ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

tota_10;10395321:

السلام عليكم

ازيكم يا بنوتات يا جميلات

دى اول مشاركه ليا فى المنتدى كله .. ويسعدنى انها تكون هنا فى الموضوع ده
وألف مبروك لكل العرايس

انا عرفت منتداكم الجميل ده من جوجل .. :D وعجبنى اوى .. بس بصراحه
تهت فيه خاااااااالص :confused::confused:

انا هعترف بحاجه بس محدش يضحك عليا .. انا عمرى 22 سنه
وخطوبتى ان شاء الله هتكون فى شهر 12-2009 ادعولى بس مايتغيرش الميعاد (a)

المهم .. المشكله انى بصراحه كده .. مش عارفه ابقا عروسه :ss: حد فاهمنى
مش عارفه المفروض اعمل ايه فى الفترة دى من الاعتناء بنفسى والاهتمام بالحاجات دى اللى بتعملها العرايس
حتى مش عارفه يوم خطوبتى اعمل ايه .. اكيد طبعا هعرف ألبس فستان والكلام ده :D
بس بجد انا مش خبرة ولا فى مكياج ولا برفانات ولا خلطات ولا حركات .. حتى جهازى مش عارفه أرتبه

حد يقدر يساعدنى (a) .. بس محدش يضحك عليا بجد .. ساعدونى ارتب نفسى عشان اعرف ابقا عروسه حلوة زيكو :)

وأسفه على الأطاااااااااله

اولا الف مبروووووووك يا قمر وربنا يتمملك بخير بصى بجد والله انا زيك كده بالظبط مكنتش بعرف حاجه بس بجد البنات هنا زى العسل واستفدت منهم كتير والله برغم انى مش بجهز دلوقتى بس اتعلمت حاجات منهم بصى يا قمر انتى ان شاء الله ادامك وقت تلفى على فستان براحتك يعنى ممكن من اول 11 او حتى نصه طبعا لو خطوبتك فى قاعه يبقى مش هتجزى غير نفسك بس لكن لو فى البيت عادى يعنى جاتوة حاجه ساقعه ده البوفيه وتزودى براحتك اى حاجه يعنى قبلها هتجهزى الاغانى اللى عايزاها على الجهاز وبس فى خطوبه صاحبتى عملنا حركه حلوة جبنا صينيه وهو كان جايب ورد طبيعى مفرط كده رشيناه على الصينيه وحطينا علبه الدبل كانت حلوة وممكن ورد مجفف برده من اى عطار برضه لة فى البيت هتزوقى البيت وكده زينه وبلالين وحركات وبالنسبه للاهتمام بنفسك روحى تجمع البنات للبشره والجسم واللينك هتلاقيه فاول صفحه هتستفادى كتير واهم حاجه ترطبى جسمك وبشرتك لاننا داخلين على الشتا اهو واى خدمه يا قمر ربنا يتمملك بخير

ادى لينك تجمع بنات مصر للعنايه بالجسم والبشره
http://forums.3roos.com/t484431.html
وادى لينك التجمع للاستفسار عن الميكب
http://forums.3roos.com/t483310.html

صديقاتي العزيزات عاوزة رايكم في حاجة
دلوقتي انا ان شاء الله فرحي 13/11

في القاعه الملكيه

هي مفيش فيها اوده للعروسة

فكنت بفكر اخد اودة في فندق و الكوافيره تجيلي فيها

بس يفضل الصور

في فندق فوق القاعه

بس طبعا القاعه في كامب شيزار


و وكل الاستوديوهات الحلوة في لوران

فطبعا مسافه

دي نقطة

تاني نقطة بقا يا حلوين
اجيب كوافير مين

وعاوزة حد يكون كويس

خايفة اجيب حد من الكوافير يجي متاخر و يكروتني و ابقا مستعجله


و خايفة اروح كوافير
يكون في رجاله

و كمان بياخر العرايس

قولولي بقا اعمل ايه

لولا
الف مبروك ياقمر
القاعه حلوة ماشاء الله حضرت فيها
لو عايزة كوافيرة ممتازة انا اعرف واحدة ومواعيدها مظبوطة
وعلى فكرة انا وحبيبة حبيبى هدير يعنى حاجزين عندها
قوليلى عايزة تعملى اية بالظبط لو تحبى وانا هسالها واقولك الاسعار
بس بامانة الله ممتازة وبتعمل كل حاجة
واى خدمة ياقمر

في مشاكل جامدة اووي ادعولي بالله عليكم

اجيب كام بنطلون خروج علشان انا مش بلبس جيبات

ربنا ييسرلك الامور وتتحل كل المشاكل ياااااااااااارب الصبر والصلاة مفتاح فى ايدك تستعينى بيه وربنا يوفقك
البنطلونات
اسود قماس وابيض قماش وممكن بيج او بنى لو تحبى و3 جينز اسود وازرق غامق وارزق فاتح
عامة بيكون على حسب نظام لبسك

تروح تعمل برميلانت فورا
تروح عن سحر فى 119 شارع المنيل
سحر اقدم واول واحدة فى مصر تشتغل الشغلانة دى فى مصر
المحل بيفتح من 9صباحا حتى 2 ظهرا
ومن 4 مساء الى 9 بالليل

خاليها تروح بدرى اول ما يفتحوا علشان تخلص
شعرها لحد كتفها من هايخدوا اكثر من 150 جنية
وهيا ماشية خليها تاخد البلسم بتاعهم ولما يخلص من عندها تستعمل بلسم لاكتيويل ومافيش اى شامبو على شعرها حتى لو هاتنزل علية ماية برضة تحط بلسم علية

مش هاتتحتاج تروح ثانى عندهم غير بعد 6 شهور وممكن ماتروحش
اما حكاية ان الشعر يقع والكلام دة
هما الاول هايشوفوا شعرها ويشوفوا يستحمل او لا + ان الطبيعى كل شعورنا بتنزل دى العادى

قوليلها تبعد عن البرمنانت وخاصة ان شعرها فتلتة كويسة حرام تبوظة وهيحرق لها شعرها الكل بيشكر فى الكيراتين انة غالى بس مالوش اضرار وانا قولت للبنات قريب ان جروب صلاح سليم عامل ديسكوند تحففففففففففففة تكلفة الكيراتين من 2700 هو خلاة 1000 جنية طبعا فرق رهيب بس الكل نفسة يعرف هل الديسكوند دة لحد دلوقت ولا لاء وكان فية بنوتة قالتلى انا رايحة الدار قريب وهسال بس لسة ماقالتش حاجة بس بجدنصيحة منى بلاش حنة فرد والله بتحرق الشعر هى والبرمنانت ماكانش حد غلب فى شعرة ودكاترة الجلدية هما الى قالو الكلام دة لكن الكيراتين لحد دلوقت ماسمعناش عن اى ضررلية وعموما انا الاسبوع الجاى رايحة لدكتورة جلدية كويسة هسالها تانى وارد عليكى[FONT=Times New Roman][SIZE=5][COLOR=#ff0000] [/COLOR][/SIZE][/FONT]

كريم فرد جربته اسمه سوفت اند بيوتيفل رائع ومش بيبوظ الشعر وسالت عليه دكتوره الجلديه بتاعتي قالت لي انها بتكتبه للناس يعتبر هوه والكيراتين افضل نوعين للفرد

ايه يا اخواتي البرميلانت انا عارفة كوافير سحر وناس كتير بتشكر فيه بس انا كنت فاكرة انها بتفرد بالكبراتين

ياتري ده حلو ولا ايه

انا شعري كويس وحلو بس فيه موجه وبيهيش وطبعا في اول الجواز العريس عايز شعر سايح ونايح كده :)

بالله عليكم تقترحوا عليا اعمل ايه وافرد شعري ازاى:(



والكريم ده بردو فرد ولا بيستعمل بعد ما افرد شعري


حد يريحني اللهي يريح قلبكم يارب ويوفقكم ويصلحلكم الحال

SmSm27;10384355:

سويت لولا
الف مبروك كتب الكتاب عقبال الفرح يا قمر
رونا
محلات كوكي اللي في اول شاب عاملة تخفيضات حلوة جدا
ابقي روحي اتفرجي وان شاء الله تلاقي حاجة مناسبة
المحل اللي في مصدق
قدام العبد الناحية التانية ادخلي الشارع و اول او تاني محل علي ايدك الشمال جنب التعليم المرح
ودي صور لشوية حاجات من عنده




































اطقم محجبات 2010
علشان تكوني احلي
بوتات تحفة...2010

حلوه اوووووى الحجات دى
بس انتى مش موضحه العنوان يا قمر
والمحل اسمه كوكى :)

ghadghoda;10389148:

رابعا بقى لقاء
انتى وحشانى مووووووووووووووووووووووووووووووووووت والله مشاركتك منورة المنتدى كله والله
ممكن اعرف الحاجات دى جبتيها منين واسعارها كام ؟؟؟؟؟؟؟؟؟؟؟؟؟؟؟؟؟؟؟؟؟

انتي وحشاني اكتر ياغادة ياقمرايا الاستنلس والصينية الفضة من مصر الصينية من عند table art

وبتاعة البتيفور وقطاعات الكوكيز والصواني التارت من wilton ماركة هنا في امريكا ممكن تلاقيها في مصر محلات الكبيرة

أمةالله;10389438:
الإزاز ... واللي احسن منها تخلي الراجل اللي هيعمل لك المطبخ يشيل لك حتة جرانيت تبقى للتقطيع

الخشب والبلاستيك بيتجرحوا ويلموا قرف في الشقوق بتاعتهم:ss::ss:




الأولى احلى وعملية اكتر بدل ما تبشري وترجعي تلمي اللي بشرتيه علشان تنقليه:D

ربنا يخليكي ياحبيبتي عالرد

كلمة حب;10389745:

شوفتي طقم التوزيع بتاع التيفال اشتريته الحمد لله انهرده من فتح الله عندنا في اليكس بس من غير الاستاند وهما 6 قطع بس اديهم خشب زان

وماشاء الله الاستناليس ده زهران؟؟

طيب انا دلوقتي بقى اتلغبطت :ss: اجيب من زهران ولا الاهرام ولا مصانع الحربية ؟؟؟؟

انا اهم حاجة عندي ميتحروقش خااالص ولا القاعدة تطق وتفك

طيب في نوع كده بيقولو عليه حلو انا مش عارفة اسمه ايه

بس هو المونيوم وبيكون مطلي طبقة استانليس ده اسمه ايه؟؟؟ وحلو ولا مش حلو؟؟؟ انا بصراحة معرفهوش ومجربتهوش

انا واهلي وكل الناس واصحابنا زهرااااااان وبس :)

dandona we bas;10390443:
لقاء يا قمر بصي المبشرة دي أحلى و عملية اكتر





و بالنسبة للحتة اللي بيتقطع عليها خدى البلاستيك احسن و انضف من الخشب و الازاز مش عملي خالص بردو

ميرسي ياقمر ربنا يخليكي

sweetylolla85;10391021:

بصو كان عندي سؤال كده دلوقتي صاحبتي اتجوزت شهر 7 اللي فات وهي شعرها ناعم بس اللي هو بيهيش ده ولبعد كتافها بشويه طبعا اول يوم كان مكوي وزيي الفل جوزها كان مبهور وكده طبعا من الغسيل الكتير :o:o:o:o الحقيقه بانت ودلوقتي بيزعقلها كل شويه عليه ومش عاجبه خالص طبعا هي لو سشورته باليل بتغسله بعدها بشويه فيرجع الحال كما هو عليه وجوزها مخنوق اوي من الحكايه دي وهي جربت كل الحمامات الزيت والكريمات والماسكات والوصفات عشان يدي نفس نتيجه السيشوار مفيش هي دلوقتي ربنا مكتبلهاش الحمل لسه عاوزه تعمل برمنانت عشان يبقي شعرها زيي البنات اللي بنشوفهم في الشارع علي طول ناعم وجميل وعشان جوزها حته الشعر دي فارقه معاه اوي وهي نفسها ترضيه لانه بجد مخنوق اوي ونفسه يشوفها زيي التلفيزيون اللي خارب علينا والبنات الحلويين اوي دول والله هي قمر بس نعمل ايه بقي
دلوقت السؤال الللي بيطرح نفسه تعمل برمناننت طيب مش هايبوظ شعرها ؟؟؟؟؟؟؟؟؟ ياريت اي حد يقدر يساعدنا نلاقي حل عشان تبقي حلوه في عين جوزها ايه اضرار البرمنانت البنات الحلوين اللي في الشارع وعاملين تسريحات واو وشعرهم سايح ونايح بيعملو ايه وهي والله هاتدعيلكو في صلاتها ليل ونهار لانها تعبانه نفسيا جداااااااااااااا

خليها تستخدم زيت الجوجوبا

وماشاء الله كنتي زي القمر

RAINBOW2000;10392078:
بصى يا لولا لو هى شعرها ناعم اوعى تخليها تعمل البرمنانت ده لانه هيدمر شعرها انا اعرف واحده عملته و شعرها ناعم مش قادرة اوصفلك الماساه اللى حصلت فى شعرها البرمنانت ده للى شعرهم خشن و مجعد اوى و حتى دول بيبوظ شعرهم كمان و الكيراتين ده بقى انا معرفش عنه كتير ممكن البنات يفيدوا و بعدين مفيش حاجة اسمها يهز ثقتها فى نفسها و هى لازم متسمحش بكده ما فى بنات قمر و بيعملوا شعرهم كيرلى مثلا و بعدين معلش لو هو عاوزها زى بتوع التلفزيون لازم يبقى كده هو كمان و لا ايه :) لو هى شعرها ناعم تعتمد على السيشوار او تجيب مكوه شعر نوعها كويس و خلاص و بعدين هما اللى فى التلفزيون دول بيبقوا كده فى بيوتهم يعنى ما هم ناس عاديين فى الاخر معلش يا لولا بس انا متغاظة من جوز صاحبتك ده الله يعينها و يهديهولها

(y)(y)

بنت خالتي عملتة عند سحر في المنيل وشعرها نااااعم بس بيعمل كيرلي لوحدة وقع للاسف لانة كلها مواااد كاوية

sweetylolla85;10392262:

طيب عاوزه اعرف طريقه الكيرلي ليا انا كمان عشان كلها اسبوعين وكده بقي:o:o:o:o
بنات هو اللي مايعرفش يمشي من غير شورت يعمل ايه في الفرح انا مقدرش اطلاقا امشي من غير شورت خااااااااااااااااااالص مسئله تعود ومبدا اتصرف ازاي بقي

موووس للشعر ممكن تجيبية من العزبي بيكون زي فوم كدة بس تحفةةةةةةةة

وفي ماركة dove منة حلو ومش بينشف الشعر اوي بيخلية زي مريام فاارس كدة بالظبط

kitty_kity;10392769:
انا بحب التانية اكتر...لان الاولانية بتعرضك اكتر ان ايدك تتخربش...ولازم تبقي سانداها على حاجه وتحتك حاجه تنزلي فيها وحوارات كدا...وبتبقى اسهل انها تنقطم من النص عشان بيبقى عليها ضغط على النقطة دي

وحشتيني يابنتي فييينك

farm;10392866:
بنات بنات بنات قلولى لو سمحتن هى البرا الى فى الصورة ديه هو طبعا لازم اجيبها فى جهازى بس بلبسها تحت ايه الهدوم الخروج ولا الهدوم البيتى ولا القمصان الى بتتلبس بالليل يعنى معلش بقى اصل انا بستعمل حاليا القطن مش البرا ديه وربنا يجازيكم خير يارب



[/IMG]

البراهات دي بتخلي شكل الهدوم تحفة سواااء كنتي رفيعة او تخينة بتظبط اللبس

Nesoo;10393537:


ماشاء الله اللهم بارك حجتك جميله جدا ربنا يهينكى بيها يارب
بس قوليلي بتاعته البتيفور اجبها منين لو سمحتى ؟
وكمان القوالب ايلي بيتفك قعدها اجبنها منين برضو؟؟

وافضل حاجه للقطاعه الخشب
ماما كانت عندنها البلاستك وبتصجى وحشه اووووووووووووووى
انا جبت الخشب وبقالها اهى سنه وشهرين وزى الفل بفضل الله


هاتى الاولى ياقمر عمليه اكتر

ربنا يخليكي ياحبيبتي ياااااارب بتاعة البتيفور انا جيباها من هنا في امريكا بس ممكن تلاقيها عندك بالمحلات الكبيرة ماركة wilton

رشروش84;10394544:

ربنا يكرمك يا لقاء تقرير رااااااااااااااائع
بقولك يا لقاء ماكنة البيتفور دى منين شكلها حلووووو اوى وبتاعة ماما اتكسرت العيد ده :confused::confused: ممكن تقوليلى جيباها منين وبكام علشان عايزة اجيب واحدة لية وواحدة لمامتى

من اي محل كبير ياقمر في مصر ممكن تلاقيها اسمها wilton

دلوعه رعد;10396644:
في مشاكل جامدة اووي ادعولي بالله عليكم

اجيب كام بنطلون خروج علشان انا مش بلبس جيبات

بنا يكرمك ويوفقك ياااااااارب

بصي ياجميلة بالنسبة للبناطيل هاتي الوان اساسية الاول اسود وبيج وبني وابيض وكحلي وجينزات

وشوفي انتي بقى بتحبي تلبسي بناطيل ملونة او لا

ربنا يوفقك ياجميلة

بنات حد فيكم جاب حلة برستو قريب يقولي سعرها كم في مصر

ضرووووووري ربنا يخليكم ومقاسها كان كم

وصحيح كمان يابنات سمعت اخت هنا بتقول جروب صالح سليم عامل عرض الكربتين 1000 بدل من2500 تقريبا

طيب هو فين الجروب ده وانا اروح اسائل واشوف


وياريت حد يجاوب عليا ويقلي انهي الاحسن عشان شعري يكون ناعم ومن غير موجه ولا يكون هايش ومقصف كده:(



ومعلش حاجه كمان ازاى اشترك في الفيس بوك وادخل ازاى لاني سمعه اني المنتدي ليه بيدخل علي الفيس بوك

الجهل وحش يا اخونا:o




يارب يصلحلنا الحال جميعا وييسر الامور للجميع

sweetylolla85;10379067:

سؤال بقي عاوزه اشتري اتنين متر رخام للمطبخ اجيب منين فيما لا يتعدي ال300 جنيه لاني بجد خلصااااااااااااااااااااااااااااااااااانه وياريت مكان قريب من عين شمس واحكولي بقي الراجل هايجي يركبه ياخد فلوس ولا ايه اي حد اشتري رخام لمطبخه ينجدني ربنا يكرمكم يااااااااااااارب

بصي يا لولا هو انا مجبتش من هنا خالص، بس كنت رحت اتفرجت بردو عند حد في عين شمس، بس حمايا هو بيحب يلف كتير وكده وكان يعرف حد بعيد شوية، المهم بصي عندك 2 او تلاتة اللي انا فكراهم في عين شمس، واحد في شارع العشرين في بدايته من ناحية الشارع الجديد، وهتلاقيه علي اليمين، هو مخزن كبييييييييييير، والتانيين هايبقوا محلات بقي عادية مش كبار زي ده، لو تعرفي اسماك الحرمين اللي في شارع عين شمس، هايبقوا جنبه كده.

flower20009;10387925:

انا اختى كان فرحها فى دار المدفعيه على البيسين وكان ماشاء الله حلو بس العيب الوحيد الاضاءه ودا عيب اى فرح يتعمل اوبن ايرواتكلف 8550ل200فرد

استانلس المصانع الحربيه تحفففففففه
والاستانلس التركى والالمانى حلو جدا بردو
ودول عن تجربه
زهران لسع الاكل واترمى(6)

ازيك يا نيرمو يا جميلة، بقولك هو فين فروع محلات المصانع الحربية، عشان انا ساعات بعدي علي واحد بس اللي بشوفه بالعربية ونسيت هو فين بس تقريبا كان بعيد، فلو تعرفي قوليلي فروعه ضروري.

صحيح كنت عايزة اقولك، مش كنت بفرج اخت جوزي علي الجروب بتاعنا علي الفيس، وبوريها العرايس وكده، فلقتها فجأة صوتت وقالتلي دي صاحبتي ومعايا في الشغل، علي اختك :D:D قلتلها بجد والله ، قالتلي ايوة انا عارفاها هي وجوزها، فانا ساعتها بقي جمعت وافتكرت ان اختك فعلا شغالة في هيئة المعارض، لما كنتي دايما تدخلي تقوليلنا الاخبار وكده قبل اي حد، وانا كنت قلتلك بردو زمان بس ممكنتكوني نسيتي ان بردو اخت جوزي هناك، المهم طلعوا صحاب :D:D:D، صدفة جامدة موووت.

sweetylolla85;10391021:

السؤال الللي بيطرح نفسه تعمل برمناننت طيب مش هايبوظ شعرها ؟؟؟؟؟؟؟؟؟ ياريت اي حد يقدر يساعدنا نلاقي حل عشان تبقي حلوه في عين جوزها ايه اضرار البرمنانت البنات الحلوين اللي في الشارع وعاملين تسريحات واو وشعرهم سايح ونايح بيعملو ايه وهي والله هاتدعيلكو في صلاتها ليل ونهار لانها تعبانه نفسيا جداااااااااااااا

yoyo2008;10394940:
كتكوتة ياريت تكلمينا اكتر عن الكيراتين عملتية فين واتكلف كام

[COLOR="Blue"]
اوعي تخليها تعمله عشان بجد بسمع كتير اوي عن ناس شعرهم وقع بعدها او بوظه خالص بجد، وكتر خير البنات اللي قالولك الحلول، واللي بيسألوني علي الكيراتين بقي، انا كان قدامي 3 انواع او درجات منه يعني، اولهم ب 1000 وبعديه ب 1500 وبعديه ب 2000، والست قالتلي انتي عشان عروسة وشعرك كمان مجهد اوي وبتلبسي الحجاب فترات كبيرة جدا، فشعرك محتاج اللي ب 2000، وعملتهولي وانا عندها، تقريبا اخدنا 3 ساعات عقبال ما خلصت، وقالتلي علي كريم حلو اوي للشعر وللي عاملين الكيراتين، واخدته منها ب 95 حسب ما انا فاكرة، هو علبة كبيرة اوي يعني هتاخد مني وقت كبير عقبال ما تخلص، وقالتلي بيتباع بره بردو عادي لو مش عايزة تاخديه من عندي، قالتلي زي ما تحبي يا تحطيه قبل ما تغسلي شعرك بشوية، او لو عايزة تحطيه بعد الغسيل وتفضلي به ، الاتنين كويسين.
هي في المقطم وبتعمله في بيتها وهي متخصصة فيه ومش بتعمل حاجة غيره، يعني هي مش كوافيرة ولا سنتر ولا اي حاجة، وبصراحة شعري فعلا اتحسنكتير اوي من ساعتها، حتي بعد ما راح، هو تقريبا قعد شهرين ونص او 3 شهور معايا، بس انا شعري طول بسرعة، فعشان كده نزل معاه وكمان طبعا كنت بغسله كتير في الاول:wink: بس ايه تاني عايزين تعرفوه لو انا نسيت اقول حاجة.


اه وبالنسبة للشورت عادي جدا يا بنات، هو ايهعاللي فيها اصلا، معظمنا لبس شورت تحت فستان الفرح عادي، انا كنت جايبة شورت كورسيه ابيض، واصلا الشكل عادي مش وحش زي ما انتوا بتقولوا، وفعلا انا بالنسبة لي مهم جدا الشورت ده، غير مسألة التعود لأني زيكممقدرش بردو امشي من غيره، بس عشان انتي في الفرح حركتك هاتبقي كتيرة واكيد هتعرقي وكده، فهو هايحميكي من الاحتكاك ده وهايسهل حركتك.

ياجماعة أعملوا بحث على النت عن سحر وهتلاقو سمعتها في الفرد تحت الصفر معروف البرمننت في الأول حلو بعد كده قمة السوء ونزول للشعر وبوظان وأنا مجرباه زمان وشعر كمان ناعم بس كيرلي وممكن لو مهمتمش بيه يهيش شوية بس وقتها كان حلو جدا وطويل بااااااااااااااااااااااااااااااااظ

أنا ناوية قبل زواجي بإذن الله أعمل كربم فرد إيطالي أعرف ناس جربوه وحلو جدا وبيسيب الشعر على لونه هجيب كوافيره بتشتغل لمنتقبات وأظن في الشعر ممكن تشتغل لمحجبات تعمله ليه بتعمل كريم

شوفوا ده يابنات
http://www.forums.3roos.com/t487745.html


ممكن اسم الكريم يا أمه الغفار؟

<<لؤلؤة الاسلام>>;10397097:
حلوه اوووووى الحجات دى
بس انتى مش موضحه العنوان يا قمر
والمحل اسمه كوكى :)

CuTie KaTkOoTa;10397456:
ازيك يا نيرمو يا جميلة، بقولك هو فين فروع محلات المصانع الحربية، عشان انا ساعات بعدي علي واحد بس اللي بشوفه بالعربية ونسيت هو فين بس تقريبا كان بعيد، فلو تعرفي قوليلي فروعه ضروري.

صحيح كنت عايزة اقولك، مش كنت بفرج اخت جوزي علي الجروب بتاعنا علي الفيس، وبوريها العرايس وكده، فلقتها فجأة صوتت وقالتلي دي صاحبتي ومعايا في الشغل، علي اختك :D:D قلتلها بجد والله ، قالتلي ايوة انا عارفاها هي وجوزها، فانا ساعتها بقي جمعت وافتكرت ان اختك فعلا شغالة في هيئة المعارض، لما كنتي دايما تدخلي تقوليلنا الاخبار وكده قبل اي حد، وانا كنت قلتلك بردو زمان بس ممكنتكوني نسيتي ان بردو اخت جوزي هناك، المهم طلعوا صحاب :D:D:D، صدفة جامدة موووت.

بصي ياقمر بالنسبه لفروع المصانع الحربيه انا اعرف فرع ليهم في روكسي علي ناصية الشارع اللي فيه كلب الدو ولطفي للأحذيه علي نفس صف الشبراوي الكوربه

semsema005;10399496:
بصي ياقمر بالنسبه لفروع المصانع الحربيه انا اعرف فرع ليهم في روكسي علي ناصية الشارع اللي فيه كلب الدو ولطفي للأحذيه علي نفس صف الشبراوي الكوربه

بنات هي ايه مصانع الحربيه اللي بتتكلموا عليها ديه ؟ بتاعت ايه؟

baata;10399565:
بنات هي ايه مصانع الحربيه اللي بتتكلموا عليها ديه ؟ بتاعت ايه؟

دي معارض ياقمر لمنتجات المصانع الحربيه زي الاجهزه الكهربائيه الغسالات والبوتاجازات والمراوح وكمان بيصنعوا حلل المطبخ الاستانلس
انا كان عندي في بيت بابا البوتاجاز 6 شعله استانلس بتاعهم ماشاء الله تحفه

semsema005;10399607:
دي معارض ياقمر لمنتجات المصانع الحربيه زي الاجهزه الكهربائيه الغسالات والبوتاجازات والمراوح وكمان بيصنعوا حلل المطبخ الاستانلس
انا كان عندي في بيت بابا البوتاجاز 6 شعله استانلس بتاعهم ماشاء الله تحفه

ده عنوانه فين ياقمر ؟