تجمع حوامل اللاتي يلدن في شهر فبراير 2010(الجزء الثاني)

ماعليك شر لفلي لولو

وخلي بعض الناس يسون هالاشغال عنك .... خخخخخخخخ

هي كلها كم شهر يتحملهم وبعدها انتى الى تشتغلين وتتعبين بالبيت

تدلعي عليه حبيبتي وماعليك الا العافيه .. وتحملي من الشغل الي فيه

جهد وشيل اشياء ثقيله من الغسيل وتحريك الاثاث

وتسلمين حبوبه ع المعلومات الرائعه الى دايم تتحفينا فيهم

هلا بنات...
اخباركم؟

انا اليوم مزاجي كلش مو شي ووايد نفسيتي تعبانه واااااايد بقد ما تتصورون وامس مانمت الا ومخدتي كلها دموع....
مرات اقول جان زين الله ياخذني وافتك وبعدين استغفر اقول لا عيالي ماقدر على فرقاهم....
والله الي مسكتني ولدي وانه الحين حامل....كل ما اقول الامور شوي بدت اتحسن والحمدالله واقول ان شاءالله للاحسن ترد اكثر من قبل بزياده.....

بنات بسألكم وابي كل وحده تقولي بصراحه>>>>>>>>>>اذا قلتي حق ريلج انا مرتك ولي حق عليك.......واهو رد عليج وقالج >>>>>>يه انتي مرتي !!!!انتي مب مرتي.........................
شنو بيكون موقفكم وشنو بيصير لكم

ماتحسون انه شريط حياتج من يوم ما ابتدى مع ريلج لين هاللحظه يلف في عقلج وماتقدرين تعبرين !!!!

الحالمه
اعجبتني فكره التوزيعات اولا لان فيها اجر لك وثانيا اشكالها حلووه توكلي على الله وسويها

لولي

ارتاحي احسن اك لاحقه على الشغل والكرف والله انا يوم كنت بالسادس اشتغل وااااااتعب حتى مااقدر اقوم من التعب وبعدها طنشت قلت اذا صار لي ولاللبيبي ربي يحفظه شي محد بينفعني

ومشكور ع المعلومات المفيده بس حسستني بالذنب انا الأيام اللي فاتت قعدت 4 ايام ماخذت حبوب الفوليك والحديد والكالسيوم وتنخفخت رجووولي عاد انا شلون عرفت انه سبب التنفخ والألم من سبه تطنيش الحبوب لأني امس لما

اخذت حديد وفوليك خف التنفخ مو راااح بس خف وراح الألم والله راتحت مشكلتي كله اتكيسل هع هع

والعربيه كبيره حييل مو عمليه خبيها لين يكبر البيبي ولاتجيبين اثنين واشتري لك وحده خفيفه وعمليه
وضحكتني سالفه النجار الله يصلحها يمكن من فرحتها مسيكينه ههههههههههههه

أم شيوخ
بسم الله عليك الله يعطيك طوله العمر ويخليك لعيالك.. عادي قلبي محد خالي من الهم ..بس انتي لاتكدرين خاطرك وبعد رجلك ليه يقووول كذا يمكن يمزح معاك ..وانتي يمكن تتأثرين لأنك حامل والله انا من يوم حملت وصرت حساسه وعصبيه ودمعتي على الباب وبسرعه اكتئاب وحالتي حاله مساكين اهلي وصديقاتي كله ازعل عليهم وتحملوو وكله من الحمل ..تعوذي من ابليس وحاولي تستغفرين قد ماتقدرين وتنتبهين لصحتك ونفسيتك والله يهون علي وعليك وعلى البنات

اخباري >>
شريت شغلات للبيبي حلووه من سنتر بوينت اول رحت للي في الدمااام وووع مافيه شي عدل ماشريت الا نعال
ولما رحت سنتر بوينت اللي بالحسا لقيت شغلات تهبببببل عجبتني وشريت كم طقم ولفافات وشنطه واللي احط عليها البيبي علشان اسبحه اللي مث السفره >> ماعرف وش اسمه ههههههههه
والحمدالله التنفخ خف يوم كلت حبوب الفتامين لاني هديتها فتره
والكحه للحين فيني بس اخف وخايفه اروح المستشفى وبالأصح عجزانه بعد وكل يووم ادعي الوقت يمشي بسرعه وربي يهوون علي واولد وارتاح
الله يهون علينا وتقر عيونا بشوفه البيبز يااااااااااااااااااااااااااااااارب

كيفكم بنات

والله عندكم حق الدكاتره صارو بس حق فلوس وبس

مايهتمو بالمرضى الله يصبرنا

لولو ... انتبهي لنفسك حبيبتي انا زيك لو سويت مجهود بسيط على طول اتعب


أم شيوخ ... والله ماعندي الا ادعيلك من كل قلبي حاسه فيكي بس انتي اصبري وادعي واكثري من الإستغفار

السلام عليكم
كيفكم كلكم وكيف الحمل والتعب والنفسيه معاكم
داميا احس بتعب وثقل وعظامي والم باسفل الظهر
وبسرعه بسرعه اتعب مع اقل جهد بسيط وينزل علي متل المويه بس كميه بسيطه
ازا ارتحت ما تنزل ازا تعبت او مشيت تنزل
بس الي مطمني انها كميه كتير قليله
وسرت ما اعرف انام بالليل ولا ارتاح باي وضعيه على طول احس بتعب والم بظهري من النوم
الحالمه كتير حلوة فكرة السيدي كنت افكر فيها
وفكرت كمان بسجادات الصلاه الجيب مع كتيبات متل اداب استقبال المولود وحصن المسلم واشياء من هذا القبيل

ام شيوخ حبيبتي الوحده اشي طبيعي بالحمل تكون حساسه وعصبيه وتكبر الامور طبعا هادا كلام زوجي عني
الله يعينك ويهدي بالك
وانتي لازم تكلمي زوجك وتفهمي انه لازم يكون متفهم وحاسس فيكي اكتر
لانه الهرمونات تلعب فينا لعب كل ساعه بحال

ما اهاب الا من الي خلقني
مباااارك على البيبي الاغراض
عقبال ما تولدي بالسلامه
وفعلا اغراض سنتربوينت الي بالحسا وكمان راس تنوره
احلى وبضاعتهم اكتر وكل شي متوفر ومنظم

>> ذكرى قديمه <<;10642229:
ماعليك شر لفلي لولو

وخلي بعض الناس يسون هالاشغال عنك .... خخخخخخخخ

هي كلها كم شهر يتحملهم وبعدها انتى الى تشتغلين وتتعبين بالبيت

تدلعي عليه حبيبتي وماعليك الا العافيه .. وتحملي من الشغل الي فيه

جهد وشيل اشياء ثقيله من الغسيل وتحريك الاثاث

وتسلمين حبوبه ع المعلومات الرائعه الى دايم تتحفينا فيهم

تسلمين حبيبتي,ههههههه فديته والله مايقصر دوم اطلب منه ويسويها
بس كان بالشغل حتى الطبخ مرات يسويه
هو عصب علية من عرف عندي الم ومتعبة نفسي خخخ

أم شيوخ;10643183:
هلا بنات...
اخباركم؟

انا اليوم مزاجي كلش مو شي ووايد نفسيتي تعبانه واااااايد بقد ما تتصورون وامس مانمت الا ومخدتي كلها دموع....
مرات اقول جان زين الله ياخذني وافتك وبعدين استغفر اقول لا عيالي ماقدر على فرقاهم....
والله الي مسكتني ولدي وانه الحين حامل....كل ما اقول الامور شوي بدت اتحسن والحمدالله واقول ان شاءالله للاحسن ترد اكثر من قبل بزياده.....

بنات بسألكم وابي كل وحده تقولي بصراحه>>>>>>>>>>اذا قلتي حق ريلج انا مرتك ولي حق عليك.......واهو رد عليج وقالج >>>>>>يه انتي مرتي !!!!انتي مب مرتي.........................
شنو بيكون موقفكم وشنو بيصير لكم

ماتحسون انه شريط حياتج من يوم ما ابتدى مع ريلج لين هاللحظه يلف في عقلج وماتقدرين تعبرين !!!!

الله يعينك يالغلا ويفرج همك ويهدي زوجك يارب
بصراحة كلام مو حلو بس اكيد بيمزح ومثل ماقالو البنات انتي حساسة
بزيادة بسبب الحمل
من يتكلم هيك قوليله مااتحمل بياثر علي حتى لو تمزح ولا انت ناوي تاذيني بكلامك!!
اني هم مرات ماانام وابكي حتى بدون سبب كلنا نفس الحالة
لا تهتمين وخلي بالك من نفسك

مااهاب الا من خلقني;10643772:
الحالمه
اعجبتني فكره التوزيعات اولا لان فيها اجر لك وثانيا اشكالها حلووه توكلي على الله وسويها

لولي

ارتاحي احسن اك لاحقه على الشغل والكرف والله انا يوم كنت بالسادس اشتغل وااااااتعب حتى مااقدر اقوم من التعب وبعدها طنشت قلت اذا صار لي ولاللبيبي ربي يحفظه شي محد بينفعني

ومشكور ع المعلومات المفيده بس حسستني بالذنب انا الأيام اللي فاتت قعدت 4 ايام ماخذت حبوب الفوليك والحديد والكالسيوم وتنخفخت رجووولي عاد انا شلون عرفت انه سبب التنفخ والألم من سبه تطنيش الحبوب لأني امس لما

اخذت حديد وفوليك خف التنفخ مو راااح بس خف وراح الألم والله راتحت مشكلتي كله اتكيسل هع هع

والعربيه كبيره حييل مو عمليه خبيها لين يكبر البيبي ولاتجيبين اثنين واشتري لك وحده خفيفه وعمليه
وضحكتني سالفه النجار الله يصلحها يمكن من فرحتها مسيكينه ههههههههههههه

ان شاء الله اريح,اعتقد كل مايكبر البيبي ياثر عليه اذا تعبنا
لان الشهور السابقة عادي كنت انظف البيت والحمد لله ماصار شي
هههههه اي اعتقد من فرحتها
بس حبيبتي ليش تقطعين الفيتامينات البيبي بحاجته لازم تداومين عليه
والحمدلله خف عنج الانتفاخ

cendy;10644920:
كيفكم بنات

والله عندكم حق الدكاتره صارو بس حق فلوس وبس

مايهتمو بالمرضى الله يصبرنا

لولو ... انتبهي لنفسك حبيبتي انا زيك لو سويت مجهود بسيط على طول اتعب


أم شيوخ ... والله ماعندي الا ادعيلك من كل قلبي حاسه فيكي بس انتي اصبري وادعي واكثري من الإستغفار

تسلمين حبيبتي
ها جربتي الادوية اللي كتبتها الدكتورة??

لولو .. لا والله لسى ماجربت تخوف كتبتلي على تحاميل خايفه استخدمها مااعرف

وكتبتلي فوار شكله غريب لونه اصفر وحبوب انا موناقصه ادويه كفايه اللي عندي مااخدتها

ساندي

ما تجوفين شر ,,,,,,,,, انتي وحضش مع الدكاترة

لوفلي لول

أرتاحي ولا تتعبي حالك ... ما بفى الا القليل

أم الشيوخ

مثل ما قالوا الأخوات ...أحنا أنمر بمرحلة حساسة وصعبة ... فلا تتعبي حالك بالتفكير ... كفاية الي فينا

ما أهاب الا من خلقني

الله يهني البيبي بلبسهم ... وأن شاء الله صحتك ترجع الى الأحسن

عاشقة الشهادة

هاي معاناتنا مع الثقل ... ألم الظهر ... النوم الصعب

أما أخباري


اليوم رحت موعدي نتيجة السكر الحمد الله

لكن

الدم واجد نازل

من 11 الى 8,9

أدعوا لي الموعد الجاي يكون أرتفع لأن بيحولوني على السلمانية

وبلوى هالمكان تتعب الوحد أكثر من أتريحها

هلا خواتي شخباركم ... بصراحه الموقع مايفتح عندي في الدوام وعشان جذيه ماادري عن اخباركم ...

اختي ساندي ... على البيبي الف عافية ...

اختي ام الشيوخ ... حطي بالج على نفسج وعلى صحتج ... واقري سورة البقرة يوميا واستغفري يومياً ... والله كريم ان شاء الله ...

اختي ذكرى قديمة ... بخصوص مستشفى حمد انا مااروح لهم إله في الشهر التاسع اذا حولني الدكتور وبس وافتك من الغربال اودي لهم التقارير والصورمالت الاتراساوند ...

بخصوص التوزيعات ... انا بعد قلت باسوي سيديات الرقية الشرعية ... او سورة يس واذكار الصباح والمساء ... وبخصوص التجهيزات ان شاء الله بعد العيد باجهز ... وزوجة اخوي بتروح السعودية عالاسبوع الجاي وبتاخذ لي الملحف ...

السلام عليكم خواتي

شخباركم وشخبار الحمل وياكم انشاء الله بخير انا عن نفسي دخلت السابع والحمدلله واحس ان التعب زاد شوي بس الحمدلله على كل شي وانشاء الله انقوم بالسلامه وبالنسبه للتجهيزات ببدا بعد العيد لاني كسوله واااااااايد صرت اكره اني اروح السوق فقلت خلني اخلص تجهيزات العيد بعدين اتفيج حايق البيبي .بالنسبه لبنات الامارات وخاصة بوظبي حبيت اسالكم اي مستشفى تروحون .

سلااااااااااااااااام بنات

محد فيكم فقدني :))


المهم انا بخير والبيبي بخير

اسمحو لي ع التقصير ما ادخل وايد

مزحومة بتجديد البيت ابي كل شي يخلص قبل العيد

وبعد العيد ان شاء الله راح اجهز غرفة البيبي

وموعدي قريب قولوا ان شاء الله يبان معانا بنت والا ولد لان خلاص ما بقى شي

cendy;10645584:
لولو .. لا والله لسى ماجربت تخوف كتبتلي على تحاميل خايفه استخدمها مااعرف

وكتبتلي فوار شكله غريب لونه اصفر وحبوب انا موناقصه ادويه كفايه اللي عندي مااخدتها

حبيبتي استخدميهم وعالجي نفسك
معقولة يعني الدكتورة عطتك شي يضرك!!

عروس ما تبي تعرس;10646239:
ساندي

ما تجوفين شر ,,,,,,,,, انتي وحضش مع الدكاترة

لوفلي لول

أرتاحي ولا تتعبي حالك ... ما بفى الا القليل

أم الشيوخ

مثل ما قالوا الأخوات ...أحنا أنمر بمرحلة حساسة وصعبة ... فلا تتعبي حالك بالتفكير ... كفاية الي فينا

ما أهاب الا من خلقني

الله يهني البيبي بلبسهم ... وأن شاء الله صحتك ترجع الى الأحسن

عاشقة الشهادة

هاي معاناتنا مع الثقل ... ألم الظهر ... النوم الصعب

أما أخباري


اليوم رحت موعدي نتيجة السكر الحمد الله

لكن

الدم واجد نازل

من 11 الى 8,9

أدعوا لي الموعد الجاي يكون أرتفع لأن بيحولوني على السلمانية

وبلوى هالمكان تتعب الوحد أكثر من أتريحها

ان شاء الله حبيبتي يرتفع للاحسن :)

ورد الخريف;10647615:
سلااااااااااااااااام بنات

محد فيكم فقدني :))


المهم انا بخير والبيبي بخير

اسمحو لي ع التقصير ما ادخل وايد

مزحومة بتجديد البيت ابي كل شي يخلص قبل العيد

وبعد العيد ان شاء الله راح اجهز غرفة البيبي

وموعدي قريب قولوا ان شاء الله يبان معانا بنت والا ولد لان خلاص ما بقى شي

هلا والله بوردة التجمع:cool:
نورتي
ان شاء الله موعد الجاي يبين كلشي وتطلع بنوتة وتبشرينا يارب:)

بنات من فيكم سّرتها صارت مسطحة
اني تقريبا مسطح شكله يخوف خخخ
ويمكن بالثامن يطلع برة اكثر :21_131:
من اطالع نفسي بالمرايا ما اصدق انه هذا بطني هع هع
بس الحمد لله ماعندي تشققات,جلدي له قابلية للتمدد خخخ
وصرت كل يوم ادهن بطني والحلمات بزبدة كاكاو

عاشقة الشهاده;10644998:
ام شيوخ حبيبتي الوحده اشي طبيعي بالحمل تكون حساسه وعصبيه وتكبر الامور طبعا هادا كلام زوجي عني
الله يعينك ويهدي بالك
وانتي لازم تكلمي زوجك وتفهمي انه لازم يكون متفهم وحاسس فيكي اكتر
لانه الهرمونات تلعب فينا لعب كل ساعه بحال

انا مع اختى عاشقه الشهاده

يمكن هو قط الكلام وماحس وانتي خذتيها بحساسيه

ادري كلامه كان جارح .. بس هذا طبع الرجال كلامهم احيان يكون

دفش وخالي من العوااااطف

لفلي لولو

الله يديم المحبه ولا يخليكم من بعض يارب

نور الدنيا;10647168:
هلا خواتي شخباركم ... بصراحه الموقع مايفتح عندي في الدوام وعشان جذيه ماادري عن اخباركم ...

اختي ساندي ... على البيبي الف عافية ...

اختي ام الشيوخ ... حطي بالج على نفسج وعلى صحتج ... واقري سورة البقرة يوميا واستغفري يومياً ... والله كريم ان شاء الله ...

اختي ذكرى قديمة ... بخصوص مستشفى حمد انا مااروح لهم إله في الشهر التاسع اذا حولني الدكتور وبس وافتك من الغربال اودي لهم التقارير والصورمالت الاتراساوند ...

بخصوص التوزيعات ... انا بعد قلت باسوي سيديات الرقية الشرعية ... او سورة يس واذكار الصباح والمساء ... وبخصوص التجهيزات ان شاء الله بعد العيد باجهز ... وزوجة اخوي بتروح السعودية عالاسبوع الجاي وبتاخذ لي الملحف ...

اي والله ارجع للخاص ابرك لى

وجمعت كل الصور الي عندي عشان اويها لهم بالتاسع

زين ماقصصت الصور واستعجلت و حطيتهم بالالبوم

كان راحت علي التقارير خخخخخخخخخخخخخ


لفلي لولو

انا بعد سرتي بدت تبرز لبرااا قبل كانت

غزيره ماشالله هههههههههههههههههه

الحين باقي شوي وتطلع لبرى

يارب متى يجي الشهر التاسع واشوف البيبي

خاطري اعرف شكله .. خاطري احس فيه

يارب انك ترزق كل محرومه يارب ولا تحرمها من هالنعمه

صباح الخير يابنات.....

مشكورين على دعواتكم لي والله انكم خففتوا همي شوي بس انا باقولكم....
انا صحيح حامل والهرمونات تلعب لعب بس انا ريلي اعرفه بادي يتمادى اكثر واكثر واذا مثل ما تقولون انه كان يمزح كان امس رد يكلمني عادي او حتى لو شافني متضايقه جه ولم علي او حتى اتصل فيني وقالي شلونج.....هذا كله مايحصل والله.....انا متأكده انه للحين في احد قاعد يخرب بيتنا وهالفتره بزياده بزياده والله ماتعرفون بشنو احس ......بتسكتين مره او مرتين او ثلاث وكله عشان ولدي والله العظيم بس نفس ماقال يوم اقوله انا مرتك ولي حق عليك ورد علي انه يه انت مرتي انتي مب مرتي خلالالالالالالاص تقولون تلخبطت مشاعري اتجاهه كلش.....اسوي واحط وافعل ويقولي حتى مشكوره ماباقولج
وعلى فكره بعد شغله>>>>>>كنسل حجزي وحجز ولدي حق البحرين....واهو بليلة العيد بيسافر مع رفيقه وانا بتم بروحي ولا سأل حتى بصحتي او بمشاعري.....
>>>>خلوها على الله بس >>>>>مثل ما يبي انا باسوي خلاص اهو قالها انا مب مرته وباصير جي اني مب مرته ...بانظف له وباجهزله ثيابه وكل الي يبيه بس بدون ما يقربني او اقربه...

>>>>>المهم عن تجهيزاتي>>>>>
اليوم اول ما اخلص دوام باروح انا وامي عشان انقي زل حق الغرفه الي بتنفس فيها وباخذ ليتات....وبعدين باروح كذا محل اخذلي قمصان نوم للولاده ويمكن امر جاكادي اشوف حق ولدي شي امس رحت بوتيك عايده وحق الصبيان مافي شي حلو وشفت قميصين بس وايد كبار على ولدي....ولدي فديته طويل وظعيف مب مليان عشان جي قياس 3 يناسبه في بعد المحلات والبعض يجيج وايد وسيع :) وحق البيبي بعد باشوف طقم كامل في جاكادي


تكلمت واااايد انتوا الحين دوركم
>>>>على فكره بنات من يومين بطني وايد يعورني ومره ظهري مادري ليه يمكن من النفسيه

"Lovely LoLo";10647773:
بنات من فيكم سّرتها صارت مسطحة
اني تقريبا مسطح شكله يخوف خخخ
ويمكن بالثامن يطلع برة اكثر :21_131:
من اطالع نفسي بالمرايا ما اصدق انه هذا بطني هع هع
بس الحمد لله ماعندي تشققات,جلدي له قابلية للتمدد خخخ
وصرت كل يوم ادهن بطني والحلمات بزبدة كاكاو

هههههههههههههه عن سالفة السرة

كنت بحملي الاول احاتي انها تطلع لبرى بس ما طلعت

بس هالمرة احسها بتطلع مادري ليش ..

وعن التشققات لا تفرحين من الحين قلبو

التشققات ما تبين الحين .. ولا في التاسع

تبين بعد ما تولدين

انا في تجربتي الاولى كنت اسمع عن سواد البطن وما الى ذلك

وانصدمت يوم شفت بطني بعد الولادة

كان اسووووووووووووووووووووووووووووود اسوووووووووووووووووووود

اسود عدل بس الحمد لله كنت ارطبه على طول وخف السواد بروحه والتشققات البيضاء طلعت لي بس خفيفة

..........................................................................................................

الا وردة البحرين وينهي ما اشوفها عاد كان خاطري اروح البحرين مع زوجي بس متردد يقول انفلونزا الحين ومدري وشو ..
بس ان شاء الله في العيد اروح لان السنه ما راح ازور النبي .. والله يكتب لنا اللي فيه الخير


بنات ادعو لي بظهر الغيب .. اولد طبيعي ولادة سهلة ميسرة

محتاجة دعواتكم