رجعت لقسم الطبخ << عيبتني سالفة الردود الرائعة والتقيم ودعواتكم الي تكون من الخاطر
:clap::clap:
مهم كعادتي ما بسولف وايد يكفيكم هذرتي من الصبح خخخ
ولا بدخل ولا بذكر بموضوعي هذا كعادتي بنتي شهودة << توني ذكرتها خخخخ
اليوم جبت لكم طبقة صغنونة وهي تعتبر من مقبلات سويتها البارحة وعجبت زوجي فقررت اسويلها لاهلي واهل زوجي بس ما باقي على رمضان شي ان شاء الله سنة الياية خخخخ :21_133:
مهم سويت كل شي يخص الدجاج ..شوربة والسلطة والسندويتش وطبق الاساسي وهاي كان نوع من الخفايف هم مال الدجاج :21_93:
....................................................
المقادير :
2 صمون فرنسي
دجاجه واحده مسلوقه
3 معلقه مايونيز
1 علبه جبن شيدر مبشور
الفلفل الاخضر الحلو (رومي )
الجزر المبشور
رشة من الفلفل الاسود
رشة من الملح
الطريقة :
نقطع الصمون الفرنسي دوائر
نخلط جميع مكونات الخلطه( الا الجبن)
ونضيف له الجزر ونصفه على الصمون
ونضيف الجبن من الاعلى حسب الحاجة
نحطه بالفرن في درجه حراره متوسطه
ونترك الصمون حتي تسيح الجبنه وتحمر اطراف الصمون
والف هنا وعافية
وكالعادة ما ابي الا الردود الحلوة وتقيمكم الفلة(y)
واتمنى او بالاصح اطمع بدعواتكم الرائعة بهاذي الليلة العظيمة لي ولعيالي ولكم بالمثل ان شاء الله (f)