تجمع حوامل قطر لشهر شوال *1430*ه

اليجانت

انا عن نفسي اتحكم في طول رقدة بنتي بالمهاد
ارضعها وابدلها وامهدها اذا ابيها تطول
واخليها بدون مهاد اذا ابيها ترقد شوي وتقعد
وهذاني احاول اخليها ترقد معاي بس مستحيل انظم نومها لانها توها صغيره
بس اسمه اني حااولت ><"

يمه منج هيووووب متسببه من قلب

يبيلج شي حلوو من الخاطر صبري علي لشفتج :mad:



اليجانت

ودي اساعدج وافيدج بس مثل ماتشووفين

بنتي للحين ماقدر اتحكم في رقادها :confused:

ان شاء الله الماميز يفيدوووونج

بسومة: اي يحليله كبر شوي وتغير صاير نسخه من ابوه وانا مايشبهني في شئ اهئ اهئ

والله احترت وياه .. اتبعت كل الطرق والوسائل حتى اعطيه ماي غريب مافي فايده قاعد قاعدتم .. وريلي المسكين احس اني مقصره وياه .. تخيلي مااصحى من النوم الا 4 العصر يالله يشوفني ساعتين في اليوم ويرجع البيت مايقدر يسهر وراه دوام

دح دح: ولدي الحين عمره شهر ونص ويااختي مادري بتم على هالحاله خاطري انام واقعد مثل الناس .. يعني
اذا رجعت بيتي شلون بخلي ريلي وينام واذا هو نايم بقعد ؟؟؟؟؟؟؟؟؟؟

ام جولي

صج يخرعووون لما يقولون يالله جيبي لها الاخو
تحسينهم يسبونج خخخخخخ
وصدقتي رعب من الزين


هيوووب + يني يزوووي

صج الرياييل مايقتنعون بالحبوب والموانع
لانهم مايحسون بالتعب
بس اكيد يراعون انه الحمل تعب وثقل وحاله
كفايه عيشانهم نفسيه خايسه 9 شهور خخخخ

انا ريلي رافض فكرة الحبوب
واصلا الحبوب ماتصلح لي لان عندي صداع نصفي
وهالشي جا في صالحه

والله يعينا على الرعب

الله يعينج اليجنت

وانا بعد ماعندي اي حل وحالي من حال تف تف ولدي يسهرر الليل ويرقد الصبح << خفااافيش عيالنا


بس انتي حاولي الماميز ماقصرو علمونا بالطررق لكن صبري ولدج لي الحين صغير

ولي رجعتي البيت الله بيحلها وبيسهلها عليج كلنا مرينا بنفس تجربتج وعدت الحمدالله

اليجانت

حبيبتي لاتعبين نفسج ولا شي
مالنا الا نصبر بعض وكلها فتره وبتعدي ان شاء الله
جربي طول اليوم ترضعينه من صدرج
وفليل عطيه مرضاعه << امي تقول انه المرضاعه فليل تخلي الياهل يطول في رقاده

وعن الشبه
انا بنتي كلهااا ابوها تقولين كوبي بيست الله يحفظهم
على قولة مرت حماي "التعب علينا والشكل عليهم" خخخخخخخخخخخ
الله يحفظهم ويخليهم لنا يارب

يالله فديتكم

بكره بيجوني ربعي وانا للحين سهرانه @@

اشوووفكم على خير ان شاء الله

بسومة: بجرب معاه موضوع المهاد

يغار: الله يعينج ويعينا

بالنسبة لموضوع الحمل مره ثانية شكلي بنطر وووووووووووووووووووووووووووايد لين افكر في هالشئ تدرون ان مكان الخياطة للحين منتفخ ويعورني لما البس بنطلون .. الله يعني

ههههههههههههههه

حلو نكي الجديد شكلي باغيره صج خخخخخخخخخخخخخخخخ

وسم الله عليج من الصدااع النصفي

مالج الا الطبيعي والرعب كل شهر يما يما

هيوبه: بجرب نصايحكم والله كريم

بسومة: على طاري رضعة الليل اخليها مرضاعه من اسوي هالحركة يناحس ويسهر زيادة جنه يقولي متى مابغيت ارقد برقد مو على كيفج ترقديني

وانا بعد بروح انام تمسون على خير

اليجانت


مارحتي لدكتوره تشوف لج موضوع الخياطه المنفتحه ؟!

مب زين تمين كذااا

والله يعينج ان شاء الله وتعدلين رقاد ولدج




بسوووومه و اليجانت


الله يحفظكم ونشووفكم على خير

وأأناا بعد بطلع أأنااااااااااااام

تمسوووون على خيررر

(f)

اليجنت :: لا تشيلين هم .. و هي فترة و بتعدي ان شاء الله .. كل الامهاااات جذي يتمون سهرانين مع هالنتف و الرياييل يرقدون .. شوي شوي لين مايفطنون اليهال و يتعلمون على نظام معين .. بس مايمنع انج تحاولين ولا تياسين صج ولدج صغير بس حاولي بتتعبين شهر شهرين بس لازم تجبرينه على نظامج ..

صباااااح الخير

وين الماميز والكروشات اليوم ؟!!

::

بسومه

لج وحشه .. من زمان ما طليتي علينا ..

وبخصوص خرافة الريول .. كثر بنتي محد حط ريل على ريل ..

ياختي هاي دلع البنات .. ايتكيت :cool:

متى ما الله كتب لج تحملين بتحملين .. واللي يجي من الله حياه الله

كاميليا

بالنسبه لاسامي البنااات

هيا - ديما - منيره - شهد - المها - الدانه - الريم - ميرا - غاده - مريم - هند - ساره - نور

واسامي الاولاد عندج

عبدالله - سيف - سعود - حمد - غانم

******************************************

اليجنت

ذكرتيني بمعاناتي مع ولدي بس انا اشتغل علي و طلع على حقيقته عقب ال 40

والا قبل كان هادي وراواني الويه ال2 عقب

الله يهديهم ويصلحهم

مرحبااا

صباااحكم جوووري


عروووس

ياقلبي بتوحشيناا وكفيتي ووفييتي ولاتقطعييييينا كلش



ام الغااالييين

مبرووك يالسميه الاشراااف وتستااهليين كل خيير


كامي بالنسبه للاااسامي

اولاد

اكيييد عبدالرحمن هع -خالد -فيصل - فهد- عبدالعزيز -سعود-تركي -طلال -الولييد<-- خاطري اسمييه بس ادري بعييد عن خشمي

بنات

الجووود -الجووري<-- اسماء بناتي ان الله كتب-الرييم-المها- مسك -الجازي - اممم ف بالي واجد بس ناسييه

مدام العجمي

اامااا شانتال @_@ زيين سميني الجوري

صباح الحب والشوق ...

صمت اليوم وان شاء الله الخميس بخلص ان الله راد
امي تقولي سويتي اللي تبين مرة ثانيه لاتشاورين دامج مقرره :tongue:

مشرفتنا الغالية :
صباحج خير تبين شي ماشيات
اجيب لج ريوووق
اضبط معاج ههههه
زينج من الصبح انتي ؟؟؟
ابي الجدول اسدحيه ويالله نبي نخرع احد (6)

جنتوووووووونه الحلوة :
صباح الخير عليج وحشتيني حبيبتي
شنو ريوووقج اليوم ؟
من زمااااااااان ماسالتج
وشخبار ولدج ؟
ان شاء الله يااارب الله يهديه ويتعدل نومه
ان ماتعدل ضربيه 3 مرات باليوم
الصبح على يده اليمين
وعقبها ب8 ساعات على ريله اليسار من تحت
وبعد 8 ساعات فرصه على جفنه اليسار
وبس بيصير مطيع :wink:

ام حمني & الجوري

صباحكم فل

صبااااااااااح الخير