تجمع حوامل اللاتي يلدن في شهر فبراير 2010(الجزء الثاني)

اخبار البنات ؟؟

تدرون انا من لما وصلت جده ماعرفت اقعد في البيت

كله طلعات زيارات مناسبات

غير اسواق جده اللي مااقدر امسك نفسي عنها

كنت في الصين ابركلي هههههههه

ماكنت اتحمس اطلع كتيير عشان مافي الأهل او احد اعرفه جنبي

وانتو ان شاء الله مبسوطين ؟؟

هاااااااااااااااااااااي



شخبارررررررررررر

اخباري تماااااااااام
حركة البيبي حلوووووة :D
هالاسبوع لازم اروح اسوي تحليل السكر بس مادري متى بالضبط اروح

وصور التجهيزات واااايد حلوة شوقتنا
عوافي ع البيبي لينا :wink:


وعن الاسماء احنا في بالنا حاليا
اذا ولد
علي
واذا بنوتة
زوجي حاب اسم بيان بس انا مو عاجبني وما حصلنا اسم ثاني بديل له

أم شيوخ;10434326:
هايو بناااات....
اخباركم...رحت من يومين اراجع واطمن على البيبي والحمدالله كل شي اوكي وتمام ووديت ولدي معاي عاي يوم يسمع دقات قلبه راح وقال حق ام ريلي دووووم دوووم بيبييي خخخخخ....

>>>>>>>>نور الدنيا<<<<<<< ولدج يحليله كبر ولدي ماشاءالله ....بس باقولج انتي ليش ماتخلينه حزات بدون قاري لأنه كبر.....انا ولدي مو دايما اودي القاري معاي لأنه حزات وبهال سن يبون يمشون بروحهم بس غير اذا وديته الستي مثلا او مكان كبير ....

>>>>>لوفللي لولو<<<<<<<
عن اسم البيبي انا والله عن نفسي ابي اسم (((خليفه))) على ابوي الله يحفظه لأنه ولدي البجر على اسم ابو ريلي فاقلت خاااطري اسمي على ابوي وانا باكون اول وحده مسميه عليه وفي عيلة اهل ريلي محد مسمي خليفه فابيكون سبيشل خخخخخ....
وانتي شنو قررتي وانتوا يابنات..؟؟؟؟

بنات عن حالتي النفسيه وايد تعبانه كلش لأنه المشاكل بيني وبين زوجي صارت اكبر من قبل وتعرفون اذا مرات تدخلوا اهل الزوج شيصير....كنت بارد بيت اهلي من يومين بس الي ماسكني ولدي الصغير مابي يتشتت واهو توه صغير.....البعض يقول الياهل يربى بأي مكان عادي بس ما ابي بعدين اذا صار اي شي يلقى اللوم علي وتبتدي التساؤلات.....فامن جي قعدت مكاني بس صرت على قولتهم شخص ثاني....
ادعوا انه الله يهدي ريلي ويبعد عنه الشيطان ويحنن قلبه علي......

ما ابي افكر بهالسالفه وايد لأنه اتعبني .....اختي امس راحت وعرفت انه البيبي بنت ونااااااسه اقولها نغير كله صبيان هههههه

حلوو اسم خليفة:)
اني للحين مالقيت اسم خخخ
ذوقي مايعجب زوجي و ذوقه هم مايعجبني هههه ماادري شلون بعد
الله يهدي زوجج ويصلح الامور بينكم يارب

والله يتمم حمل اختج على خير:)

عروس ما تبي تعرس;10435386:
اني ماشاء الله من دخلت 22 حركاته زادت من يبدا يرفس مايتوقف ههههه

انا حزات النوم أذا فيني نومة بالقوة أتجيني رفسات عدل


لقيتو اسم للبيبي؟

بنات شو مقررين تسمون؟خاصة اللي عرفوا الجنس


انا أذا بنت راح أسميها جنات

وأذا ولد محمد

وش رايكم ؟

الاسامي رووعة احب اسم جنات

cendy;10435946:
هلا فيكي حبيبتي

الرفسات زايده بس حلو لما يرفس افررح ههههههه

بالنسبه لإسم اله أعلم لسى مترددين مارسينا على بر

الحال من بعضه خخخخ

cendy;10435959:
اخبار البنات ؟؟

تدرون انا من لما وصلت جده ماعرفت اقعد في البيت

كله طلعات زيارات مناسبات

غير اسواق جده اللي مااقدر امسك نفسي عنها

كنت في الصين ابركلي هههههههه

ماكنت اتحمس اطلع كتيير عشان مافي الأهل او احد اعرفه جنبي

وانتو ان شاء الله مبسوطين ؟؟

مافي احلى من طلعة السوق مع الاهل:D
اني ان شاء الله نهاية هالشهر مسافرة تركيا وناوية اطلع اتسوق مع امي وناااسة ههه

ماما حسون;10436181:
هاااااااااااااااااااااي



شخبارررررررررررر

اخباري تماااااااااام
حركة البيبي حلوووووة :D
هالاسبوع لازم اروح اسوي تحليل السكر بس مادري متى بالضبط اروح

وصور التجهيزات واااايد حلوة شوقتنا
عوافي ع البيبي لينا :wink:


وعن الاسماء احنا في بالنا حاليا
اذا ولد
علي
واذا بنوتة
زوجي حاب اسم بيان بس انا مو عاجبني وما حصلنا اسم ثاني بديل له

حلوة الاسامي:)
عاد يلا لا تتاخرين بالروحة حددي يوم
وراح تسوين سونار صح؟

بنات اللي دخلو السادس
زادت عندكم الافرازات و لا ماتغير شي؟؟
هالموضوع شاغل بالي
لان من دخلت السادس الافرازات عندي زايدة!!

واليوم من مسحت بالمنديل حسيت لونه شوية مائل للاصفر
بدون ريحة ولا حكة

هلا خواتي .. شخباركم وشمسويين .. وحاولت اليوم اكتب لك وانا في الشغل بس مادري مايصير ارد ...بنات انا امس رحت الاندمارك وجفت اشياء حلوه بصراحه بس ماقدرت اطول على طول ظهري عورني وراسي تم ايدور علي فطلعت ... قلت خلاص انا لازم ابتدي اجهز من الحين لاني اكيد راح اثقل اكثر وراح اتعب اكثر ... بما انه فيني فقر الدم مع اني اخذ حبتين حديد في اليوم بس مادري ...

مشكورين خواتي عالرد بخصوص القاري ... بس انا ماشاء الله ولدي حركي وايد وايد وايد وشيطان فمستحيل امشي معاه في الستي او اي مجمع بدون عربة وإذا كنت ناسية القاري اخذ له سيارة بس راح ايكون صعب علي القاري حق البيبي وسيارة واكيد الغيرة بعد راح اتسوي سوالف فعشان جذيه انا افكر اتفادى هالمشاكل ...

بخصوص الاسامي ... انا بما انه بيبيي بنوته فمحتارين بين ( ليلى ) على ام ريلي وبين ( فجر ) ... وانا بصراحه الاسمين عندي اياهم عادي وخاصة انه ام ريلي تستاهل الفقيرة وخاصة انه زوجي اكبر اخوانه وهي اتموت فيه وايد ...

اختي لولو ... الافرازات شي طبيعي اذا ماكان فيه حكه او ريحه ... بس لبسي دائما ملابس قطنية وتكون مكويه ...

"Lovely LoLo";10438230:
بنات اللي دخلو السادس
زادت عندكم الافرازات و لا ماتغير شي؟؟
هالموضوع شاغل بالي
لان من دخلت السادس الافرازات عندي زايدة!!

واليوم من مسحت بالمنديل حسيت لونه شوية مائل للاصفر
بدون ريحة ولا حكة

انا من دخلت السادس مافي افرازات كتيير

بس حاسه بحكه مررره متعبتني

هذي التهابات والا ايش ؟؟ طمنوني

وبكره موعدي عند الدكتوره مدري اقدر اروح ولا لا

اختي سندي اذا رحتي عند الدكتورة قولي لها ... لانه هاي التهاب إذا في حكه وريحه معناها التهاب ... والله ايعين الجميع ...

مشكووره اختي نور الدنيا على الرد

الله يستر لو التهابات افففف مو ناقصه

كاندي

استاناسي واطلعي احسلج بس عاد لا تعبين عمرك كتير
عن ترفيسات انا يوم احس يوم ماحس

يعني احسها هاديه او ممكن توضح اكثر لما بدخل السادس


لولفي لولي

اخبارج؟؟
انا محتاره بين اسمين عائشه والاسم الثاني اسم ام زوجي تبيه هو سليمه
انا ماعجبني الاسم.ريلي مايبي يكسر خاطرها..وانا بعد..لو بعد علي الاقل سلامه هه اونه نجدد الاسم..فلا لين اربي بالسلامه ان شاء الله يمكن اقتنع بالاسم

الله كريم

وردة البحرين1;10433101:
مرحبا بامهات المستقبل


انا حبيت تضيفوني معاكم بالتجمع

وآخر دوره لي كانت 20/5/2009 ولكن الدكتوره قالت لي احتمال ولادتي تتأخر اسبوعين وانا الحين ماعرف متى موعدي الصحيح

وعندي سؤال اتمنى تجاوبوني عليه .. صار لي اكثر من أسبوع احس بألم ساعات يكون لا يحتمل في أسفل البطن وأحس ان البيبي وايد نازل تحت ويمكن هذا هو سبب الألم .. بس ما ادري حتى ساعات ما اقدر امشي ولا اقدر اتحرك من زود الالم..

في رايكم شنو هو السبب وشنو الحل؟؟ صار لكم مثلي ولا انا فيني شي مو طبيعي:(؟

اختي انتي نفس موعد ولادتي 24_2

لانج نفس اخر موعد دوره عندي..انا شراتج احس بالالم اسفل البطن وقرب المثانه اكثر شيء
ماروم اتحرك كثير والله نفسي بضبط..كله احس البيبي كانه قاعد هناك...

افضل تخبرين دكتوره

نور مشكوورة قلبي ريحتيني , اني ماالبس غير القطني

.....

سندي حبيبتي خبري الدكتورة لان ممكن يكون التهاب مو زين عالبيبي

.......

فكتم

الاسامي حلوة
لو علي اني عائشة احلى ماادري سليمة اشوي احسها اسم ثقيل للبيبي ههه
بس اكيد انتو شوفو شنو احسن قرار

هلا بنات اخبار الكل


اسمحو لي ما اقدر ارد على كل وحدة ..

ولدي مرة تاعبني هاليومين

بنات بغيت اتناقش وياكم

منو فيكم تمشي من الحين ؟؟

لان المشي في الشهر التاسع ما يسوي شي

انا قاعدة انطر مول يديد وكبير راح يفتح خلال هاليومين قريب من بيتنا

اح احسن من الكورنيش عشتن الجو مرة هوا ومرة غبار ومرة رطوبة

لان في حملي الاول مشيت من السابع او الثامن مو ذاكرة

وصحيح اني ولدت قيصري لكن الالم الطلق كانت عندي مرة خفيفة

مادري هل المشي لين عضلاتي او لان ولدي من الاساس ما كان ضاغط على الحوض فما حسيت بالم

المهم متى مقررين تمشون والمشي تقريبا ساعة في اليوم بعدها اذا حسيتي بلياقة تصير ساعتين

دموع اليتيمة;10440859:
هلا بنات اخبار الكل


اسمحو لي ما اقدر ارد على كل وحدة ..

ولدي مرة تاعبني هاليومين

بنات بغيت اتناقش وياكم

منو فيكم تمشي من الحين ؟؟

لان المشي في الشهر التاسع ما يسوي شي

انا قاعدة انطر مول يديد وكبير راح يفتح خلال هاليومين قريب من بيتنا

اح احسن من الكورنيش عشتن الجو مرة هوا ومرة غبار ومرة رطوبة

لان في حملي الاول مشيت من السابع او الثامن مو ذاكرة

وصحيح اني ولدت قيصري لكن الالم الطلق كانت عندي مرة خفيفة

مادري هل المشي لين عضلاتي او لان ولدي من الاساس ما كان ضاغط على الحوض فما حسيت بالم

المهم متى مقررين تمشون والمشي تقريبا ساعة في اليوم بعدها اذا حسيتي بلياقة تصير ساعتين

اني بالاسبوع مرتين او ثلاث امشي ساعة تقريبا من اكون بالجامعة
بس مرات اروح المول امشي تقريبا ساعتين او ثلاث
يعني دائما احاول اتحرك
بعض البنات يعتقدون ان المشي بس بالثامن والتاسع بس غلط لان متفيد
لازم من البداية

بس ان شاء الله ازيد المشي والحركة من ادخل الثامن

victim
lovely lolo
عروس ما تبي تعرس

شكرا على ردودكم .. أنا قرأت إن في هالفتره من الحمل يبتدي يتوسع الرحم
عشان جذي الوحده تحس بآلام.. ولكن انا مو بكر عندي بنت وماذكر صادني مثل هالألم
أثناء حملي فيها إلا في نهاية الشهر التاسع..
على العموم أنا بكره عندي موعد وراح أكلم الدكتوره بالموضوع


وعلى فكره

أنا صادني بحملي الأول حساسيه غريبه مع دخولي الشهر التاسع ابتدت في بطني وبعدين صارت بجسمي كله
حب صغار وكبار وجسمي صار وكأنه محترق أتذكر رحت مستشفيات خاص وعام ورحت عيادات
جلديه بس ولا أحد عرف شنو هذا .. ولكن كنت اصيح وماقدر انام طول الليل لأن الحساسيه كانت مؤلمه والحكه على طوووول ويوم الي ولدت على طوول خفت الحراره وراح الإحمرار الي في جسمي.. وبعد كم يوم اختفت كلياً اعتقد ان هذي الحساسيه متعلقه بالحمل .. والحين أنا خايفه ترجع لي بهالحمل
أحد فيكم مر بنفس التجربه أو عندكم أي معلومه عنها؟؟؟

هلا خواتي صباح الخير ... شخباركم ؟؟؟... بخصوص المشي ماأقدر حاليا وضع الجنين مايساعد ... وحتى في حملي السابق بعد كنت نفس الشي ومشيت وانا في السابع فمادري اشصار حق الجنين وقال لي الدكتور لاتمشين وخاصة اني قيصري ...

صباح الخير بناااات.....
ماقولكم شنو صايدني من امس
صايدتني حكه غريييبه في كل جسمي.....احك احك وماقدر اوقف مره ظهري ومره رقبي كل مكان حتى وانا نايمه .....الحكه جاتني اول شهرين من حمالي والحين ردت لي بزياااااااده....

ابي اطلع اروح اخذ اوراق عشان تحليل السكر مال الحمل واختي نايمه ماعرف اسوق سيارتها طويله هههه وسيارتي داعمينها من ورى الله لا يراويكم خخخخ....وابي اروح محل توه فاتح جديد مال كراسي وستاير وجي لأنه ابي اغير الغرفه الي بتنفس فيها....عاد ايش تنصحوني احط اي لون؟.....
على طاري تجهيزات المستشفى لقيت ثيم وايد حلو باسويه ولقيت كل الاغراض حتى يوم دورت لحاف نفس الثيم لقيت وايد حلو عاد قلت يومين وبطلب :) وانتوا شنو قررتوا؟

وردة البحرين1;10441059:
victim
lovely lolo
عروس ما تبي تعرس

شكرا على ردودكم .. أنا قرأت إن في هالفتره من الحمل يبتدي يتوسع الرحم
عشان جذي الوحده تحس بآلام.. ولكن انا مو بكر عندي بنت وماذكر صادني مثل هالألم
أثناء حملي فيها إلا في نهاية الشهر التاسع..
على العموم أنا بكره عندي موعد وراح أكلم الدكتوره بالموضوع


وعلى فكره

أنا صادني بحملي الأول حساسيه غريبه مع دخولي الشهر التاسع ابتدت في بطني وبعدين صارت بجسمي كله
حب صغار وكبار وجسمي صار وكأنه محترق أتذكر رحت مستشفيات خاص وعام ورحت عيادات
جلديه بس ولا أحد عرف شنو هذا .. ولكن كنت اصيح وماقدر انام طول الليل لأن الحساسيه كانت مؤلمه والحكه على طوووول ويوم الي ولدت على طوول خفت الحراره وراح الإحمرار الي في جسمي.. وبعد كم يوم اختفت كلياً اعتقد ان هذي الحساسيه متعلقه بالحمل .. والحين أنا خايفه ترجع لي بهالحمل
أحد فيكم مر بنفس التجربه أو عندكم أي معلومه عنها؟؟؟

انا بكرية خيو , بس هذا طبيعي في الحمل سواء ظهور حبيبات او أسوداد في الرقبة او البطن


أنا من حملت قام يطلع لي حب في الظهر ويألمني حطيت عليه كريم مضاد للفطريات بس ما فاد وتجيني حكة , بعدين خليته على الله لا يتشوه لي بعدين لما صغرت الحبيبات قلت بخليها لما أولد راح تروح بروحها

أم شيوخ;10442246:
صباح الخير بناااات.....
ماقولكم شنو صايدني من امس
صايدتني حكه غريييبه في كل جسمي.....احك احك وماقدر اوقف مره ظهري ومره رقبي كل مكان حتى وانا نايمه .....الحكه جاتني اول شهرين من حمالي والحين ردت لي بزياااااااده....

ابي اطلع اروح اخذ اوراق عشان تحليل السكر مال الحمل واختي نايمه ماعرف اسوق سيارتها طويله هههه وسيارتي داعمينها من ورى الله لا يراويكم خخخخ....وابي اروح محل توه فاتح جديد مال كراسي وستاير وجي لأنه ابي اغير الغرفه الي بتنفس فيها....عاد ايش تنصحوني احط اي لون؟.....
على طاري تجهيزات المستشفى لقيت ثيم وايد حلو باسويه ولقيت كل الاغراض حتى يوم دورت لحاف نفس الثيم لقيت وايد حلو عاد قلت يومين وبطلب :) وانتوا شنو قررتوا؟

أنا جتني حكة في ظهري , بس خليتها على الله

أما عن ناحية التجهيزات للحين ما ابتديت كلش , عيارة حدي بس شكلي بخليها لما ادخل السابع أحسن وأعرف جنس النونو

كله أحس فيني النعاس واريد أنام ما ادري ليش أنتوا بعد جيدي نفس حالتي ؟؟

لوفلي لول

دموع يتيمة
نور الدنيا


أحس المشي توها الناس عليه لما ندخل التاسع ايكون أحسن

لان شكله راح ايكون ولادة مبكرة على أساس المشي