كل ام عندها طفل عمره سنة ونص لسنتين تدخل

لااله الا الله

والله مثل حالتي

ولدي عمره سنه و9 شهور .. ولا يتكلم غير ماما وبابا وكلمات مو مفهومه

اني جايبتنه قاصر .. في الشهر السابع ..

واهلي والناس ملوعين جبدي .. يعني اني وش بيدي عشان اقدر اخليه يتكلم

ومثل ماقلتين اذا احد يكلمه من الكبار كلش مايتفاعل وياه ولا يعطيه اهميه

حتى والله ماجدب عليش .. حماتي قالت انه اصمخ .. مايسمع .. لانه اذا يكلمونه مايعطيهم وج ولا يطالعهم

نصيحة لا تقارنون أطفالكم بأحد

الأطفال يختلفون وكل طفل يتميز أو تتطور عنده قدرات معينة قبل القدرات الثانية

بنت أختي من غير مبالغة لحد عمر السنتين والنصف وهي ما تتكلم كلام مفهوم ودائما كنا نقول لأمها اكيد البنت مو طبيعية أو فيها شيء وهي ترد علينا الأم أكثر وحدة تعرف إذا اولادها فيهم شيء أو لا وبنتي طبيعية يمكن خيوبة شوي لكن أنا واثقة أن ما فيها شيء لو كان فيها كنت أول من عرف

وبس كملت البنوتة 3 سنوات انقلبت اللي كانت ما تتكلم صارت ما تسكت وتتكلم كلام كبار وهدارة وكل شيء تدخل روحها فيه

يعني ما تكلمت بالتدريج لا !!! كانت تخزن

وما شاء الله عليها دخلتها أمها الروضة من وقت ومستواها نفس اللي اكبر منها شوي وملاحظتها قوية وعنيدة شخصيتها قوية وتفرض نفسها

اني بنتي تتكلم كلمات
وتقول امبي ماي او امبي شاي هههههه
واذا تسمعنا نتكلم تردد الكلمات وتقول الاسماء

هذا الشي في البيت او نطلع في السيارة

بس قدام الناس اذا احد كلمها تنخش فيني تستحي

ساعات الاطفال مايتكلمون من البداية مرة وحدة يتكلمون جمل كاملة !!!

انا ولدي بعد يتكلم كلمات بس للحين ما قال جمل ..!
ويفهم لما نكلمه بس بعض الاحيان يعاند ولا كانه احد يكلمه ..

بس انا مو خايفه لاني ادري فيه طبيعي الحمدلله ..
بس في اطفال فصحين وفي اطفال عاديين!!

معنى ولد اخوي اكبر منه بشهر بس ..!
وما شاء الله يقول جمل و اغلب الكلام واضح ومفهوم ..!

وعندي ولد حماي كان ما يتكلم الى عمر سنتين وشوي..
حتى امه خافت وقالو لها لكبار عطي بيض حمام ياكله !!!

علشان يفج عقدة لسانه ..!!لهدرجه ..
والحين تبغي يسكت عمره اربع سنين تبغي بس ما تسمع حسه ..
على طول يسال ويتكلم وما يسكت ..

يعني اتوقع في اطفال اشطر من اطفال او نقدر نقول مهارات ..
افضل من مهارات اطفال ثانين..!

وبث

رقة ورمانسية ..
شكرا لرفع الموضوع .. رفع الله قدرك ..

حبي الغالي ..
هلا فيج خيو .. ولدش مثل ولدي بالضبظ ؟؟؟؟؟ سبحان الله نفس الشي ... اتصدقين عاد طمنتيني ... خخخخ .. الله يفك لسانهم ان شاء الله ونسمع صوتهم وحجيهم ..
انا اللحين قاعده اعلمه على الكلام اشويه اشويه .. وابسط له الكلمات يعني سيارة اقوله شوف الديد .. الحيوان شوف العوه العوعو .. طفل دادو ..؟

وش رأيك بهالطريقة ؟ جربيها مع ولدك خل نشوف يتعلمون منها ولالا ؟

انا اللي مضايقني كلام الناس خصوصا بيت اهلي امي وابوي .. يقارنون واااجد ..
ويعلقون عليه حتى ابوي مرة قال عنه اختم ... حز في نفسي واااجد هالكلمه ..

الله يحفظهم من كل شر ويحميهم ..

حبيبتي الاطفال يخلفون فيه منهم يحكي بطلااااااااااقه من السنه ونص .. يسولف ويتكلم ولا يخلي شي مايعرفه ما شاء الله ..

والبعض نص ونص مثل بنتي بس تقول كلمات .. والبعض لا يعند يقهر اهله مايحكي ثم ينطلق ويجننهم ..

انتي اللي عليك حبيبتي انك تسولفين معاه وترددين الكلمات مثل اللي تسوينه الحين وان شاء الله تنفك عقدتك ويصدع راسك بالكلام والاسئله

رقم ..

ان شا ءالله ولدي بعد جذي ... ينطلق مرة وحده ..؟ لان لحد الان ما في بوادر للكلام ..

المشكلة مو فيني من الاهل وايد يقارنون .. مدري وش الحل وياهم ؟


هديل ..

تقصدين بنتك الصغيرة .؟ ولا الكبيرة ؟ اذا الصغيرة يعني مثل عمر ولدي .. ما شاء الله عليها الله يحفظهم لج ..

ام علاوووي ..
الله يحفظهم هالجهال ما ينعرف لهم .. ان شاء الله يطلع مجرد وقت وينطلق لسانه .. الله كريم .. مشكورة خيو ..

ريميشن ..
هلا فيج اختي ..
ايه صاجه يختلفون الاطفال في القدرات لكن الاهل طفشوني و هم يلحون علي ..
شكرا لك ..


شكرا لكم بنات وياليت اللي عندها العاب افكار طرق لتحفيز الطفل على الكلام وتطوير مهاراته اللغوية تساعدني وجزاها الله خيرا ..

والله انا الحريم الكبار اسمعهم يقولوا شربو الطفل قهوة عربي لواقل من نص فنجان هو اللي يخلي الطفل ينطق وصح والله مجربة تخلي الطفل ماشاء الله يتكلم كلام مفهوم جربو الطريقة وردوا علي

شوفي هالموضوع يمكن ينفعش
http://forums.3roos.com/t430742.html?highlight=%E4%C8%DA%C9+%C7%E1%D1%ED%CD%C7%E4

ترا الاطفال موب مثل بعض انا ولدي راح يكمل السنتين ومايقول غير ماما وبابا ونانا وكلام عير مفهوووووووم ابدا ابداااا

وولد بنت عمي سنتين و3 شهور وبرضووو مايتكلم غير ملام غير مفهوم

ان شاء الله ينطلق لسانهم يارب لا تخافي

بالنسبه لولدك انه مايتفاعل مع الكبار يمكن انتي تخلينه يقعد مع الشغاله كثير يعني خليه يقعد معك انتي وبوه وسولفو معاه حتى لو مافي تفاعل او ميرد عليكم

يمكن ولدك من النوع الخجول :)

ايي خيووو اني بعد واجد اتضااايق اذا يفلتون عليه كلمه

وان شاء الله يتكلمون ويريحونا من تعليقات الناس الا ما وراها غير عوار الراس

وانا نفس الحاله
بس اعتقد طبيعي
ان شاءالله خير

السلام عليكم كيفكم اخواتي أنا مجربه لازم الأم تحكي مع الطفل على طول متل هادا باب هادي بندوره ،خيار ،سياره ،بدك مي ،بدك نمي ،نام نني وهيك واستني عليه يرد ويعبر وحتى لو ما فهمتي منه اعملي نفسك انك فهمتي وعيدي الجمله مفيده من راسك إلها علاقه بالموضوع . واللنك اللي كتبته أم نور مفيد و- علمي . اتبعوه...وما عليكم بكلام الناس هي فروقات طبيعه بن الأطفال

حبيبتي الأطفال قدرات ،،،و مو كل واحد مثل الثاني

و كل مرحلة من مراحل النمو لها خصائص مختلفة عن المراحل الباقي

أنا بنتي الكبيرة لمل كانت بعمر أختها كانت ما شاء الله عليها فصيحة ،، و أختها الصغيرة عمرها (ألحين سنة و ثمانية أشهر تقريباً) تقول بعض الكلمات عدل و بعضها ما تقولها عدل ... بس أنا على طول أتكلم و ياها باستمرار و أطلب منها تكرار الكلمات ،، و ساعات أفتح كتب الأطفال المصورة و أسئلها عن الصورة و أعطيها فرصة تجاوب ...

و على فكره إذا قالت الكلمة بلغتها مثلاً (تاعة) أعدلها و أقولها (ساعة) عشان ما تكبر و هي متعودة تنطق خطأ

عادي اختي لا تحااااتي
بنت حماي اكبر عن ولدي بأربعة اشهر
وما شاء الله ولدي يتكلم احسن منها..

احساس بنوته ..

ان شاء الله اجرب طريقتك واشوف يمكن تنفع ساعات الحريم الكبار يطلع منه شئ فيه فايده .. مشكوورة ..

ام نور ..
مشكورة على الرابط هذا اللي انا محتاجته .. ان شاء الله استفيد منه ..

عيون وليد ..
بالفعل كلامج صحيح انا ما اتكلم معاه وااايد وانا اشتغل يعني يصير عند الشغاله .. بحاول وياه هالايام وبشوف .. شكرا لك ..

حبي الغالي ..
ان شاء الله يتكلمون ونرتاح من كلام الناس .. شكرا على مروروك ..

هلا حبووبة

شووفي على نوعية الطفل المجتمع الي حووله

اذا كان عنده يهال يتكلمون بتكلم وذا بروحه يبي لج تقابلينه وتعلمينه

مثلا بنت خالتي صغيرونه عمرها سنه ووحيده من بين 4 صبيان بس كبار شوي

وكل يسولفون وياها تعالي شوفيها ما شااء الله عليها كأنها عيووز

حتى أنشوودة باب الحارة لعيوونك ورقبتي سدادة مدري شنوو حافظتها وتقولها كامل << آآنه مو حافظتها خخخخ

ام الساده ..
[COLOR="DarkRed"]اهلا فيج نوووورتي ..
ما شاء الله عليها البنت مبين عليها ملسووونه الله يحفظها .
انا ولدي البكر كان جذي بس هذا ما ادري وش فيه يمكن لاني اشتغلت وصار عند الشغالة .؟

مشكووورة يا عمري على الرد [/COLOR]