كيف أتعامل مع زوجي الغيور!!

المشكلة عند الحرييم انهم يقولون على طول راعييه وتحملي وغيري من اسلوبك

وبالنهاااية تطيييح على راسك

لان اللي زي كذاا مريضيييييين ، هذي موب غيره

الغيره لا شافك سويتي شي غلط او قلتي شي غلط

مو بكل شي ، وش دخل اذا رحتي صاالون حق العرس يغااار ؟

هذا مريض يبي يتملكك ويتحكم فيك

احذري تكملين معه وتجيبين عيااال بتكرهين حيااتك

وقولي ما قلت !

نفس مشكلة خطيبي ..

**جودي**;10268660:
المشكلة عند الحرييم انهم يقولون على طول راعييه وتحملي وغيري من اسلوبك

وبالنهاااية تطيييح على راسك

لان اللي زي كذاا مريضيييييين ، هذي موب غيره

الغيره لا شافك سويتي شي غلط او قلتي شي غلط

مو بكل شي ، وش دخل اذا رحتي صاالون حق العرس يغااار ؟

هذا مريض يبي يتملكك ويتحكم فيك

احذري تكملين معه وتجيبين عيااال بتكرهين حيااتك

وقولي ما قلت !

حبيبتي شكرا وبصراحة نفس كلام ماما بالضبط وانا حذرة اشد الحذر بعطيته كم فرصة واذا ما تغير مع السلامة بعدني 22 سنة صغيرة وقدامي مستقبل كبير

السلام عليكم

بصراحة حبيبتي احس ان من كثر مايحبج يخاف عليج ويغار فأنتي الاشياء الي تسبب غيرته ابتعدي عنها مثلا على الشيلة الملونة معاي وحده بالدوام ريلها يقول لها ان حرام تلبس شيلة ملونة واذا بتلبسينها انا غضبان عليج تخيلي هالكلام
انه الحمدلله وايد متفاهمة مع زوجي بس بعد تحصل بينه هالامور مثلا لاتلبسين هاللباس في بيت ابوج او اذا رحنه السوق مايبيني اتكلم يطالعني بنظرات افهمه على طول واسكت وافتح ليه المجال ان اهو الي يتفاهم

وعلى سالفة الفطور ما اعتقد ان في رجال يحب زوجته ويخاف عليها بيخليها تروح عشاء عمل

بس حبيبتي اي شي يصير بينكم لا تحاولين تدخلين طرف ثالث سوء من اهلج او من اهله ترى بتكبر السالفة ولا تقولين الى احد حلي مشاكلج بروحج احسن

عندي لج حل يمكن مو نهائي بس راح يفيد بشكل كبير



انج تشركية معاج في كل شئ حتى الشيله اللي بتلبسيها اساليه عن راية طبعا عطية خيارين خخخخ فقط


وقدام الكل امدحية وحسسية انج ما تستغنين عنه ابدا وهو راس المال ( دلعيه شوي واعطية ثقه بنفسه )


ما يحتاج تسلمي على ولاد عمك او خالك بالاسم تكفي كلمة شخباركم او شلونك ابو فلان ( علشان الكلفه )


لان هو يحب يحس انج تحترمينه وتسمعين كلامة وانج تطاوعينة اما الشد معاه ماراح يجيب نتيجة


لان بعده صغير 23مو كبير مثل ما تتصورين


اني زوجي يغار علي وايد لدرجة ما يصير اروح بيت الجيران بدونه في البداية تضايقت واحس انه ما يوثق فيني


بعدين فهمت انه يخاف ويغار عليي فتعودت والحين اقول له قوم وصلني يقول روحي بروحج خخخخخخ

على فكرة نسيت اقول لج اني لسه عروسه جديدة وما كملت سنة بس زرعت الثقة بيني وبينه

انا من رأيي انك تنفصلين عنه من الحين

لأن هالأشكال اذا عطيتيه فرصة بيتعدل وبعدين

بيرجع على ماكان عليه

انتي شوفي نفسك حتى لو تحبينه

بديتي تترددين في علاقتك معاه الأحسن تنفصلين

وترى على فكرة هو عمره صغير 23 يعني اذا المفروض تتزوجين واحد اكبر منك بخمس سنين

او اكثر

لأن الرجال في هالمرحلة العمرية لسى موحق زواج

وبس :)

عروس أحمد;10272970:
حبيبتي شكرا وبصراحة نفس كلام ماما بالضبط وانا حذرة اشد الحذر بعطيته كم فرصة واذا ما تغير مع السلامة بعدني 22 سنة صغيرة وقدامي مستقبل كبير

وش هالتفكير أختي الله يهديك !!!
الزواج مب بالبساطة اللي في بالك ! وأصلا أستغرب من الوحدة اللي تتزوج وما عندها خبر بقيمة المسؤولية اللي بتجيها وتاخذ الحياة كلها تفكير بسيط ..
اكسبيه .. ولا تزيدين المشاكل من الحين .. واذا انتي مب حاسه بحجم الي انتي فيه .. هو وش ذنبه يتحمل تقولين له مع السلامة لمجرد الغيرة في بداية الزواج !
وتقولين حبكم سنتين ! عيل ما عرفتي طبعه من قبل؟ وحتى لو تغير الحين .. يعني فيه فرصة تعدلينه .. ولا تقولين تعبتي ..
الله يوفقك ..

على فكرة انا استغرب من تفكير بعض الحريم وللأسف الشديد اتمنى الكل يسامحني على هذا الكلام اللي راح اقولة

الغالية سالفة وموضوع الفطور بصراحة قوية شوي ... بصراحة مب من عاداتنا ولا تقاليدنا نفطر برع البيت فطور عمل مثلا ... الدوام يا الغالية له حق بس ما يتخطى الحد الاحمر نحن في دوواماتنا شكثر يسوون هالحركات منها بقصر الامارات وومنها بقاعات وفنادق الهلتون والشرتون من كم يوم كان عندنا الافطار السنوي للدائرة والله لو تنطبق السما على الارض ما اروح هذا اللي ناقص ... الغالية نحن عرب ومسلمين اولا وأخيرا اذا تحمل الرجل الدوام وخلاج تروحين فهذا كرم منه بس لا تطلبن منه يتنازل عن حقوقه اكثر من كذا ...

وموضوع الشيلة الملونه بصراحة بعد قوية يا الغالية شو فيه السواد وبعدين لو لبستي شيلة سودة شو فيها ... بصراحة حقة انها يخليكِ ملتزمة بالحجاب الاسلامي وهذا اذا هو ما حاسبك عليه الله راح يحاسبة وبيكون هذا الشي برقبته ليوم الدين ... ولا تنسين أن الحجاب الملون ملفت للأنتباه ... وبعيد عن الاحتشام على الاقل لنا نحن كخليجيين ..... هذا الملون نلبسه بالحفلات والمناسبات طقم على ملابسنا

وسالفة عيال عمج ... بصراحة مب محارمج ويضلون عيال عمج فقط ... على فكرة موضوعج يذكرني بوحدة رفيجتي تزوج زوجها عليها والسبب مواضيع مثل مواضيعج ... تبي عباية مطرزه وملونه ... سوالف مع عيال عمها وخالتها .... بس الغالية شرعاً وديننا هذا الشي ما يجوز وهذا حقة لو قالج ما ابيج تكلمين غير محاومج ... وبس ...

الحين الغريبة واللي انا مستغربة منه حيل ان الانسان اللي يخاف على عرضة يقولون عنه مريض نفسياً ... والانفتاحي بالمرة قلتوا عنه متطور ومودرن يا سبحان الله ليش الدنيا سايرة عكس ...


اسمحي لي يا الغالية ترى زوجج جدا طبيعي وما فيه شيء وبالعكس رجال من ظهر رجال إذا الرجل ما خاف على اهل على مين تبونه يخاف ... وسالفة الصالون اذا يخليج تروحين بالاصل الصالون الحمدالله ... بس عرفي شو السبب اللي يخلية يصر على واحد عن الثاني ... يمكن من الاسعار ... ويمكن في سمعه على الصالون ... او ضامن الصالون اللي يعرفة اكثر من غير وانا معاه في هذا الامر بصراحة الصالونات هالايام تخوف ومالها ضمان

الغالية اولا وأخيرا هذي حياتج وانتي حرة فيها تطلقتي او غيره انتي انسانه كبيرة وعارفة شو قاعدة تسوين عدل بس احذري من اسبابج ياريت الاسباب كانت مقنعة كنا ايدناج واولا وأخير بنظل اعضاء قروا موضوعج وكتبوا رد لا يقدم ولا يأخر والنصيحة اليوم بجمل



العتب

الله يسخره لج ويهديه