محتاره شلون اختار شريكي !!

ربي يفرج عليج حيرتج يالغالية شوفي ياالغالية انا بتكلم لج عن نفسي وتجارب امي وتجارب صديقة ليي سمعي يا طويلة العمر انا امي اجنبية مو بعد خليجية اجنبية يعني لج تتخيلين انها جت من برى عشان ابوي وتكون معاه اسرة بالرغم من انها مسلمة من الاساس لكنها تعبت وايد في التأقلم يعني غير انها صايرة وحيدة بالديرة مالها احد من ريحة اهلها يعني لو تشتاق تشوفهم ما تقدر غير كل كم سنة تروح وتشوفهم ولو بعد مافي تلفونات الحين شان بالحمام الزاجل رسايل ههههههه والحين معاناتها اكثر بعد وفاة ابوي مالها احد غير ربج وحنا عيالها يعني لج تتخيلن حجم المعاناة سؤال يعني هل راح تقدرين على هالشي البعد والتعب وعقب عمر طويل للولد تقدرين تعيشين هناك مع اعيالج؟؟؟وانتي تقولين السعودية الشقيقة صح قريبة مو بعيدة بس هم لهم عادات وتقاليد معينة على اماظن لو كان في خليج واحد هاي قصة.

قصة صديقتي السعودية شوفي سعودية بس امها بحرينية تزوجت ابوها الله يرحمه الام قالت ويش لي اقعد عقب المرحوم زوجي اهلي اولى بي قالت يلا بروح على ديرتي مع عيالي مسكينة وايد حصلت صعوبات عشان تجي هني خصوصا من اهل الزوج يعني هاذيله عيالهم وهم اولى بهم يعني تخيلي يمكن 2 سنة وهي تقنع فيهم لحد ما ربج سهل انا ماقصد اهل الشاب اللي تقدمو لج ناس مو زينين لالالالالا ابد الله اعلم بهم انا بس اقولج هاي القصة اللي صارت لصديقتي عقب عمرطويل واسم الله عليج لو ترملتي تقدرين تعيشين هناك غصب مع عيالج او تسوين مناقشات لحد ماتجين هني او او يعني وايد اشياء ممكن تصير فكري في القصتين وقرري بنفسج.

نجي بالنسبة الى السن سمعي حبوبة انا بتكلم لج عن نفسي في بداية شعبان اللي فات تقدم لي شخص ومن فرحة البيت ناسوا يسألون عن عمره لانه من طرفة جارتنا هههههههه المهم عاد قلت الى امي انا لازم اعرف جم عمره طلع اصغرمني ب 2 سنة " ياربي انا علي ناس اما يطلعون الى فوووووق بالسن او نزلون بالارض خخخخ " طبيعي انا واهلي رفضنا مو علشان انه اصغر بالسن يعني مثل ماقالوا البنات تبين اكبر منه بسرعة والحل اكا موجود تجميل وصبغ انا عن نفسي مادري احس اني احتاج من يفهني ويفهمني الدنيا مو العكس واذا تبين الصج كل سن وله متطلباته يعني متطلبات 20 سنة غير 18 وغير 25 انا مابي اظلم احد معاي فما ادري اذا كنت اقدر اوفي هالشي او لا وخلينا نكون واضحين اكثر يعني عمره21 او 22 شنو عنده متى قدر يكون نفسه؟؟ والزمن ما يرحم يا الغالية مو قصدي احبطج بس هاي الواقع واحسه توه في بداية النضج هاي انا اتكلم عن نفسي كون شخص اصغر مني ب 2 سنة

قبل رمضان بعد تقدم لي شخص اصغر مني بسنة والعجيب استغراب اهلي اني كنت موافقة على سنه يعني قلت سنة يمكن اقبل واتفهم متطلباته بس يوم قعدت معاه في النظرة الشرعية ماصار نصيب لعدة اسباب منها وضعه المادي وسنه وغاليتي انا ما اشوف سبب يجبرج انج تاخذين شخص اصغر منج وانا مو ضد اللي تاخذ اضغر منها بس كل وحدة لها نصيب وظروف تخصها وعموما السن مسألة نسيبة

بالنسبة الى ولد الديرة احلى صفة فيه انه ولد الديرة يعني حلاة الثوب رقعته منه وفيه يعني صار ماصار اهلج عندج وكل ماشتقتي لهم تقدرين تروحين لهم وصفة حلوة فيه بعد انه اكبر منج يعني علقيا ونفسيا ناضج وولدنا نمون عليه يعني مع الايام تقدرين تخلينه يكمل دراسة عشان تتحسن ظروف المعيشة

تقولين للحين محتارة اخت ذكرت هني حركة ان اسويها عشان اقرر صح اخذ ورقة وقلم واشوف سلبيات وايجابيات كل شخص واتذكر المقابلة طريقة الكلام الاسلوب ارتحت اولا اقدر اتماشى مع هالشخصية او لا انتي بعد طبقي هالشي يمكن ترتاحين واكيييييييييد صلي استخارة وادعي بهاي الليالي الفضيلة وادعي لي انه ربج يحقق لي اللي في بالي

تحياتي

اول شي ياعسل صلي استخاره ورايي تاخذي الاول افضل الله يوفقك ويسعدك قلبو :)

اهم حاجة تصلى استخارة وكمان القبول انتى اكتر واحدة تقدرى تقررى فى قبول لمين فيهم

ربنا يوفقك للخير ان شاء الله

ابقى قولنا عملتى ايه ياقمر

الله يكتب لج اللي فيه الخير

دلوعةحناني;10258013:
حبيبتي الغاليه
اتصور ما يحتاج الحيره نهائيا
لو انا محلك بختار الأول .............تدرين ليه
اول شئ هو بديرتي وهذا اهم من كل شئ وترى البنت لو سكنت
بمنطقه غير منطقة اهلها تعتبر غربه فكيف لو بلد ثاني حتى لو كان قريب.
ثاني شئ مين الي تترك الي اكبر منها وتأخذ الي اصغر منها...؟؟؟؟؟
اكيد اى بنت تفضل ان زوجها يكون اكبر منها ومابقولك ان كل البنات كذا
لا في بنات مساكين نصيبهم كذا ما يجيهم الا الي اصغر منها وهي تضتطر توافق
علشان ما تعنس لكن انتي ولله الحمد لديك الخيار...
وياحبيبتي مرات الي ماتعرفينه احسن بألف مره من الي تعرفينه.
واخير اقولك لا تنسي صلاة الاستخاره قبل كل شئ وبعدين قرري مين تبين
مع اني انا شخصيا ارشح لك الاول.
تحياتي

انا مع الاخت بكلامها

الافضل الاولانى طبعا لانه اكبر منك
لكن انتى مشاعرك ايه ناحيتهم
فكرى هل عندك قبول لواحد اكتر من التانى
ولو معندكيش قبول ليهم هما الاتنين خلاص يبقي متتسرعيش فى القرار واستنى الشخص المناسب
والجواز ده قسمة ونصيب

استخيري


وانا اقول خذي اللي من نفس البلد ..

حاولي تعرفي درجة تدين كل واحد فيهم، ما اقصد من لي لحيته اطول او او او.. يعني لا تدوري في مظاهر التدين الخارجي

الرجل لي يتقي ربه اكيد بيتقي الله فيك .. هذي نصيحة مستحيل انساها من صديقة عزيزة.

حبيبتي انتي استخرتي؟

استخيري وشوفي قلبك يميل لمين اكثر

صح انه مو حلو البنت تتزوج اللي اصغر عنها بس العمر مو مهم ابد اذا كل شي فيه حلو,,

الرسول عليه الصلاة والسلام تزوج اللي اكبر منه بتسع سنوات

اسألوا عنهم اكثر وفكري براحتك لا تستعجلي

اني اقول اختاري الاول

خصوصا انه السعودية والبحرين عاداتهم مختلفة تماما ممكن تعرفين قصدي

احنا هني متعودين على الروحه والجيه وخصوصا اذا تسوقين

هناك اشياء واجد تختلف عنا

اني اقول لا تتسرعين اذا قلبج ما مال الى اي احد فيهم

اتركيهم والله يعوضك خير وبعدك صغيره لا تتسرعين تتندمين بعدين

دلوعةحناني;10258013:
حبيبتي الغاليه
اتصور ما يحتاج الحيره نهائيا
لو انا محلك بختار الأول .............تدرين ليه
اول شئ هو بديرتي وهذا اهم من كل شئ وترى البنت لو سكنت
بمنطقه غير منطقة اهلها تعتبر غربه فكيف لو بلد ثاني حتى لو كان قريب.
ثاني شئ مين الي تترك الي اكبر منها وتأخذ الي اصغر منها...؟؟؟؟؟
اكيد اى بنت تفضل ان زوجها يكون اكبر منها ومابقولك ان كل البنات كذا
لا في بنات مساكين نصيبهم كذا ما يجيهم الا الي اصغر منها وهي تضتطر توافق
علشان ما تعنس لكن انتي ولله الحمد لديك الخيار...
وياحبيبتي مرات الي ماتعرفينه احسن بألف مره من الي تعرفينه.
واخير اقولك لا تنسي صلاة الاستخاره قبل كل شئ وبعدين قرري مين تبين
مع اني انا شخصيا ارشح لك الاول.
تحياتي

حلاة الثوب رقعته منه وفيه ... والغربة ترى صعبه وايد على الاقل الواحد يكون بديرته بين اهله وناسة والشي الثاني فكري بالعيال باجر راح يكونون غير جنسيتك ... والحلو لما يكون الأم والاب نفس الجنسية والعيال يكونوا كذالك ..... وفي بالسعودية قوانين تختلف عن قوانين الدول الثانية وقوانين شديدة من ناحية الابناء ... واستخير الله والله خير معين