هدوئي مضيعني ..

السلاام عليكم
حبيباتي انا عندي مشكله واتمنى ان القى لها حل لانها وااااااااااااااايد متعبتني
بنات انا انسااااااااااانه مرة هادئه بس اجتماعيه واحب اختلط مع الناس .. واذا احد كلمني ارد عليه واسولف معاه عادي بس مشكلتي اني ما اقدر افتح موضوع للنقاش ...
يعني مثلا
احين انا مخطوبة واروح بيت اهل زوجي وهم ما شاء الله ماخذين على بعضهم حتى زوجات اخوان زوجي ماخذين علي بيت زوجي بسبب طول العشرة .. انا صار لي مخطوبة سنة وشوي ولحين ما تاقلمت .. يعني اذا نروح نجتمع .. احس ان وجودي وعدمه واحد .. يعني محد يكلمني الا نادرا او سوال جي عبرة .. انا اقول يمكن ان هم يستحون يكلموني لاني استحي وخجولة بس لمتى بتم جذي وانا استحي اني اتكلم او افتح موضوع او حتى اعلق لان ما احس فيه اخذ وعطا فهمتوني.. مافي حد يروح عني الخجل .. واتم مده طوووووووووووويله نكون قاعدين .. فاحس بالملل والضيق .. مو لاني ما احب اقعد معاهم بالعكس بس لان على طول ساكته .. انا هادئه بس لو احد جرجرني بالكلام اتكلم عادي ويروح عني الخجل .. وداما يقولون اني استحي .. وما اتكلم .. ويقولون لو ما نجرجرها بالكلام ما تكلمت .. ما ادري شنو اسوووووي .. كلش تعبانه ومتضايقه .. احين قمت احاول اني اتكلم واشاركهم بالكلام واسال واتصل فيهم من فترة لفترة .. بس لحين هم ظالين مفكرين اني استحي وما اتكلم .. وانا كلش مو عاجبني الوضوع جي اني طول الوقت ساكته .. وانا احب اني اكون قريبه منهم مثل زوجات اخوانهم الباقيات .. بس احسهم ما يساعدوني وما ادري شسالفتي حيرة والله .. اتمنى منكم تفيدوني بشي وتشوفون اذا المشكله فيني والا شنو .. للعلم انا مع اصدقاي واهلي يمكن هادئه بس مو لدرجه الصمت مثل بيت اهله ما اتكلم ..في حد يمازحني امازحهم اكلمهم يكلموني في شي اما هناك بالمرة ..