إحذرى من الرجل عند.....

كيفكم يابنات

أسعدنى تفاعلكن مع الموضوع وهذا يدفعنى إن شاء الله

لتقديم المزيد

والآن أترككن مع الموقف الثانى

الموقف الثانى

سامر وأحلام راحوا عزومة فى بيت اهله

سامر: إزيك ياخالتى عاملة إيه

الخالة : كويسة ياسامر

سامر : مش قادر اقول لك ياخالتى أنا بانبسط أد

إيه لما بأقابلك

الخالة : الله يكرمك ياسامر بأقول لك ياسامر

عندى طلب منك ممكن تلبيه لى

سامر :أؤمرى ياخالتى

الخالة :ابنى فتحى زى ما انت عارف لسه

متخرج من الجامعة ومحتاج يشتغل وبصراحة

بحث كتير بس مش لاقى فرصة مناسبة

تعرف يابنى تشوف له فرصة عمل عندك فى

الشركة أو توصى زمايلك لو لقوا حاجة أمامهم

يقولوا لك

سامر : من عينيا يا خالتى ده فتحى أعز على من

اخويا

سامر واحلام خارجين من البيت علشان يرجع

احلام بيتها

احلام :خالتك دى طيبة قوى علشان كده إنتى

بتحبها

سامر :أعوذ بالله انا احب الأشكال دى

دى ست جاهلة وبتاعة مشاكل وبتتكلم عن الناس

فى الخير

والشر وتجيب فى سيرة فلانة وعلانة

ومافيش حد سلم من لسانها

احلام :أمال ليه كنت عمال تشكر فيها

سامر: اصل لى مصلحة عند زوجها

فلازم كل ما اشوفها أقول لها كلمتين حلوين

علشان توصى زوجها يخلص لى مصلحتى

أحلام: طب وهتعمل إيه فى موضوع فتحى ابنها

سامر:ياستى هاعمل ودن من طين وودن من

عجين

ولا هاسأل ولا هاوصى ده انا اساسا مش بأطيق

فتحى اروح أشغله معايا فى نفس الشركة وألاقيه

فى وجهى كل يوم

إنتهى الحوار

[GLOW="333366"]فين المشكلة[/GLOW]

المشكلة نفاق سامر

سامر بيحب مصلحته ولو نافق الناس كلها فى

سبيل مصلحته مش مشكلة

الإنسان ده مايؤمن غدره

لأنه عنده مصلحته هى الأولى

(أنا ومن بعدى الطوفان)

وإنتى لو كملتى معاه هتكونى من اوائل الناس

اللى هتعانى من نفاقه

ولأنه مخادع ممكن يخدعك بالكلام الحلو ويحصل

على اللى هو عايزة وإبقى قابلينى لو حصلتى

على حاجة منه

وفى ستات كتير ياما إتخدعوا من ازواجهم

علشان ياخذوا ذهبهم ويعدوهم أنه الشهر القادم

سيعوضها عنه ولكن يمر الشهر تلو الشهر بدون

أن ترى منه شىء رغم عدم إلتزامه بأى أمور

مالية ترهق ميزانيته

لأنه صعب يعطى إلا إذا كانت الفايدة اللى هترجع

له أكبر بكتير من اللى خسرها

وكمان النفاق ملازم له الكذب

والكذاب مستحيل تعرفى توصلى معاه لبر

إنتبهى لما تلاقى خطيبك بيجيب فى سيرة الناس

كتير ويشتم ويسب فى الناس وخاصة اقرباءه

فى حين انه محترم امام الناس وخدوم

يبقى إحذرى

لأنه كده هييجى الدور عليكى بكرة وتبقى زيهم

بالنسبة له

وقت الأزمة ما تلاقيه جنبك بل ممكن تلاقيه اول

أعدائك









أرجو أن تكونوا إستفدتم من الموقف الجديد وإنتظروا



الموقف الجديد ليلة الملكة (عقد القران)



اختكم فى الله ام سلمى

يسلمو ايدك الغالية ام سلمى

بتضعي يدك على الجرح تماما

بس لما نكتشف الحقيقة في فترة الخطوبة

عن نفسي ما قدرت اتراجع

خفت من كلام الناس

ولانه لي 9 خوات خفت عليهم

اااااااااااااااااااههه

وكان عندي امل يتغير وينصلح حاله

دعواتكم

وجزاك الله خيرا اختي

اختى الامومة

اللهم آمين

وأسأل الله العظيم رب العرش العظيم أن يقر عينك

وعين كل زوجة بذرية صالحة تسعدها وتملأ بيتها

سرورا وفرحا


أم الموز

FATI FM
بسمة

جزاكن الله خيرا على مروركن العطر أتمنى ان

تستفيدن معنا

أمة الله

هذا ما نتكلم عنه لذا احذر الفتيات من ذلك لا يملك

أحد هداية أحد إذا اراد ذلك فربما يكون هذا نفسه

فتنة له وإختبارا لإيمانه

وللأسف المتمسكين بدينهم فى هذا الزمن قليلون

ربنا يجعلنا منهم أمين


العشى
جزاكى الله خيرا عزيزتى وكم يفرحنى ان هناك من

يستفاد بما لدى من علم اسال الله ان يجعله فى

ميزان حسناتى وميزان حسناتكم

سجى

وجوه الخير

النظافة

تسعدنى متابعتكن للموضوع


أم قصى

أسال الله أن يسخر لكى زوجك ويهديه ويصلح حاله

ولكل من تخاف فسخ خطبتها بعد إكتشاف هذه العيوب الخطيرة فى شخصية خاطبها
توكلى على الله وإختارى الصواب الذى يراه عقلك
ولا تكترثى للتوابع فلن يصيبك إلا ما كتب الله لكى
وصدقينى مهما كانت التوابع لفسخ الخطبة فإنها ستكون أهون من العذاب الذى قد تحيين فيه بعد ذلك لإختيارك العيش مع هذا العيب على امل التغيير
إعلمن علم اليقين انه لن يتغير احد إلا إذا أراد هو التغيير
أى من يقول لكى قومى انتى بتغييرى أو تحسينى فهو يضحك عليكى وعلى نفسه
ماهو إنتى معه الآن لم إذا لم يتغير من الآن
لما ينتظر لبعد الزواج ليتغير
إذا لم يكن قد تغير من أجلك قبل الزواج خوفا من فقدك فهل سيتغير من اجلك بعد الزواج بعد ان ضمنك معه وضمن صعوبة فقدك

فكرن بعقولكن بعيدا عن المؤثرات الخارجية كالحب والعوامل الاسرية والإجتماعية الصعبة
بالعكس كل من تعانى من سوء المحيط الاسرى عليها ان تفكر جيدا وتحسن الإختيار لزوج المستقبل حتى لا تخرج من حفرة فتجد نفسها وقعت فى بئر ليس له قرار

أختكم فى الله ام سلمى

مشكوورة أختي جزاك الله ألف خير ..

هل في طريقة نقدر نكتشف بها طبيعة الخاطب من خلال النظرة الشرعية؟

يعني قبل العقد الشرعي نكتشف كل هالاشياء .. لأن صعب في مجتمعنا يقولون عن الوحدة مطلقة أو منفصلة ..!!

السلام عليكم و رحمة الله و بركاته
عارفه يا اختي ام سلمة انا لما دخلت اتصفح المنتدى اليوم وقعت عيني على موضوعك و بدون انتباه بدأت في قراءته من غير ما اعرف مين الاخت الي كتبته.... فسبحان الله و بمجرد ما قرأت الكلمات الاولى قلت في نفسي هذا اكيد موضوع للاخت ام سلمة ...اصبحت اعرف اسلوبك في الكتابه و تميزكي في طرح المواضيع الرائعه ...........فعلا ماشاء الله عليك اختي الغالية ......انت فعلا و بدون مجاملة شعلة ...و ما تطرحي موضوع ما الا وكان في غاية الاهمية ...فهنيئا لك على اختياركي للمواضيع و براعتك في طرحها و يعجبني اسلوبك في التشويق في كل مرة و كيفيتك في شد انتباه الاخوات الى موضوعك.
و عندي تعليق صغير هو انه في زماننا هذا كثر فيه الفساد فنادر ما تجد الفتاة ضالتها في رجل ذا خلق و دين ......و سوف اعطيك مثال عن قصتي .....فانا لما كنت عازبة تقدموا لي الكثير من الخطاب و استعملت معهم اسلوب الملاحظة في استكشاف اخلاقهم و درجة تدينهم و للاسف كلهم كانوا دون المستوى و لكن مرت السنين و جرى بي العمر و قاربت على الثلاثين و بدءت فرص الزواج عندي تقل .....و حينها و في هذه الفترة بذات تقدم لي ابو اولادي و للاسف هو كمان اكتشفت فيه قلة دينه و سوء خلقه و كلما اكتشفت شيئ فيه قلت في نفسي و اذا رفضت هذا فاين اجد ما اريد؟ ....و اقنعت نفسي اني ابالغ في ملاحظاتي فربما انا مخطئة و تغاضيت عن اشياء رايتها بام عيني و سمعتها و تزوجته ولكن..............و بعد 6 سنوات من العذاب تطلقت بولدين بعدما استنفذت كل الطرق لأتعايش معه ......و انا الان في سن لا انا بالكبيرة فاقعد اربي اولادي ولا اتزوج و لا انا بالصغيرة و يتقدم لي الخطاب .........انا مؤمنة بقضاء الله و انا صابرة و غير نادمة على طلاقي منه لانه ليس بالرجل الذي اكمل معه حياتي ....انا حكيت حكايتي لاوضح لك و لكل الاخوات انه في ظروف تحيط بنا تجعلنا احيانا كثيرة نتغاضى عن اشياء نراه سيئة مثل لما تكون الفتاة عندها مشاكل مع اهلها فهذا يكون لها ضغط لكي تقبل بالعريس المتقدم بالرغم من انها ترى فيه عيوبا.

الله يجزاك يا أم سلمى فعلاً من الصلاة تبدأ الإيجابيات إذا كان محافظ ..
أو سلبيات إذا كان متهاون ...
كما قال تعالى : ( فويل للمصلين*الذين هم عن صلاتهم ساهون) ..
وويل وادي في جهنم ..اللهم أجرنا من حرها وبردها ..اللهم آمين..
تقبلي مروري ..أختك/أوتار المشاعر :)..

وحشتونى أخواتى الكريمات أدعو الله أن تكن تمتعتن بعيد سعيد

عليكن وعلى أحبائكن

نستكمل معا موضوعنا وأترككم مع الموقف الجديد لهذا اليوم

واعذرونى على تأخر إنزالى للموقف ولكنى حاولت إنزاله ثلاث

مرات وكل مرة بعد إنتهائى من تنسيقه يضيع كل شىء بسبب

أن الويندوز يهنج ويعمل ريستارت بنفسه

عموما طولت عليكن أترككن مع الموقف الجديد

[GLOW="FF6600"]ليلة الملكة أو عقد القران[/GLOW]

خلصت الحفلة

وهتبدا حفلة تانية فى البيت عند العروسة

حفلة عائلية

دخلت العروسة

لبست فستان ضيق شوية ناعم وبسيط و سرحت

شعرها وسشورته

وتزينت تزين بسيط وخرجت للعريس وسط

أخواته وأمه وأهلها

لما شافها

سامر :أيوة كده المستخبى بان والفضايح بانت

احلام :مصدومة........

سامر :طلعتى معصعصة هههههه

أحلام مازالت فى صدمتها ولكنها

بلعتهاوإضطرت تضحك علشان تخلص من

الموقف المحرج ده وإخوات العريس تداركوا

الوضع وغيروا الموضوع

تانى يوم العريس جه وجايب معاه شنطة كبيرة

أحلام :إيه اللى فى الشنطة

سامر: جبت لك هدية

أحلام بفرحة وترقب للهدية:....عايزة اشوفها

سامر :يفتح الشنطة ويفرغ محتوياتها

أحلام بعدم إستيعاب لمحتويات الشنطة :...إيه

ده؟؟؟

سامر :أبدا ياستى دى شوية كريمات تفتيح اصلك

سمراء شوية وانا كان نفسي فى واحدة بيضاء

زى نانسى عجرم

ودى كريمات فرد وتنعيم للشعر أصلى بأحب

الشعر السايح

ودى أدوية لفتح الشهية وزيادة الوزن أصلك

رفيعة أوى ومش عاجبنى الكلام ده

إنتهى الموقف

المشكلة سيادة الأستاذ سامر وافق على عروسته

لكنه مش راضى بها كما هى فعايز يغيرها تغيير

شامل حتى تجارى الصورة التى فى ذهنه

وكمان مش بيهتم بمشاعرها تجاه رغباته تلك فهو

لا يأبه لمشاعرها عندما يعبر عن الأمور التى لا

تعجبه فيها

صراحة امام الجميع

لا مانع ان يعبر عما يريد ويحب ولكن بعد أن

يظهر لكى أنه يتقبلك كما أنتى وبعد ذلك يظهر

لكى ما يفضل على وجه الإستحباب وليس الإجبار

والا يكون سبيله فى تغييرك هو تحطيم ذاتك

وثقتك فى نفسك بإستمرار فما اكثر الرجال الذين

يدمرون نفسيات زوجاتهم كل يوم يتعليقاتهم

المستفزة على النساء المتبرجات اللاتى يظهرن

على شاشة التلفاز ويقارنون مقارنات مستفزة

بينهن وبين زوجاتهن فتجد الزوجة تسعى بشكل

مهووس لتغيير نفسها حتى تصبح مثل الممثلة

الفلانية وأخرى العلانية

حتى تصبح فى النهاية مسخ لا يمت للجمال بصلة

غيرى نفسك لأجل نفسك لتزيد ثقتك بنفسك

وتشعرين بالرضاء عنها

ولا تسعى وراء التغيير المهوس من أجل احد

فالناس مهما فعلتى لهم لن يرضوا عنك فإفعلى ما

يرضى ربك ثم يرضيكى

يتبع...

إحذرى من هذا النوع

فأنتى إن إستسلمتى له من البداية ليجعلك نسخة

مما يريد هو

وإنطلقتى معه فى الحرب التى أعلنها على

جسمك وذاتك فستفقدين ذاتك الحقيقية وفى نفس

الوقت لن تصلى لما يريد هو ووقتها ستكونين

بقايا إمرأة

لاهى حصلت على ماتريد ولا هى بقيت كما كانت

إمرأة

وهذا الشخص الذى غيرتى من اجله عندما يرى

محاولاتك الفاشلة للتغيير

سيتركك ليبحث عن اخرى تحقق الصورة التى

فى ذهنه

لا تتنازلى عن ذاتك وشكلك

ربك خلقك هكذا وهو اعلم أن شكلك هذا وطبيعتك

هذه هى الاكثر ملائمة لكى

كونى معتزة بنفسك وبجسدك كما أنتى

فإما أن يرضى بكى كما انتى

فأنتى ايضا لديكى ما يميزك عن النساء الأخريات

وإما ألا يرضى عنك كما أنتى فمع السلامة

فليذهب ليبحث عما يريد فى مكان آخر

كيفكم اخواتى أتمنى أن تكن بخير



نستكمل معا مواقفنا مع الرجل



وأتمنى أن تستفدن من موقف اليوم

جه العيد وسامر إشترى لأحلام هدية بمناسبة

العيد طقم خروج

وطلعه لها علشان تتفرج عليه وتقيسه

فوجئت إن الطقم ضيق وملاصق للجسم

احلام :إيه ده ياسامر الطقم حلو بس شكلك

هترجعه وتجيب مقاس اكبر

سامربنظرة إعجاب:ليه ده جميل أوى عليكى

أحلام :ايوة ياسامر بس ضيق وماينفعش أنزل

الشارع به حرام

سامر :إيه اللى حرمه هو مش بكم وطويل

خلاص يبقى مش حرام

أحلام :بس ياسامر....

سامر:من غير بس إيه يا احلام هو مش مفروض

تطيعى زوجك وانا دلوقتى فعليا كاتب كتابك يبى

زوجك وانا باقول لك انا عايزك تبقى تلبسى الطقم

ده لأنه عاجبنى

أحلام:خلاص زى ما إنت عايز

سامر :أيوااا كده دى خطيبتى ومراتى المطيعة

اللى بأحبها

جه سامر ياخذ أحلام علشان يخرجها فى العيد

لقاها لابسة لبس واسع وجميل ومحتشم

راح نظر لها بنظرة كلها إستياء وضيق

سامر:إيه ده يااحلام إيه اللى إنتى لابساه ده

أحلام ببراءة :إيه ياسامر طقم العيد اللى انا

إشتريته ها إيه رأيك فيه؟؟؟ مش جميل أوى ده عجب الكل

سامر :إيه الرجعية دى بقى بذمتك فى بنت فى

العشرين تلبس اللبس ده

أحلام :ماله اللبس ياسامر بالعكس ده شيك اوى

وعجب كل اللى شافوه وسألونى كمان على

المكان اللى إشتريته منه

سامر :لالا انا مش ممكن انزل معاكى وامشى

جنبك وإنتى لابسة اللبس ده

ده كانى خاطب واحدة أكبر منى بعشر سنين

أحلام بحزن ويأس :طب إيه اللى يرضيك

سامر بنظرة المنتصر:إلبسى الطقم اللى إشتريته

ليكى

أحلام بضيق :بس ياسامر ده ضيق

سامربحزم: من غير بس هتلبسيه ولا هتنكدى

علينا ومافيش خروج النهاردة

أحلام بيأس وإستسلام : خلاص هالبسه

خرجوا وراحوا يتمشوا

طبعا

احلام تعرضت لمعاكسات كتير وهى ماشية

والأستاذ ماشى جنبها نافخ نفسه زى الطاووس

ورجعوا البيت كانت أحلام مقررة بينها وبين

معتقدة إنه خطيبها هو كمان هيقول كده

بينما فوجئت بإن الاستاذ بيقول لها: عايزك كل ما

اخرج معاكى تلبسى نفس الطقم

يتبع...

فين المشكلة؟؟؟

الدياثة

مشكلة خطيرة

يعنى الرجل الذى لا يغار على محارمه وحرماته

سامر وزيه للأسف كتير مش بيكتفى إنه يتمتع

بجمال خطيبته أو زوجته لوحده

لأ بيبقى عايز يتفاخر بإن الانثى الجميلة دى هو

وحده اللى فاز بها

وطبعا علشان فخره يبقى له معنى لازم يظهر

للناس الجمال ده علشان فعلا يصدقوا إنه هو اللى

فاز

ولو حاولت هى تستر مفاتنها يبقى الويل وكل

الويل لها

لأنها هتحرمه من الشعور ده

الخلاصة

خافى من ربك وما تطاوعى اللى زى سامر ده

لأنه النهاردة واقف معاكى وبيشجعك على

الإهتمام بجمالك وإظهاره لكل العيون

لكن بكرة لما تفقدى جمالك ده

هيكون اول المتخلين عنك علشان يشوف مانيكان

جديدة يتفاخر بها

ويوم القيامة هيكون اول المتخلين عنك عند

السؤال وهيقول لك كما قال الشيطان

للإنسان:"كمثل الشيطان إذ قال للإنسان اكفر فلما

كفر قال إنى برىء منك إنى اخاف الله رب

العالمين .فكان عاقبتهما أنهما فى النار خالدين

فيها وذلك جزاء الظالمين "

أعرف بنات للإسف بدأوا رحلة التنازل عن

الحجاب الشرعى

علشان يرضوا خطابهم بعد ما كان لبسهم إسدال

واسع يغطى كافة جسمهم

أصبح الحجاب يتقلص رويدا رويدا حتى صار

طرحة صغيرة تكاد تكفى غطاء الرأس دون ستر

للصدر وبلوزات وتنورات ضيقة تظهر اكثر مما

تخفى

وفى النهاية كان مصيرهم الطلاق بعد سنة واحدة

لأن مثل هذا لا يخاف الله ومن لا يخاف الله لن

يراعى الامانة التى اوصاه الله بها

فإتقين الله فى انفسكن وراجعن انفسكن قبل

التورط مع هذه النوعيات المشينة