تجمع حوامل اللاتي يلدن في شهر فبراير 2010(الجزء الثاني)

بنات كيفكم اخبار

والله انا خلاص ابغى اولد تعبت اهيء اهيء

اليوم امي خلتني اتنقع في مويه دافيه وملح وقشر الرمان

وقالتلي حلو للإلتهابات بس انا خفت قولولي الله يوفقكم

عادي والله يضر للحامل ؟

مااعتقد يكون ضار كلها مواد طبيعية
والامهات يدرون يعني اصحاب تجربة

الملح وايد زين يعقم ويقتل الفطريات
وقشر الرمان زين يشد الجلد ويقلل الرطوبة اللي تسبب التهابات

طمنتيني الله يحفظك

@ليان@;10609167:
مرحبااا بناات شخبااركم اشتقت لك كثير .. لي اسبوع ما فتحت النت ...
ذكرى قديمة عظم الله اجرك ....

انا بخير والحمدلله .. الوزن زاايد عندي تقريباا 4 كيلوو الى 5 كيلوو ... الكرشة واضحه مره والخصر اختفى الله يرحم حاالي ..
وصرت ثقيله ... واحس بالام تحت اسفل البطن ..
والبيبي يضغط على تحت لدرجة اوقات ماا اقدر اتحرك احس اني مشدووده من تحت ...
ورحاتي لدورة الميااة كثيره مره اكثر من اول .. لدرجة اني ماا اتهنى بنوومتي ...
الله يسهل علي وعليكم يااارب ياا كريم

الله يجزاك خير وارحم الله والديك

عن الخصر سكتى حدث ولا حرج

والاعراض هى نفسها من شد ونفخه

ومايحلى الترفس الا على تحت يعنى اعلى المثانه

الله يعين

"Lovely LoLo";10610870:
مااعتقد يكون ضار كلها مواد طبيعية
والامهات يدرون يعني اصحاب تجربة

الملح وايد زين يعقم ويقتل الفطريات
وقشر الرمان زين يشد الجلد ويقلل الرطوبة اللي تسبب التهابات

وانا مع اختي لفلي لولو

وازيد عليها مغلي البابونج

سمعت انه وايد زين ومعقم

وعن نفسي من اتعب اسوي لي حمام دافي وملح خشن

اقصد الطبيعي ... والله اعلم

مشكوره حبيبتي ذكرى

والله الإفرازات تعبتني

اش اخبار تجهيزات البيبي

انا لسى ولا شي الله يستر

شكلي ماراح اقدر اجهزله شي اهيء اهيء

وانا اللي من اسمع سوق اجري اول وحده افرفر بالأسواق

الا ليت الشباب يعود يوما لأخبره بما فعل الجنين <<< خخخخخخخخخ صرت شاعره اخر زماني

كذا مره رحت السوق

بس ماقدر اخذ شي عدل للبيبي كله اقول انه بينزلون احسن

وبعدين باخذ ... اخذ لي كم شغله رئيسيه والي احسن انها ماراح تنزل

بعد كذا ,, اما الملابس اليوميه والمهادات ماخذت ولا حاجه

بنات جيبولي طريقة حلا قهوه

اهم شي يكون سهل وحطو مية خط تحت سهل وسريع

بليييز اللي عندها لاتبخل علي

>>ذكرى قديمه<<
معلومه وااااااااااايد مهمه ويمكن الكل مب حاط في باله هالشي >>>>>>>>>>>تره الرجاجيل واااااايد يغارون من البيبييز في بعضهم اقل غيره بس ذكرى قديمه حتى بتشوفين اول يوم بيقول حطيتيه جنبج وانا ماقعدتي جنبي او اكا نيمتي عندج وانا ماقلتيلي تعال نام جنبي او صرتي تأجلين مثلا اشيا وايد تهم ريلج بس عشان البيبي.....

>>>>>>>لكم الحل والله>>>>>>
البيبي في هالعمر وخصوصا اول ما يجي بيشرب حليبه وبتبدلينه وبينام بس ما بدورين وراه فا انتي اول ماتخلصين من البيبي تفرغي حق ريلج فراغه عدله وقعدي وسويله كأنه اهو البيبي واذا سمعتي ولدج يصيح لا تشيلينه على طول لنه بيتعود واذا فزيتي على طوووووول وريلج قاعد يتكلم معاج وحتى لو قاعدين جي بيحس بغيره تره وشاركيه بالبيبي يعني انت شوفه شوي وجي لأنه والله انا ريلي كان يغار من ولدي وايد وكان يبين عليه حتى خواته الكبار لين يدلعون وشيلون ولدي كان يغيير يقول ليش تسونله جي بس اهي اول فتره وبعدين تعالي فاججي بين الابو وولده كله مع بعض ومابيعطونج ويه خخخخخخخ :)

عن الالتهاب والله انه يبهدل الوحدده تبهدل انا من اول حملي التهاب وكله تعطيني الدكتوره مضاد قوي لأنه كان يجيبلي الطلق المبكر واذا تم فيج لين الولاده يأثر بالبيبي ....الحين الحمدالله خف علي مع الادويه ومع شرب الماي المستمر ولا 8 قلاصات باليوم فاتعودت :)

بديت افكر بالولاده خااايفه حدي اتخيل اشيا ههههه

كيفكم بناات

والله الوجع يلي خبرتكم عليه ما عم يخف

سالت ماما قالت هذا ثقل ولازم الراحة ..

بدي أسألكم سؤال بس محرجة وخجلت أسال الدكتورة

كل ما اسالها عن الافرازات تقولي لو هي بيضه وبدون ريحة او حكة تبقى طبيعية

بس يلي عم يصير معي انو بشوف افرازات بس وقت الجماع زي قطع صغيررررة بيضة

كانها بتكون جواا وبتطلع وقت الجمااع بس

وبصراحة عم انزعج منها .. وعم استعمل غسول مطهر اسبوعي وواحد تاني يومي

وما عم حس انها بتخف

شو رايكم شي طبيعي ؟؟

ساندي

كثري من شرب الماء حتى لو كنتي مش عطشانة لأنه وابد مفيد ...

أما عن التجهيزات ... أنا من نهاية السادس جهزت الأغراض ... لأن كل ما تتقدم الوحدة بأشهر الحمل ما بتقدر تتشرى على راحتها

أم الشيوخ
مثل ما قلتي الزوج مثل الطفل .... يغار حتى لو من ولده

الحالمة

الأفرازات البيضاء عادية ومن دون ريحة أما أذا صحبتها حكة او لها رائحة هاي ألتهابات

وأذا حسيتي أن وقت الجماع تتعبي أو شيء حاولوا يكون بخفيف ويحاسب خاصة في الشهر السابع

مرحبااا بناات كيفكم ...
أم شيوخ ... والله انك صاادقة .. حتى زوجي من كثر ما انا افكر بالبيبي يقول اذا جا بتنسيني .. وانا اقوول له لا والله .. مع انه هو يبغى البيبي ومتحمس له مره وكل يسولف عنه ..

الحالمه ... ان شاء الله خير اتوقع انه عاادي ... الافرازات اساسا في هالفتره من الحمل تزيد ..

مساء الورد ياقماري
اهم شي يااحلي امهات تكون المنطقة الحساسه ناشفه يعني الله يكرمكم كل بعد دخول للحمام نشفيها تمام وان شاءالله
بتخف الالتهابات

انا عن نفسي لسه ماجهزت ولا شي خخخخخخ

والله يسهل علينا يارب

ودي للجميع

بنات انا رفيقتي عطتني خلطه وقريت عنها انه الزيت زيتون واااايد زين للمنطقه وحق الالتهابات عاد الطريقه اليوم بسويها والي اهي :
زيت زيتون وماي ورد وعصير ليمون شوي من كل شي وتمسحينه بقطنه...
وبنفس الوقت تصفي وتبيض المنطقه
انا للحين بالدوام ومت جوووع باقيلي بعد ثلث ساعه ويخلص دوامي :(

سندي اطلبي طريقة الحلا من قسم المطبخ وايد مراح يقصرون
او ممكن تلاقين موضوع عنه في القسم
والتجهيزات اني بديت من نهاية السادس بعد كم يوم هم اروح اشتري
وبعدها انزللكم الصور ان شاء الله


الحالمة حبيبتي اذا تحسين بألم او حرقة اثناء الجماع لازم تخبرين
الدكتورة لايكون التهاب لاسامح الله


الحمد لله زوجي عادي مايغار
اخاف اني اللي اغار من تدليعه لولده خخخخ
بس اذا ماحاسة بشي عادي
اني هم تصيرلي كذا قطع بيضا

مرحبا كروشات


سلامات وما تشوفون شر يا رب


انا بعد مريييضة والمشكلة ان زوجي واولادي كلنا مرضى يعني المسؤولية كلها طايحة على ظهري :(
امس ابتديت بكحة وشوية شوي صار التطور صداع والم في الجسم والبطن والليل صرنا تعبانييين كثييير واليوم قعدت الظهر والا الزكام واللوز مبدين عندي :(
وولدي العود في المدرسة امس مرض علينا المغرب وصار حالته حالة وخفنا عليه من الH1N1 بعيد الشر عنه لان حرارته وصلت 38.8 بس الحمدلله لما وديناه المستشفى طلع ما فيه شي يخوف ..

الحمدلله على كل حال


وعن موضوع الغيرة انا زوجي يموت على شي اسمه بيبيات يمكن في رجال يخافون يشيلون بيبي صغير واذا شالوه يشيلونه بحذر شديد وأكثرهم يطالعون عن بعد بس زوجي يحب يشيل البيبيات بدون فراش وقماط خخخخ وطبعا على طول يحببهم ويلاعبهم ويبوسهم يعني طول ما هم قاعدين ما يفضى لي ابداااا واذا احد بيغار فهو انا هههههههههههههههههه انتظرهم ينامون علشان يفضى لي زوجي خصوصا ان زوجي في فترة النفاس وما بعد النفاس كل يدلعني ويصير رومانسي معاي يمكن لاني اتركه واروح عند اهلي فيشتاق لي :o

بنات كيفكم اش مسويين

انا الإلتهابات بهدلتني وتنزلي افرازات لونها اصفر

المهم امي قالتلي حطي ملح واله يلهب الله لايوريكم

ام شيوخ

الله يعني ع الغيره ,, انا بروحي شفقانه ع البيبي موت .. وحاسه انى بهمل

زوجي .. الله يعيني ويقدرني انى اعتني بالاثنين .. من غير شي لو طلعت برى الغرفه

شوي سوانى هاملته

cendy

حبيبتى مانصحك بوضع الملح المركز او اقراص ع المهبل مباشره

لانه راح يضرك وماراح ينفعك اذا معاك التهابات .. نصيحه مجرب

الافضل انك ترجعين طبيب لانه اهمال الالتهابات

تنتقل للبيبي