حفلة زواج + ميزانية محدوده = تعالوا ساعدوني (وطلب خاص من بنات البحرين)

انا اقول لبسي فستان ابيض وصوري والجلوة مرة وحدة وخلاص

وأنا بعد حبيبي أقول كفاية عليكم دين واحد لا ترهقون نفسكم بدين ثاني أنتوا توكم في بداية حياتكم الزوجية لا ترهقون نسكم بديون عشان مظاهر

وفي الحالتين حبيبتي أنت بتفرحين مادام اهلج وصديقاتج بجانبك وبشاركونج فرحتج مو مهم المكان إلي بتسوين فيه الحفلة لكن أهم شي تلبسين الفستان الابيض وتصورين فيه وتحسين أنج فعلا عروس
والله يهنيج انشالله

السفر بتستمتعين فيه اكيد اكثر
بس سوي لش جلوة عن خاطرش وسوي فيهه كلشي تبينه من توزيعات وغيره

وعندي فستان زواج ابيض موديله هندي يصلح حق هالمناسبة خاصة الي مايبون يسوون حفلة زواج

اذا حابة تشوفيه براويش اياه ومايغلى عليش وبعطيش اياه بسعر يناسب ميزانيتش

انا بما اني دخلت الموضوع وشفت ردود البنات مكفيه وموفيه ما شاء الله حطوا لج كل الخيارات و ساعدوج بكل الطرق فما حبيت اطلع منه بدون ما ادعي لج ان تتيسر امور زواجج و تسوين الشي اللي يريحج ويسعدج و الله يوفقج يارب :)

دعواتنا لج واي شي محتاجه او اي مساعده حاضرين لج

[FRAME="11 70"]
اولا الف مبروك ياعروسه :-) وان شاء الله ربنا يتمملك على خير وتعيشى فى سعاده انتى وزوجك يارب اما بالنسبه للموضوع الى طرحتيه حبيبتى فالبنات كفوا ووفوا وبصراحه انا وضع اختى كانت مثلك تمام مكنش فى حفلة عرس عشان الميزانيه ايضا بس عملنلها شو حنه راااااااائعه ويوم الزفاف لبست الفستان الابيض واتصوروا كتييييييييييير عشان لازم يكون ليها ذكرى فى اليوم دا بالفستان وكانت عباره عن زفه مطوله وبجد هى فرحت جدا وكنا فرحانين كلنا والحمدلله كانت كافيه وكان يوم جميل
ربنا يسعدك حبيبتى وييسرلك حالك ومتقلقيش ولا تتوترى وان شاء الله يكون يوم حنتك وعرسك اجمل ايام
ومتنسنيش تدعيلى ربنا يزقنى الزوج الصالح وقضاء الحاجه...وتقبلي مرورى ياعروستنا :-)
[/FRAME]

انتي نفس حالتي بضبط

انا بسوي الجلسه وبلبس فستان ابيض في نفس الليلة اول شي بصوور ويا زوجي وبعدين بروح حق يجلوني

وروحي ليدي مون عندهم فساتين حلوه في البديع واساعارهم حلوه بعد

همت بهواك;10316299:
السلام عليكم ورحمة الله وبركاته

الموضوع مثل ما انتو شايفين باين من العنوان

أنا حاليا مخطوبة وصار لي تقريبا 4 شهور
الحين بديت أفكر في الزواج وحفلة الزواج، في البدايه ما كنت أبي حفله خطوبه أو ملكه أو اي شي
بس أبي شي بسيط جدا جدا وبعدين اسوي حفلة زواج وأسافر لشهر العسل

ولكن

ماقدرت اني اسوي حفله خطوبة بسيطه
هي صج كانت بسيطه بس بعد كلفتنا مبلغ حلو، كان ممكن ان نخفضه لأقل من النص لولا بعض الاشيا اللي مالها داعي وأصروا عليها الأهل :UP202:


المهم
الحين أنا مخيره بين حفلة عرس على مستوى حلو أووو السفر لشهر العسل
طبعا أنا اخترت السفر، بس ميييته على العرس

والله من سنييين وأنا اخطط لهالشي
وكل شي كل شي مختارته ومخططه له عدل، الفستان والزفه والتوزيعات وكللل شي :confused:

لكن الحين خلاااص احلامي كلها راحت :cry:

هالفتره اللي راحت فكرت في عدة خيارات ثانيه متاحه لي
ومنها حفلة الحنه + الجلوه (والجلوه هي من العادات البحرينيه ومادري اذا في دول ثانيه تحتفل بها) وهاذي خطيبي موافق عليها لأني اذا بسويها بتكون شي بسيط بدون عزيمة عدد كبيير من الناس :UP202:
بس مو موافق على حفلة العرس عشان الميزانية وهيك

وأنا بعد معاه، خصوصا اني مابي ان نتوهق بأي قرض عشان هالاشيا
فالحمدلله حاليا ماعلينا قروض الا اقساط سياراتنا :ss:
غير ان بنحتاج الفلوس للسكن والأثاث وغيره

نرجع لموضوعنا الاساسي :oطبعا في ناس بيقولون هالشي كافي (الحنه+الجلوه) لكن أنا أبي البس الفستان الابيض (a)

فالحين أبي اعرف كيييف ألبس وافرح بدون حفلة العرس؟؟؟؟
في ناس تلبس أبيض وتسوي حفلة جلوه في البيت او في صالة صغيره وتقعد العروس بالابيض ويجلونها !!!
وفي ناس يلبسون تراثي وبعدين العروس تطلع وترجع تدخل مره ثانيه وهي لابسه فستان الزواج!!!
وفي ناس ماتلبس فستان العرس بس تكتفي بشي تراثي او هندي وخلااص
وناس بس تلبس الفستان الابيض وتكشخ وتروح تصور فقط،، وهذا الخيار انا مستبعدته نهاائيا

انتو عطوني اي افكار عندكم
واذا وحده منكم انحطت في مثل موقفي وش راح تختارين؟؟؟ ووش راح تسوين؟؟ أبي أي أفكار وأي اقتراحات واختراعات

ثاني شي، في ناس بدل البوفيه في العرس (اللي على الطاولات أو العادي) يوزعون بارسلات
وهو يكون مثل العلبه او الصحن ويكون فيها الأكل
أنا شخصيا ماعمري رحت عرس وشفت هالطريقه، انتو شرايكم فيها؟؟؟ هل تناسب لعرس؟ هذا في حالة أخذت قاعه بدون الأكل

والشي الثالث اني أفكر اتهور وآخذ قرض :sm229:
لأن تعبت وأنا أدور جمعية بمبلغ محترم واستلمها من وقت (a) افففف انها بتحل كل المشاكل

رجاء خااااص من كل وحده تمر على موضوعي تعطيني رايها
ولو التفكير والكتابه بتتعبها، تدعي لي على الأقل

وراح أدعي لكل وحده منكم

البنات كفوو وفوا بردودهم ماقصروا ..

بس بزيد شي واحد الا وهو تجربتي انا ,, توني عروس صار لي أسبوع بس من تزوجت ..

انا نفسج بعد قبل العرس احترت وفكرت وايد لين عقلي جن وطار بسبب هالعرس افكر شنو اسوي !

انا بالخطوبة سويت حفلة كبيرة وسويت 3 ليالي حنة وملجة وخطوبة كبيرة بصالة يعني مو شي بسيط وخسرنا ..

وفي العرس هم كان خاطري اسوي حفلة حتى لو شي بسيط بس بعدين فكرت وفكرت وقلت مايسوى اخسر واقط فلوس حق حفلة عشان ليلة وحدة ..

بالاخير سويت لي جلوة في بيتنا عزمت بس اهلي والمقربين يعني خاصة ورحت الصالون وتعدلت سويت تسريحة عروس (بس قلت لهم انه عادي عشان ماياخذون علي دبل السعر ) و سويت مكياج عروووس ولبست فستان ابيض و سويت لي باقة ورحت صورت مع ريلي في الاستوديو وبعدين رحت بيتنا جلوووني وبعدها سو لي زفة بالسيارات لعش الزوجية ..

والاكل كان عبارة عن بارسلات و مشروبات غازية بالاضافة الى مضيفات مثل حلوى و خنفروش وسمبوسة و حلاوة كاكو يعني الحمدلله ..

والحمدلله استانست ذاك اليوم والكل استانس اهلي واهل ريلي وكلمن قال انه وايد حلو طلع العرس يعني افضل من لو كان بصالة وفشخرة ..اهم شي ماحطيت بخاطري شي وبالاخص الفستان الابيض و الاهم انه رحت صورت الصور تبقى لذكرى ..

وان شاء الله بعد جم يوم بنسافر لشهر العسل اذا الله سهل ..

وابدا ابد لا تفكرين انج تاخذي قرض عشان حفلة وفشخرة في ليلة وحدة .. ترى بأيدج تسوي احلى حفلة تستانسي بشي بسيط وعلى قدج ..

حبيبتي الله يوفقج انه بصرااحة مثل حالتج انه بعد سويت ملجة عائليه لان قبلها كان عمي متوفي وماقدرت اسوي حفلة احتراما حق هلي ومرت على ملجتي سنه ونص والحين قاعده افكر في الزواج وشكلي بسوي عرسي في ماتم لان مابكلفني شي بس المقسوم وعلى مدة اليد انزين وبعد المكياج والشعر سمعت عن وحده عندها صالون في النبيه صالح مكياجهااا روعه وشعر بلاوي الهعروس تعدلهاا بربعين دينار وين بحصل مثل هالسعر المناااسب وبعد بتاجر فستان حلوو واهم شي ان يكوون ابيض والاكل بارسلات وبصور البوم واحد يمكن 60 او 80 دينار وباقي بيزاتي انشالله اسافر فيهم واستانس الله يوفقج حبي ويوفق الجميع

الله يوفقج خيتوووووو

ويسر أمورج ، مثل ماقالوو الخوات سوويي حفلة صغيره عائليه ولبسي فستان ابيض ناعم
وسافري

الوضوع قديم جوفو تاريخ كم والبنت اكيد عندها ياهل !!!!!