زوجي خلاص مل وبيتزوج على وكله بسبب الالتهابات :(

يارب يسخره لك ويجعله مايشوف غيرك
الله يهديه ويصلح حالك اختي :(
والله صار الهواء يجي البنت والمتزوجه وكله من المشي حافيه والاكل الي مافي فايده والتكشف للبراد
اتمنى تلقين حل سريع ويسخر لك زوجك

الله يشافيج يارب ويسخر لج زوجج والله لا يخليه يشوف غيرج بحق هالشهر الفضيل

ولما تولدين بالسلامة يارب استخدمي محلول سيتيال وايد زين عن الالتهابات وعن الروائح الكريهة

حبيبتي من رايي ما تفتحين الموضوع معاه وماتبينين انه مأثر عليش بالزواج انتي حاولي تغيري من لبسج ونفسج ما تقولي ماقدر حاولي قدر الأمكان هذي زوجك وبايطير منج شدي حيلج وما تنسين الماي والملح كاغسول وحاولي تخلية يأجل الموضوع الزواجة قدر الامكان نصيحة ما تبينين ان الزوجة الثانية نقطة ضعفج لانة بيصير كل ما يبي شي بايضغط عليج بالزوجة الثانية ........
ونفسيتج نفسيتج اهم شي تكوني نفسيتة مرتاحة لاجل ما يطفج منك لان كل ماكانت نفسيتج تعبانة كل ما طفج منك وفكر بالزواج بالزيادة
لازوم تكونين مبتسم له حتى لو ما قدرتي حاولي ولا باتخسريه وكل ما فكرتي بالموضوع باتتضايقين حاولي تتنسين أدري أنة ضغط عليج بس أذا حابة زوجك حولي تتمسكي وسوي المستحل هذي لازوم تبدين من اليوم بعزم لان مافي وقت لبعد الولادة
أما بعد الولادة يصر هنا الأهتمام بنفسج أكثر وأنتي عارفة الباقي من عمليات ونيو لك عاد ماوصيج والله يعد عنج الضرة ويسخرلك زوجك ومايشوف احلا منك ولا يكون له حظ في النساء غيرك انتي وبس ياكريم ((امييييييييييييييييييين ))

الله يكون في عونج حبيبتي
ترى في العادة تتعرض الحوامل للألتهابات خصوصا في نهايات الحمل
يعني من الشهر السابع
المفروض تجلسين مع زوجك وتفهمينه هذا الكلام وتقولين له من اخطر الحالات هذي الألتهاب
واذا اراد يجامعج قولي له عقب الولاده لأنج تعانين من الألتهاب ولا تجامعينه حتى مايشم الريحه ويتنرفز منج
لأنه في بعض الرياييل مايستحملون وعلى بالهم انه الريحة بتلازمج مدى الحياة انتي اخذيه لدكتورة نسى ولاده وخليها تشرح له الحاله بالتفصيل وقولي له انج حامل والحامل تتأثر نفسيتها وتأثر على الجنين واذا اهو يبي يتزوج علشان هذي السبب فيمكن تقنعه الدكتورة اما اذا كان سبب ثاني فالله يكون في عونج
ونصيحه مني لاتجامعينه حاليا وحاولي تبدلين ملابسج الداخليه بستمرار وغسلي المنطقه الحساسه بديتول فقط ولا تحطين صابون وغيرة لأنه بيزيد الألتهاب
بس يقولون ان العسل مفيد انه عن نفسي ماجربته بس وحده من هلي اتقول كل مايصير فيها التهاب تحط عسل لمدة 3 ايام انتي جربي وتوكلي على الله والله يقومك بالسلامة ولا تشيلين هم

الله يهون عليك ولادتك ويصلح احوالك


اختي يمكن انتي تهملين حالك وقت الدوره والنفاس وصادك خراب

اهتمي بنفسك حيييييييييل قد ماتقدرين

خاصه وقت الدوره والنفاس

وانتي روحي لدكتوره وشوفي شالمشكله الالتهابات

وسالفه التوسعه قولي للدكتوره اللي اتابع حالتك عشان تكتب في ملفك انك تبين بعد الولاده خياطه تجميليه

الله يكون في عونج يا اختي... شوفي الريال لو يحب زوجته بيحاول يغيرها شوي شوي بيحاول يكلمها بس ما بيقولها بتزوج عليج لا حول ولا قوة الا بالله وهو حصل سبب يقولج جذيه بس من شو هاي اللتهابات يمكن اصلا هو يايبلج اياها لا سمح الله وعشان جذي ما تروح لانه اول ما يرد يجامعج ترجعلج ولا يأثر فيها ادويه ولا شي....من ناحيه ثانيه يوم انتي عندج هبوط في المهبل شو فايدة العمليه التجميليه جان بتمين تحملين كل سنه ويبغي عيال الى مالا نهايه اختي بترجع المنطقه نفس قبل واخس وماشي فايده ....انا من رايي تيلسين وياه وتسوين عمرج ضايجه ودمعتج على خدج وتتكلمين وياه بهدوء وتشرحيله كل الي مضايجنج وتتطلبين منه انه يوقف وياج عشان تحلون هاي المشاكل وربي يهديه لج ويسخره .

الله يكون بعونك حبيبتي

صعب تعالجين وتجازفين الحين وانتي حامل بالثامن !!!!
اصبري وادعي ربك وان شاء الله لما تولدين سوي عملية تجميل واهتمي بأكلك ونظافتك وادويتك
وقت النفاس وان شاء الله ترجعين مثل أول واحسن يارب

احلا بنوته;10260427:
عزيزتي...الله يعينك

بس ممكن يكون زوجك عنده التهابات وما يدري..علشان كده فيكي التهابات..خليه يروح المستشفى وأتأكدي

والله يشفيك ويخليلك هو

الله يفك كربك يااارب ويهونها ويفرجها عليك وتقومين بالسلامه ياااارب ..

و الله ما عنده سالفة
الله يهديه إن شاء الله
إنتي حامل و هو يبي يتزوج لازم يوقف معاج مو يقول أبي أتزوج
حاولي تيلسين معاه و تفهمينه أو إنه يروح معاج عند الدكتورة عشان تفهمه

اول شي لازم تروحين دكتوره شاطره انتي وزوجك يكشفون عليكم

ثاني شي انصحك تتنقعين بملح ومره دايماااا

ثالث شي قولي حق زوجك بتسوووين عمليه تضويق وترجعين احسن لما كنتي بنت والالتهبات بتعالجنها وقت النفاس

وقولي له برجع عرووووووسه عشانك

حبيبتي الشبه والعفص تخرب الوحده
وبعدين عالجي نفسك من الإلتهابات عند دكتوره شاطره مو عشان زوجك عشان البيبي إلي في بطنك
إنتي مو عارفه إن البكتيريا إلي في الإلتهابات تسبب عمى للجنين أو إنه ما يقدر يتنفس طبيعي أو ما يقدر يسمع
فعالجي نفسك بسرعه

مشكورين وما قصرتوا وجزاكم الله خير وان شاء الله ربي يسخر لي ريلي ولا يشوف غيري كل نصايحكم باخذ بها وان شاء الله اقرب موعد ادخل على الدكتوره واخليها تكتب لي على عمليه تجميليه وانتو فعلا خوات الواحد ما يقدر يستغنى عنكم وان شاء الله خير يا رب

الله يعينج يالغاليه



الصراحه انا من بعد ما خلصت ال40 احس ان اتينيافرازات بدون حكه بس ريحتها قوية جدا

حسبي الله على الرياييل...

^
هههههه مفتون ضحكني ردج .. لا تنسين انا فالعشر الاواخر ادعيلهم لا تدعين عليهم ^ ^


اختي وحده من الناس

خذيه بالسياسه اذا قالج شي لا تزعلين و تعصبين اتحملي و خلي نفسج طبيعيه وعاااادي ولا كأنه شي ..
بينج و بين ربج ادعيله بالهداية فهالأيام المباركة ..

الله يسخره لج و يجعلكم قرة عين لبعض ..

طيب استخدمي غسول للمنطقه الحساسه باستمرار يمنع تكون الفطريات وتكاثر البكتريا ويعطر المنطقه
تشطفي قبل الجماع
والله يسخر لك زوجك ويسعدك ياارب

اذا ولدتي بالسلاامه روحي اعملي عمليه تجميليه واستخدمي غسولات ومرهم وخذي عينه من تحت ممكن بكتيريا
اوجربي ملح خشن ومويه دافيه
بس اسئلي عنه قبل لانه يقتل الجراثيم
والالتهاب متعبني بعد
الله يعييننا يارب***

حبيبتي كل الحرييييم تصيدهم التهابات مؤقته هذا عذر عشان يتزوج

الله يفرج همك