تجمع حوامل قطر لشهر شوال *1430*ه

نور :: الله يآجرج خير .. و يتقبل الله ..

هلا كروشات بخصوص العيد تعرفون محل اقدر اخذ منه حق نعوم بتكون 8 شهور عالعيد ان شاء الله وخاطري في اوف وايت

دح دح
منا ومنج صالح الاعمال ياارب
شخبارج ؟؟ وشخبار نحوولي؟؟


برايفت: احببببببج في الله

الاماكن
فساااتين الموناليزااا تجننن حق البنات في هالسن وعندج ديوور ينزل هالالوان حق البنووتات في هالسن

يبي لي اخذ لفه ماتقصرين يانور...الموناليزا في وين؟:o

نور الحلوة :
الله يتقبل منج ،، متى بتخلصين صيامج ؟
ماشاء الله وناااااااااسه بتروحين الحج
الله يسهل عليكم ياارب ويتقبل منكم وتروحون وتردون بالسلامة يااارب
مع من بتروحين واي حمله ومتى ؟
تحقيييييق ههههههههه
المالديف رايحتها تجنننننننن
ريلي مطرش لي مسج من شوي يقولي موريشيوس
يضحكني قاعد فالدورة وعقله بالسفره ...

دح دح :
اي تسريحاتها حلوة وثابته من الو العرس لما انتي تفتحينها
وماتشد الشعر وتترسه سبري بالعكس يكون حلو وطبيعي
وخلها هي تستشور مب اختها مدري من اللي معاها
انا ه تسوي لي كل شي
اي والله تسريحاتها نيوو واذا تبين شي معين رويها الصورة ...

بخصوص العيد الحمدلله مرت خالي وعمتي وصيتهم وطلبت منهم اشكثر اغراض وجابوهم لي لان وحده كانت بجنيف ووحده فرنسا
اختي تقولي ماتنعطين ويه هههه
قلت لهم يجيبون لعيالي بدلتين للعيد مع الجوتي الله يعزكم والاكسسوارات
وبدل للايام العاديه
ولي لطلوعي من ال40 فستان راقي ونعووم وبدله وبختار منم وللايام العاديه بناطلين على برمودات وفساتين نعومه وقصيرة وبديات
وقمصان نوم
وللعيد فستان وبدلتين لان حق الفترة الصباحية والمسائية ووحده احتياط
مع الجوتي والاكسسوارت
والله ماقصور جابوا اللي طلبته واكثر وجايبين لي شنطه شانيل وبوتيغا

وصلا لليهال انا مااحتاج لاني لما سافرت فالصيف جبت لهم واايد وعماتهم جايبين لهم من السفر
ولما سافر ريلي الحين بعد جايب فديته ،،،
بس ابي اجهز للغرفة ...
(( قلت قصه حياتي )) خخخخخخخخخخخ

الاماكن
الموناليزا بتحصلينه في السلام

الجووري
انا ديني بس يووم واحد لاني اخذ حبوب منع الحمل ومسكتها في رمضان ومافطرت بس فطرت يوم واحد كنت مصخنه واليوم صمت
الحج بروح مع حملة الهدى صاحب الحمله ابوو زوجي ومتى لحين والله ماعرفت التاريخ بالضبط
والله يسمع منج وان شاء الله السنه الجايه اتعزمين وترووحين

نور :: برايفت :أحبك الله الذي أحببتني فيه (f)

الأماكن :: موناليزا في السلام و أعتقد البلو سالون خخخخخخ ترى في كل مكان بتلقين
فساتين حلووة للبنوتات ما شاء الله ملابس البنات تجنن و منوعة << وحدة محترة :tongue:
لا جد الفساتين واااجد ..

الجوري :: زين طمنتيني وقلتي لي عن الاستشوار لأنه عندي اهم من التسريحة .. اصلا كنسلت حجزي عند رضوى ..
و عليييكم بالعافية انتي والعيال .. :)
بخصوص الغرفة لا تسوين شي هالعيد مب كل عيد ترتبين و تسوين .. هالعيد غيري ولا تسوين شي :cool: << بتخرب المرة ..
لالالا كان وصيتيهم يجيبون لج مفرش من هونيييك ..

نور الحلوة:
انا رحت في 2006 مع حملة حاتم الحمدلله اني رحت قبل لااعرس واجيب اليهال
لاني ادري اذا كنت معرسه قلبي بيعورني اني بهد عيالي وخاصه انه يصادف عيد
وخاطري اروح بس مو الحين يعني بعد 6 سنوات مثلا ان الله عطانا عمر ..

الجوري..
بالنسبه للعيد خذت لولدي بسفرتي بالصيف وغير الملابس الشتويه ...وافتكييت

وبالنسبه للسفر ...انا وحده مغرمه بالسفر ...شوفي توكلي ع الله والله الحافظ لو ع المرض بللدنا منتشر فيهها واكثر من الدول الاوروبيه

ورفيجتى صار لها 4 شهور بلندن وبتقعد سنه فيها ماشالله مستانسين هي وعيالها وغير جذي مسجلتهم بمدارس هناك وتقول الوضع طبيعي جداا

لاتروحين جزر روحي النمسا تراها حلووة وايدد ولفي المناطق اللي فيها ..


نور الحلوة...

الحمله ذي ممتازة وايد العام رحت الحج عن طريق هالحمله ماقصرو وبيض الله ويههم ..
والله يتقبل ان شالله وتردين بالسلامه...

يحييج والله انا بعد قلبي معوورني اني بهد حمان في العيد بس يلا احنا رايحين انأدي فريضه
والله يعطيج ان شااء الله وترووحين يارب

نعوومه
اميين ياارب
اي مشالله الكل يمدح عمي فديته

دوحانيه::
الله يزرقنا بنوتات بالحمله الثانيه...
استخف لارحت اشتري لولدي واشوف ملابس البنات تيننننن ...والله ماخليهاا بخااطري اخذهم لبنات اختى واخوى..

دح دح :
خخخخخخخخخخخخخ لا يختي احب اغير كل عيد ورمضان وعيد زواجنا
واذا عندنا مناسبة خاصه او بين فترة وفتره لتغير الروتين ،،،
بس هالمرة بس بغير الكفر اتوقع لان
برايفت : زوجي غير لوك الغرفة كااامله والصاله اللي فوق لان هي اللي نقعد فيها
لما طلعت من ال40 في خالد ماخلا شي الا غيره
فانا حاطه فبالي هالمره انه بيسوي نفس الشي غصبن عنه ههه
فاذا سوا نفس الحركه بس بغير كفر السرير مع كمن باقه وبث ..

نعووومه
وانتي الصااجه ثياااب البنات اتجننن مشالله احتر لين ارووح اشتري حق ولدي ماحصله واشووف ثيااب البنات
الله يرزقنا ببنت يااارب

اللي يبوون البنات الله يرزقكم بالبنات الصالحات السليمات يااارب ..

نور الحلوة :
صح كلامج هاي تادية فرض والله يسهل دربكم
يعني عندج واااسطه فالحج هااا :wink:

الناعمه :
اي يختي انا بعد عم ريلي فامريكا عنده دورة ويقول الوضع جدا عااادي
انا رايحه النمسا
وهالمرة مفكره نروح جزيرة بعيد عن الناس وبورحنا ريلاكس وعلى راحتنا واهدى بعد
وجو نظيف
وبعد اظمن من ناحيه الامراض ،،
انتي مثلي لما اسافر بالصيف اتشرا ل6 شهور جدام ولما اروح نص السنه نفس الشي
اريح يختي
مااحب اروح اخذ من هني الا للضرووورة ...

مرحبا حلواات

بالنسبه لفستان حليمه ما عجبني :(

الجوري
جاهزة والحمد لله للعيد
بس باقي لي ولبنتي كم شي بسيط وبخلص

دوحانيه
شفت تسريحات منال حلوة
ورضوى سمعت وحدة تذمها في القص بس التسريحات ماعندي فكره

الاماكن
شوفي الصالون الازرق والسلام

بررررررررب بلبس خالد بيطلع مع اخوي وعياله
و برضع بنتي :)

جوجو
اشفتي شلوووون وريلي كل سنه يرووح مشالله

نور...
امين يارب الله يرزفنا ..

الجوري..
روحي جزيرة في فرنسا يمدوحونها بورا بورا...اسمها يضحك