كل ما تريدين معرفتة عن منتجات اوريفليم

تبدأ من 22 اكتوبر حتي 31 اكتوبر
العضوية مجانية علي ال 30 نقطة
الهدايا علي ال 150 نقطة للاعضاء الجدد والقدامي
يمكنك الاختيار بين المجموعات الاتية:-

المجموعة الاولي
كريم الايدي سيلك اند كاشمير الجامبو 150 مللي كود 13104+ ماسك الطماطم كود 4916

المجموعة الثانية
كريم الايدي سيلك اند كاشمير الجامبو 150 مللي كود 13104+ ماسك الزبادي كود 4917

المجموعة الثالثة
كريم سيلك اند كاشمير الجامبو 150 مللي كود13104+ ماسك الطحالب كود 4918

المجموعة الرابعة
كريم سيلك اند كاشمير للايدي 150 مللي كود 13104 + ماسك البرتقال كود 4919

المجموعة الخامسة
كريم الايدي سيلك اند كاشمير 150 مللي كود 13104 + صابون ميلك اند هاني جولد كود 11314

المجموعة السادسة
شامبو Hair X العناية اليومية كود 14715 + بلسم العناية اليومية Hair X كود 14716

ملحوظة :

لا يشترط عمل ال 150 نقطة علي فاتورة واحدة
تستحق الهدايا اكثر من مرة وحتي 12 مرة علي كل 150 نقطة
بالنسبة للاعضاء اللذين لم يكملوا ال 150 نقطة حتي الان يمكنهم تكملتها والدخول في الاختيار بين المجموعات السابقة
برنامج الترحيب للاشتراكات الجديدة من يوم 22 اكتوبر حتي 31 اكتوبر هيا نفس هدايا برامج الترحيب في بداية شهر اكتوبر

دى صورة الماسكات





دى صورة كريم الايد




دى صور مجموعة الصابون فيها 2 صابونة




الصور من جوجل وطلع فيهم للعضوة حسناء

وااااااااااااو العرض جامد اووى يا توتى بس هيا لغايه 31 اكتوبر بسسسسسسسسس؟؟ انا كنت ناوله على اول الشهر لانى جبت حاجات كتيره اوى الشهر دا وشوفتى انا لو ذكيه كنت عملت عضويه الشهر دا لانى جبت حاجات تقريبا ب250 يعنى اكيد كملت ال 150 نقطه وكنت كسبت حاجات كتر يالا بقا الحمد لله
طيب اتأكديلي هوا لغايه 31 بس ؟؟

بجد يا توتى ذا بودى شوب فتح فرع في كارفور الجديد ؟؟؟؟؟؟؟؟؟ واااااااااااااو حاسه هايغمن عليا
طيب ايه الاسعار متعرفيش ياقمر؟؟

يا جماعة هى النقطة دى عبارة عن كام جنيه؟؟؟

sylsyl;10512086:
يا جماعة هى النقطة دى عبارة عن كام جنيه؟؟؟

تقريبا ب 3.15 بس هيا فوق ال 3.00 جنيه يعنى حتى لما بتيجى تحسبى عدد نقاط المنتج اللى انتى عاوزاه من غير مايكون معاكى الدوف بتقسمى / 3.1 فهمتينى

الحب هو الحياة;10509769:
تبدأ من 22 اكتوبر حتي 31 اكتوبر
العضوية مجانية علي ال 30 نقطة
الهدايا علي ال 150 نقطة للاعضاء الجدد والقدامي

مشكورة ياهدهد على تعبك بس انا الصراحة مش فرحانة بالبرنامج دا خالص وحش اوى
وغايظننننننى :mad: يعنى ايه اجيب حاجات بيجى اكتر من 300 جنيه عشان فى الاخر اخد ماسك وكريم مايجيبش تمنهم اكتر من 50 جنيه
كريم الايد اصلا بتاع سيلك اند كاشمير دا كان لسة من يومين فى العرض الداخلى ب 11 جنيه ايه الاستهبال دا والماسكات دى يوم ماكانت نازلة اول مرة كتالوج كانت ب 18 جنيه سعر عضو انا متغااااااااااااااااظة :mad: حد يرش على وشى شوية مية :confused:

manona_00;10511170:

توتى يا جميل :)

خبر حلو بجد

ايه رايك ابقى اختار اى مجموعه لو عرفت اكمل 150 نقطه؟؟

الماسكات دى حلوة؟؟

اصل انا عندى كريم الايد

والماسكات دى مش بتنزل فى البروشور ليه؟

لو اخترت الشامبو والبلسم كده يبقى كويس ولا الحجات التانيه قيمتها اعلى؟؟

ولا حلو ولا حاجة يابت يامنونا انا هاعمل انقلاااااااااااااب ههههههههه
بصى الماسكات دى حلوة لكل اللى جربها وانا منهم :o بتنور كده وتنضف الوش وتديله انتعاش
عندك ماسك الطماطم = للبشرة الدهنية
ماسك البرتقال = للبشرة المختلطة والمركبة
ماسك الطحالب والزبادى = مش فاكرة تقريبا للبشرة العادية والحساسة والبنات يأكدولك

متهيألى الشامبو والبلسم قيمتهم اعلى لأنهم لسة منتجات جديدة فى البروشور :D

Nesoo;10511605:
بجد يا توتى ذا بودى شوب فتح فرع في كارفور الجديد ؟؟؟؟؟؟؟؟؟ واااااااااااااو حاسه هايغمن عليا
طيب ايه الاسعار متعرفيش ياقمر؟؟

يعنى ايه بودى شوب اللى من زماااااااااان نفسى اسألكوا عليه هههههه وكارفور الجديد دا يبقى فين دا غير اللى ناحية المعادى انا قريبة من بتاع المعادى دا وعمرى مادخلته تصدقوا باة حد يقولى يستاهل اعمله زيارة ولا مش لازم ((( اقصد اللى قريب منى فى المعادى هه عشان ماحدش يفهمنى صح )))

manona_00;10508888:

البرفيم بقى الفكره مش فى الخوخ يا جميل :D

انا قصدى انها هاديه اوى وانا بحب الحجات الهادية بس مليش فى البرفيمز فمعرفش ايه الانواع الهادية اصلا :D

مره واحده ركبت جنبى وكانت حاطه برفيم عامل كده واتكسفت اسالها اسمه ايه :o بس كان تحفه بجد

ومن يومها بدور على حاجه كده

معلش انا رغايه وتعباكى اوى :o

انتى كده احبك موووووووووووووووووووت (f)
عشان انا بحب البرفانات الهادية اوى زيك
عاوزة باة المفيد فى برفانات اوريفليم الهادية تعالى وانا اقولك انا شميت اغلبهم وعندى منهم
ولو كنتى سألتى سؤالك دا من كام يوم كنتى يابت ياعبيطة لحقتى العرض الداخلى اللى كان شغال الكام يوم اللى فاتوا كان فيه حاجات حلوة بس معلش تتعوض ان شاء الله
لما تنزل عروض داخلية باة وتشوفى البرفانات ابقى اسالى ونتشاور

خدى عندك
*جيوردانى الوايت خارج المنافسة طبعاااا كانت فى بروشور اول الشهر استنى هاتنزل تانى
*ديفين الزرقا والحمرا تحففففة عندك الحمرا نازلة البروشور الجديد
*ديلايت نفس الكلام بس نازلة غالية بالرغم من الخصم اللى عاملينه
*ميس اوه البينكى رقيقة
*دانس ليدى نزلت البروشور اللى كان اول الشهر لسة جايباها يالهوى على جمالها وجارتى هاتتجنن عشان تاخدها منى وتدفعلى بالزيادة ههههههه
*الفى ومابقتش تنزل بروشور
ممممممممم ايه تانى يابت يااور اور متهيألى لحد كده تمام لو فيه جديد باة هاحكيلك

استنى لما ينزل عرض داخلى الشهر دا وتشوفى منهم جيبيه عشان فى العروض الداخلية بيبقى ارخص حتى من خصم العضوية لو حاجة نازلة فى البروشور فاهمانى

ياللا ولو عوزتى حاجة كمان فى برفانات ايفون جربتهم بردو كلهم وعندى بس تعالى التجمع بتاع ايفون :wink: اشطة

اه حد كان بيسأل كمان عن الرفانات الرجالى عشان تشترى لخطيبها معلش انا مش متذكرة الاسم وكنت عاملة اقتباس بس راح ... خير

شوفى زى ماكانت هدهد ردت عليكى احلاهم سول بس بقالها كتير مش بتنزل
سيجنتشر حلوة وكانت نازلة عرض داخلى ب 80 جنيه ومالحقتهاش عااااااااااااااااا
جلاسير الازرق جميلة وشبابية ونازلة البرشور الجديد بعرض حلو على رأى انوشة حبيبتى
البرفان + الاسبراى + فوم الحلاقة + بلسم مابعد الحلاقة = 103 جنيه سعر عضو
المجموعة كاملة وحلوة بالسعر دا انا ناوية اجيبها مع انى مش عندى خطيب ههههههههه بس على اعتبار ماسيكون ان شاء الله باة فى المستقبل المجهول ادعولى مع انوشة ممكن
ودى صورة العرض

طيب انا دلوئتي عايزة اشتري شوية حاجات بس مينلي يعني اي شادو و عايزة حاجة للوش بس في البيت يعني اجيب كريم اساس و بودر مع بعض في حاجة كدة؟ وعايزة اعمل عضوية مجانية في اورفليم اكيد يا ريت تقولولي اجيب ايه احسن و يا ريت اللي عندها خبرة في موضوع الاي شادو ده تقولي علشان انا معرفش حاجة خالص في الانواع اللي في السوق...بس عايزة الوان ظريفة و هادية و بتلمع كدة عارفين زي الليب جلوس كدة انا بس اي شادو...انا بشوف ناس في المسلسلات حاطين منها لو في في اورفليم حاجة كدة يقولي...و الباليتة بتاعت الاي شادو دي لو جبت بكام اخدها؟ و كمان العضوية ولا ده عرض و ده عرض تاني

ازيكم يا بنات
اخيرااااااااااا المنتدى فتح تانى


عاوزة اسألكوا على نوع كومباكت بودر لونها وردى مش بيج
انا كان عتدى اماندا . هل فى نوع تانى ؟

و هل فى فونديشن وردى و لا مفيش ؟
لأن البيج مش بيظبط معايا يا اما يغمقنى لو جبت تانىدرجة
او اول درجة ابقى زى اللى حاطة بودرة تلك ههههههههه
انا بشرتى فاتحة معقولة يعنى

عاوزة حاجة تدارى العيوب و النقط و الخطوط و الاشكال الغريبة الى فى وشى دى :(

و ربنا يخليكوا حد يقولى على طريقة احط بيها الفونديش من غير ما يجير

manona_00;10511170:

توتى يا جميل :)

خبر حلو بجد

ايه رايك ابقى اختار اى مجموعه لو عرفت اكمل 150 نقطه؟؟

الماسكات دى حلوة؟؟

اصل انا عندى كريم الايد

والماسكات دى مش بتنزل فى البروشور ليه؟

لو اخترت الشامبو والبلسم كده يبقى كويس ولا الحجات التانيه قيمتها اعلى؟؟

مبروك عودة المنتدى
الماسكات حلوة جدا لو بشرتك دهنية او مركبة يبقى تختارى الطماطم ده كلاى ماسك للدهنية او البرتقال ودى بيل اوف للمركبة والاتنين عندى ووممتازين
واقراى بقى الكلام عن الماسكات التانية بس دول مناسبين معايا

Nesoo;10511541:
وااااااااااااو العرض جامد اووى يا توتى بس هيا لغايه 31 اكتوبر بسسسسسسسسس؟؟ انا كنت ناوله على اول الشهر لانى جبت حاجات كتيره اوى الشهر دا وشوفتى انا لو ذكيه كنت عملت عضويه الشهر دا لانى جبت حاجات تقريبا ب250 يعنى اكيد كملت ال 150 نقطه وكنت كسبت حاجات كتر يالا بقا الحمد لله
طيب اتأكديلي هوا لغايه 31 بس ؟؟

اه لحد يوم 31/10 ومن يوم 1/11 فيه عروض جديدة طبعا
العضوية كده ووواااو ب 30 نقطة بس وربنا يقدرك وتعملى العضوية

Nesoo;10511605:
بجد يا توتى ذا بودى شوب فتح فرع في كارفور الجديد ؟؟؟؟؟؟؟؟؟ واااااااااااااو حاسه هايغمن عليا
طيب ايه الاسعار متعرفيش ياقمر؟؟

اه والله فتح وفيه كمان تيست
لا عيب متسالنيش عن الاسعار ههههه :wink:

sylsyl;10512086:
يا جماعة هى النقطة دى عبارة عن كام جنيه؟؟؟

النقطة بتكون ب 3 جنيه وساعات 3.25 وساعات ب 3.5

ازيكوا يا بنات

البنوتة اللى بتسأل عن الماسكات انا ماجرتبش الا ماسك الطحالب وبجد مالوش اى لزمة خااااااااااالص

وفى بنوتة بتسأل عن اللوز باودر ممتازة بجد

السلام عليكم ورحمة الله وبركاته
ياريت احد جرب العطر الجديد يقولي تجربتوا معاه ايه amber elixir شميت الريحة من الكاتالوج و هي معقولة فالي جربوتا يقولي عليه و شكرا مسبقا ولو مفهاش ازعاج ياريت احسن مسكارا عندهم

فين كارفور الجديد :(
اللى هو عندنا فى اليكس ؟؟؟؟؟؟؟؟

بس لو كدو يبقى هيييييييييييييييييييييييييييييييه