بنات دبي والشارجه ممكن اسماء خياييط يفصلون حلو

ك

كليوبترا

عروس مشاركة

16-07-2003 | 02:38 AM

السلام عليكم والرحمه

بنات دبي والشارجه.....
بليز ردو عليي وبدعيلكم من خاطري أبا اسامي خياييط يفصلون فساتين مرتبه وحلوه وعلى الجسم يعني مقاس الجسم بالضبط.. يعني مب الصدريه وسيعه والظهر نازل والكم راص عدل ووووالخ. ولو سمحتو ابا من اسعارهم انها تكون مقبوله وزينه يعني مب ضو ضو ومب بس انا الي بفصل.. عندي 4 خوات بيفصلون معاي ومعتمدين عليي اني ادور لهم خياط مره يخيط شرات المصممين. وما فيهم على الجاهز لان في بالهم موديلات حلوه.
ابا اسامي خياييط مجربه وعندكم ثقه انه يفصل حلو.
ودلوني موقعه بالضبط لاني ميييييح في الاماكن والمناطق الي فيها الخياييط والخياط مب شرط يكون مصمم ازياء او ضارب توب في السوق يعني المهم يفصل على الجسم والموديل والديزاين الي نحن انراويه :o
لان عرس اختي قريب وانا ابا افصل فستان حلو وشكله راقي.. وحاطه في بالي ديزاين راقي وحلو ولون حلو. الحين بس باقيلي الخياط المناسب مب تعطوني اسم خياط مب مجرب والا مب شي ويخرب لي الفستان. ويقومون خواتي يدعون عليي. والقطعه الغاليه تروح هباء منثورا. الله يخليكم اترياكم وما لي غير الله وانتو اخواتي بليز يا بنات بتسوون خير لو بتساعدوني ويزاكم الله خير بليز لا تحبطوني ابا رد ارجوكم :(
اترياكم على احر من الجمر

ا

القطوة

عروس جديدة

18-07-2003 | 01:40 AM

هلا اختيه كليوباترا
انا بخبرج عن اسامي خيايط انا مجربتنهم وانشاءالله يعيبج
عندج خياط اسبراندو في دبي اللي تخيط وحده تونسيه اسمها امل بس روووعه وحياتج واسعاره حلوة ومكانه صوب حمر عين شايفه فندق ماريوت وراه على طول داخل البنايه ..
عندج سرابيل في دبي شارع الرقه اسعاره جدا معقوله وارخص عن اسبراندو
وعندج ديباج في الشارجه مقابل مركز الفردان واسعاره رخيصه وخياطته اوكي
حاولي تاخذين ارقامهم من البداله عشان تعرفين مكانهم بالضبط جان ضيعتي
اتمنى اني افدتج

l

lura

عروس فضية

20-07-2003 | 08:53 PM

في فالشارجة خياطة تايلندية خياطتها وايد مضبوطة واسعارها بعد زينة بس للاسف ما تصمم
بس اذا وديتلها موديل بتطلعه نفسه واحلى ومرتب على الجسم
وهي في شارع الشهباء في المبنى اللي في محل لورانس للكوشات واسمه رويال تاي

م

ماسة

عروس فضية

21-07-2003 | 02:06 AM

و انا اعرف وحده مواطنه فاتحه خياط و خياطتهاغ رهيييييييييييبة الصراحة...بس لازم اتوديلها قبل بفتــــــــــــــــــــــــره

موقع الخياط وراء مستشفى زليخة>>>الشارجة
و اسمها ميثه حمد

B

Blue Ocean

عروس مشاركة

13-08-2003 | 01:42 AM

:up: very nice

ا

اوبرا

عروس مبدعة

06-11-2003 | 01:10 PM

اختي ماسة
شو اسم المحل لو سمحتي