السلااااااااااام عليكم ..
شحالكم صايمات .. شخباركم ...
عساكم كلكم بخير وصحة يارب ..
اليوم الحمدلله كملنا الشهر الفضيل بالتمام والكمال ..
ويارب يتقبله منا اجمعين ومن جميع المسلمين بكل انحاء الارض ..
كل سنة وانتو طيبين وربي يعوده عليكم بالخير والصحة ..
وعيدكم مبارك مقدما :wink:
وبما ان رمضان قفل .. والفطر جاي .. قلت الحق انزل لكم صور غبقتنا ..
احنا بنات الشغل تجمعنا ببيت وحدة من البنات وسوينا غبقة ..
بس مو اي غبقة الا غبقة من احلى ما يكون ..
وكانت بليلة النص من رمضان يعني ليلة القرقاعون ..
لما خلصنا القرقاعون كلنا تجمعنا عندها ..
وماشاء الله على ضيافتها وكرمها .. والكشخة والاناقة
بكل شي من اول ما دخلنا لحد ما طلعنا ..
بس بقولكم شي يا جماعة .. لا تحرجوني وتسألوني
عن مكونات الاطباق او طريقة العمل .. لاني من جد بسوي
مجهود كبير بأني اسأل كل البنات وكل وحدة شنو سوت ..
لان بالاتفاق من البداية ان كل وحدة تسوي طبق وتجيبه معها..
الى جانب الاطباق الرووعة الي سوتها الي استقبلتنا عندها ..
والحين نبدي بالاطباق من اول السفرة لأخرها ..
ايه ونسيت اقولكم شغلة بما اني احب الهذرة ..
طبعا كلكم تدرون اني بحرب رجيمية ومنزلة 13.500 كيلو ..
فكان من المستحيل اني اخرب ولو حق ليلة وحدة ..
والحمد لله عدت الليلة على خير ..
بالرغم من كل المغريات الموجودة ..
لكن ما شي اثر فيني بالمرة ..
والمسكينة رفيجتي سوت لي سلطة فواكه مشكلة طبيعية عشان اكلها عن الحلا
وبوريكم الصحن الي حطيته لي ولاولادي ... وشنو اكلت منه بالضبط ..
بدأت العزومة كالاتي ..
وصل الجميع وبدينا نشرب
الشاي والكوفي والحليب والعصير كل وحدة ومزاجها ..
وبعدين انفتح البوفيه .. وبخلي كل الصور تتكلم ..
وصل الجميع وبدينا نشرب
الشاي والكوفي والحليب والعصير كل وحدة ومزاجها ..
وبعدين انفتح البوفيه .. وبخلي كل الصور تتكلم ..
المقبلات ..
الاطباق الرئيسية ..
التحلية ..
وهذه الحلا الي سواها زوجي ...
البارد ..
وهذا الشكل النهائي حق سفرة البوفيه ..
وهذا انا ..
وكملنا السهرة بالسوالف والضحك والتصوير .. واستانسنا حدنا ..
وقبل لا نمشي .. جابو البخور الزين وبخرونا ...
وصينية من افخم انواع العطور واغلاها ..
للاسف صديقتي صورت الصينية بس ما دزت لي الصورة ..
تبخرنا وتعطرنا .. واولادي كالعادة جننونهم وطفرووهم ..
وبالاخير طلبوهم مني :tongue: ..
وطبعا مع هذا كله كانت السهرة صباحية
كلنا مشينا متأخرين :cool: .. شعليه رمضان ..
القعدة كانت حلوة والسوالف احلى ..
انا واولادي كنا مطقمين ..
كلنا احمر وازرق واصفر بمشترك ..
ايه وبالاخير .. للاسف وزعت علينا القرقاعون ..
وكان محطوط بصندوق حلوو وكشخة ..
حملوه ثنتين لانه ثقيل ودارو علينا وحدة وحدة وعطونا ..
وام زوجة صديقتي عطتنا فلوس القرقاعووون ..
روووووووووووووووووووووووووووووووووووعة ..
والحين ابيكم تدعون حق الي ضايفتنا ببيتها
انه ربي يثبت لها حملها ويقومها بالسلامة هي والمولود ..
ولبنات شغلي واخوات وحموات صديقتي كلهم الي ما عرست تعرس
والي معرسة ربي يرزقها
الذرية الصالحة والي عندها اولاد ربي يبلغهم فيها ..
واكيد انا على راس الكل :cool:
وفوق هذا ابي تقييم وما بتنازل نهائي