تجمع حوامل قطر لشهر شوال *1430*ه

هاي كرشرش وماااميز

اخيرا قررت اكتب قصة ولادتي

عشان اخرع الي يبربون احين خخخخخ

الله يسلمكم يوم الاحد تاريخ 21/6 كاتبين لي دخول طلق صناعي

المهم انا بايته في بيت هلي مارقدت من قرادتي ذاك اليوم قاعده لين الفير

من الخوف والام تجي وتروح بس خفيفة ماوعيت الساعه اربع الفير الا زايده علي

رحت قعدت ويا امي اقوولها المووهيم انا مابي ارقد انطر ريلي يطلع من الدوام يمر علي الساعه

6 وغفيت شوي يمكن نص ساعه الا مكلمني ريلي يايني ... طبعا انا قبلها بيومين ميته من الم احتقان

في بلاعيمي وزكام وحاله واذوني بعد اصرخ منها وعين وحده بادية تفرز الظاهر هاي كله من البلاعيم

دارت على ويهي كامل هههههه ... وكل ماروح طواري حمد ولا الولاده يقولون لي اولدي وعقب نعالجج

مافي فايده عاد يوم يايني ريلي رحت البيت وقلت لهلي بسفه المستشفى من الخوف .. يوم دشيت البيت توني برقد الا الام تزيد والله يعزكم نزلت علي افرازات ويا دم عرفت حزتها ان هاي طلق واقوووم افز اكلم امي الا تقولي روحي الطواري وانا اوردي عندي دخول طلق صناعي لو رايحة قسم الدخول ع طوول ابرك لي رحت طواري الولاده وعقب طلعه الروح وانا اتالم من الطلق دخلوني يمكن ساعتين وانا انطر الا الدكتورة تقول انتي اوردي عندج دخول روحي هناك ليش جايه اهني عشان يولدونج هناك كله من امي خلتني اروح لهم ويضيع وقتي عندهم اهئ اهئ .. واروح قسم الدخول واخذو بعد النطرة هناك ولا يقولون مافي غرف وانا ميته من الأالم وامي تقولهم هاذي طلق اخلصو مني مناك دبرولي غرفه ويدورون الملف الا الطواري مضيعينه عندهم

واخذو نطرة بعد بغيت اموووت قلت لهم خلاص بروح اربي في البيت هههههه ...لين تلقوون الملف ههههههه

الا الموظفة تقوول وين تروحين سجلتج دخول انطري وانا بموووت من القهر والالم والموظفة تزيدني بعد

تقول لو من اول جايه هني كان احسن ليش رحتي الطواري ؟؟

وعقب طلعة الروح ودوني فوووق ويا ملفي وبس ياتني الدكتورة وفحصت الا 2 سانتي قلت انا خلاص بيخلوني اربي طبيعي دام معاي طلق وفاتح 2 سانتي ماوعيت الا داشة علي بعدها معاها تحميله ويالله ياماما تقولي

قلت شسالفه خلوني بربي بروحي قالت لا هاي مكتوب بالملف ماقدر اخليج يالله بسرعه ولا خلتني لا دش حمام ولا غيره انا اخبر الي بيحطون لها صناعي تدش الحمام يقولون لها انا معطيني السين ..

وبس عقب ساعه بدى مفعول التحميلة وووين الم الطلق العادي ولا شي بالنسبة لالمها بغيت اموووت الا شوي والساعه ثمان فحصوني الا انا 3 سانتي يغيت اموووت اترجاهم مايعطوني تحميلة ثانية الا يقولي الدكتور لا ماراح نعطيج انا اعطيج قرانتي بتربين يابليل او الصبح باجر والساعه 2 وانا اصرخ من قمة راسي الا امي تنادي النرس تقولها اكيد بتربي فحصتني الا انا 5 سانتي وعلى طووول تناديهم عشان ينزلوني الولاده

وانا مابي اروح اقول لامي لا مابي اروح من الخوووف وطبعا انا اطلق من الظهر الساعه 2 ونزلوني غرفة الولاده

اوووف واتم شوي الا ياتني دكتورة الله يكرهها باكستانية مادري هندية تكلم خليجي زين تقنعني بابرة الظهر

وانا مابي وعقب وحده سودانية تقنعني بعد وانا مابي واخر شي يوم شفت الموت قلت ابي الابرة

راحو نادو الدكتور جزائري اظن حليو الا يقولي تعرفين شي عن ابرة الظهر قلت لا قالي ايجابيتها ماراح تحسين باي الم

لكن مساؤها كذا وكذا وكذا شاب شعر راسي قلت لا يبا مابيها قال احسن اخذي ابرة العضل وخلج ع الاكسجين ابرك لج

وتميت اااه اتالم واتالم وبعدين ياتني الدكتورة الباكستانية ويا السودانية ها ليش ماخذتي ابرة الظهر قلت لهم مابيها

الا تقولي كيفج بتحسين بالالم وتعورني وهي تفحص الله يغربلها المهم عقب ياني دكتور سوداني الله لا يوفقه مادري شسوى دخل

يده وخربط الا نبض البيبي خف اسمع الجهاز خلاص شوي وبيوقف مافيه صووت الا الممرضة ترطن عليه الي فهمته انه سوى شي غلط

الا يقوولها اسكتي انا اعرف شغلي وهاوشها المهم هي سكتت وانا اطالع اقوله شسالفه دكتور جان الطوفة ردت هو رد الله لايوفقه

وتم يخربط ومادري شيسوي يقول حق الممرضة الجهاز خربان وراحو جابو لي شي ثاني حطولي بدال الكسجين مادري ليش

واترجاهم ابي الاكسجين يقولون لي لا عقب يات الدكتورة الباكستانية الا تقولي بناخذ عينة من راس البيبي عشان نعرف نسبة الاكسجين عنده وانا اقول ليش شفيه ولا يردون علي ودخلت وخذت وعقب ردو لي الاكسجين مادريت بعمري الا الساعه سبع وانا اصرخ من الم

طلعة الراس واصرخ من قمة راسي وعقب تيمعوا الدكاترة الا يقولون لي بوووش يالله يالله ووانا خلاص بموووت من الالم وتميت اصرخ من قمة راسي لين ظهر حبيب قلبي وااااااااااي فديته واول ماطلع ماصاح الا اقولهم ليش مايصيح سافهيني ..

وعقب عطوني ياه لين الغرفة وعقب خذوه مني ليش قالولي فيه رجفة بنحطه في العناية وبنرده لج بكره قلت اوكي

ثاني يوم راح لهم ريلي الا يقولون له انه من الالتهاب الي كان فيني شاكين ان جاه شي عشان جي 3 ايام تطلع نتيجة التحليل وعقب بيردونه لي وعقب 3 ايام الحمدلله النتيجة ايجابية وسلموني اياه ايه عليه ..

وبس ...

ادري طووولت عليكم