طريقتي السريه :لتثبيت ريحة البخور والعطور في العبايات عشان تفوح

بمناسبة العيد باعلمكم طريقه تخلي ريحه البخور والعود و البخور تفووووووح منكم و تنشم عن بعد ميل..



هذي الطريقه اخترعتها بروحي و سويتها من دون قصد بس اكتشفت ان الريحه ثبتت في عبايتي و شيلتي و تمت تفوح منها لمده طويله..

يعني لمن علقت عباتي بغرفتي والله صبغت الريحه في الغرفه وكل ما اطوف صوب العبايه تهف علي الريحه العجيبه..


فحبيت اعلمكم الحركه لأن قبل كنت أذبح روحي و اتبخر و اتعطر و ماتثبت فيني ريحه البخور..





الطريقه أهي جذي:

1- لبسي عباتج وسكريها عليج و حطي شيلتج على راسج بس بدون ما تلفينها أو خليها على جتفج..

2- جهزي العطر أو العطورات إلي تبين تحطين منها يمج أو في يدج و بعدين باقولكم ليش تجهزونها.. أنا اجهز عطورات عربيه وفرنسيه لأني احب اخلط

2- اخذي المقبس وحطي فيه العود أو البخور وحطيه تحت دفتج و تمي واقفه.. ماعرف شلون افهمكم بس أكيد فهمتوا قصدي صح :ss:

3- طبعا راح يبتدي البخور يطلع من فتحات العبايه ومن العبايه نفسها صح؟؟؟
اول ماتلاحظين انه ابتده يطلع سيده رشي عطر على المكان الي يطلع منه البخور تمي رشي لين تشبعين و نفس الشي مع الشيله رشي العطر على البخور أو (الدخان) ...


هالطريقه أهي الي تثبت ريحة العود و البخور في العبايه... :wink:



** قلت لكم جهزوا العطورات الي بتستخدمونها يمكم و يفضل أن تفتحون الغطه مالها بعد!! تدرون ليش عشان انتو بيكون المقبس تحتكم و ماتقدرون تتحركون و تروحون تجيبون العطورات و عشان تلحقون على البخور و أهو يطلع من العبايه مو لما يخلص تقعدون تتعطرون..


و بس هذي أهي طريقتي الي تخلي الكل يسألني عن ريحتي المميزه و الكل يسميني (المقبس) لمن ازور اهلي و ادخل عليهم يقولون جات المقبس من كثر ما ريحتي فايحه...

و انا شريت لي مقبس صغيييييييييييييييييييير حق التدعس و حق الشيله و حق الشعر .. وايد نفعني .. حته ليمن حصلته.. حده كيوت و مفيد حته حق السفر اخذه معاي :tongue:







و باحط لكم العود والعطورات إلي استخدمهم و ما استغني عنهم في خلطتي السريه..


أولا استخدم العود المبخر من أجمل.. ريحته جنااااااااااااااااااااااااااااااااااااااااااااااااان وايد حلو و يثبت مع هالطريقه ووايد كشخه.. و في منه على ماعتقد 3 احجام الكبير و المتوسط و الصغير..
و سعره معقول جدا..












ثانيا : أحط دهن عود سيف العرب من أجمل ..
أو الكمبودي من أجمل

أو في عندهم دهن عود صغير غرشته ذهبيه على شكل هرم وسعره رخيص بس ماتذكر شكله بس ريحته واااايد حلوه..




سيف العرب
















الكمبودي










ولاززززززززززززززم احط في كل خلطه مخلط دهن العود معتق من أجمل يالهوووووووووووووووووووي على ريحته... شي رهييييييييييييب ماله حل و حته زوجي يستخدمه













و هالعطر الي ما استغني عنه... و اعترف اني مدمنه عليه...
مخلط وصال من أجمل











تره ليحين ماخلصت الحين دور العطورات الفرنسيه (r)





:1_8:عطري المفضل من جيفنشي (هوت كوتور)








وهذا بعد نزلته في موضوع لي وهذا الرابط
http://forums.3roos.com/t460329.html




:1_8:وهالعطر الي اكثر من رووووووعه و تره نزلت عنه موضوع
ماراح اكتب اسمه ليش أنه طويل ويملل:tongue:









وهذا رابط الموضوع
http://forums.3roos.com/t469879.html







:1_8:و اخر شي عطر جوسي








وهذا بعد رابط للموضوع الي نزلته بأسم جوسي كوتور
http://forums.3roos.com/t462733.html






:1_8:و طبعا ما أنسى أحط لي مخمريه في شعري و أبخره عشان تطلع الريحه وااااو ..... جربي هالحركه و كشخي في العيد و سيري على الأهل...



و بس هذي طريقتي أتمنى أنكم تستفيدون منها....

:mad_argue:و ما احلل اي احد ينقل موضوعي بدون ذكر اسمي.....:UP202:



و اذا عجبكم موضوعي قيموني ....:JUMP: