حلوى النارجيل/ جوز الهند من مطبخي .. عيدكم سعيد

ا

الوان سحرية

مشرفة سابقة

23-09-2009 | 03:43 PM

السلام عليكم
.
.
.
مبارك عليكم العيد

وكل عام وانتم بخير

العيد طل علينا بالفرح والسرور

واكيد مائدة العيد ما تخلو من حلويات ..

واليوم راح انزل لكم حلوى النارجيل / جوز الهند

مشهورة عندنا في سلطنة عمان .. والكل يحبها

ذي الطبق ضروري جدا جدا يكون في بيتنا ايام العيد

واعرف ناس كثر لازم ذا الطبق يكون عندهم يوم العيد

نحن في الاول كنا نشتري ذي الحلوى من السوق

بس ذا السنة اختكم ام عبدالله قررت وعزمت انها هي اللي تسوي ذا الطبق :D

والحمدلله نحجت التجربة

وااااااااجد تكلمت .. لازم احكي لكم قصة قبل الطبخة :D

راح انزل لكم المقادير مع الطريقة لان كنت اصور واطبخ بنفس الوقت

الطبق محتاج شوي وقت وصبر وقوة .. (<<< عضلات يعني

8 اكواب حليب بودرة ..

كيسة كاملة من جوز الهند او النارجيل .. او كيلو .. او 10 اكواب

نخلط الحليب مع النارجيل في ملة او طاسة ومعهم 3 اكواب ماء ..

5 اكواب من السكر

نرفع السكر ع النار ونقلب عليه حتى يصير لون السكر كراميل ((ذهبي)) ما تخافي اذا تعقد او تشابك السكر وجمد معاكي .. لان راح نضيف له زبدة كاملة 200 جرام ومع الزبدة راح يذوب ويتفاعل ..

لما يذوب كل السكر معانا نضيف خليط الماء والحليب والجوز الهند

اذا حسيتي ان الحلوى شوي سائلة اضيفي عليها النارجيل .. وظلي قلبي عليه واخلطيهم مع بعض ..

بعدها اضيفي رشة من الزعفران وجوز الهند .. وماء الورد

راح يعطيها طعم رهيب وشيء زاكي ورائع جدا

وظلي قلبي قلبي عليهم الا ان تحسي ان الخليط او الحلوى يتجانس مع بعض وان النارجيل نضج وصارت حبيباته خفيفة وهشة ..<< ارجو انكم تفهموا ذا الشيء .. :o

بعدها نضع الحلوى في طاسة التقديم .. ممكن تكوريها ع راحتك بس الافضل لما تكون في صحن التقديم .. تزين بالمكسرات <<< ما زينتها بالمكسرات لان الطبق كان ساخن وكان الوقت متأخر :D

هني وعافية ع قلوبكم

وعيدكم سعيد

J

Jالحياة أمل J

عروس مشرقة

23-09-2009 | 04:01 PM

مشكووره خيتو على الوصفه الحللوه ويعطيش العاافيه
عاد تصدقين بالعيد اكلتها لما زرنا الاهل وعجبتني وكانت مكوره فخمنت مقاديرها وقلت بجربهاا وزين اني لقيت الوصفه اهني
تسلمين مره ثانيه

ا

الوان سحرية

مشرفة سابقة

23-09-2009 | 04:15 PM

عليك بالعافية الغالية

ذا الطبق عندنا ضروري في بعض العائلات العمانية ..

كل عام وانت بخير

^

^ السفيرة^

مشرفة سابقة

23-09-2009 | 04:30 PM

تسلمين يالغاليه على هالطريقة

ربي يحفظك ... وينعاد علينا وعليكم
بالصحة والعافية والخير والبركة ...

e

ema_85

مشرفة سابقة

23-09-2009 | 04:32 PM

ما شاء الله عليك ام عبدالله

شكلها حلو بس انا ما احب النارجيل

واول مره اشوف هالطبخه. فصلاله ما نسويها

الله يعطيك العافيه يالغلا

ويخلي لك عبادي وابوه

ا

الوان سحرية

مشرفة سابقة

23-09-2009 | 05:23 PM

السفيرة .. مشكورة ع المرور اختي

ايمي .. اكثر شيء عندنا في مسقط ذا الطبق .. وكمان في الباطنة ..
مشكورة ع مرورك يا عسل

v

vanilla cake

عروس ماسية

23-09-2009 | 05:56 PM

هالطبق حلوووو مره ذقته عند وحده بحرينيه ريلها من عمان فكانت حاطتها تقول من جيرانهم مسوينها ومطرشينها مع ريلها البحرين بس كانت لذيذه وعجبتني تستاهلين التقييم حبيبتي وتسلم يدج

أ

أم المهند

مشرفة سابقة

24-09-2009 | 05:30 AM

ما شاء الله عليك أولوانوه ، تصدقي في خاطري أضبط الماهوه وحلوى النارجيل اللي بهالشكل ،،

تجنن ما شاء الله تسلم يدك الغالية من يد ما نعدمها يا رب ،،

شوفي الحين انتي نزلتي هالنوع حلوى وبنزل أنا بعد طريقتي اللي سويتها أيام رمضان بالنارجيل نوب هي بو أعرفها بس خخخخ ، بس طريقتك هنيه ما يحتاج لها جهد في التقليب أستكاود التقليب تعرفي ما أروم أتشاحط واجد أنا يالله يالله سويت ذيك العرسية وزوجي بو عكسها عني وطلعت يمي يمي خسارة ما صورت الطريقة ،، من الجوع بو دقنا هههههه ،،

بجد فنانة ألوانوه وبجربها بما ان شي عندي نارجيل بعد ..

شكلها في الطاسة وااااو رهيب بارك الله فيك ..

أ

أم المهند

مشرفة سابقة

24-09-2009 | 05:32 AM

ألوانوه تستاهلي التقييم بجد بس ميزانك خسف ما طايع وعنيد نوب ..

بس وراه وراه ما بخليه ..

ل

لا لة دوجا

عروس متألقة

24-09-2009 | 05:45 AM

طبق رائع ومشكورة على المجهود وتستاهلين التقييم

أ

أم المهند

مشرفة سابقة

24-09-2009 | 08:24 AM

ألوانوه الحبة هنيه طبقت أكلتك تعالي بعجبك خخخخ

http://forums.3roos.com/t246343-46.html#post10310440

s

sounya

مشرفة سابقة

24-09-2009 | 10:17 AM

تسلم ايدج الوانوو
طبقج رووعة :)

&

Ɯα7śнтƞφ ŠώαŁƪϜЌ

عروس مشرقة

24-09-2009 | 10:43 AM

ماشاء الله

تسلم هاليد وصاحبتها ..

وايد شكله عجيب

وان شاء الله بطبقه :)

ا

الوان سحرية

مشرفة سابقة

26-09-2009 | 07:52 AM

nice2eyes;10307126:
هالطبق حلوووو مره ذقته عند وحده بحرينيه ريلها من عمان فكانت حاطتها تقول من جيرانهم مسوينها ومطرشينها مع ريلها البحرين بس كانت لذيذه وعجبتني تستاهلين التقييم حبيبتي وتسلم يدج

هلا الغالية عيدك سعيد

الله يعطيك الصحة والعافية يا رب

مثل ما قلت الطبق ذا فناني ولذيذ خالص خالص << لازم تدخل بالمصري هههههه

وان شالله يعجبكم دوم كل شيء من عماننا الحبيبية ..

ا

الوان سحرية

مشرفة سابقة

26-09-2009 | 07:59 AM

أم المهند;10310046:
ما شاء الله عليك أولوانوه ، تصدقي في خاطري أضبط الماهوه وحلوى النارجيل اللي بهالشكل ،،

تجنن ما شاء الله تسلم يدك الغالية من يد ما نعدمها يا رب ،،

شوفي الحين انتي نزلتي هالنوع حلوى وبنزل أنا بعد طريقتي اللي سويتها أيام رمضان بالنارجيل نوب هي بو أعرفها بس خخخخ ، بس طريقتك هنيه ما يحتاج لها جهد في التقليب أستكاود التقليب تعرفي ما أروم أتشاحط واجد أنا يالله يالله سويت ذيك العرسية وزوجي بو عكسها عني وطلعت يمي يمي خسارة ما صورت الطريقة ،، من الجوع بو دقنا هههههه ،،

بجد فنانة ألوانوه وبجربها بما ان شي عندي نارجيل بعد ..

شكلها في الطاسة وااااو رهيب بارك الله فيك ..

الله الله الشيخة المغتربة هنا ..

هلا والله .. هلا بالطلة البهية

عيدك مبارك وايامك مباركة لك ولعائلتك الكريمة

كيفك وكيف العيد عندكم ؟؟

اكيد مفتقدين اللمة العودة وسط الاهل ..

امممممممممم انا اصلا كنت ناوية اني اشتري ذا الطبق حالي حال اهلي مثل كل سنة

بس من خلال بحثي عن بعض الاكلات في كتاب المطبخ السعيد للشيف شيخة المشيخي .. شفت ذي الحلوى مرتزة وسط الكتاب .. وعاد تنططن شياطين الطبخ في راسي هههههههههه قلت لاا ما دام حصلت الطريقة عليك بها يام عبدالله .. وفعلا تعبت فيها لانها كانت تحتاج تقليب كثير .. وانا عاد عود بان الله يخليني ان شالله ع اقل شيء يتلوح ههههههههههه ... المهم بروح اشوف طريقتك وتطبيقك .. اكيد راح يكون رائع مثلك ان شالله .. العرسية لين تو ما جربت اني اسويها والا اني ناوية بصراحة .. انا جربت الترشة كيف طريقتك وطلعت فنانية بس اختي تضبطها اكثر .. تو كل عقلي وفكري في الخبز العماني وطريقة التطبيق فيه .. احترقت حرق كبير وانا احاول واجرب .. بس ان شالله راح افلح عما قريب

واااااااجد تكلمت .. مشكورة عزيزتي .. وانتظر طبقك الجديد ..

ا

الوان سحرية

مشرفة سابقة

26-09-2009 | 08:02 AM

لا لة دوجا;10310088:
طبق رائع ومشكورة على المجهود وتستاهلين التقييم

فديت الطاري .. مشكورة عزيزتي

ا

الوان سحرية

مشرفة سابقة

26-09-2009 | 08:04 AM

sounya;10310708:
تسلم ايدج الوانوو
طبقج رووعة :)

هلا ام شهد .. مشكورة عزيزتي

ا

الوان سحرية

مشرفة سابقة

26-09-2009 | 08:05 AM

وכشتني? سوآليفڪ {=~;10310775:
ماشاء الله

تسلم هاليد وصاحبتها ..

وايد شكله عجيب

وان شاء الله بطبقه :)

مشكورة الغالية

وننتظر التطبيق

&

♥ توتة ♥

عروس ماسية

26-09-2009 | 08:37 AM

واو شكلة عن جد لذيذ حبيتة مرة
انا تصددقين احسبك سعودية هههههههههه
وطلعتى عمانية
والنعم باهل عماااااااان

ا

الوان سحرية

مشرفة سابقة

26-09-2009 | 08:42 AM

يا بعد قلبي ..

كلنا اهل فديتك .. سعودي عماني .. كلهم اهل

مشكورة ع مرورك يا سكر .. ويالله ننتظر التطبيق ..

ويا ريت تزيدين حبات الاضاء والنجوم في صورك ههههههه