المطبخ بغرفة النوم ..؟؟!!!

مرحبا أختي وربنا يوفقج حبيبتي سالفة مطبخ في غرفةتج او في الصالة بيكون صعب شوي لكن انتي سوي حل وسط حطي ثلاجة عندج في الغرفة في نفس الزاوية الي ناوية تحطي فيها المطبخ تكون الثلاجة متوسطة لا هي صغيرة ولا هي كبيرة عشان تقدري تحطي فيها الأشياء أنا جربت الصغيرة ما نفعت ما بتقدري تحطي شي فيها فخذي وحدة تكون بحجم شوي متوسط ومناسب المهم وجنبها حطي لج طاولة او ارفف وأنا أفضل الأرفف من الأشكال الحلوة وحطي فيها بعض الدوات الي ممكن تحتاجيها مثلا ملاعق وشوك وسكاكين وأطباق وأكواب وفتاحة علب يعني شوفي شو ممكن تحتاجي ويكون عندج غلاية للقهوة والشاي ويكون عندج دلة للشاي ودلة للقهوة عشان لو أحد بيزورج من اخواتج او ربعج او حتي أهل زوجك الي عندج بالبيت عزميهم مرة على جناحك بدل ما تطلعي تسوي هالاشياء في الغرفة وانتي براحتج وممكن تاخذي لج فرن كهربائي من النوع الزين تسوي فيه أياء بسيطة وخليهم جنب بعض ما بياخذ منج مكان وإذا عن الريوق ما يحتاج تطبخي الريوق أشياء بسيطة شاي وخبز وجبن يعني يعني أشياء جاهزة والغدا طبعا بيكون مع الأهل عادي والعشاء يا أشياء جاهزة مرة او مع الأهل مرة او حتى ممكن تستخدمي الفرن في سالفة فطاير وبسكوتات وكيكات يعني أشياء ما تسوي ريحة ولو تبين شي معين ما أظن إن أهل زوجك بيزعلوا لو إستخدمتي المطبخ وغستحملي لو مرة او مرتين في الاسبوع حلو بعد اتسوي شي للجميع بيشوفوها حلوة منج تطبخي لهم

مثل ما قلت لج ثلاجة وادراج وغلاية ماي وفرن كهربائي حتى الفرن إذا استغنيته عنه عادي عندج الثلاجة وحطي فيها العصاير والحليب والماي والاجبان وكل الي بخاطرج

العائدات;10292427:
امممم

اختي تقصدين مطبخ بمعناه الحقيقي؟؟؟ كشنه وبصل وحوسه؟؟

ماتوقع بيكون مناسب لجوك وهدوئك مع زوجك والريحة ياساتر

او لما يكون نايم وبتجهزين الاكل شلووون؟؟؟

اما اذا تقصدين تسوينها نظام استوديو غرفه نوم وقعدة التلفزيون ومطبخ صغنون للكوفي والساندوتش وهيك

مافي مشكله وخلي الاكل مع اهل زوجك لو لفترة مؤقته لما يحلها ربك:)

ماتدرين يمكن يعرسون اخوانه وتاخذون شقتهم>>تخطط لبعيد:)

الله يوفقك ويسهل امرك

ولايحرمك الاجر

العائدات;10292432:
حبيبتي بالنسبة للشفاط المحلات مليااااانه موديلات خياليه واسعار اخيل من الموديلات

لكن الجودة بشكل عادي الا وهو الالماني اللي لونه رمادي

شكله عادي مثل اي شفاط مروحة عادي بس قوة شفط عجييييبه

سعره بحدود 450ريال

لاحرمك الاجر غاليتي:)

*درب المحبه*;10298048:

للامانه مافهمت للشرح

لكن تقدرين تسوين ميني بار نفس الفنادق واذا عن التهوية حطي الشفاط اللي فوق الفرق ويكوم الفرن صغير

بس انا ماافضل انج تدخلين كل شي بغرفة النوم

لان غرفة النوم لها خصوصيتها ووظيفتها

ليش ماتسوين عالاقل فاصل مثل باب جرار بين المطبخ وغرفة النوم؟

الله يهنيك و يفرحك ان شاء الله

انا راى انك لو تقدرى تاخدين مساحة من الغرفة و لو تكون جنب الحمام و تفصلينها بباب جرار و حائط و لو خشبى من جهة المطبخ تضعلى عليه الدواليب و من جهة غرفة النوم ممكن تضعى خلفه الدولاب حتى ما يبين

بيكون افضل كثير و تكون معزولة عن غرفة النوم دام تقولى ان المساحة بالغرفة مناسبة حتى لو كانت شريحه بعرض 1.50 بطول الغرفة

و فى هالحاجز ركبى شفاط بالحائط و جيبى بوتجاز اللى فقط عيون عشان يكون فوق الدولاب و ماتضيعى المساحة و علقى الميكرويف فى الحائط جنب الدواليب و جيبى قلاية بالكهرباء ما تخلى ريحة قلى و لا دهون بالمكان خاصة انه الحائط ما بيكون سيراميك و بيصعب تنظيفه
و كدا بيكون فصلتى المطبخ عن الغرفة و ريحتى حالك من المنظر و الريحة

قلاية الكهرباء من مولينكس رائعة

و الميكرويف الشارب و ال جى مرة كويسين

و البوتجاز العيون فقط من سيمنس او فيليبس

يعنى لو سويتى خلف هالحائط دولاب بعرض 60 سم و بطول الحائط بتضعى عليه البوتجاز و القلاية و الميكرويف

و لو كان المكان قريب من الحمام تقدرى تسوى كمان حوض صغير يكون مصدر الماء و الصرف على الحمام


انشالله اكون افدتك

و بالتوفيق انشاء الله