ساعدوني نفسيتي تعبانه ومكتئبه

السلام عليكم

خواتي ساعدوني تعبت بعلاقتي مع زوجي ينتقد كل شي فيني ويحاول انه يحسسني اني انسانه ما أنفع لشي لا لبيت ولزوج واولاد, تعبت وانا احاول ارضيه احس انه يفكر بالطلاق وانه يدور عذر ومن فتره حصلته مخزن مسجات بتلفونه بدون رقم احبك وصباح الخير حبيبتي وصباح الخير حياتي واحنا لنا سنه ونص لا بينا مسجات ولا تلفونات اذا طلع وفي البيت مانتكلم مع بعض كثير وحتى بالفراش مافي صله الا نادر .
الحين احسه يريد يخنقني ويبغيني انا اطلب الطلاق مايبغيني اطالع تلفزيون ولا اتكلم بالتلفون ويسألني رصيدج تخلصينه على منو واذا يلست على الكمبيوتر يشب البيت حريقه ..
انا كنت على نص رمضان في بيت اهلي زعلانه وبعدين رجعت , ومن يومين تضاربنا على موضوع المسجات قالي انتي رجعتي علشان تشترين اغراض العيد والحين خلصيتيها ومب محتاجه شي خذي اغراضج وروحي بيت اهلج وهذا قهرني وحطمني كلامه , عمري مافكرت بهالطريقه ودي احبه بجنون ويحبني يسأل عني ودي احس انه لي في قلبه مكان وانه حنون علي .
انا زوجي عنده حرمه من قبل واطفال , واحساس اي شي اسويه معاه او يصير لنا مب اول شي في حياته يضايقني , اول حمل اول طفل اول مناسبه كل شي مضايقني ياخواتي.
انا انسانه خدومه ومبتسمه وقلبي طيب وحساسه احب بيتي وزوجي واولادي واهلي وكنت احب اهله لاني حبيتهم بجنون في البدايه بس انخدعت فيهم وصاروا ناس عاديين وزوجي تطلقت مرته القبليه واخوه تطلقت مرته بسبتهم ومن حركاتهم , زوجي يشتغل خارج الامارات ويعزم ربعه يسيرون وياه ومافي يوم جاني وقالي خاطري تسيرون انتي والعيال معاي واني مشتاق لوجودكم معاي في الغربه , برغم كنا معاه ورجعنا واخته الكبيره قالتله لا توديهم معاك مره ثانيه ومن يومها حالف انه مانسير وياه , احس انه عنده شي هناك برفضه سفرنا معاه وعدم اتصاله لنا لمى يكون هناك وانشغاله حاله انقلب شوروا علي خواتي خلاص مب قادره احس نفسيتي تعبت وايد.