كيفكم حبايبي ،،، عساكم بخير ان شاء الله؟؟
فاكريني والا نسيتوني؟؟ اكيد نسيتوني صح :confused:
اعذروووني على الغياب المفاجئ والتقصير :o
والف شكر لكل من سأل عني بغيابي وافتقد وجودي بالمنتدى
بس انشغلت وانخطبت وصار رمضان "" عيدكم مبارك ""
اشتقت لكم حيييييييل واشتقت لكل ركن بهالمنتدى الغالي على قلبي
واليوم اول مارجعت قلت لازم اول موضوع انزله يكون بهالقسم
لانه احب قسم على قلبي :15:
وموضوعي اليوم فكرة حلوة وبسيطة تقدر اي وحدة فينا تسويها
وياااارب تعجبكم وتوروووني تطبيقاتكم لها
يالله باسم الله نبدأ
الله يسلمكم فكرتي بسيطة واي وحدة فينا ممكن تحتاجها وتقدر تطبقها بسهووولة
اكيد كلكم عندكم مكياج سواء ارواج او قلوسات او مسكرة او كحل ،،،، وغيره
انا عندي مجموعة كبيرة من القلوسات والارواج
ومن كثرتهم حاطتهم في شنطة
بس من اجي بستخدمها اضل احوس واعفس الدنيا
واغلب الاوقات استخدم روج او روجين لانهم اللي القاهم قدامي على طول
وباقي الارواج تضل جديدة وما استخدمتها ابد
عاد قلت خلني اشوف طريقة عشان تضل كل الارواج قبالي واقدر استخدمها
تعالوا شوفوا معاي وش سويت
اكيد كلكم عندكم مثل هالعلبه
علب اطقم العطور
كان عندي هالعلبة مالت طقم عطر قلت خل استفيد منها
اخذت اسفنجة مال تكية قديمة
وسويت لها عملية جراحية
طبعا بعد ما اخذت القياسات وكذا على مقاس العلبة اللي عندي
وقصيتها بالسكين
بعدها اخذت المقص وبديت احفر في الاسفنج حفر بحجم مناسب
عشان اقدر ادخل فيها الارواج
لين احفر كل الاسفنجة بهالشكل
ولاحظوا اني ما احفر لين اوصل لتحت الاسفنجة لا اخلي شوية مسافة من تحت
الحين نجي للخطوة الثانية
اكيد كلكم عندكم اكياس المحلات اللي يعطونا اياها
اللي جايه من قماش
الزين فيها ان قماشها يتوسع شوووي
يعني حتى لو الفتحة شوي ضيقه،،، من تجين تدخلين الروج عادي يتوسع القماش شووي
اخترت كيس بلون يناسب للعلبة
وبديت احدد علامه عند كل فتحة سويتها في الاسفنج
وقصيتها بالمقص
وبعدها ثبتت القماش بالاسفنجة "بمسدس الصمغ"
لين صار عندي بهالشكل
وآخر خطوة اثبت الاسفنجة داخل العلبة بالصمغ
واحط الاراوج والقلوسات اللي ابيها
وبتطلع معاي بهالشكل
وطبعا كل وحدة تقدر تبدع فيها تزينها مثل ما تحب
وتحطها بداخل الدرج او على التسريحة
وبكذا تقدر توصل لها بطريقة اسهل
وخلاص خلصنا
يااارب تكون الفكرة عجبتكم
وان شاء الله القادم يكوووون احسن
في انتظار ردودكم وتعليقاتكم اللي مالي غنى عنها
همسة:
[BLINK]لهواة النقل ،،، مسموح النقل بس اذكروا المصدر[/BLINK]