@ سوالف نظرتكم الشرعيه @

أحييكِ عزيزتى على موضوعك المرح

زوجى كان جاراً لنا منذ صغرى وكان صاحب لأخى وعلمت من أخى أنه يريد خطبتى
ويوم أتى بأهله ليطلب يدى تمت الخطبة سريعاً بعد اللقاء بيومين وذلك لأنه كان مسافر بعد ثلاثة أيام ' ^ '

ادعو الله أن يهون غربته وغربتى وغربة كل مسلم..

جزاكِ الله خير على الموضوع...

:) نتنظرك أنتِ أيضا يا بنفسج :tongue:

موضوعك حلووو
عزيزتي فكرتيني بأيام الضحك

انا خطيبي (زوجي) ما كان يعرفني لا من قريب ولا من بعيد بس كانت صديقة امي تعرف والدته تقدري تقولي خطبة تقليدية

بس لما جا يشوفني النظرة الشرعية انا خلاااص كان قلبي في ركبي هههههه
كان لبسي كله طويل وكنت محجبة اهلي قالولي ادخلي عليه وشيلي العصير عاد انا ما رضيت من الرعب وقلت لهم خليه هو يدخل بلاش انا اخاف اتوتر واكب العصير عليه هههههه

لما دخل قال السلام وردينا عليه ما رفعت عيني من الارض وقعد اخويا جنبي يتطنز يقولي سبحان الله وين صوتك اختفى مالك حس حتى نفسك ما اسمعه واشفيكم مكسوفين ومن هالكلام حب يرطب الجو فديته والله ^^ قام خطيبي رد عليه قاله بيجيك ما جاني وتتحط بنفس موقفي هههههههههههه يا الله ضحكنا ضحك وقتها وبعدها بأسبوع صارت الخطوبة والحمد لله

ادعولي ربنا ييسر لي امور زواجي ويوفقني معاه يااارب

أنا عن نفسي زوجي ما أعرفه هو يكون صاحب زوج عمتي المهم

أول مره جات بس امه تبغى تشوفني لنه هو يقول ما يحب يشوف البنت الا لازم أول

شي امه تشوفها واذا كانت على حسب المواصفات اللي يبغاها شافها

وبس لمن جات أمه وشافتني وقعدت شويه وراحت وبعدين ما ردوا علينا إلا بعد 4 أيام

تأخرو نحنا قلنا أكيد خلاص مو موافقين بس أمه دقت وقالت بنجي عشان الولد يشوف

البنت وجو طبعا أنا من البدايه قلت لأهلي اني ما بشيل العصير تبوني ادخل كذا وإلا ما بدخل

ههههههه تهديد ودخلت وأول كنبه عند الباب جلست على طول ولا تكلمت ولا كلمه

ولا رفعت عيني وكان معايا أبويا وقعد يتكلم شويه وبس على طول طلعت من الغرفه

وقعدت اسأل أخويا الكبير حلو وإلا عادي ولا كأني دوبني خارجه من عنده وبس

(توته توته خلصت الحتوته)


وهو اول كان أبويا يقول ماطالع ولا رفع عينه بس بعدين سألته شفتني كويس

قالي ايوه ووصفني كمان قلت في نفسي (رجال من نظره وحده يعرفوا الحرمه) ما شاء الله

قلت وأبويا يحسب انه انت مسكين خخخخخخخخ

والله النظره تخوف هههههههههه

الله يرزقني الزوج الصالح

الامومه

om - salma

moon face

سواليف ليل

و الله بردتو قلبي بردودكم
احس عشت جو معاكم

حبيبتي لامومه انا حطيت هالموضوع ابغي اخ منكم خبره
لان باقي ما سويت نظرتي

بس وعد اول ما اسويها اقووول لكم دوووغري

انتظر باقي العروساااات

هلا يالغالية وان شاء الله ربي يتمم لج على خير ونسمع منج اخبار تفرح انا عن نفسي ما عرست الى الحين بس قبل رمضان تقدم لي شخص عن طريق جارتنا يعني ماعرف عنه ولاشي المهم سألناعنه وكان ويوم جمعة باقي كم اسبوع على رمضان وييييييييي شنو خفت خوف مو طبيعي وكنت ابي اطلب التأجيل بس قلت مو حلوة كم مرة بعد بنأجل المهم يوم رعب صراحة يعني انا عن نفسي كانت ثاني يوم من الدورة " عزكم الله" يعني علبة البروفين خلصت من الالم والخوف وغير جذي كنت مارة بالغلط بروح الغرفة البس عباتي وشيلتي وكان بابا لمجلس مفتوح شوي يعني لمحت الولد خذ الخوف بزيادة وغير جذي حسيت بتنمل برجولي والله ما حسيت برجولي مو قاردة اتحرك وكلها تقريبا ساعة كان قاعد مع اخوي واخوي جا وقال لي يلا يبي يشوفج وهني عاد قلبي " د ق دق دق" ورجلي موووت تنملت اكثر المهم دشيت سلمت وقعدت وانا ارتجف من الخوف المسكين شافني جذي يقولي بردانة؟؟؟ وانا بكل برود ارد عليه " اي بردانة " المسكين سكر المكيف وقعدنا في الحر ههههههههههه وسولفنا واخوي يروح ويجي علينا والله فشلى المهم مر الوقت بسرعة وهو راح بيتهم وانا للحين ارتجف من الخوف وامي بعد عصبت تقول لي فشلتينا صج ماتستحين خليته يسكر المكيف وراه خايفة على المكيف ههههههههه يمكن انا تصرفت جذي لاني اول مرة يصيدني جذي بس صج يوم يسجل لج في تاريخ حياتج يعني يوم رعب على حركات هبال وتضحك بس حلو بس ادعو لي ان الله يعطيني اللي في بالي

تحياتي

هههههههههههه
فديت عفويتش يا وجوه الخير

و الله يعطيك اللي في بالك يارب

ادعو لي ربي يتمم لي على خير وبقولكم كل شي :(

الله يتمم لك على خير
يا رب

موفقه قلبووووو

فراوله بارده

الله يوفقك
بس لا تنسين ترجعين لنا
لا تنسينا اذا جا فارس احلامك

اولا مشكوره اختي ع الموضوع الراقي
ثانيا انا خطوبتي صارت بسرعه
ربيعه الوالده تستوي ربيعت ام ريلي ولما شافتني بعرس بنت جيرانا خبرتها عني
المشكله انهم خطبوني ونحن عندنا عزا وما سويت اي شيى بويهي حتى الكحل وقالوا العريس راضي بذوق امه وانا صدقت ويوم زارونا عسب يتفقون امي قالت العريس بيشوفج انا زعلت ونرفزت ومارضيت ترى مب مستعده نفسيا وخواتي كلهم كلموني واقنعوني ورفعوا من معنوياتي
المهم دخل العريس وعقب انا دخلت وانا بموووت من الخوف وما عرفت حتى كيف اعدل الشيله وشعري كان كله يبين من وراء
وهو ماقعد الا 10 ثواني وقام انا انصدمت ليش يعني وايد عليه
واخوي يلس يطنز ويقول اكييييد من الخرعه قام ما رام يتحمل
وبعدها بيومين ملجنا وبعدشهرين عرسنا والحين عندنا ولد الله يحفضه


ارجججوكم بنات ادعوا لريلي ربي يفرج كربته

رااااااااااااااااس مالي

و الله احس احيانا السرعه يكون لها جو خاص

الله يوفك و يسهل امر زوجك


ننتظر الباقي

اناااا يوم النظره الشرعيه ماشفت الا طرف ثوبه .. خخخخخ

ومن كثر ما ارتجف وخايفه ماعرف شيقولون وابتسم ابتسامه احراج عشان ماصيح

.. صج يوم كريه

واذا الله ماراد نصيب مره ثانيه ماااااااراح اوافق على النظره الشرعيه

صج صج شي مب حلو كللللش .. :(


والله يوفقني وجميع بنات عروس يااارب ^_^

انا ما راح اقول له بردانه .. بقول له قاعده احتضر !!!

هههههههههههههههههههههههه
فراولووووووو يعلني اسمع اخبارج الطيبة اليووم قبل بكرة

وييييييييييييييييييييين الباقي ..؟

الموضوع مررررررررررررررررة عجيب ,,,, ردنا حق أيام عجيييييييييييييبة ...


انا زوجي ما كنت أعرفه ولا سمعانه بطاريه أبد على الرغم من انو يصير ولد عم مرة أخووي...


بس قبل ما يطلبني باسبوع سمعت من مرة أخوي تسأل عن بنت بيخطبونها له وبعدين ما صار نصيب ...


اسبوع واتصلوا فيني يكلموني عنه .... سبحان الله النصيب ...

من كثر الخوف صليت لي ركعتين ودعيت ربي يثبتني ويقويني ... " حشى داخلة حربب "" خخخخخخخخ

المهم ... لبست عباتي وتهيأت وانطلقت الغرفة عشان اهو يدخل مو أنا ... خبركم يمكن يغمى علي عند الباب... هههههه

عندي اخت فكاهية ومرحة اهي دخلته وعدلت لنا الجو اشوي ,,, وطلعت ...


تم يتكلم وعينه في الأرض ويفرفر مفتاح السيارة عالسجادة زين ما خربها خخخخخخخخخ


وأنا أسمعه وأتصدد لي نظرة يمين يسار ... بيتنا مصرين آخذ واحد حلو والأهم خشمه طويل عشان ما تخترب السلالة ... فكنت أبي أطمن ...خخخخخخخخخخخخخخخخخ

وكل كلامه كان يدل ويؤكد انه خلاص يبيني ... وآخر القعدة رقمني بس ما رضيت على مود اذا خطر لي سؤال نسيت أقوله أو شي أتصل فيه !!!"" حركاااااااااااات""


اتأخرنا بالرد يومييين عليه شال الدنيا ما قعدها من الأعصاب ...



الله يحفظه لي ويخليه ويعطيني خيره ويكفيني شره ...



أيام أكثر من رااااااااااااااااااائعة