semsema_semsemy;10403970:
انا والله اول مره ادخل الشات هنا بس ربنا اللى عالم بيا عشان كده لقيته
كنت معزومه عند حماتى لاول مرررره النهارده وماشاء الله عليها طبيخها رهيب وبنتها زيها
حسيت بانى ااااااااااد كده ادام خطيبى لانى اكيد مش بعرف اطبخ زيها
دى اول حاجه فرستنى
تانى حاجه كل شويه يتدخلوا فى موضوع الجهاز والبتاع وحاجات المطبخ ويلمحوا ويقولوا دى فلانه جابت 3 غسالات و10 تلاجات
والصالون لازم يكون كذا
والحلل لالاالا دى اكيد من النوع الرخيص
وكلام بقى من النوعيه دى لدرجه انى بقيت ماشيه زى البتاعه كده اشترى عمال على بطال_عشان انول الرضا_وعارفه برده انى مش هنوله
قولولى بقى اعملللل ايه
اه صحيح ازيكو :(
بصى يا سمسمه المفروض انك تتعودى انك تعملى الحاجه اللى انت راضيه عنها ولما تبقى وسط ناس كده اول مره تقابليهم لازم يبقى عندك ثقه فى نفسك ازيد من كده
انت مش بتعرفى تطبخى عادى جدااااااااااا المهم انه يبقى عندك استعداد تتعلمى وتتعلمى مش عشان تنولى رضا اهل جوزك لاااااااااا تتعلمى عشان نفسك وعشان جوزك الاول
بنات كتير جدا مكنوش بيعرفو يسلقو بيض ودلوقتى ميه ميه المهم الاستعداد
موضوع الجهاز وانك تشترى عمال على بطال ده انا مختلفه معاكى جداااااا فيه لانى زى ما قولتلك فى الاول اعملى اللى انت راضيه عنه مش اللى يرضى اللى حواليكى
دلوقتى لما تروحى تشترى 10 اطقم حلل عشان بس لما يتفرجو يقولو دى جايبه كتير انت هتستفيدى ايه ؟؟؟ فلوس وبتتصرف وخلاص
انت هاتى الحاجه الكويسه اللى هتستفيدى منها وبس ملكيش دعوه بحد
وكمان يا جميل اتعودى انك مادام ماشيه صح ومش بتعملى حاجه غلط يبقى خلاص
ومش معنى كده تعملى بينك وبين الناس عداوه بس انا اقصد ان الناس كلامها كتير اووووووووووووى ومحدش بيرضى عن حد مهما عمل الا من رحم ربى
المهم الثقه ثم الثقه ثم الثقه بس مش اللى توصل للغرور
يارب تكونى فهمتى قصدى من الكلام والرغى ده كله
niceheart;10404028:
وعليكم السلام اهلا بام بلال
وعلى طريق العرس بقالى كتييييييييير ما شفتكيش كنتى مختفيه فين وعامله ايه
اهلا يااجميل ازيك انت عامله ايه
انا موجوده هروح فين يعنى :)
بس مش بدخل ياهو كتير