΅ مجلڛ بناااااټ , ڜهږ ڜواڶ 1430 - 2009 م ΅

مناامية;10482391:
سلام
شخباركم

هلا وعليكم السلام

احنا بخير انتي شلونج؟

الفرس;10482092:
بنات انا واجد اترددت في اني انشر مشكلتي

بس واني اقرا مشاكلكم قلت بنزلها عسى آراءكم تنفعني وتساعدني اخطو خطوة فيها

انا تزوجت زواج تقليدي .. يعني خطبة من سنتين

بس بدت مشكلتي من سنة تقريبا من جبت ولدي

اول شي في الاربعين كل يوم يعصب علي يازعم متضايق من قعدتي في بيت ابوي ويبيني ارجع الشقة

أنا مسوية عملية قيصرية ومو ولادة طبيعية وصادتني مضاعفات عقب الولادة وفيني الديسك وممنوعة اركب درج

يعني احتاج لرعاية خاصة خصوصا واني ماقدر اشيل البيبي

جي موعد ختان ولدي وسوى مشكلة كبيرة مع امي على سالفة الدكتور والمستشفى

وسوى روحه زعلان ومتضايق وما قام يجيني البيت ولا يسأل عني ولا عن ولده

رجعت الشقة قبل لا اخلص فترة الاربعين وياليته كان قد كلمته

لا يدري فينا ولا شايل مسئوليتنا

بدا زوجي يتغير ويتحسس من كل شي اسويه لولدي .. كأنه هالولد مو ولده

كله قاعدة وياه .. مع اني اغلب الوقت اقضيه وياه

تهتمين فيه اكثر مني .. مع اني مو مقصرة وياه في ولا شي

بالعكس

كنت انظف البيت واغسل ثيابه واطبخ والاعبه ولا احسسه ان في شخص ثاني اخذني منه مثل ما هو يفكر وحاس ويتكلم دايما

بدا يجيب سيرة امي وانها متدخلة في اشياء واجد في حياتنا ويغلط ويتمادى في كلامه الغلط عنها وانا ساكته

ويوم فاض فيني قلت له انا مابي منك شي إلا انك تحترمني وتحترم اهلي

غلطت انا في هالشي ....!! وإلا مو من حقي ...!!

ما قام يسمع لي ويحتقرني ويتمادى في غلطه لين ما وصلنا للمرحلة اللي انا فيها الحين

قاعدة في بيت ابوي من اسبوعين من بعد ما طردني وقال حياتي اريح بدونكم

طبعا من بعد رحلة عذاب وياه ومع اهله اللي يتدخلون في كل صغيرة وكبيرة

ماقدر اشرح كل اللي صار في سنة لأنه بلاوي ما يعلم بها إلا ربي

بس هذي باختصار

في عيد ميلاد ولدي الاول كل ام تبي تفرح بهاليوم وانا صار هاليوم مأساة

زوجي واهله وقفو قدام امي واخواني وما خلو شي ما قالو عليهم وصرخو عليهم لين ما خلوهم يطلعون من المكان بعد ما قعدو مدة صامتين في مكانهم ولا كلو ولا استانسو

ويوم قلت له هذا احترامك لأهلي وإلا هذي تصرفاتكم وياهم

رد يقول يستاهلون من البداية وانا ما حبيتهم ومتضايق منهم

سكت على كل تقصير من ناحيته

وسامحته واجد من عقب 5 مرات يكردني فيها من البيت

استحملت وصبرت ودايما اقول باجر بيصير احسن وباجر بتتيسر الامور وباجر برتاح

ولا في فايده

كل يوم انذل وانداس واتعب ازيد من اليوم اللي قبله وعلى ناس ما تسوى

لا يصرف علي ولا يصرف على ولده

دايما يهددني ويقول فنشي وانا بصرف عليكم قعدي ربي ولدج

كله يقول انا شمحصل من معاشج والا شنو مستفيد

قررنا نسافر قالي دفعي سعر تذكرتج

لا يقعد معانا ولا يدري فينا

كله سهر وطلعات مع ربعه

وانا كله ساكته

وفي الاخير اطلع مو مربية ولا استاهله والكل يهيني ويعاونه ويساعده انه يتمادى من اهله

ما قلت لأهلي من اول الموضوع قلت هذا زوجي ولازم احل المشاكل بينا بدون ماحد يتدخل ولا يدري

بس طفح الكيل وصرت ما استحمل اي شي زود

والحين اتفقنا على الطلاق

من اربعة ايام رحت له البيت عشان نتفاهم واعرف شنو مصيرنا

وبعد هالمرة انا اللي رحت له وتنازلت عن كرامتي وكرامة اهلي ورحت اصالحه

كل اللي قاله انا مرتاح جذي وما بتغير

بس من يومين طرش لي مسج يقول انه يحبني وبيظل يحبني

زين شسويت عشان حبك لي

وإلا شنو ناوي تسوي عشان تريحني

ولا شي

صار لنا اسبوعين في بيت ابوي ولا يسأل ولا يطرش فلوس ولا حتى يجي يشوف ولده

ساعدوني ... هل انا غلطانة في شي ...!! أو أستاهل اللي يصيدني ...!!

امممم بالنسبة لي اجلي مسالة الطلاق في الوقت الحالي .. و مسجه لا تردين عليه فيه لا ظلي فترة حاقرته و لين ه و فعلا متندم و ناوي يتغير و يبيج اكيد بيحاول و بيتصل



و لين حسيتي انه فعلا جاد مو مشكلة تنازلي بس خلها تكون الفرصة الاخيرة ..


بغض النظر عن زوجج ترى في ارجال ما يستاهلون لا تضحية و لا حب و لا احترام و ما يسوى البنت تضيع عمرها معاهم ..


بس على فكرة سالفة الضرف عليج ممكن تمشينها و تقولين يبي يعاقبج .. بس سالفة انه ما يصرف على ولده ترى لا تستهينين بالامر ابدن

ع ذبة المشاعر;10480097:




فدييييييت اللي يذكروووني :wink:

عشان تعرفين ان نحبش له مانقدرش ننسااكي (6)

زوز البحرين;10480540:

حلاة البيت جذي :tongue: عقبال ما ينظمون ولادش لهم

ان شاء الله

[QUOTE]
هلاا زموونة تمام الحمد لله

شخبارش انتين

الحمد لله بخير

هذيان;10480900:







واااو

حليوة

ع ذبة المشاعر;10481373:
بعدين بدخل مقابله ويه شخص غير عن اللي في بالي :(

الله يقدم الا فيه الخير ان شاءالله

والله يوفقش

الفرس الله يفرج همش ان شاءالله

ويهدي رجلش

تسلمون حبيباتي ع المرور والردود الطيبة

حاولت امشي موضوع الصرف علينا واجد لين ما صرفت فوق ال 5000 دينار في سنتين مشتريات ومستلزمات للبيت لازم هو يجيبها وفوق هذا كله ما يبين في العيون

تصفح الموضوع حالياً: 7 (7 عضو و 0 ضيف) ‏أم علييي
مسوين لي تعذيب خاليني بروحي وكلكم منخشين تعالوا وياي

الفرس;10482738:
تسلمون حبيباتي ع المرور والردود الطيبة

حاولت امشي موضوع الصرف علينا واجد لين ما صرفت فوق ال 5000 دينار في سنتين مشتريات ومستلزمات للبيت لازم هو يجيبها وفوق هذا كله ما يبين في العيون

الله يساعدش ويهون عليش

يتصفح الموضوع حالياً: 6 (6 عضو و 0 ضيف) ‏أم علييي, ‏بسمة أطفالي, ‏wardat_7ob
شخباركم
؟

الفرس توني قارية عن اللي كتبتينه

والله عورني قلبي وتمنيت يكون خرافات وليست حقيقة

الله يصلح بينكم ان شاء الله وتبشرينا برجوعش لزوجش وبيتكم ان شاء الله

أم علييي;10482903:
يتصفح الموضوع حالياً: 6 (6 عضو و 0 ضيف) ‏أم علييي, ‏بسمة أطفالي, ‏wardat_7ob
شخباركم
؟

بسمة اطفالي
ويش شعور الكتكوته وهيه نايمة لاول يوم دراسي؟

بسوووووم ازيكي

بسمة أطفالي;10482930:

الحمد لله زينين زان حالش :tongue:

تسلمين خيوو

الفرس

قريت اختي قصتج و عووورني قلبي بصرااحة

الله يسااعدج و يصلح حاال زووجج

و ان شااء الله اتردين بيتج معززة و مكرمة

الفرس

الله يعطيش على قد نيتشش ويصلح حالش

عذبه \ انتظرش تدخلين تطمنينا عليش
بس تأخر الوقت ولازم اقوم ،، اتمنى باجر اسمع اخبار حلوة



يالله يا حليوين بقوم انام ، نشوفكم باجر على خير يارب

شخباركم بنات أنا أخت جديدة بحرينية أستقبلوني وضيفوني

كوثورة;10483142:
شخباركم بنات أنا أخت جديدة بحرينية أستقبلوني وضيفوني

اهلين

حياش الله \\ البيت بيتش :cool:

عذبة المشااعر

الله يسااعدج

و بانتظاارج طمنينااا ؟!!!

ملل ملل ملل