دفء الجليد;10301795:
اخباركم ...
مبروك الحمل والله يثبت لكم يااارب
الله يعينكم على اللي جاي انا ما صدقت ان الشهور الثلاثه الاولى عدت لاني كنت ارجع بالهبل وترقدت مرتين :(
بس الحين ع خفيف ....
عقبال ماتعرفون شاللي في بطنكم وعقبال الولادة على خير يارب ...
الله يسهل لج حملج وتحملين جنينج بايدينج ويبلغنا وياج هاللحظات..
تسلمين على السؤال..
حلوة مووت;10302449:
هااااي شخباركم جميعا شلونكم...انه والله احس للحين الأمن مستتب بالنسبة للوحام بس خلال اليوم تجيني مرات لوعة خفيفة كأنه شي من الأكل يتحرك في بطني ويرووح لكن الصداااااع ذابحني شاسوي ماقدر اخذ بندول بعد...:(:(
ربي يعينج، حمدي الله انج بكرية وجات على هالشي,, يا رب يتحسن حالج بأقرب وقت ويسهل لج حملج وولادتج..
بالنسبة لي أنا عندي بنت، ولو جاتني مثلها يكون عسلل.. يا ريت بعد كوبي بيست منها..
والله تجنن عصوم الله يخليها..
ولو جاء ولد بيفرح أبو الشباب أكثر لأن خاطره بولد..
لو جات بنت نسميها طاهرة، ولو جاء ولد نسميه محمد بإذن الله.. الأهم يكون سليم الخلقة صحيح وأتحمد ربي مليون..
lilac111
لا تزعلين ما رديت عليج، مو بالقصد، بس الكل مشغول ويا العيد والعشر الأواخر وهيك..
لا تحاتين وهالمرة طمنينا لا رحتي..!
الجداول حلوة تسلم الأيادي يا مخمل ويا انكساري ويا صدى..
عجبتني الصور جداً صدى..
عاد مخمل تصدقين جاني احباط وأنا أحسب لنفسي باقي مشوار طويل ههههههههههه.. الله يبلغنا كلنا..
أنا اليوم وعيت من صباح الله خير، ومادري شفيني مو على العادة، أنا ما أصحى بدري من حملت كلش.. دايماً الرقاد تارس ويهي..
لا ومعدتي شابة نار وحاسة بالحر واللوعة ذابحتني، أخاف أرجع ويطلع شيء من العشاء.. والله ما فيني شدة! خايفة ههههههه
قمت تسبحت قلت يمكن تروح الحرة، أهون شوي لكن اللوعة تزيد وتزيد!!
عصوم وعت وياي وكل شوي تطلب شي.. الحين ماما أمبي ماي، والحين ماما أمبي حليب.. وأنا كلش ما لي خلقها، مسكينة ما لها ذنب..
زوجي راح الشغل وأنا كلش الملل قاتلني ويا هالحالة اللي فيني، والبيت تكرمون صاير مزبلة ما أشتهي أسوي فيه حاجة.. مزاجي زيروووو..
انتوا شخباركم كلكم؟