حمااتي تقهرني و ترفع ضغطي و بدوون اي سبب

.
.


اشكركن جميعا خوااتي

و بالنسبه لرأي أم عبد لله و الله انه كلااامج برد لي قلبي و فوق الراس احطه

بس خليني اوضح لج نقطة

انتي من بين كلامج قلتي حتى لو هي ما تقبلتج

في هذي صدقتي هي أبدا مب متقبلتني السالفه واايد طويله و عريضه من هذي الناحيه

و ثاني شي انا ما عاتبتها و لا قلت لها ليش غسلتيها او سويتي المشنها ردت المصيبه على راس امي المسكينه الي ما تدري شو صار فينتي

و فوق هذا بقولج هي ام ما قلت لا لكن في اشياء تحاول اهي تضغط عليه فيهم

وصلت فيها لدرجة انه واحد من عياله يشوت بنتي برجله والله اني حطيته في قلبي
و لما رجعت انا و بدووون اي قصد و او تعمد شت ولدها برجولي لاني شاله بنتي و هي تبكي جوعانه
ابغي امر اروح لغرفتي و هو جالس جمب ممر غرفتي اتخيلي هي شافت و راحت عملت لي زوبعه في البيت
و تمت تقول لزوجي زوجتك ما تحترم عيالي شو بشااكير عندها تشوتهم برحولها

انا من القهر قلت لها و ولدج لما شات بنتي شو قلت انتي اونه يلعب معاها انا سكتت و ما رديت عليج بولا كلمه الحين انا و بدوون اي قصد يالسه اكلمه اقولد يا فلان ممكن شوي يقولي صبري صبري خليني بس اخلص الي بإيدي ؟؟!!

زوجي كلمها و قال لها يا ماما ما يصير كذا انتي تعترضين على كل حاجه البنت قالت لج انها ما كانت قااصده

اتخيلوو شو ردت على زوجي ؟؟ قالت له انك انت مب ريال روح خلها زووجتك تنفعك
و فوق هذا راحت ثاني يوم تشكي عند جارتها و تقول حق جارتها و بالهندي و ولدها اليهو زوجي يالس يلعب بلي استيشن اونه هذا وايد استعجل على الزواج خذ وحده م عاايلة كجره اتخيلوو

انا سمعت كل كلمه بس سويت عمري ما سمعت و طنشت و سكت

و الله و لحد اللحين تقولي انتو تقولون انكم عرب و ما اشووفج تعرفين الاصول اقول حق زوجي شو اقول لامك انا

يقولي قول الله هديها بس

الله يعينج ويصبرج.. وفعلا لو تقدرين تطلعين من البيت احسن.. ولو تقدرين اتمين في غرفتج ما تطلعين الا في اوقات معينه وخلاص عشان تحددين وقت تعاملج معها .. ولا تقولين لها سيراتج ورداتج عشان ما تتفلسف..

الله يعينج..

طنشيها

Um.Abdullah;10270714:
بصراحة اختي اسمحيلي لكني انصدمت لما لقيت كل البنات معاج ولا وحدة ضدج!!

بصراحة وبدون زعل انتي ابد ما معاج حق،، ابد

تخيلي اختي ان انا زوجة اخوك، فرضاً، ومريتي قرب غرفتنا يوم وسمعتي هالحوار
انا: والله امك حضرتها صايرة تدخل في كل شي، ابيك تلقى لي حل مع هالانسانة
زوجي: كم مرة قلت لج ما عليج منها خليها تولي، ايش عليج منها

بذمتج اختي لو ان امج هي المقصودة بهالكلام ما راح تتضايقين!!
حتى لو جيتي قلتي لي ان امج احسن منها ومن هالكلام بتضل هي ام وهي اللي ربت زوجج وكبرته ورزته الين ما سلمتج ياه وهي راضية، لا تقولين مب راضية، لو انها مب راضية ما كان شالت بنتج وغيرتها وصخها وحفاضها وانتي راحية تتسوقين في الجمعية!!!

اذا اختي على سالفة اللوكس فما اشوفها سالفة كبيرة، لان مو ام زوجج هي اللي تربيها وتهتم فيها 24 ساعة فطبيعي تغلط هالغلطة البسيطة،، ادري بتقولين مو بسيطة لكن انا بعد صار لي هالموقف ومو مع اللوكس، الا حطت لها كريم كورتيزون بالغلط والله البنت كبرت عيبتها اكبر مما تتخيلين لدرجة اني ما اقدر اغسلها ولا قلت شي لعمتي غير الله يعطيج العافية يما وشلت الكريم وخشيته بعيد عنها، ولما سألتني عن اللي فيها قلت لها انتي استخدمتي الكريم الغلط بس ما شر ان شاء الله وعطيتها الكريم الصح وانتهى

لو انج نبهتي عمتج من الاول ان الصابون هو اللي سوا فيها جذي ما كان قالت الكلام اللي قالته عن بيت اهلج، وما اشوف كلامها يزعل مرة كبيرة واللي في قلبها على لسانها

حتى في سالفة انها تاخذ بنتج معاها، لازم تفرحين انها تحب بنتج وتاخذها وياها كل مكان، واذا مو عاجبج تقدرين تقولين لها يما خبريني قبل ما تاخذينها لان مرات ابي اروح مشوار اخذها او اني اقعد ادورها احاتيها وما القاها فعطيني خبر، ما اضن انها بتزعل!!
حتى لو ماخذتها قدامج لج الحق انج تعترضين مو عيب ولا ان حد بيلومج لانها بنتج فعادي قولي لها ما ابيها تروح اليوم مرة ثانية

اختي في عمات يطلعون اشاعات على حريم عيالهم وتقوي ولدها على زوجته بدون سبب وتقعد ترزل فيها قدام خلق الله،، انتي على الاقل جات على اشيا بسيطة المفروض تحمدين ربج عليها

حتى سالفة صابون الملابس مرت علي وقلت لها ولا يهمج اغسلهم بصابون اطفال وبنفسي وقمت اغسل ملابس بنتي بنفسي بس علشان ترضى عمتي،، هذي بمثابة الام فمافي داعي نتضايق ونعصب على اشيا ممكن نطوفها،، الجنة تحت قدميها اختي فحاسبي

كلامج ذهب رائعتي والله قلتي اللي كنت ابي اقولة ... جزاك الجنة والله

الغالية هذا مرة كبيرة وخبرتها اكبر من خبرتج انتي... ادري انج متعلمة وفاهمة بس مثل ما قال المثل اللي اكبر منك بيوم افهم منك بسنة ... سايسيها وخذيها على قد عقلها وامدحيها قالت مثلا غيري الصابون وانتي مب مقتنعة عااااادي سايسيها جدامها قولي غيرته عمتي ... الغالية هذيل ناس كبار في السن ويبيلهم بارض وطولت بال ... وصدقيني بتحترمج طول عمرها لو اظهرتي احترامج لها .... الغالية وسالفة بنتج ما فيها شيء لو خذتها معاها بنت ولدها وتفتخر فيها وما في اغلةى من الولد الا ولد الولد ... ومن غلاتها تاخذها معاها ....

الغالية ترى الدنيا دوارة ويوما لك ويوما عليك باجر بيكثر عيالج وإذا اليوم ما كسبتيها راح تتوهقين انتي في النهاية ....


العتب

اختي عن سالفه بنتج انهاا غسلتها بصابون لووكس
يمكن لانها نست الربى
وعشاان انها طلعت بنتج
لو ما تحبهاا ما اخذتهاا معاها

مرحبا اخواتي ..

والله انا لا اخالف اي رأي شفته ..

ولكن لام الله الي يلومها .. ياناس .. ترى في حموات تصرفاتهم..فعلا تطهق الواحد وتطلعه من طوره .. والناس اجناس .. وهي واضح جداً.. انها متضايقه.. وكانت تسكت في مواقف كثيره .. وبقولج شغله لو زوجك كان ماخذ من عايله والدته .. صدقيني ما كانت تكلمت ولا كلمه لانهم من نفس الديره ..والاهل..

بس اغلبيه الامهات وخصوصا من البلدان المختلفه .. يحبون يزوجون عيالهم من نفس الديره .. ‘عموما انا ما ابي ازيد الطين بله .. بس الصراحه .. زودتها .. الغاليه .. اعذريها انها اغسلت بنتج بالصابون لكن اختي بالنسبه ان ياخذون بنتج .. حاسبي على هالشغله وحاولي ان توصلين لها المعلومه بطريقه حلوه انج تفضلين يخبرونج لو بياخذون بنتج .. او تعذري لهم يوم ما بيخاذونها ..

هي امه صح ...وتكسبينها وتخليها تموت فيج .. نادر ما تحصل .. الي تقدرين عليه انج تستكين .. وتفوتينه ... فوتيه .. والي تحسينه مبالغ فيه .. ,ووايد .. حاولي تكلمين خالتج فيه .. بشكل مباشر ومحترم.. او بطريقه غير مباشره بس انك توصلين لها المعلومه .. وحاولي انج قد ما تقدرين تقولين .. حق زوجك امك فعلت وامك سوت .. وايد لان مهما كان الولد بالنهايه بتضايقه .. وبيهج ..

الله يعينج اختي وويصبرج ...

تراها تشكي اخواتي ... وهي متضايقه .. يعني لا تضغطون عليها كثير..

ام جنى

الله يصبرك

الله يعينج عل ما ابتلاج

Um.Abdullah;10270714:
بصراحة اختي اسمحيلي لكني انصدمت لما لقيت كل البنات معاج ولا وحدة ضدج!!

بصراحة وبدون زعل انتي ابد ما معاج حق،، ابد

تخيلي اختي ان انا زوجة اخوك، فرضاً، ومريتي قرب غرفتنا يوم وسمعتي هالحوار
انا: والله امك حضرتها صايرة تدخل في كل شي، ابيك تلقى لي حل مع هالانسانة
زوجي: كم مرة قلت لج ما عليج منها خليها تولي، ايش عليج منها

بذمتج اختي لو ان امج هي المقصودة بهالكلام ما راح تتضايقين!!
حتى لو جيتي قلتي لي ان امج احسن منها ومن هالكلام بتضل هي ام وهي اللي ربت زوجج وكبرته ورزته الين ما سلمتج ياه وهي راضية، لا تقولين مب راضية، لو انها مب راضية ما كان شالت بنتج وغيرتها وصخها وحفاضها وانتي راحية تتسوقين في الجمعية!!!

اذا اختي على سالفة اللوكس فما اشوفها سالفة كبيرة، لان مو ام زوجج هي اللي تربيها وتهتم فيها 24 ساعة فطبيعي تغلط هالغلطة البسيطة،، ادري بتقولين مو بسيطة لكن انا بعد صار لي هالموقف ومو مع اللوكس، الا حطت لها كريم كورتيزون بالغلط والله البنت كبرت عيبتها اكبر مما تتخيلين لدرجة اني ما اقدر اغسلها ولا قلت شي لعمتي غير الله يعطيج العافية يما وشلت الكريم وخشيته بعيد عنها، ولما سألتني عن اللي فيها قلت لها انتي استخدمتي الكريم الغلط بس ما شر ان شاء الله وعطيتها الكريم الصح وانتهى

لو انج نبهتي عمتج من الاول ان الصابون هو اللي سوا فيها جذي ما كان قالت الكلام اللي قالته عن بيت اهلج، وما اشوف كلامها يزعل مرة كبيرة واللي في قلبها على لسانها

حتى في سالفة انها تاخذ بنتج معاها، لازم تفرحين انها تحب بنتج وتاخذها وياها كل مكان، واذا مو عاجبج تقدرين تقولين لها يما خبريني قبل ما تاخذينها لان مرات ابي اروح مشوار اخذها او اني اقعد ادورها احاتيها وما القاها فعطيني خبر، ما اضن انها بتزعل!!
حتى لو ماخذتها قدامج لج الحق انج تعترضين مو عيب ولا ان حد بيلومج لانها بنتج فعادي قولي لها ما ابيها تروح اليوم مرة ثانية

اختي في عمات يطلعون اشاعات على حريم عيالهم وتقوي ولدها على زوجته بدون سبب وتقعد ترزل فيها قدام خلق الله،، انتي على الاقل جات على اشيا بسيطة المفروض تحمدين ربج عليها

حتى سالفة صابون الملابس مرت علي وقلت لها ولا يهمج اغسلهم بصابون اطفال وبنفسي وقمت اغسل ملابس بنتي بنفسي بس علشان ترضى عمتي،، هذي بمثابة الام فمافي داعي نتضايق ونعصب على اشيا ممكن نطوفها،، الجنة تحت قدميها اختي فحاسبي

بارك الله فيك هذا الي كنت ابي اقوله اول ماقريت الردود.
الصراحه بعض النساء جدا انانيات ومافي قلوبهم رحمه
ويقسون قلوب ازواجهم على امهاتهم للأسف.
وماتدري ان الله بكره بيعاقبها على كل زفرة وتنهديةحزن وكل دمعه من عين هالام المسكينه.
تحياتي

حبيبتى ربنا يهديها ليكى بس عن تجربة حاولى تتجنبيها على قد ماتقدرى حتى لو كنتى عايشة معاها فى نفس البيت وفهميها انك مش عاوزا مشاكل وطبعا كل دا بعد موافقة زوجك على الخطوات دى

بصراحة اختي لو انج كتبتي ردج الثاني في البداية يمكن يكون ردي غير

حبيبتي لو ان ام زوجج من هالنوع انصحج بشي واحد بس،، ما لج خص فيها ابددددد، يعني لا تدخلين في اي شي، لا في عيالها ولا احفادها ولا تهتمين،، لاني والله لما كنت اتدخل في اشيا عاااااااااااادية ابد كانت تصير مشاكل وناس تفهمني غلط وناس تلومني،، قلت خلاص ما ابي اتدخل واللي يسوونه يسوونه، واول ما اتضايق من تصرف حد منهم اشيل بنتي واروح بيت ابوي،، والحمد لله اهل زوجي مو اشرار بس المشاكل تصير،،،
حبيبتي خلج بعيدة عنها واذا قاتل لج شي سكتي ولا كانج سمعتيها، حتى لو صرخت عليج لا تهتمين، اسمعيها وروحي ولا كانج سمعتي شي،،، بيجي يوم وببين كل واحد ونواياه

وحتى الرد الثاني ما يغير من الموضوع شي حرمة كبيرة وام زوجج مهما سوت ومهما قالت ... تراها تضل ام وانتي دخيلة عليها وخذتي منها ولدها اللي ربته وتعبت عليه وهذي حركات معروفة ومفهومة كل الامهات والعمات عندهم هذي الفكرة ولكن بتفاوت يعني ناس تحس فيها بشكل كبير وناس لا احساس بين فترة وفترة ... بس اهم شي لا تكسبين عداوتها ... وانتبهي ... خلي اجرج على الله ... اذا ما تقدرين تتقربين منها تقربي من اللي حوليها اللي هم عيالها وبناتها ... وهم راح يحسنون صورتج جدامها ... وجدام ريلج الغالية لا تذكري امه بطريقة مب لايقة مهما كان هذي امه اذا اليوم وياج باجر بيكون ضدج وبيمسكها عليج ... صفي نفسج وخليها واحتسبي الأجر عند الله


العتب

العتب

الله يكون بعونك ..

بس افضل شي انك تكوني اذن من طين واذن من عجين ..

اختي مشكلتك بسيطه بس مو معناه ان تسكتين عن حل الحساسيه الي بينج وبين عمتك من المهم ان تكسبيه ودارينها والله لو اقول لج عن صديقتي صار لها عشر سنوات متزوجه واول يوم زواج شافت العسل اقصد البصل تخيلي خوات زوجها يقولو لها انت خدامه لينا وانسي العز الي شفتيه قبل وهي دوم تسكت وشقتها كانت مخزن لاغراض لبيت العم وهناك قائمه من الممنوعات واول شي ممنوع تقفلي غرفه نوم تخيلو هالشي الي ما سكتت عنه وصار الاجتماعات علي الموضوع وانهارت تبكي ولا تنازلت والزوج مرعوب من ابوه وامه وقال لها عمها الي هو ابو زوجها ليش تعتبري الغرفه لج هي للجميع وايام حملها بلمولود الاول عدبتا عمتها تخيلو تجبرها تحمل اشياء ثقيله رجال ماتشد حملها ورغم انها تعاني من نزيف بنات خبروني في هالظروف شنو تراعي كمان عمتها الي هي اعتبرتها زي امها

ولاهمتك دامها كذا اصفطيها وراك ماتستاهل حتى انك تتعبين نفسك وتفكرين فيها اللي بيعاملك بالطيبه صيري اطيب منه واللي بيعاملك بنذاله ومراقبه ولاتهتمين فيه

.
.


مساء الخير


والله بردتوو قلبي بردود خوااتي العقل

بس و الله يا خوااتي اني أحاول قد ما اقدر اني ارضيها بكل شي و زوجي جدا بااار بأمه مقارنة بإخوانه
صوته ما يعلى عليها والله تالو شوفو اخوانه والله لساان على امهم

في أول زواجي تمت تقول انتي متينه و ويهج ما ادري بلاه انا سكت و طنشت ما رديت عليها
و بعدها بفتره قامت تعايرني ببنات اختها و بنات جيرانهم انزين ليش انا شو ناقصني ؟؟؟

و فوق هذا كله تقول حق زوجي كله منك تزوجت بسرعه يوم قلنالك خذ بنت فلانه قلت لا ابا بنت البلاد اصل وفصل .. روووح خلها تنفعك !!! انا هالكلام يعورلي قلبي ؟؟ ليش تقول حق ولدها جذي حرااام

و بزيدكم بعد انا حامل اللحين توني 12 اسبوع لماقلت لها انصدمت اتخيلو قالت لي بل وايد بسرعه بنتج توها 10 شهور ؟؟ قلت لها بالعكس عمتي الحمد لله على كل شي هذي نعمة من عند رب العالمين

و اللحين لتجهيزات العيد شريت لها قطعتين عشان تخورهم لها اتخيلو الي شريته لها راحت حطته
هديه حق بنت جيرانا لانها ربت ؟؟ قلبي احترق واااايد


والله في بداية زواجنا و انا حاطتنها على راسها كل شي حاضر و ان شا الله و انتي تامرين بس انا في نظرها ولا شي

تقول حق زوجي مب لازم تزور اهلها يقول لها زوجي ماما كيف جذي هذولي اهلها ما يجوز انا اخليها تقطع صلة الرحم منهم انا بتحااسب على هالشي




والله يا بنات انا عمتي سافرت الهند شهر و نص لانه امها توفت حزنت عليها كثير و وصتني على اولادها

قلت لها لا تحاتين يا عمتي انتي روحي و انتي مرتاحه لا تشيلين همهم

و انا اقوم الفجر و اسوي الريوق و الغدا و العشا و اعابل البشكاره في البيت لدرجة اني ما ألحق ايلس مع زوجي لو 10 دقايق العصر ايلس ورا الاولاد والله يا فلان تعال اذاكر لك و يا علان تعال لا تطلع برع و ايلس اركض وراهم لحد الساعه 12 اسحب فيهم عشان يدخلو البيت و ما يسهرون برع

و انا تحملت كل كلمه غلط منهم سبوني و هانوني و لا قلت كلمه زوجي كان بيتدخل قلت له لا برايهم صغار خلهم بروحهم بيستحون

و لما رجعت من السفر سألوها ربيعاتها ها شو مرت ولدج تعرف تطبخ تخيلو شو قالت لهم و انا يالسه وياهم

هي تسوي سندويشات و باشميل بس ؟؟؟ ويهي استوا اصفر من المستحى قلت في خاطري و منو الي كان ينفخ و يطبخ حق السبلان الي عندج بس تعوذت من الشيطان و سكت و لا قلت لها كلمة و لا شكيت لزوجي


بس ما عليه عشااانكم انا راح استحملها و اصبر و بحاول معاها من جديد و ان شا الله الله يهديها

.
.

الله يهديها ان شاء الله
ودام زوجو هو يعرفها خلاص هذا اهم شي
ولو تطلعون في بيت لوحدكم احسن
او حتى لو كنتي في شقة في بيتهم خلي عندج استقلاليتج
يعني لاتطلعين من الشقة الين بتطليعن برة البيت

الاستقلال بالسكن افضل شيء..

الله يساعدك ويصبرك حيااتي