´ˆ تجهيزات عرائس { ليبيا } لشهر شوال 1430 - 2009 م " الجزء 4 " ˆ`

دلوعةخطيبها;10453368:
كيف حالكم يا عرايس
شوفو هالرابط www.braun.com.arabia

هنو الدلوعه;10452855:

كيف حالكم يابنات وشني أخباركم

وينكم مكسدات تعرفو كل مانخش مانلقى حد نطلع
وبالنسبه لي بدلة الرقص بصراحه فكرت فيها ولغيتها مع أنه جتني وحده حلووووووووووووه بس عطيتها ومع انه اني فنانه في الرقص ونمووووووووووت فيه لكن قلت خليها البدله بعد فتره من الزواج زي ماقلت عروس صهيب
ولانجري التنكري زعما وين متوفر لو تعرفو قولولي
والعدسات مانستعملش فيهم وعمري مانفكر نلبسهم
ونبي نسأل نفس سؤال نرجس على الشمعه وكل تفاصيل عنها

وسؤال مافكروش في هدية مالي العريس عشان نتشاركو في الافكار

بالنسبه للشمع ما عندي فكره :( بس بالنسبه للملابس التنكريه عندي واحده تاجره نفس اللي حكيت عنها لنرجس عندها كم من قطعه تححححححفه و اسعارها تهبل هي صح اتطول شويه لانها اتجيبلك بالطلب لاكن انا قبل شويه كنت معاها اون لاين ورتني اخر حاجات وصلن مش طبيعيات و حجزت منهم قطعتيييييين
كان تبي تفاصيل اندزلك عالخاص

و الهدية قصدك هدية العروسه للعريس؟؟
انا هديته طقم بيجامه و روب و هكي فيه 6 قطع و عطر معاه الكولونيا و البودره و بس (( يعني فوق ما انا جاياته بطولي و عرضي يبي هديه؟؟ ))
:wink:

بالنسبة للشمع ياحناتى راهو حاجة صقع للى بشرتا حساسة يحيد الشعر بدون حبوب بس ديرنا عند كوافيرا شاطرة ونظيفة

الله يخليك اختي ويحفظك يارب وشكرا علا النصائح 3ROOS SOHAIBومشكورة والف شكر علا النصيحة وبالنسبة للبدلة ايه والله تزلبيحة كبيرة نار 300

ليبيا قلبي;10457251:
الله يخليك اختي ويحفظك يارب وشكرا علا النصائح 3ROOS SOHAIBومشكورة والف شكر علا النصيحة وبالنسبة للبدلة ايه والله تزلبيحة كبيرة نار 300

اي خدمه يا حلوه واي سؤال او استفسار انا جاهزه
لاني زيكم كنت متبهدله و مش عارفه شن انجيب لا شن اندير و حالتي يا لطيف الطف
عموما انتم اسألوا و انا ربسي ايعيني و انجاوب

سؤال عاد عشان المخالفه: اكيد فيه فرق بين اجار الصالات في طرابلس و بنغازي فيا ريت كل واحده حجزت صاله اتقوللنا عالسعر عشان المعلومه العامه يعني فيد و استفيد

الشمع يابنات ميه ميه للوجه وتحت الابط اني شخصيا نستعمل فيه والحق مستريحة معاه وننصح كل عروسة تسعمله للوجه والابط احسن من الحلوة بهلبة

سؤال عاد عشان المخالفه: اكيد فيه فرق بين اجار الصالات في طرابلس و بنغازي فيا ريت كل واحده حجزت صاله اتقوللنا عالسعر عشان المعلومه العامه يعني فيد و استفيد

عروس صهيب فعلا اكيد الاسعار تختلف توا احني عرس اختي الصالة كلفتنا 2500 وهما بيعطو الشاي والمشروب فقط وعندهم منظومة
والعشي الحار بس بروحه كلفنا 1500
وطبعا البكلاوة والرزاطة والعمبمبر والكيكة هادو بروحهم حسبتهم والتصوير ثابت بس من غير ديجيتل ولافيديو كلفنا 180 دينار طبعا 40 صورة بس!!!!! ياريت كان فيه وحدة تعرف مكان ارخص اتقولي في طرابلس

الشمعة صار اتحول الشعر تعرفن حتي انا بشرتي حساسة بكل بس بصراحة انا شعر الوجه ما انحولش فيه الشنبات بس :tongue: و الحواجب ما عش قعدت اندير فيهن الا لما يجوني اعربي انظفهن تنظيف بس و انخاف اندير الشمعة توا عاد اتحولي الشعر وانا نبي وجهي اينور بصراحة يوم عرسي والله صاحباتي الزوز ايديرن في فتلة في وجهن يوم عرسهن طلعن كيف ما هنا غير امتقلات المكياج بس شن رايكن ما انديرهاش وخلاص

نرجوسة هو ماليشي علاقة تنوير الوجه بالفتلة ولا الشمع هو بس مجرد تنزيف للوجه من الشعر وخلاص التنوير عندك ماسكات واقنعة وبعدية حتى النفسية تعكس على الوجه ياما منهم ماداروش فتلة ولا شمه للوجهم لان ماعندهمش شعر في وجههم وطلعو حلوات وهو المكياج يخلي حاجة تبان

شوفي روحي لو كان شعرك خفيف هلبة علاش تناشبي فيه الشعر غير يكثر وتبدي ديمة بتحوليه والكوافيرا ديريى معاه جلسات تنظيف وتفتيح وخلاص وننصح اشربي الميه هلبة وكتري من اكل التمر في الصبح بكري ............ انحس في روحي دويت هلبة :rolleyes:

تعرفي يا امورة انا شعر وجهي اصفر جاء كانه زغب مش شعر و مادرت الفتله غير مرتين في حياتي مرة في بياني و مرة قبلها كان عندي فرح قريبي بس لكن الكوفير قاتلي انتي بشرتك تعبانة و ناشفة و بنديرلك جلسات تنظيف و تقشير وبعدها قاتلي بنديرلك شمعة انضر عاد شن بيصير بس عقلي ايقولي عدي لطبيب جلدية خير

امورة بنسالك علي طواقم الملابس الداخلية كيف تقسيمتهن هدين يعني كم طاقم ناخد و العمليات كم و في طواقم اطلوع و الله شن الحكاية حسني لخبطت و ارتبكت

يا بنات شن احسن لون صبغة شعر للعروس و شن افضل ماركات الصبغات و مكياجي ناخده امعاي او كيف عند الكوفير يعني انا هكي بنشري مكياجين مكياج عرسي و مكياج بنحطه في شقتي او كيف في حاجات ملخبطاتني وانتن معش خشيتن و معش نشطتن زي قبل

شكلي انا في المنتدي بروحي و نحكي ابروحي بس مش مشكلة و ين عروس ليبيا و كاندي هدين عاد ما شفناهن بكل انشاءالله في غيبتهن خير و حتي غزال الريم و دلوعة خطيبها
المهم يا بنات تعرفن (( ستيان السيلكون )) سوري ع التعبير الجريئ المهم في نوعين نوع اتبليه بميه و تلصقيه تلصيق والنوع التاني فيه اسيور طبعا النوع التاني a b c d مقاسات و الاخر مش عارفه قالولي ستاندر احتمال السؤال و ين اين افضل منهن انا عقلي ايقولي اشريهن هن الزوز و حاجة تانيه انا كيف نعرف مقاسي زعمك سؤال غبي صح

يا بنات خاطري نشري روب اسود و ملابس داخلية سوداء بس ماما ما خلتنيش مش عارفه عليش التشؤم قل ما ييبنا الا ما قدر الله لنا شريتن انتن اسود او لا

نرجوسة اشرى اللون الى خاطرك فيه انا اغلب اروابى سود لون مثير وحلو على البشرة يناسب كل الاوقات

المهم يا بنات تعرفن (( ستيان السيلكون )) سوري ع التعبير الجريئ المهم في نوعين نوع اتبليه بميه و تلصقيه تلصيق والنوع التاني فيه اسيور طبعا النوع التاني a b c d مقاسات و الاخر مش عارفه قالولي ستاندر احتمال السؤال و ين اين افضل منهن انا عقلي ايقولي اشريهن هن الزوز و حاجة تانيه انا كيف نعرف مقاسي زعمك سؤال غبي صح

نرجوسة سؤالك في محله على (ستيان السليكون اني ماجربته قبل وخاطري فيه وحتى اني مش عارفة مقاسي وانحس امتع السيور خير الا اذا كان صدرك واقف من الاول يمشي معاك امتع التلصيق ولو شريتيه بالله عليك جربي وقوليلي اما احسن واحد
وبالنسبة للروب الاكحل خودي ايه طاقم لانجري اكحل وروب عادي وزي ماقالت عروس رايقة الاكحل مثير ومغري على اللحم

والطواكم خودي 3 وامتع الطلوع ماتلخبطيش روحك هما من بيشوفهم اصلا راجلك وخلاص غير دوة زايدة

يابنات نبي اغنية المجرودة لمصطفى البتير بليييييز

عندي الاغنية هدي توا في الجهاز كيف اندزها لكي

نرجوسة ابعتلك على الخاص ايميلي ضيفي عندك وكان عندك اغاني اعراس ثاني ابعتي

السلام عليكم ورحمة الله وبركاته...

كيفكن بنات وشو اخباركم سامحوني اني معاش خشيت واختفيت فجاه اصلا سافرت لسوريا جت سفره سريعه والحمدلله انجزت حاجات وجدات غادي باركولي خديت الفيلو والحمدلله حصلته واخيرا كيف ماكنت احلم بيه وخديت فستان الحناء وطبعا خطيبي دودي يوم سفري جابلي الفلوس وفاجأني بصراحه بهن يعني خديت نصف حاجاتهم من غادي الفستان الي بنلبسه في الصباحيه وبدلتين والعبايه الخليجه وعبايه مطرزه ليا اني مخصره واهو شوي سبورات للحوش..
وزي ماانتم عرفنين خلاص فرحي بعد تلات اسابيع ان شاءالله وحايسه حوسه بس الحمدلله ان شاءالله تفض بسلام...
وبإذن الله حانحاول نكون معكم يوميا كان حصلت فضوه بس بنات حاسه بشرتي مرهقه عالاخر وماعنديش نيه للخلطات والتلبيز عكس ماكنت منقبل ربك يستر...

يلا نتلاقوا عاد

صح يا نرجوسه زى ما قالولك اللون الاسود حلو و مثير
وحتى انى خاطرى فى روب اسود
وإن شاء الله بناخد