تجمع حوامل اللاتي يلدن في شهر فبراير 2010(الجزء الثاني)

@ليان@;10498077:
مرحباااا بنااات .. شخبااركم ... اانا الدوخه لسى تروح وتجي وعيوني تزغلل شوي ... والحين لي اسبوع تقريبا على هالحال .. الله يعنني ...

لفلي اشتقناالك والله ... ونورتي المكان

تشتاقلج العافية حبيبتي:)
ماتشوفين شر ان شاء الله تتحسنين

victim;10499267:

ان شاء الله كانت زياره حلوه

حمدالله علي عودتج

انابعد اعاني من الالم الظهر مااحس براحه نهاية وقت النوم

مشكوورة حبيبتي
الحمد لله استانست:)

دموع اليتيمة;10501075:
عروس ما تبي تعرس

خذي راحتج في النوم الحين

ترى بعد الولادة ما فيه نوم

لفلي لولو
الحمد لله على رجعتج سالمة اهم شي استانستي

ليان

اذا ما سويتي تحليل دم من زمان روحي تاكدي من نسبة الحديد في الدم ..


وردة البحرين
الالم سابق اوانه صج الحين مو وقته يعني فيه الم طلق كاذب بس مو من الحين

انتبهي وريحي حالج هاليومين

وبالنسبة للتجهيز انا اتعامل مع امازون فيه كل شي تقريبا

مهاوي
خلج نايمة في العسل احسن

تدرين الحمال وراه ولادة

والا بس تبين تعرسين وتقعدين كذا ..

نور الدنيا
ان شاء الله اتربين طبيعي جربي احساس الولادة
القيصرية يبي لها وقت على ما يرجع جسمج لكن الطبيعي
حدج شهرين وخلاص



عادي سالي اللي في بالج عشان ما نتفاجأ
تراني في الولادة الطبيعية حالي حالكم مادري عنها شي لاني بس حسيت بالام الطلق الاولى

الله يسلمج حبيبتي:)(f)

السلام عليكم كروشات فبراير
مهاوي ... اسفه والله ما بغيت احطكم في رعب بس انا قلت الصراحة مابي اقولكم ترى الالم كنه الم دورة .لانه مب جي
لفلي لولو .... مكانج بين والله .. الحمدلله عالسلامة
فكتم ... اسئلي كثر ماتبين لا يردج الا صبعج
والباقي ... اخباركم ... انا ليحين ما شرت الا بدلتين ...للبيبي يعني ... وناويه اجهز على نهايه السادس وفالسابع
لان نص الثامن بنكون ثقاااااال...

اخباركم بنات

شو مسوين


دف جليد

اذا يا سوال بالي ..ولا يهمج بسال

مشكوره كتير كتير

هلا كروشات شخباركم ... بنات اليوم ارجولي وايد اتعورني مادري من شنو بس افخوذي هي الي اتعورني...وبالنسبة حق التجهيزات ان شاء الله راح اجهز نهاية الشهر ...

نور الدنيا;10507346:
هلا كروشات شخباركم ... بنات اليوم ارجولي وايد اتعورني مادري من شنو بس افخوذي هي الي اتعورني...وبالنسبة حق التجهيزات ان شاء الله راح اجهز نهاية الشهر ...

ما تشوفين شر اختي

لوفلي لولو

ولكم باك حبوبه يبان مكانك بالتجمع


وبالنسبه للولاده والامها مادري ليش مابي افكر فيها حاليا

ع الاقل على قولتكم خلونا نايمين بالعسل حاليا خخخخخ

بنات البحرين

بغيت اعرف اماكن التجهيز للبيبيات

ومن فتره فيه وحده تكلمت عن وحده بالبحرين تجهز للبيبي

بغيت اعرف مكانها او رقمها اذا ممكن اعتقد اسمها ام محمد اذا ماخاب ظني

لانى بعد فتره بروح البحرين بإذن الله

ومشكورين مقدما

صبااااااااااااااح الخير

وااااااااااااى

واخيرا حصلت وحده قاعده حزت ما انا اكتب

صباح النور والبنور يافكتم

:21_235:


الله حسب التوقيع دخلت السادس

ونااااااسه


:21_112:

victim;10501339:
صباح الخير بنات

شحالكم شخباركم


دموع..

خلاص بنسالج بعد عن القيصريه .؟؟ ماندري شو بصير لينا تري بعدين

الله يسهل علينا اجمعين يا رب

هههههههههههههههههه حتى القيصرية ما سلمت منج

شوفي يالغالية اول شي صباح النور ..

والقيصرية الم شديد ما تقدرين بدون مسكن الالم بس يعتبر محتمل

والالم يكون وقت اللي تتحركين

يعني مثلا كنتي قاعدة او كيه
بس اي كحة اي عطسة اي حركة تسبب لج الم

في المستشفى كل شوي اطلب ابرة بنج بس اذا طلعتي البيت لازم حبوب مسكن الم

البرد يسبب لج الم حالها حال اي جرح

طريقة مشيتج تتغير السلالم صعب عليج تركبينها واساسا خطير لاه يسبب انفتاح الجرح

طبعا اتكلم عن الايام ال 10 الاولى

بعدها يخف الالم ببطئ شديد لدجة اذكر قعد الى 4 اشهر

واي شي ثقيل ممنوع

اي حركة عنيفة بعد ممنوع

وبصراحة وايد يقولون انها ارحم من الطبيعي لكن انا اشوف انها الولادة

الطبيعية حالة طبيعية بعد الحمال عكس القيصرية

لان في الطبيعية الرحم على طول وقت الولادة ينزل بسبب الطلق وخروج الجنين

غير القيصرية

وطبعا تبقى عملية ويد الانسان متدخلة فيها يعني اما تضبط واما لا

بس الحمد لله
ما صابتني اي مضاعفات

بس الالم ما اقدر انساه خصوصا انج الياهل اليديد تبين تستانسين وياه وتحملينه وتتحركين براحتج

هنيه لا ما تقدرين بروحج لازم مساعدة

وسبب القيصرية عندي كان الياهل معترض

وبصراحة الكل لامني يوم اني رحت المستشفى على طول اول ما نزل ماي الراس

لان قالو الي ان الياهل مع ضيق الرحم وقت الولادة يحاول يتحرك ويفك عمره

بس الله مقدر اني اجربها اول مرة ..

هذا يعني نبذة بسيطة واي سوال ثاني حاضرين


.............................................................................

نور الدنيا
الالم احتمال يكون نقص كالسيوم انتبهي لحالج خصوصا اذا كان عند الحوض

ذكرى قديمة
ان شاء الله بنات البحرين يفيدونج
عن التجهيز ومبروك دخولج السادس وعقبال السابع والثامن والتاسع

دفء الجليد
انا خاطري اجهز وردي على طول بستنى اتاكد من الجنس بعدين يصير خير

لفلي وباقي البنات ما لكم صوت

دموع اليتيمة

تسلمين فديتك والله يكتب لك مافيه الخير

قوووود مورننق بنات.....

بنات انا ابي اسأل كل وحده في قطر اذا شافت في مجمع او اي محل شي عن البحر مثلا لحاف فيه اصداف وجي تقولي او صحون فيها رسمات اصداف وجي بليييز تخبرني بأسرع وقت....

انا قلت اول اسبوع من شهر نوفمبر بتنزل بضايع جديده في ذون وابي اخذ من عندهم حق غرفتي الي بتنفس فيها ان شاءالله عاد انطر واحس الايام ما تعدي الا شوي شوي لأنه ببتدي اصبغ الغرفه بعد واغير الليتات يعني كل شي.....
واول ما اخلص منها لأنها والله مسببتلي ارق باروح على طول وببتدي اشتريلي قمصان نوم وكل شي حقي وحق البيبي بعد ببتدي على طول اول الشهر ان شاءالله....
واخر شي تقريبا ببتدي حق غرفة المستشفى لأنه للحين ما قررت اي ثيم باسويها وقلت باسويها نفس البحر هههه يعني اصداف وجي بس الي عندها اي فكره ثانيه تقولي بليز :)
انتوا شنو مخططاتكم ؟؟

باقولكم شي يضحك خخخ امس ولدي فديته قاعد يضحك ويصرخ مستطرب والا الي في بطني يرفس فوق وتحت ذبحني خخخخخ ولدي يسكت واهو يسكت واذا ولدي صرخ اهو يقعد معاه خخخخ قلت في قلبي الله يعيني اثنيناكم علي الحين بعدين شنو بسوي خخخ...

مرحبا كروشات


يالله بنات اللي بتجهز تراوينا تجهيزاتها خلنا نشوف :D


عن الولادة انا احاتي بعد وخايفة لكن اكثر شي مضايقني هو موضوع السهر بعدين يعني سنة كاملة تقريبا ما في نوم عدل :confused:

ولاداتي الثنتين كانوا الحمدلله طبيعي
البكر تفاجأت في نص الشهر التاسع بنزول الماي ورحت المستشفى وكان ما عندي طلق ولا توسع وخلوني عندهم 3 ساعات نص ما في فايدة لا طلق ولا توسع بعدين الدكتورة قالت لازم طلق صناعي الحيييين وحطولي الطلق اللي يذذذذذذذبح وولدت عقبه ب7 ساعات << معاناة حقيقة ..
وبولدي الثاني ولدت نهاية التاسع وابتدت الاعراض بافرازات كثيرة وشوية طلق يروح ويرد على خفيف بعدين نزل الدم والطلق بدا يحمى وهالشي كان الصبح حوالي 9 - 10 الصبح ورحت المستشفى الساعه 11 وكنت متوسعه 2-3 سم وخلوني عندهم قالوا ولادة خلاص وتميت اطلق واعاني الين ولدت الساعه 6 المغرب << يعني في المرتين اطلق لفترة طويلة :(

ان شاء الله هالمرة ما اطول في الطلق واولد بسرعه :confused:

انا جربت الاولاد طلقهم فعلا مثل ما يقولون حاااااااااااااااااار يذبح ورا بعض ، وخاطري هالمرة في بنوتة عاد يقولون البنية تدوخ طلقها باااارد هههههههههههههههههه

الاسبوع الجاي موعدي ان شاء الله يااااااااااا رب اعرف جنس البيبي وكل في بالي ان بتطلع بنوتة ان شاااااااااااااااء الله .. من اروح السوق دايركت اروح لثياب البنات اموت عليهم وان شاء الله تتحقق امنيتي وتطلع بنوتة واجهز لها على احسن ما يكون :D
<<< ترى مو بس انا وزوجي خاطرنا في البنوتة احنا في العايلتين من صوبي ومن صوب زوجي عندنا شوية نقص في البنات والاكثرية كل صبيان يعني لو اجيب البنوتة الكل بيفرح بها هههههههههههههههههههههههههه

اي صح بنات البحرين
من يومين بنت خالتي ولدت ..
عاد المسكينة راحت السلمانية علشان تولد وظلت عندهم من 9 الليل - 3 الفجر في الطوارئ يقولون ما عندهم سرير واتصلوا لجدحفص بعد نفس الشي ما في اسرّة واخر شي يوم بنت خالتي تعبت عدددل هاوشتهم اختها علشان يشوفون لها حل الا يقولون لهم روحوا مستشفى المحرق :ss: بس وقتها خلاص كانوا يبغون اي حل واضطروا يوافقون وودها في الاسعاف لمستشفى المحرق وولدت هناك عقب ساعتين تقريبا من وصولها ..
عاد رحنا زرناها الله لا يراويكم المستشفى قديم ويسد النفس وبنت خالتي يا زعم ماخذة غرفة خاصة بعد وهالغرفة مأساااااة تلوع الجبد وحتى تكرمون حمامها ما له حل مآسي ..
واحنا هناك زوجي يقول اذا صادف ان تولدين هني ما راح ازورج الا في الولادة وبعدها خلاص ههههههههههه ولا بعلم احد عن ولادتج علشان محد يجي ويتحلطم خخخخ المستشفى بعد وايد بعيد علينا ..
انا قلتله لو يصادف هالشي فعلا مستحيل اجي هني .. جان اعفر عليك توديني مستشفى خاص واولد هناك واخليك تغرم تكاليف المستشفى ولا ان اولد في هالمستشفى ههههههههههههههههههههه

بنات بسألكم
انا من فترة ابتدت عندي كحة معاها بلغم وذبحتني
وحاولت اتحملها لكن ما في فايدة حتى النوم ما انام ، قمت رحت كذا صيدلية لكن ما حصلت عندهم دواء للكحة ويناسب الحوامل
فاضطريت ان اروح المستوصف من يومين علشان يكتبون لي على دوا .. وفعلا كتبوا لي على دواء اسمه ايزبكت على ما اعتقد

بس ملاحظة ان لما اشرب الدواء خلال 5-10 دقايق يجيني مغص في بطني وغازات واروح الحمام ويمشيني بطني ( بس مو مثل الاسهال ) وبعدها خلاص ارتاح (a) والدواء هذا اخذه 3 مرات في اليوم وفي كل مرة يعمل لي نفس الشي .. لكنه من ناحية خفف عندي الكحة عن قبل وصرت احسن :)

سؤالي هو :: هل استمر على الدواء رغم اللي احس فيه عقب ما اشربه ؟؟
انا للحين عندي كحة خفيفة بس ابتديت اتخوف من الدواء انه ما يناسبني او شي ولا ادري هل اواصل عليه او لا ، انا اليوم ما شربت منه للحين ومترددة اقوم اشرب او لا !!

[GRADE="00BFFF FF6347 B22222 FF1493"]
شخباركم رفيقاتي في الحمل

كيف التجهيز معاكم

اني عن نفسي محتارة وش ابدأ فيه

ابي احد يقولي من تجاربه وش اللي احتاجه

وربي يعطيكم العافيه
[/GRADE]

سلااام بنات اخباركم

جهزتو للبيبيز ولا لسى ؟

واش اخبار الحمل معاكم

انا ماصرت انام تمام ولا في اي اتجاه