΅ مجلڛ بناااااټ , ڜهږ ڜواڶ 1430 - 2009 م ΅

بااااك يا حلوووات

----------------


يعافيج عذاابي .. والله وياج ان شالله ما على قلبج شر .. وما فيج الا العافيه لى تخافين الله بسهل موعد العياده و بكون كل شي تمام

---------------------

ملتزمة : فضفضي افا عليج بس هونيها و تهون .. اولا انتي اللحين في بداية حملج ما يسوى تسوين بعمرج جذي .. ثانيا انتي اللحين كل شي بيضايقج و بيسبب لج توتر بسبة الحمل و تغير المزاج

ثانيا كلمي زوجج وقولي له بالهداوة انج اللحين حامل و تحتاجينه معاج ما يصير يخليج بروحج ويروح مع ربعه ويطول قولي له انا ما امنع بالعكس روح و استانس معاهم بس حاول ترد شوي من وقت لان احتاجك و من هالكلام الزين اللي يخليه يشتاق لج و للرده للبيت
+
لا تعصبين و تاخذين الامور بعصبية لان بينقلب عليج و بيعاند اكثر واكثر

+
اكسبيه و حببيه بقعدت البيت اكثر .. يعني لا تخلينه يحسس بالملل بالبيت وان ربعه ممتعين والقعده تونس وياهم اكثر
واذا يوم شفتيه بيروح حق ربعه انتي برزي له ثيابه و قولي له تبي اسوي لكم شي تاخذه وياك تاكلونه انت وربعك مثلا و وصليه لي الباب و ودعيه بابتسامه و قولي له انتظرك بتوحشني وايد << بيستغرب وبيحس بالذنب و بيروح شوي وبيرد لان بتظل كلامج في باله طول الوقت :)

يعني ما يحتاج اعلمج حركات الحريم .. طبقي عليه كل مرة فكرة و لازم بتنجح وحده منهم حتى لو جربتي مرة ومرتين وعشر لا تيأسين مرده بيتغير بس يبي له وقت لان صعب تغيرينه بين يوم وليله اذا هو صار له عمر متعود على الطلعه معاهم

بالتوفيق يارب وميسره امورج يا الغلا

بحرينية ملتزمة;10384450:
كلمته، وعيزت وآنه آكلمه، بالطيب، بالصياح، بالدلع، بكل الطرق حاولت معاه..... يوعدني انه ما يرجع يطلع الا في الويك اند، لكنه احين توه ايقول لي بيروح ايشوف المباراة!!!! انزين ليش ما تشوف المباراة في البيت عندنا؟؟؟؟ لازم يعني معا ربعك؟؟؟؟

يعني آنه مب صاكه عليه ولا شي، بس مآشوفه الا ساعتين في اليوم، وحتى هالساعتين مستخسرهم فيني؟؟؟

قال لي تبين تحبسيني يعني؟ قلت له آنه مب حابستك ولا شي، اطلع لكن احترم هالآدمية اللي قاعده تنطرك في البيت........

والله ما نزل علي هالخيوط البنية والحالة اللي لي احين فيني الا من سبة هالطلعات، مع انه توه واعدني ما بيطلع وبيحاسب على نفسيتي لأني حامل...

هاي احين وما عندنا اعيال وجذي، عيل لين الله كتب وياو العيال من بيشيل مسؤوليتهم؟؟؟؟

لا واللي ايضحك انه كنا متفقين على موضوع الطلعات قبل لا نملج، وقال لي ربعي بآنساهم ومب طالع، وملجنا والحال زي ما هوه، وفي رمضان الطلعات لي امتى كل ليلة، وقلنا معليه ارمضان، لكن احين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

امممم مادري شقول ليش

ليش ما تنظمون وقتكم

يعني حددي له ايام يطلع مع ربعه

وايام يقعد معاش ..

يعني سوو لكم جدول تفقون عليه

عرضتين عليه هالفكره ؟؟

زمن الطفولة;10384456:
اقريه له (6)

اكو اقراه

هو الهدره كله منش (6) :tongue:

ع ذبة المشاعر;10384499:


زمنوو

اذا بتروحين التجمع خبريني بمر عليش - اني اقرب وحده الش

:o

ان شاءالله
يعني مافي كلافة ولا اشكال :o:o

جفتكم كلكم تحطون تصويركم

قلت بحط :tongue:



http://forums.3roos.com/uploaded1/300028_01254654633.jpg


http://forums.3roos.com/uploaded1/300028_11254654633.jpg

زمن الطفولة;10384483:
يغلفون كلشي

:tongue: لاني ما اسوي تغليفات لمواليد كلش

ملكة الغروب;10384485:
قولي لا ال اله الا الله وو صلي على النبي ,,, ترى انتى توج متزوجه

وو زوجك للحين ما تعود على المسؤوليه ,, رجال وااااااااااجد جذي وو يحسون بالضيقه

وو المملل ما كانوا عارفين شنو يسوون ,,, انتى حاولي تتفاهمين معاه بطريقه معينه

و اكيد عرفتي شخصيته ,,, يعني خبريه حياتك قبل غير وو الحين غير وو بتصير غير

اذ الله سهل عليج ياااااارب وو صار عندكم مولود ,,, يعني الحياه الزوجيه بدايتها لازم

عراقيل وو مشاكل صغيره ,,, ترى الرجال يفكرون بطريقه ثانيه كلش يعتقدون ان الزوجه

مو ناقصها شي وو ان عاطنج الحريه تطلعين وو تدخلين وو بعضهم اذ قالت متملله

قالها روحي بيت اهلج قعدي معاهم :eek: ,,, يعني يفكرون بطريقه مختلفه انتى وو

صبرج عليه وو اسلوبج الرقيق لان بالصرااااااااخ ما يفيد خلج حنونه وو هادئه ,,

وو حاولي تغيرين جو البيت يعني عشا رومانسي ,,, تغيير بشكلج عشان يتغير هو

هدايا بدون مناسبه يحبون المفاجات وو طبعا هاى اشيا بسيطه عشان تغيير الروتين(y)

وو الله يوفقج معااااااااه ياااااارب وو يهدي سركم

لا اله الا الله، محمد رسول الله....... اهوه اصلاً معتمد اني ابي آسكن يم امي، بس اهوه بيطلع على كيفه وانتي روحي بيت امج والا طلعي معا ربعج... انزين يعني فرضاً فرضاً مآبي آجابلك اشوي؟؟؟ لا ابد مب مفتكر في هالسالفة، ولين زعلت قالي هاي سالفة اتزعل!!! اشفيها يعني اذا طلعت ساعه ساعتين ورجعت؟؟؟ عاد الساعه اتصير 6 ساعات نفس امس......

تمللت وطقت جبدي، لبس وتغيير شكل ومآدري شنو آسويله، العاب وسهر وافلام آطالع معاه، مع اني مو متعوده على السهر لكني آضغط على روحي، يعني اشيبيني آسوي في عمري؟؟؟؟

نفسيتي زفت حدها

ولكم باك سنفونية

عليج بالعافية

سراب الأمنيات;10384505:



اكو اقراه

هو الهدره كله منش (6) :tongue:

عشان تعرفين ان القعدة ماتحلى الا بيي :tongue:

زمن الطفولة;10384509:
:o

ان شاءالله
يعني مافي كلافة ولا اشكال :o:o

ابداً :D






بحرينية ملتزمة

مادري شقول لش ما عندي خبره بهالامور بس بدعي له الله يهديه ويصلحه :) ويظل في البيت وياش ,,
نفس خيلاني اثنينهم كل واحد متزوج وعنده ولدين وللحين يسهرون برى ويه ربعهم لانهم للحين مو قادرين يحملون المسؤوليه عدل وكله يبون طلعات الربع والسهر وهالسوالف
فأنتي حاولي ويه زوجش ولا تيأسين وان شاء الله بيتتحسن
واذا جى المولود اكيد بتتغير نفسيته وبيقعد في البيت وبيتيغير كل شي ان شاء الله

سنفونية حب;10384503:

ملتزمة : فضفضي افا عليج بس هونيها و تهون .. اولا انتي اللحين في بداية حملج ما يسوى تسوين بعمرج جذي .. ثانيا انتي اللحين كل شي بيضايقج و بيسبب لج توتر بسبة الحمل و تغير المزاج

ثانيا كلمي زوجج وقولي له بالهداوة انج اللحين حامل و تحتاجينه معاج ما يصير يخليج بروحج ويروح مع ربعه ويطول قولي له انا ما امنع بالعكس روح و استانس معاهم بس حاول ترد شوي من وقت لان احتاجك و من هالكلام الزين اللي يخليه يشتاق لج و للرده للبيت
+
لا تعصبين و تاخذين الامور بعصبية لان بينقلب عليج و بيعاند اكثر واكثر

+
اكسبيه و حببيه بقعدت البيت اكثر .. يعني لا تخلينه يحسس بالملل بالبيت وان ربعه ممتعين والقعده تونس وياهم اكثر
واذا يوم شفتيه بيروح حق ربعه انتي برزي له ثيابه و قولي له تبي اسو لكم شي تاخذه وياك تاكلونه انتو وربعك مثلا و وصلي ي الباب و ودعيه بابتسامه و قولي له انتظرك بتوحشني وايد << بيستغرب وبيحس بالذنب و بيروح شوي وبيرد لان بتظل كلامج في باله طول الوقت :)

يعني ما يحتاج اعلمج حركات الحريم .. طبقي عليه كل مرة فكرة و لازم بتنجح وحده منهم

بالتوفيق يارب وميسره امورج يا الغلا

حبوبة، تدرين ليش اهوه يبي يطلع معا ربعه ومآيبي يقعد معاي؟؟؟ لأنه طلع لي احين ايدخن وما ترك التدخين مثل ما قال اول ما تقدم لي، وعلى هالاساس احنا وافقنا عليه، بس لو ندري فيه انه ما ترك التدخين جان مآخذته من اصل.....

فاهوه على قولته ايحاول يترك التدخين تدريجي، وما ايدخن جدامي، فوين يعني ايدخن؟؟؟ ايروح معا ربعه ويآخذ راحته......عرفتوا ليش يطلع؟؟؟؟ اهوه ما قال لي هالكلام، بس آشوفه من يرجع البيت ايقط اثيابه في الغسال وكلهم ريحة جقاير..........

سراب الأمنيات;10384505:
امممم مادري شقول ليش

ليش ما تنظمون وقتكم

يعني حددي له ايام يطلع مع ربعه

وايام يقعد معاش ..

يعني سوو لكم جدول تفقون عليه

عرضتين عليه هالفكره ؟؟

قلت له الفكرة واتفقنا عليها، لكن التنفيذ صار من صوبي آنه بس، يعني آنه آسكت لين يطلع في الأيام اللي له، واهوه ما يلتزم بالقعدة في البيت في الأيام الثانية....

شكلي بآروح بيت أمي آتغدى دامه ما بيرجع الا في الليل........آقعد آجابل الطوف ابروحي.....حاااااااااااااااااااااااااااالة

ع ذبة المشاعر;10384516:
جفتكم كلكم تحطون تصويركم

قلت بحط :tongue:



http://forums.3roos.com/uploaded1/300028_01254654633.jpg


http://forums.3roos.com/uploaded1/300028_11254654633.jpg

عجبتني الثانيه أحب هالتأثير (y)

بس لو موضحه صورة الحمام بدل القلاصات!

زمن الطفولة;10384539:
عشان تعرفين ان القعدة ماتحلى الا بيي :tongue:

:tongue:

ع ذبة المشاعر;10384544:


بحرينية ملتزمة

مادري شقول لش ما عندي خبره بهالامور بس بدعي له الله يهديه ويصلحه :) ويظل في البيت وياش ,,
نفس خيلاني اثنينهم كل واحد متزوج وعنده ولدين وللحين يسهرون برى ويه ربعهم لانهم للحين مو قادرين يحملون المسؤوليه عدل وكله يبون طلعات الربع والسهر وهالسوالف
فأنتي حاولي ويه زوجش ولا تيأسين وان شاء الله بيتتحسن
واذا جى المولود اكيد بتتغير نفسيته وبيقعد في البيت وبيتيغير كل شي ان شاء الله

مشكورة حبيبتي، بس والله آشك انه بيترك عنه الطلعات، بس ربج كريم

ع ذبة المشاعر;10384516:
جفتكم كلكم تحطون تصويركم

قلت بحط :tongue:



http://forums.3roos.com/uploaded1/300028_01254654633.jpg


http://forums.3roos.com/uploaded1/300028_11254654633.jpg

فن عجبوووووووووني الاشياءاات عدل

هذا تصوير اي كاميرا من كاميراتش ؟

وجم سعرها

بحرينية ملتزمة الله يصلح زوجش ان شاءالله ويهدييه

بحرينية ملتزمه/

زوجش كان في الخطوبه جدي؟

لو توه من فتره قاعد يسهر ويطنش؟

حبوبة، تدرين ليش اهوه يبي يطلع معا ربعه ومآيبي يقعد معاي؟؟؟ لأنه طلع لي احين ايدخن وما ترك التدخين مثل ما قال اول ما تقدم لي، وعلى هالاساس احنا وافقنا عليه، بس لو ندري فيه انه ما ترك التدخين جان مآخذته من اصل.....

فاهوه على قولته ايحاول يترك التدخين تدريجي، وما ايدخن جدامي، فوين يعني ايدخن؟؟؟ ايروح معا ربعه ويآخذ راحته......عرفتوا ليش يطلع؟؟؟؟ اهوه ما قال لي هالكلام، بس آشوفه من يرجع البيت ايقط اثيابه في الغسال وكلهم ريحة جقاير..........

لا تقولين جذي ملتزمة مو زين .. ترى هاي زوجج اللحين و لازم انج تحبينه يوم وافقتي عليه خلاص الحال تغير مو عدله تقولين جان ماخذته و لا وافقت عليه .. لو ماهو نصيبج جان ما كتبه الله لج و صار الزواج
ادعي الله ان يهديه لج و يترك عنه هالاشياء ويسخره لج .. لا تنسين الاستغفار اكثري منه و اقري سورة البقرة بنية ان الله يسخره لج و يترك عنه هالاشياء وباذن الله بيتغير

ثانيا لاتياسين من رحمة الله .. ناس حالهم اخس منج وصابرين انتي احمدي ربج انها جات على جذي مو اشياء ثانيه اخس .. اهم شي تعرفين شلون تأثرين عليه و تخلينه يترك هالاشياء بدون عصبية وعناد و هواش .. الطلعات الزايده و الجقاير مقدور عليهم يا بنت الحلال بس انتي خلي عندج ارادة قوية و شوية صبر

انتو توكم بأول حياتكم الزوجية و ترى مسألة التعود والتأقلم و العراقيل والمشاكل هذي تستمر من سنة الى 3 سنين يا الله الوضع يستقر و تصير الحياة الزوجية أهدأ حق اي زوجين بالدنيا مو بس انتي

ولا تعتقدين ان بس انتي في وضع جذي الكل عنده مشاكل بس كل اثنين مشاكلهم غير و حلولها غير

تحملي بروحج روحي بيت الوالده تغدي و استانسي و وريحي بالج ... و ردي البيت و لا كأنه صار شي او تأخر او طلع وما عبرج .. خلج ريلاكس و كووووول على الاخر .. و استمري جذي كم يوم لين ترتاح اعصابج .. و بعدين شوفي شنو ممكن تقدرين تسوين من خطط عشان تنحل مشكلتج و احنا هني كلنا بنحاول نساعدج

بالتوفيق حبوبتي

W a r d;10384616:
بحرينية ملتزمه/

زوجش كان في الخطوبه جدي؟

لو توه من فتره قاعد يسهر ويطنش؟

ريلي الله ايسلمج عسكري، وايام الخطوبة ما كنت آشوفه الا في الويك اند، ومع ذلك كان ايروح حق ربعه ويسهر في الليل عقب ما اييني.......يعني طبعه ما عرفته الا احين، وتفاجأت بالاشياء اللي طلعت كلها ؟؟؟؟؟؟؟؟

سنفونية حب;10384637:
لا تقولين جذي ملتزمة مو زين .. ترى هاي زوجج اللحين و لازم انج تحبينه يوم وافقتي عليه خلاص الحال تغير مو عدله تقولين جان ماخذته و لا وافقت عليه .. لو ماهو نصيبج جان ما كتبه الله لج و صار الزواج
ادعي الله ان يهديه لج و يترك عنه هالاشياء ويسخره لج .. لا تنسين الاستغفار اكثري منه و اقري سورة البقرة بنية ان الله يسخره لج و يترك عنه هالاشياء وباذن الله بيتغير

ثانيا لاتياسين من رحمة الله .. ناس حالهم اخس منج وصابرين انتي احمدي ربج انها جات على جذي مو اشياء ثانيه اخس .. اهم شي تعرفين شلون تأثرين عليه و تخلينه يترك هالاشياء بدون عصبية وعناد و هواش .. الطلعات الزايده و الجقاير مقدور عليهم يا بنت الحلال بس انتي خلي عندج ارادة قوية و شوية صبر

انتو توكم بأول حياتكم الزوجية و ترى مسألة التعود والتأقلم و العراقيل والمشاكل هذي تستمر من سنة الى 3 سنين يا الله الوضع يستقر و تصير الحياة الزوجية أهدأ حق اي زوجين بالدنيا مو بس انتي

ولا تعتقدين ان بس انتي في وضع جذي الكل عنده مشاكل بس كل اثنين مشاكلهم غير و حلولها غير

تحملي بروحج روحي بيت الوالده تغدي و استانسي و وريحي بالج ... و ردي البيت و لا كأنه صار شي او تأخر او طلع وما عبرج .. خلج ريلاكس و كووووول على الاخر .. و استمري جذي كم يوم لين ترتاح اعصابج .. و بعدين شوفي شنو ممكن تقدرين تسوين من خطط عشان تنحل مشكلتج و احنا هني كلنا بنحاول نساعدج

بالتوفيق حبوبتي

مشكورة ابوي....ما تدرين اشكثر ارتاحت نفسيتي لما قريت ردج............الله ايسر ان شاء الله، وبآحاول آخلي هالموضوع على صوب لحد ما آهدى اشوي......يزاج الله خير الشيخة