خواتي ساعدوني ..لو تقدم لخطبتك شخص مدخن ؟؟توافقي عليه ؟؟

كنت مخطوبة لفترة طويلة لشخص ... بس محجوزة له وما بينا شي
لكن كنت موااااافقه .. لأنه انسان ما شاء الله عليه خايف ربه
يصلي كل صلواته بالمسجد .. وبار بأهله وايد .. كان ناجح بتفوق بالجامعة وتخرج واشتغل بوظيفة مره حلوة .. والكل يمدح فيه وبأخلاقه والكل يشهد له بهالشي .....
لكن سبحان الله لما كان بالجامعة مره وحده سمع كلام ربعه وجرب التدخين
وما قدر يوقف عنه لأنه ادمان
لكن محد يعرف بهالشي ... بس هو جاني وصارحني
ومن يومها عفته ... وفكيت الخطوبة .. والحمد لله محد كان يعرف عنها وايد
يعني بس بين أهلي وأهله
وبعدين عرفوا السبب
لكن أقولك ترا أنا بالبداية حاولت أجيب طرق تخليه يوقف التدخين
بس هالشي صععععععب .... وااااااااااايد صعب
ويقولولك الباب اللي تجيك منه الريح سده واستريح ..
الكل بيمدح فيه وأخلاقه زينه بس كيف بتحمل ريحته؟
مع اني ما عرفته زين ولا كنت أشوفه ولا شي ..... بس ما أرضى أكون مع انسان استسلم لهالآفه
لأنه ضعيف بنظري ... وكيف بيكون قدوة لبيتي وعيالي؟
حبيت أشاركك باللي مريت فيه وانتي تقدرين تحكمين
اذا حاسه انك بتقدرين تتأقلمين وكذا .... الله يسهل لك
بس اذا صغيرة ان شاء الله بيجيك نصيب أحسن منه

والله ياحبيبتي أستخيري وبس
خلي كل الموضوع بين يد رب العالمين ووكلي أمرك له
والله بيختار لك الخير ان شاء الله

:)

مشكورات خواااتي .. الله يرضى عليكم دنيا واخره ..

والله يكتب مافيه الخير والصلاح ..

لا تجبري نفسك لو ما تبين مدخن وقولي انك ما تبغين مدخن والله يوفقك

زوجي مدخن عسى الله يهديه

Mrs. Hide;10318449:
أختي لا توافقي عليه طالما أنت مو متقبلة الدخان سواء من منحى ديني لحرمته أو كسلوك منه مضار كثيرة أولها عليك و على صحتك كمدخنة سلبية ثم أولادك من طور الأجنة حتى يشبوا عن الطوق و ما تنسي أن الأب قدوة لأولاده .. غير مضاره عليه شخصيا .. أمراض القلب سرطان الفم و الرئة و البلعوم .. الضعف الجنسي .. تصلب العضلات و ضمورها و قائمة لا تكاد تنتهي من الأمراض .. ستطاله عاجلا أم آجلا و ستطالك أنت أيضا من حياتك معه ..

قبل فترة شاهدت تقريرا عن مرضى السرطان و أجري لقاء مع مريضة بسرطان الرئة و عندما سألها المذيع إن كانت تدخن أجابت بالنفي الشديد و أنها بعمرها ما ذاقت سيجارة .. ثم استدركت بأن أباها و من بعده زوجها مدمنين سيجارة و شيشة

صحيح أنو في نساء ما جاهم سرطان من البقاء بجوار أزواجهم المدخنين .. لكن أنا واثقة بأنهم تضرروا بشكل أو بآخر

فليش يا أختي توافقي ؟

ما في شي يجبرك

و شيلي من راسك تماما فكرة أنك تأثري عليه بعد الزواج .. لأنك بتكوني زي اللي يشتري السمك بالماء

و مالو داعي تجازفي ..

و الله بيعوضك بأفضل منه ..

أتفق معها

(y)

والله الغالية ما مريت بمثل هذي المشكلة بس استخيري وراح تمشي الامور مثل ما يريد الله وحتى لو جبرك ابوكِ على هذا الزواج وتم الزواج اعتبريه رد الاستخارة .... ترى الاستخارة مب شرط انك تستريحين أو تحلمين اشياء لا لا لا ... هي امور ي إما تتعقد وتتشابك أو تتيسر كل العقد يعني مثل هذا الموضوع مثلا راح يتيسر وهذي العقدة اللي انتي تشوفينها كبيرة ممكن تنامي وتصحي وتشوفيها قد النمله ...

استمري على الإستخارة يومياً وراح تتوفقين .... وبعد هي نسألة اقتناع إذا وصلتي الرجل لمرحلة الاقتناع راح يوقف المسألة صعبه اعتبريها جهاد ... والله يكون بعونك يا رب


العتب

انا اكرهه المدخنين حيييييييييييييييييل

بس اذا واحد تقدملي مواصفاته زينه وحلوة بس عيبه التدخين اوافق عليه و احاول معاه ليمن اخليه يبطلها

والله كله اتمنى اني اخذ واحد غير مدخن بس شنسوي هذولا الشباب و هذي سوالفهم

الله يفرج كل همومك

استغليه من فترة الخطوبة بيني له انك تضايقين من الدخان
وبهدليه إذا جاك مدخن قولي له قم بدل ثيابك !!!
واتروش اشم فيك ريحة وكذا
واشرطي عليه ما يدخن بالبيت !!!
وووووووووووووووووووووووووووووووووووو
راح يطيعك وتلاقيه اقلع عن التدخين ان شاء الله

اسال المولى جلت قدرته .. ان يرفع قدركن .. ويرزقكن ربي من حيث لاتحتسبن ..

اطلبكم طلب خواتي .. تدعون ربي ييسر لي اموري .. وان كان في هالشاب خير وصلاح يجعله ربي من نصيبي يااااااااااااااااااااربب

حبيبتي بعطيك الزبده
المدخن ((اخلاقيا)): هو انسان عصبي مايتحمل اي نقاش ولا اي كلمه
المدخن ((صحيا)): هو انسان امراض الدنيا كلها فيه
المدخن ((مظهرا)): انسان شكله يخرررررررررررع يصير شكله زي الوحوش براطم سود اسنان صفرا عيون حمرا..
.. اذا انك بتنطرين واحد مايدخن .. والله تموتين وبعدك ماحصلتيه .. تدرين ليش ؟؟ لانه لاحول ولاقوة الا بالله 85% من الرجال يدخنون ((حسب احصائياتي)).. فين بتلاقين اللي مايدخن؟؟ لذلك لاتحطين في بالك التدخين عله عشان ترفضين..

((وكل ماجابو طاري الحريم يقولون ناقصات عقل.. الحمدلله والشكر الا هم اللي عقولهم راحت يدمرون انفسهم بانفسهم .. مساكين متأثرين بها الافلام))

باختصار .. صلي الاستخاره والله يكتبلك اللي فيه الخير..((ماخاب من استخار))

تناقشي معه في الموضوع وشوفي اذا عنده نية يترك الدخان

امممم

أختي فجر اعرف وحدة تزوجت واحد مدخن وقدرت تأثر فيه واهتدى وتركه

الامر مو سهل يبغاله اصرار وعزيمة

اذا بعدك صغيرة في السن استخيري الله

وامكن يتقدم لك واحد غير مدخن

ربي يسهل أمرك

Maio0ona;10320400:
الحرمه العاقله ما ترفض ريال صالح عشانه يدخن !!!! هاي مب قضيه تحتاج لحل ممكن هوه يستمر في التدخين هاي شي من خصوصياته اذا رفض انه يارك التدخين ومالك حق تجبرينه على اتخاذ قراراته !!! بس تقدرين تقوليله انا احترم رايك بس يدخن برع البيت او الحمام مب لازم يدخن وهوه يالس عدالج او في حظنج !!!


الموضوع بسيط والحل ابسط

بالعكس اختي الحرمه العاقله ترفض اي شيء يضرها ويضر اطفالها في المستقبل.. وهالشيء ابدا مش من خصوصياته لأنه التدخين يضر الناس اللي حوالين المدخن اكثر من المدخن نفسه.. فمن حقها تخاف على صحتها .. والرجل العاقل لا يلجأ الى التدخين .. ! واذا كان من حقه انه يدخن .. فمن حقها هي ان تتنفس هواء نظيف!!

اما موضوع انه يدخن برع البيت او في الحمام مثلا .. فهذا صعب يلتزم فيه اذا كان متعود يدخن كثير..


وانتي تشوفين الموضوع بسيط لأنك بتتقبلي التدخين.. لكن غيرك يمكن ما يتقبله ..
ولا تنسى ان التدخين يأثر على اشياء كثيرة .. العيون .. الاسنان .. ريحه الفم .. ريحة الملابس.. الوزن .. الاخصاب.. والصحه العامه .. الخ ..

انا طبيبه اسنان ولما كنت بعالج مرضى يدخنون ومع اني اكون لابسه ماسك لكن احس ودي اموت من القرف ومن ضيق التنفس.. والريحه ..

وبالنسبة للاخت السائله .. حبيبتي ما الك غير الاستخارة والله يكتب لك اللي فيه الخير ..

استخيري وادعي الله في الثلث الاخير من الليل..

السلام عليكم

اول شي اختي صلي استخاااره اهم شي وتوكلي

وثاني شي بالاخير راجع لج .. يعني اذا وافقتي لازم تفكرين بالعواقب

لا تتوقعينه بيقطع الدخان علشانج لان هاي وايد شي صعب بالنسبة له والمفروض كان قاطعها علشان نفسه

انتي كيف حاسه نفسك مرتاحه ؟! يعتمد عليج بالاخير

انه شخصيا مثلج ما احب ابد ابد ريحه الدخان واحتمال كبير اذا في المستقبل اللي تقدم لي يدخن ارفضه

وصار من قبل بعد ولكن كان مع اسباب اخرى

يعني وكلي امرج حق ربج ولا يأثر فيج راي احد لان انتي بتقعدين معاه ومع هالدخان

اختي الله يتمملك ع خير حاول معه لترك الدخان
والله المستعان

شوفي اختي انا بفولج قصتي
تقدم لي واحد اللي هو زوجي حاليا من خمس سنين وكان مدخن لكن كانت كل مواصفاته زينه فوافقت عليه وتوكلت على الله
تصدقين لما انجبنت بنتي ترك التدخين منه ومن نقسه بدون ما اقوله بس عشان كان خايف على بنته

تخيلي حبه لبنته خلاه يترك التدخين بين يوم وليله والكل ايتغرب من هالشي
انا اقولج توكلي على الله والله يهديه

شوفي خيتي فجوره استخيري أولا وأخيرا ثم عليك بالدعاء