// حراير //;10408541:
:eek: :eek: :eek: :eek:
وين قاعدين امريكا ولا النمسا ولا شنوو !!!
معقولة في البحرين في جذي!!!
و الله لما جفتهم اول مرة انصدمت ! قلت معقول جدي يقعدون ؟ و ذاك اليوم سهرت الليل بطوله و اني افكر ... و بصراحة رغم اني جفتهم يوم ثاني ملجة بس حسيت بندم اني ارتبطت بهالعيلة ..
سنفونية حب;10408561:
ارض الخلود .. بالنسبة حق مشكلتج اكيد هم غلط والف غلط بس كل هالاشياء تعتمد على التربيه و تقبل الاهل و الاخوان والخوات الى تصرفات بعضهم سواء باللبس او طريقة الكلام او الاكل و غيره
سنفونية حب;10408561:
من جذي ما في فايده تكلمينهم على قولتج لان الشره والعتب مثل ما يقولون مو بس عليهم على اخوانهم الرجال و زوجج اللي معطنهم وجه و عادي عنده يتكلم معاهم بهالسوالف و على ازواجهم اللي يخلونهم جذي
ولان هم متعودين وانتي لا فأكيد بتحسين بضيق من هالشي .. اول شي عليج تسوينه انج تكلمين زوجج بالهداوة و الطيب و كسر الخاطر << لا تاخذينها بهواش و صراخ لان المسألة بتنقلب ضدج و بتصيرين الغلطان اللي تشوه سمعت خواته عرفتي .. لازم تقولين له انا اخجل حتى اطالعم وهم بهاللباس شلون انت تقعد و تسولف وياهم جذي عادي ..
اذا انت راضي عن الوضع فحط في بالك ان هالشي لا عاجبني و لا مريحني .. اذا يبون يقعدون جذي يقعدون بحريتهم وراحتهم المفروض في بيت ازواجهم و لا هني في البيت اللي يجمعكم كلكم صعبه لان تحسين روحج مفصخة قدام اخوانه اذا هم لابسين هاللباس فهل ترضى علي ؟!!
واذا ما تقدر تقول لهم شي .. انا ما بنزل اقعد وقت اللي هم موجودات .. او اذا جذي ابي نطلع نسكن بمكان بروحنا عشان ما اشوف هالمناكر والمناظر اللي تفشل
هذا اللي في بالي حاليا .. و ان شا ءالله يفيدج وباقي البنات بعد يساعدونج
زوجي غلطان و ستين غلطان بعد ..
اني مرة كلمته .. كنت مسوية حفلة عيد ميلاد لي معاهم .. و كان الجو شتا و برد فكانوا لابسين ثياب ثقال .. شوي الا شغلوا الموسيقى ثلاثتهم و يبون زوجي يصورهم .. و هو قام يصورهم بعد .. و تهاوشت وياه بعدين قلت له شلون تصور اخواتك و هم يرقصون ... ؟
المشكلة هو متعود و اخوانه متعودين .. و لما تهاوشت وياه ذاك اليوم زفني و قال لي هذولا خواتي و انا مو نذل و ما ادري شنو .. و من يومها مابي اتكلم وياه علشان لا اتهاوش لان ذيك الهوشة كنا قريب ننفصل خلاص ..
اهو يقول ان كلمهم اكثر من مرة و ما فاد و الحين هو ما يبي يكلمهم حتى ما يعور راسه .. بس حاليا اني الي مقهورة و مخنوقة كلما اجوفهم ..
زمن الطفولة;10408639:
مادري ليش عندي احساس انش من طخه دحومي على هدييك ام ريش
ماعليه لين منهم الله يسامحش ولين مو منهم سامحيينا
بشغل مخي الحين
اممممم يعني معقوله الحين الاخوات يقعدون جدي قدام اخوهم فشيله احس وحتى لو هم عندهم عادي المفروض رجلش يمنعهم او من يشوفهم جدي لبسهم يطلع عنهم او يخبرهم ان مايحب يشوف هييك مناااظر
بس الواضح واسمحي ليي يعني ان رجلش عادي عنده خواته يقعدون بهاللبس
فمن هالناحيه حاولي انتين تمنعيين زوجش لين شافهم مايقعد وياهم او يخبرهم ان هالشي مايحب يشوفه عليهم لان لبس بيت خصوصي بينهم وبين ازواجهم
اصلا رجلش عقب بتصير عنده مناعه يعني لو وش بتلبسين ليه مابيأثر فيه لان هكو شايف مناظر يعني مابيحس بفرق \
وبس تعبت وان شاءالله تنحل مشكلتش (f)
هلا خيو .. تمنيت اني اسمع منج كلام حلو على الاقل ماله داعي هالاتهامات ..
اني جاية اعرض مشكلتي لكم .. لاني فعلا محتاجة على الاقل احد يسمعني و يوجهني و يشور علي ... لان اللي يصير فوق طاقتي .. صحيح هم مو اهلي و مو مسؤولة عنهم و لا اني ربي حتى احاسبهم بس بعد شي يقهر و شي يعور القلب
و تمر علي اوقات نفسيتي تكون فيها زفتة و تحت الصفر لين افكر بالموضوع بشكل كبير
ادري الشيء غريب و مو متعودين عليه .. بس قلت اني من قرية .. من ديرة محافظة .. يمكن مال مدينة حمد و مدينة عيسى و المنامة غير؟
zumerdah;10408674:
اول شي الوضع مو عادي يعني قلنا انهم خاوان وبين بعضهم بس مو لدرجة بتفصخون ويتعروون جدام خوانهم غلط ..
zumerdah;10408674:
بس مثل ماقالت سوسو الشي عتمد على التربية والتوجيه من الصغر ,, يعني اذا هم تعودوا يلبسون جدي جدام اخوانهم وابوهم ومن غير محد يكلمهم او ينصحهم فماخذين الوضع عادي جدا ومافيه اي شي وهذا الغلط بعينه ..
يعني مثلا المفروض اخوانهم و زوجج من البداية كانو مايرضون بهالشي وكانو يكلمونهم لما يلبسون جدي ويقعدون فيه جدامهم لانه مهما كان حتى لو هم خوان هم نسوان وهذول ريال و الشيطان مايخلي احد ..
انا اقول حاولي تكلمي ريل بالتفاهم والهداوة و الكلمة الحلوة يعني لا تحسسينه انج منقهرة او تطلعين خواته غلط جدامه لا ,, فهميه بطريقة غير مباشرة انج مو راضية عن الوضع ويضايقج ,,
او الحل الثاني انج اذا يتجمعون وهم موجودين بهلالباس لا تنزلين تقعدين معاهم ..
اني ما اجتمع وياهم و وااااااايد اتحااشاهم و الله ما اتحمل .. اني اقول دايم ان الدنيا مو مثل قبل و الحياة تغيرت و يا ما قصص سمعناها تسم البدن .. و لين كان هاي لباسهم مو بعيدة الشيطان يكون حاضر ..
بس اني كلمته مرة و هاوشني .. و ما كلمته بعدها ... و الوضع يزيد .. حتى لو اني قاطعتهم مالي حق اخليه يقاطعهم .. لانهم اوردي على طول بهاي اللباس ...
بصراحة مرات شكثر كنت افكر بالانفصال من ايام الخطوبة ... بس خطيبي مافي مثله يحبني و يدللني و يعزني ... و اكثر من مرة اسوي استخارة و اطلب من الله ان يدلي و دايم النتيجة تكون ان نهي عن الانفصال و انه الاصلح لي ..
بلاء صعب ... و الله صعب .. و اتمنى ان الله يقدرني عليه !!
بنات بعد الاتهام ترى و الله العظيم اني صادقة بكلامي و هذي مشكلة اعاني منها .. و مو داشة حق اطنز و الله
عالعموم مشكورين .. تمنيت على الاقل حسن النية ..