وخمس اشهر وترضع صناعي

بنتي الثانيه الله يحفظها رضعتها طبيعي وصناعي لان الحليب بصدري قليل ويوم يكثر ويوم يقل ولو ارضعها من صدري تسكت شوي وتبكي مايشبعها فصرت ارضعها من صدري الين احس ان الحليب القليل بصدري خلص اكمل بالصناعي
والحين صرت منشغله اعطيها صناعي واحس اعتمادي عليه صار اكثر وهالشئ زعلني
باحاول ارجع ارضعها طبيعي اكثرررر لان الطفل لو يرضع كثير الحليب يكثر وانا اعتدت اع\يها صناعي الحليب بصدري قلل للاسف بانشغالي الكثير ببنتي الثانيه وفترة مرضها
بس الصراحه الرضاعه الطبيعيه مافي افضل منهاااااا

انا بنتى الان عمرها سنه وثلاث اشهر والحمد لله ترضع طبيعى وما اخذت ابدا لبن صناعى
بس مشكلتى انها متعلقه بالرضاعه جدااااااااااااااااااااااااااااااااااااااااااااااااااااااااااااا
وتأكل قليل جدا وسمعت فى التليفزيون طبيب اطفال كان يقول ان الاطفال اللى ما بياكلوا لحد سن 6 اشهر بيكون متعبين فى اكلهم ويحبوا الرضاعه ....انا مش عارفه ازاى اخليها تأكل وتخفف الرضاعه
انا ناويه ان شاء رب العالمين انى اكمل رضاعتها سنتين
انا مش بتعب من الرضاعه الامر بالنسبه لى عادى جدا حتى الصحيان بالليل
بس مشكلتى انها طول الليل والنهار تحب ترضع وما تاخذ غير واجبه واحده فى اليوم كله وكميتها ضئيله جدااااااااااااااااااااااااااااااااااااااااا
اللى تعرف ايه الحل تقولى بالله عليكم انا فعلا مضايقه علشان هى مش بتتغذى

زهرة بر;10350861:
مشكورة اختي First H.W على طرح الموضوع القيم
بنتي عمرها 3 اشهر وارضعها طبيعي وصناعي لأن اروح عنها الشغل
بس ياريت احد يقول لي عن علاج للتشققات اللي دابحتني
جربت كريم افالون وكريم ثاني من الصيدلية ولا فادوا وياي

أساير الروح;10371932:

اختي استخدمي كريم بلامرز للتشققات الثدي واااااااااااااايد زين انصحج فيه وهو بتركيبة زبدة الكاكاو

مشكووووووووووورة اختي اساير الروح
اليوم ان شاء الله بروح الصيدلية وبشتريه وعسى بس ينفع وياي
لأن التشققات والالم قاعد يزيد ويمنعني اني ارضع بنتي

ااااااااااااااااااااااااااااااااااااااااااااااااااااااااااااااه

الا ليت الشباب يعود يوما


انا داخله هنا بالغلط

هنيئا مريئا لكل الاطفال اللي بيرضعوا طبيعي

ولا عزاء لبقية الاطفال

السلاام علييكم ،،

ما شااء الله الموضوع عاامر ،، ما قصرتوا يا بنات ع الطرح الراقي ،، و الله تفتحون نفس الواحد و تشجعونه :) الله يجزيكم كل خيير ،،



:cool:أم وصال ،،، الله يحفظ لج وصال وبشرى ،،، بالنسبة للزنجبيل مب حار ؟ و ما يغير طعم الحليب ،، انا سمعت ان الوحدة لازم ما تآكل مثل هالأشياء القوية و في نفس الوقت سمعت ان الزنجبيل مدر للحليب ؟؟؟؟ :) بالنسبة للترهلات اتوقع انها تصير مع النزول الكبير في الوزن ،، أما الرضاعة فما اعتقد انها السبب الرئيسي ،،، ياليت اللي عندها خبره تفيدنااا ،،

بجعة ،،، شكلي بكون نفس حالتج ،، لأني طالبة ،، :) الله يسر ان شاء الله و أرضع لأطول فتره ممكنه ،، بس عصير الموز سوا غازات لج و الا لطفلج ؟؟ الله يحفظ لج الكتاكيت ،،،

زهرة بر ،،، في كريم ممتاز اسمة ميبو ،، جربية و قولي لنا النتايج ،،

عيون القصيد ،،، الله يهون عليج و تقومين بالسلامة و تبشرينا بأحلى بنوته :D ع كييفي ؟؟
:cool:
يا هاجسي ،،، الله يوفقج و يجعل و لدج صالح و يرزقج بره ،،،

غناة روحي ،،، الله يحفظ لج عياالج ،، بس تحملي لا يزيد وزنج أكثر ،، :cool: أهم شي الرشاقة

بحرينية ،،، نورتي الموضووع ،،

ثريا ،،، أجر أجر ،، يحليلهااا :D مستانسة ع ظروسهااا

مدام العجمي ،،، جربي كمادات دافئة لتحجر الصدر ،، و دايما رطبي حلمتج بزيت زيتون ،، و اذا فيها تشققات استخدمي كريمات خاصة ،،

مدرسة حلوه ،،، ما شاء الله كلام يدل ع و عي و ثقافة :) عجبني ردج ،، و طمنتيني يوم قلتي عن السوائل و انها هي اللي تزيد الحليب و ليس الأكل ،، بس يختي بسألج ،، ما يقولون الوحدة لازم ما تشرب واايد فالنفاس ؟؟؟ و الله الواحد صار ما يعرف شيسوي ,,,

أنا أغلاهم ،، يسلمووو ع الكلام الطيب و المشجع ،،،

هلو كاتي ،،، صراحة معرف ،، ان شاء الله البنات بيفيدونج ،،

أريج ،،، هااي مشكلة المستشفى ،، ع طوول يرضعونهم بالمرضاعة ،، عشان جييه الوحدة لازم تحن عليهم من قبل لا يطلع البيبي انها هي اللي بترضع اول رضعة مش هم ،،،

سوفي ،،، رغبيها بالأكل بكل الطرق الممكنه و نفس ما قلت خلى جو الأكل ممتع كأنه لعب ،، عشان تآكل بدون ما تحس ،،، و ان شاء الله نصير نفسج و نرضع طبيعي 100%

أساير الروح ،،، منووره الموضوع ،،

فراات ،، شكلج متحسرة ع شي ،،، :wink: