ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

sweetyronaaa;10383817:



بنات عايزة محل لانجري اسعاره معقوله في المهندسين
اشري اوصفيلي المحل بتاع الادوات المنزليه اللي في شارع مصدق

mesk_2005;10385372:
[QUOTE=Nesoo;10376567]

بارك الله فيكى يانيسو واتفضلي ياقمر التوقيع كله لو حبيتى :)
وجزا الله خير كل البنات اللى ردوا عليه فى موضوع الاجهزة
بس ليه سؤال ياجماعه ايه رأيكم فى الغساله الأريستون وبالنسبة للوايت ويل طلعت مصريه وبابها وحش وخفيف اوي انا شوفتها امبارح بس الوايت بوينت اجمد منها حتى الكاوتش بتاع الباب اجمد بس للأسف مافيش منها 7 كيلو هي 5 كيلو بس الحمد لله

في سؤال تانى على البوتجاز يابنات انا نزلت اتفرجت امبارح واول على البوتجاز اليوني فيرسل ومحتاره ومش عارفه اجيب ايه
بصوا انا اللي شوفته اول مره الراجل قالى انه البومبيه بس الزراير بتاعته مكنش فيها ارقام وكان حجمه اللى هو 80 *60 امبارح بقى شوفت واحد تانى فى مكان تاني وبرضه قالى ان بومبيه بس اكبر من التانى وسعره اغلى بس زرايره فيها ارقام مش عارفه بقى هو البومبيه نازل منه كم شكل والكلاسيك برضه نازل منه ايه وانا مشوفتش لكلاسيك خالص
يابنات ربنا يخليكم اللى عندها البوتجاز يونيفيرسل تصورهولي وتنزله وتقولي ده حجمه اد ايه معلش بتقل عليكم بس بجد حاسه انى مش عارفه اجيب ايه ولا اعمل ايه

فتافييت السكر;10382738:

السلام عليكم يابنات
وحشتوني وحشتوني وحشتووووووووووووووووووووووووووني
كلكم يابنات مفتقداكم قوي والموقع واحشني قوي قوي قوي
صوت العيون وحبيبه مادو وساره المزعوره خايفه انسي حد وهدي وكريزي وكل البنات
شايفه ماشاء الله وجوه جديده ماشاء الله ربنا يتمم لكم بالف خير
طبعا بما اني كملت الحمد لله 5 شهور جواز احم احم بقي عندي شويه خبره وان شاء الله انا معاكم وهحاول اقولكم اللي اقدر عليه
بجد حاجه كنت فاكراها مش مهمه او من الكماليات بس والله مكنت بستغني عنها وهيه الميكروويف والله من اول يوم جواز انا طبعا كنت مكسوفه ومحتاسه ومش عارفه اشغله خاااااااااااااالص وبقول فينك يامامتي ياحبيبتي كنتي مدلعاني وتعمليلنا الفطار بس المهم كنت بقي بسخن طبعا فيه العيش و بيطلعه كأنه مخبوز وكنت بسخن الفطير المشلتت بتاع الصباحيه ده بقي لاني كانوا جايبين كميه زي مايكونوا هيأكلو جيش بحالوا مش اتنين بس خفت لحسن يبوظ قسمته في اكياس من اللي بتدخل المايكروويف كنت جايباها من الفا ماركت وكنت بطلع كل يوم كيس علي ادي انا وجوزي ومفيش 3 دقايق ماشاء الله وكأنه طالع من الفرن حااااااااااااللا وجوزي انبسط بيه قوي
حاجه بجد خنقتني وانا بفرش وبعد الجواز ايه كميه الحلل دي ومكنتش لاقيه مكان مش لازم يابنات كل الانواع شوفي احتياجاتك انا شايفه حلتين تيفال للرز و3 مثلا او 4 استانلس بس نوع كويس زهران ممتاز وشكرا لكن متعملوش زييي انا ماما جايبالي تقريبا كل الانواع ووالله بعتلها الطقم الالمونيوم بعد الجواز بشويه ملوش لزمه وواخد مكان
ايه تاني الكاسات والحاجات دي شوفي احسبيها يعني انتي محتاجه اد ايه للنيش والمطبخ متجيبيش زياده
اللانجريهات انا شايفه انها بتتلبس لانك بتلبسي كل يوم حاجه جديده وانا مش مع الرأي اللي بيقول ملهاش لزمه لو مكنتيش هتلبسي وتمتعي جوزك وانتي صغيره هتلبسي امتي احنا لسه صغننين يابنات ربنا يتمم لكم بالف خير كلكوا
اقولكم الاجهزه ورايي فيها
تلاجتي وايت ويل فوق الممتازه وبنصح اللي ناوي يشتري مستورد يجيبها بدون تردد
الغسالهو الميكروويف lg شركه محترمه قوي قوي والغساله جميله والبرامج حلوه ومش بتكرمش الهدوم
البوتاجاز اكسبير الايطالي حلو والفرن بتاعه كبيييير
انا معاكوا ولو افتكرت حاجه تانيه هقولهالكم بأذن الله

اللي احسن من ده وده LG ده صناعه كوريه وممتااااااااااااااااااز سعره 2200 جنيه وفيه فرن وجريل وشوايه كباب وشوايه فراخ

SmSm27;10384355:

سويت لولا
الف مبروك كتب الكتاب عقبال الفرح يا قمر
رونا
محلات كوكي اللي في اول شاب عاملة تخفيضات حلوة جدا
ابقي روحي اتفرجي وان شاء الله تلاقي حاجة مناسبة
المحل اللي في مصدق
قدام العبد الناحية التانية ادخلي الشارع و اول او تاني محل علي ايدك الشمال جنب التعليم المرح
ودي صور لشوية حاجات من عنده




































اطقم محجبات 2010
علشان تكوني احلي
بوتات تحفة...2010

قصة كبيرة;10384579:
مسك وكيتى ومسلمة ونونا ستار وروفة ميرسى على التقييمات (f)

انا عايزة اقولكم على حاجة سريعة كده

(i) بصوا الصوانى اللى زى دى واللى بيبقى فيها ورد مجفف بجد مش عملية خااااالص هتحطيها منظر بس.. عشان لما بتيجى تغسليها بتلاقى المياه دخلت جواها







(i) ماتنسوش تبقوا تشتروا سكينة خشب او سيليكون عشان الصوانى التيفال



(i) برضوا ماتنسوش تشتروا ماسك شبه المقص كده خشب او معدن بتبقى حلوة قوى لو بتشوى حاجة او بتقلى حاجة كبيرة فى الزيت

nanono;10386026:


ممكن كل اللى تعرف اى قاعات ينفع فيها فرح اسلامى تقولى مكانهم واسعارهم ؟؟

Nesoo;10385870:
[QUOTE=mesk_2005;10385372]

جزاكى اللخ خيرا ياقمر واان اختها الحمد لله
بقولك الغساله ايلي انتى شوفتيها دى صينى لان الوايت ويل فيه منو صينى لكن انا بتاعتها مستورده وتقفلها مستورد وتقريبا كانت كورى
وحتى التقفيل بقولك برا مش هنا الحمد لله
لكن ايلي شوفتيها ياقمر صينى علشان كدا اكيد وحشه وخلى بالك الفرق بين السعرين مش كتير يعنى ممكن تلاقى الصينى اقل من الاصلى ب 300 او 400 جنيه بس
فا خلى بالك اوووى

كلمة حب;10386071:

بصي يا جميل انتي لو من اسكندرية انا ممكن اسالك عمتو علشان هي تعرف القاعات دي واقولك عليها :wink:

والموضوع ده جميييييييييييييييل قوي قوي يا بنات علشان إن شاء الله اعرف الحاجات اللي هاجيبها واشوف الحاجات الجديدة منكم

سؤالي بقى

احنا جايبين حلل استناليس بقالنا 3 سنين ونص لحد دلوقتي
بصراحة وحشة قوووووووووووووووي ولما بتسخن بتسود من جوه من الجناب وتتحرق وبتنضف بصعوبة والمفاجأة بقى ان القاعدة اللي في الحلة من تحت طقت من يومين وهي على النار وفك اللحام وامبارح الكسرولة نفس الحكاية سمعت طقطقة اللحام وهي على النار

ايه بقى النوع الكويس واسمه ايه ويكون في حدود كام؟؟؟

nanono;10386026:
سلااااام عليكم

بصوا انا هقولكوا رأيى بصراحة

الميكرويف مضررررررررر جدا بجد وطالما كل اللى جربوا الفرن الكهربا قالوا انه حلو وعملى وبيعملوا فيه كل حاجة فليه تجيبوا الميكرويف وعندنا حل تانى وهو الفرن الكهربا

وعلى فكرة الناس اللى هتقول محنا جربناه بقالنا كتير ومفيش حاجة

تأثير الحاجات دى مش شرط يظهر فى يوم وليلة لكن على المدى البعيد واديكوا شايفين انتشار الامراض الخبيثة والعياذ بالله كل ده من كل نشاطتنا اليومية واكلنا الغلط و و و و و

فياريت بجد اللى لسه مشترتش تشترى اى حاجة غييييييير الميكرويف وربنا يستر علينا جميعا

وارجوكووووووا ردوا علياااااااااااااااا :confused:

ممكن كل اللى تعرف اى قاعات ينفع فيها فرح اسلامى تقولى مكانهم واسعارهم ؟؟

اشرى;10385703:

بصى يا روونا انتى روحى ش مصدق الناحية الى بعد البنزينة وأسالى على توكيل راية هتلاقى المحل فى ش جانبى من الناحية الشمال ال على ناصيتة راية واسمة هوم تاتش
وهو لازم محل الانجرى لازم يبق فى المهندسين؟؟؟
انا هوصفلك محل فى المنيل جااامد اسعارة وهم وحاجتة تحفة وعندة ماركات كتييييييير
بصى المحل دة فى ش المنيل جمب التوحيد والنور بالظبط اسمة حديث المدينة
واى خدعة

ghadghoda;10386010:
الف مليون مبرووووووووووووووووووووووووك وحلوة اوى النصايح بجد استفدت منها جدااااااااااااااااااااا وفعلا والله الواحد مش لازم يكتر فى الحلل اصل هيطبخ فيهم امتى يعنى لكن البس مهم اوى والتنويع وكتره بيبقى حلو ميرسى اوى ليكى وربنا يسعدك ويرزقك بالذرية الصالحة عاجلا يارب

بنات ممكن حد يقولى انضف نوع استانلس ايه هو ماما جايبة استانلس تركى بس بجد وهمممممممممممممممممم حلو اوى والله عملنا فيه كل حاجة ومشاء الله الحلل زى ما هى بنضفتها وكل حاجة بس انا عايزة برضة اعرف انضف نوع حتى لو غالى مش مهم بس ايه هو وبرضة انضف نوع تيفال ايه هو وهو اسمه تيفال بال ف ولا بال v وميرسى اووووووووووووووووى

نغم النغومه;10386197:
يا بنوتات يا قمرات قولولى هيا صوانى التقديم تتجاب قد ايه
غير الثلاته بتوع الضيوف الاستلس
بتوع الاستخدام العادى قد ايه
وصوانى العشا تتجاب دى ولو تتجاب قد ايه

رشروش84;10386219:

أأأأأأأأأأأأأأأأأأأأزيكم يا بنات عاملين ايه
ربنا يوفقنا جميعآ يارب
بصوا يا بنات انا عايزة أخدد رأيكم فى حاجة مهممة أأأأأأأأأأأأأأأأأأأأأأأأأأأأأأأوى ومحتارة فيها موت ومش عارفة اعمل ايه فيها خالص
أخيرآآآآآآآآآآآآآآآآ وبعد طول أنتظار رشروش جالها عريس:o:o:o
أه وربنا هو مش طيار بس اهو ظل راجل بقة ههههههههههه:tongue:
المشكلة فين دوقتى المشكلة أنه شغال فى السعودبة ومش ناوى ينزل يعيش فى مصر للأنه أشتغل قبل ما يسافر فى مصر سنتين واتبهدل فيهم وكان المرتب قليل بالنسبة للى بياخده هناك وعنده هناك عربية كمان فمش عايز ينزل وقال لو هنزل يبقى بعد مش اقل من 5 أو 6 سنين وموضوع السفر ده بقة العقبة اللى فى الموضوع يا يكمل يا لأ وهو قالى فكرى وشوفى عايزة ايه علشان مانتعاقش ببعض ونختلف على السفر :confused:
أنا محتااااااااااااااارة وخايفة أأأأأأأأأأأأأوى :confused:معقول هسافر وأقضى بقيت حياتى بعيد عن مصر ووالدى والدتى أنا البنوتة الوحيدة لبابا وماما أه عندى اخين صيان بس برضوا مايغنوش عنى :(مش عارف اعمل ايه محتارة جدآآآآآآآآآآآآآآآآ ياريت يا بنات تردوا عليه بموضوعية وكلام حقيقى مش الكلام المثالى بجد محتاجكم كلكم اوووووووووووووى :ss:اوووووووووووووووووى

وعشان المخالفة هو الشتوى هيزل امتة فى المحلات ؟؟؟؟؟؟؟؟؟؟؟؟؟

:confused::confused::confused::confused::confused::confused:

mesk_2005;10386258:

ربنا يبارك فيكى ياحبيبتى فعلا كلامك صح والمايكرويف والحجات الشبيهه بيه كل الحجات ديه مسرطنه والعياذ بالله فياريت بجد يابنات اللى مشتهوش ياريت مش تشتريه واللى اشتروه قللوا استخدماته خالص يعنى لو فعلا مستعجلة ومش هينفع تستنى ممكن تسخنى فيه وكده بس بلاش تعملوا الاكله كامله فيه والله مضر جدا
وربنا يستر علينا يارب ويحمينا من كل الامراض

حبيبتى نانو بالنسبة لاستفسارك ادخلى على الرابط ده وان شاء الله تستفيدى وتلاقي اللى انتى عوزاه
http://forums.3roos.com/t471526.html

miko85;10386313:
حبيبتي رشروش...هاقولك مثل افرض كنت اجوزتي وجوزك حصله في شغله في مصر ظروف ويضطر يسافر مش هتسافري معاه ...طبعا هتسافري...
بصي ياحبيبيتي ياقمر انا اتخطبت من زميلي في الكليه وكنا هانجوز في السنه ال فاتت وبالرغم من ظروف الماديه كويسه جداا الا انه حابب انه يشتغل ويعمل مستقبل ليه واولاده وفلوس باباه قاعده ليه كفايا جابله الشقه والشبكه والعفش وكل حاجه وسافر قبل فرحنا باسبوع وطبعا كنت مضايقه جدا و وانا سافرت معاه السنه ال بعدها بس والله نصيحه الحياه كلها غربه هنا الا اننا في حالنا مالناش دعوه بمشاكل مصر وماعني مرتبطه باهلي اوي واخواتي لاني وافقت اني اسافر معاه ونساعد بعض لان بجد والله المصاريف كتير فيه ايه لو اتغربنا خمس سنين ورجعنا مرتاحين احسن مايشتغل في مصر وياخد الف ولا الف ونصف هايكفوا ايه,,,والله ماعني تعبانه من الحمل وعايزه ارجع مصر الا اني مش عايزه اسيبه.رشا لو هو كويس وانسان محترم وافقي انك تسافري وكمان الغربه هتقربكم اكتر من بعض وهاتبقي كله حياته وهاترجعي مكونه مستقبل ليكي وعيالك ....انتي مش اول واحده تساف يعني بكره هايبقي جوزك وعبالك هما حياتك والنت كمان قرب المسافات كلمي اهللك كل يوم..ده رايي الشخصي يارشا ياحبيبتي

دودو هانم;10386320:
ازيكو يا بنات اخباركم ايه كلكم انا نزلت اشتريت قماش التنجيد والستاير وقلت اجرب اعملكم تقرير يمكن انفع اصلى استفدت منكم جامد اشارك بقى بحاجه اول حاجه انا نزلت انا وماما وجارتى شارع الازهر لفيت على كذا محل وشوفت الاشكال ورجعت اشتريت اللى عجبنى بس لفت نظرى ان البياعين بيجيبو من الاخر محدش راضى يفاصل الا نادرا" ومتعصبين على طول تقريبا" من قله الشغل والسوق نايم
اشتريت لاوضه النوم ستاره خفيفه ومطرزه بترتر عرايسى كده وجميله كأتها فستان فرح وكان المتر بتاعها 28 اخدناه 22 بالعافيه
الصالون جبتله ستاره دهبى مشغوله فى نفس القماش المتر قال 28خدناه 25 وده من محل تانى وجبت منها للطرقه والبرقع بتاع الصالون والطرقه زى بعض وده كان رخيص قالنا15 اخدناه ب10 بس طلع حلو
اوضه الاطفال جبتلها اوجانزا اورانج علر طرفها ميكى ودباديب بس تحفه المتر بتاعها 20 بعد 25
بس فى الوكاله بيضربو اسعار عاليه علشان بتفاصل جامد
الستاير معظمها من محلات القماش جروب ومحل تانى جمبه
قماش التنجيد جبته من محل محمد شطا شانيليا تركى المتر 25 جنيه وعجبت المنجد جدا" لما جه ياخد القماش علشان يقصه قبل التنجيد
وبس كده انفع فى التقارير ولا لأ
سؤال بقى انا دلوقتى فرحى بعد 15 يوم ولسه محجزتش الفستان ولا الكوافير ولا جبت اى حاجه لا شوز الفرح ولا فصلت البدى التل ولا الطرحه وحاسه انى تايهه ومش عارفه اعمل ايه وابدأ منين