ياأهلا بالعرايس الحلوين
اخباركم ايه ؟؟
ان شاء الله تمام
طبعا من العنوان
الموضوع عن القطايف ..
قطايف النهاردة مش حلا
لا بحشوات مختلفة وكلهم الذ من بعض
نجهز العجينة الاول ..
[SIZE=5]مقاديرها ::
1 م ك سكر
كوب حليب دافئ
1 م ص خميرة
2 م ص بيكنج باودر
2 1/2 وب دقيق
2 كوب ماء
الطريقة ..
نذوب السكر في الحليب الدافئ .. وتضاف الخميرة ونتركها 5 دقائق عشان تتفاعل مع الحليب
نخلط البيكنج باودر مع الدقيق ونضيفه لخليط الخميرة وبعدين نضيف الماء ونقلبهم كويس ونحطهم في الخلاط ونخلطهم
نسيبها ساعة تتخمر
وبعدين نسخن طاسة تيفال ونصب فيها مقدار كافي لواحدة القطايف .. انت بتقدريه
ولما تنضج بالشكل المعتاد للقطايف نشيلها من الطاسة لحد مانخلص مقدار العجين كله
نيجي للحشوات
انا عملت جبن شيدر + خلطة البيتزا ( زيتون - طماطم - فلفل - موتزاريلا )
+ لحم مفروم معصج مع حبة فلفل وقليل من الموتزاريلا وبتضيفيها لما تشيلي اللحم من ع النار عشان ماتسيحش اوي
+ خلطة دجاج بالجبن والمشروم
ودي طريقتها ...
نقطع الدجاج وبصلة وحبة فلفل اخضر جوليانو ( شرائح )
مع قطع المشروم
نحمر البصل في الزيت لحد بس مايصفر
ونضيف الدجاج ونقلب كويس لحد ماينزل كل الماء اللي فيه
ونضيف البهارات ( فلفل - كمون - شطة - ملح )
بعدين نضيف الفلفل
بعدين المشروم مع نصف كوب ماء ونسيبها لحد ماتنضج وتنشف تمام
نغرفها ونحط عليها 3 م ك جبن كاسات ونقلبهم كويس
وهنا الحشوات جاهزة للاستخدام ..
نبتدي نحشي القطايف بالحشوات المتنوعة ...
ونقليها في زيت غزير بالطريقة المعتادة
وهنا لما خلصت ..
فتحت لكم واحدة عشان تشوفوها من الداخل طلعت بالدجاج
وعلى فكرة ... طلعت ألذ حشوة :wink:
وبألف هنا وشفا ..
موضوع شخصي
يرجى عند النقل ذكر المصدر
سلاااااااااام
[/SIZE]