البحرين معقوووووولة...... *__^

عندج فنادق ( الراية سويتس & إليت سويتس & إليت جراند )

هذيلا في منطقة السنابس بالقرب من مجمع " الدانة "

ما عدا " إليت جراند " في ضاحية السيف .. من عقب البنك الأهلي & بنك سيتي

في وسط البحرين وموقعهم حلو & جدد ونظيفة وايد .. والأهم من ذي كله إنها عائلية :handup:

بالنسبة للأسعار أعتقد الروم حق 2 .. في الليلة من 70 إلى 100 دينار

مب متآكدة بصراحة من الأسعار !.

بس هالفنادق ممتازة وجيدة وايد ., :shiny:

وإذا تبون في منطقة " المنامة "

عندج فنادق الجفير .. وتحديداً فندق ( إليت ) هذا أيضاً عائلي & نظيف .. ومرتب !.

وهنالك أيضاً نظام الشقق في الجفير " شقق الفنار " :up:

*

المجمعات .,

طبعاً أحلى شي حق الشوبينغ ( السيتي سنتر & مجمع السيف )

وإذا تحبين مجموعة السنتر بوينت عندج ( المارينا مول ) :thumbs:

وإذا تحبين الماركات العالمية عندج ( المودا مول & مجمع العالي )

وعندج باقي المجمعات العادية .. العائلية

( مجمع البحرين " جيان " & الدانة & سترة & الكونتري مول .. إلخ )

*

حق الأغراض التراثية إذا تبون تشترون ..,

روحوا ( مجمع العاصمة ) يوفر كل المنتجات التراثية " صناعة وطنية بحرينية " .. :bigsmile:

وإذا بس تبون حق سياحة ,

روحوا ( المتحف الوطني , بيت الجسرة , بيت القرآن )

وهنالك أيضاً الآثار .. المعابد .. القلاع :21_131:

*

المطاعم .,

معظم مطاعمنا الحلوة وإلي توفر أكلات لذيذة

تكون آوبن " مفتوحة "

والعائلية إلي تجي مسكرة & روم .. قليلة :handdown:

عموماً :

عندج العائلية ( الغرف & المسكرة )

- الأبراج " السهلة , العدلية .. جربت هالفروع وايد ناايس "

- زيارة " كرباباد مقابل مجمع السيف "

- مرمريز & مشويات طهران " الديه .. مقابل مجمع البحرين "

- اللبناني " جد علي "

- أصفهاني " شارع المعارض "

*

الحين نجي للمطاعم المتنوعة والآوبن .,

عندج حق الأكل الإيطالي ( نينو - مقابل مجمع العالي ) :z_clap:

حق الأكل الهندي عندج ( لنترنس في شارع البديع )

حق الأكلات البحرية عندج :

- لامرين في شارع البديع

- فيش ماركت .. في شاليهات البندر في سترة , الأفضل في البحرين

حق الأكل الفرنسي :

يعتبر الأفضل & درجة أولى .. نصيحة تجربونه لأنه روعة

- مطعم لافونتين .. في المنامة , خلف مستشفى الإرسالية الأمريكية

حق أكل شرق آسيا " الصين , تايلند .. إلخ " :

مطعم هونغ كونج & مطعم فولي .. في أم الحصم

مطعم نيو آسيا .. مقابل مجمع العالي

إذا كنتوا من محبين السوشي جربوا مطعم ( ياو سوشي .. بالقرب من مجمع العالي )

وعندج منتجعات " بنيان تري - في العرين " عندهم مطاعم روعة , مثل ( الرمال )

مطعم ( كابتشينو ) في سار .,

وحق مطاعم نظام البوفيهات :

- سمرقند في شارع البديع

- الرانديفو في مجمع السيف

*

الحين نجي للكوفيهات & القهاوي الشعبية .. وطبعاً " آوبن "

بس في بعضها عندهم " غرف " حق عوائل ..,

عندج الشعبية : الشراع - قرب الكورنيش

والكوفيهات .,

طبعاً الأفضل :

ليلو - العدلية :D_smil1:

البندرية - العدلية & سند & مجمع العالي .. وإلي في مجمع العالي صايرة ستايلها شعبي وايد

أريزونا .. الديه مقابل مجمع البحرين

ميدا كافيه .. شارع البديع

لاميزون .. في ضاحية السيف & العدلية .. أنا أحب إلي في العدلية وايد فن ,

تي كلوب .. شارع المعارض , بالقرب من حلويات أكبر لاري & البنك الوطني

+

عندنا منطقة جديدة في البحرين .,

بتوديج عالم ثاني نهائياً

وأسمها منطقة " شارع الشيراوي " في العدلية , كأنها حي أجنبي

كلها مطاعم & كوفيهات

مكان رومانتيك وايد & هنالك كراسي وإنتي تتمشين فيها ممكن ترتاحين

وايد روعة!.

*

وأخيراً ..,

الترفيه

عندج :

- منتزه عذاري

- محمية العرين " حديقة الحيوانات "

- جنة دلمون ( الحديقة المائية .. وهناك أيام مخصصة للنساء فقط ) :yes:

*

وبسسسسسس !.

هههههه

وأي شي ثاني حاضرين :21_11: